炙・宴 (MOKO新世紀廣場)

營業中

休息中

放工一條友冇嘢做，去左 Moko 行吓，本來想食嘅韓國餐廳冇位，最後去咗呢一間日本餐廳，完全係因為唔使等位帶着毫無期望嘅心態入去。入到去經理安排咗個位，之後好快就落咗單，叫咗個宮崎和牛 · ABURIEN 豚肉雙拼飯上面嗰啲菇味道重咗啲，但係宮崎和牛入口即溶，好香肉味，味道啱啱好至於個豚肉，果然屬於鎮店之寶，咬落亦都好香，雖然望落去比較油膩，但係食落去感覺啱啱好。飯嘅份量都唔錯，全個飯唔會太鹹，所以其實應該將個菇撈勻啲飯一齊食整體來講體驗唔錯

最近有「蠟筆小新」嘅電影上映，好多食店都同蠟筆小新有聯動活動，見到呢間「炙宴」有活動同埋有禮品換購，梗係去睇吓啦😘不理不理豚腩丼：🐷🐷🐷不理不理豚腩丼將豚肉燉煮至入口即化。當我第一口品嚐這道豚腩丼時，濃郁的肉香立刻充斥了我嘅味蕾。豚肉的質地極為軟嫩，每一口都帶來滿滿的肉汁和鮮味。搭配上軟熟的白飯和微甜的醬汁，特別將個蛋黃撈勻食，每一啖都是絕妙享受，一啲都唔腥。🌟火炙沖繩香豚辣味麵豉豬骨拉麵：🐽🐽🐽我朋友品嚐了呢碗麵豉豬骨拉麵，叫左加大份量分畀我食。🤪這是一道以豬骨湯熬製而成的經典日本拉麵。微辣湯汁散發出濃郁的豬骨香氣，拉麵的麵條本身係幼面，但彈牙有嚼勁，與濃郁的湯汁相得益彰。湯汁本身帶有豬骨的鮮味和辣味麵豉的淡淡鹹香，豐富了整體口感，增添了獨特的風味層次。最後加左10蚊換咗蠟筆小新磁石貼❤️🧒

係moko睇完戲搵野食，見到依間日本拉麵🍜價錢唔貴 、環境舒適，雖然好評唔算多，但都可以試吓結果有驚喜：落單後 ，幾分鐘就上菜，超快👍🏼櫻花蝦叉燒拉麵🍜 $98味道幾好 一個拉麵要有嘅野都齊晒麵幼 、湯濃 、肉唔鞋口照燒雞肉丼 $78外皮香脆 、雞肉香口惹味 ，飯🍚濕潤 ，份量都好足夠依個價錢宜家係大商場🏬入面一間新淨舒適嘅餐廳🍴算係抵食宜家係moko食嘢消費超過$100 可以去商場詢問處領取$50電影🎬coupon ，可以一個月內用，真係幾抵每次去睇戲前或後多數都會行街買嘢，同食嘢，食夠$100再去換$50電影coupon ，不斷循環🔄，依個策略商場商戶、食店、電影院、消費者都有好處

今日黎到旺角搵食，同行友人見到呢間有好多和牛同埋打邊爐嘅相，所以就試下，都有驚喜😋😋😋今次叫左1:特選宮崎和牛飯個牛飯其實都幾貴，要$179未加一，但食落就覺得值得。佢用靚牛，燒得好好，非常有牛味，油脂豐富，入口即溶，而且調味嘅醬汁唔會好濃味，好好味🤤2:火炙牛舌$58呢個牛舌都幾好食，雖然比較薄，但係燒得幾好，調味岩岩好，食得出有好濃嘅牛味同埋爽口👍👍👍3:宮崎和牛拼特上豚肉鍋（壽喜燒）$179友人覺得呢個比起宮崎和牛飯遜色，牛肉味無咁香，同埋牛肉無咁靚，食唔出係和牛咁。建議大家可以叫宮崎和牛飯，值回票價👍👍👍消費價錢：3人800樓下結論：會再食和牛飯餐廳名稱：炙・宴 (MOKO新世紀廣場) (旺角)餐廳地址：旺角太子道西193號MOKO新世紀廣場1樓156號舖

呢個商場入邊咁多食肆，其實本身係冇諗過入嚟食嘅並唔係話佢哋唔吸引，而係因為冇行到嗰個位。好彩朋友同我講話佢哋有蠟筆小新主題嘅東西，所以就去試咗。真心好食好食過啲咁好食嘅豬，因為對我嚟講豬肉就係啲好肥好膩嘅嘢，但呢度嘅燒豬一啲都冇呢種感覺，值得試下。同埋我本身對日式飯係有一種恐懼（與其講係恐懼，倒不如講係欺騙），因為成日覺得佢哋望落個碗好大，但係個份量係唔足夠嘅；不過呢度完全冇呢個問題，佢既飯係到底既，隻碗都冇出術，你絕對可以食飽飽，同埋佢哋唔會限時趕你走。因為呢個關係，所以我已經嚟咗第二次啦，希望下次食燒牛都有驚喜

同家人去咗旺角新世紀moko睇戲,未夠鐘入場去佐呢間舖出面有三隻豬🐷🐷🐷嘅日式餐廳！原來依間出名做火炙嘅便當🔥月見豬腩肉丼(拌生蛋黃) 🐷🥚雖然好heavy ,,但肉質軟熟,唔會燒到好乾,燶邊豬腩肉片配上和風醬油生蛋黃,葱花,連同珍珠米,呢個組絕對冇得輸👍每一件豬腩肉都係比火槍燒過,每每一件都係沾上左秘製醬汁偏甜,再配上蛋這碗豬腩肉火炙丼真係整得非常出色🤤

《炙·宴》📍旺角東站一開始未入餐廳前已經望到有幾隻好可愛嘅燈籠豬掛係門口，下邊仲有一堆火(假的xd），好似想營造一種本店嘅生招牌就係做㷫烚烚燒豬嘅感覺哈哈🐽，果然食完之後Meow小編覺得好滿足，不論燒牛🐮定燒豬🐷嘅套餐都完全冇失望o(^▽^)o💜宫崎和牛丼🐮🥢 💰$149+$12溫泉蛋+$15 味噌湯＆送你沙律套餐Meow小編食評：一上菜就望到啲燒和牛🔥🐮一塊塊以花瓣方式滿滿地舖喺飯面，中間會有啲生蔥作裝飾(之後比我夾走左哈哈)，燒和牛片屬於薄切，好易入口咬開而且肉質鮮嫩，完全唔會覺得靭同黐牙，加埋醬汁再配白飯簡直一流絕配(*¯︶¯*)～由於Meow小編好鍾意食溫泉蛋撈白飯，所以特地加咗溫泉蛋再攪拌白飯一齊食，成個口感變得更加豐富，幸福指數直線飆升(///▽///)幸福指數：😻😻😻😻😻/5💜ABURI-EN豚肉丼🐷🥢 💰$78+$12 半熟蛋+$15 味噌湯＆迷你沙律套餐Meow小編食評：小編通常食丼飯比起豬🐷更加鍾意食牛🐮，但係今次嘅豚肉丼真係有比到驚喜我(⁎⁍̴̛ᴗ⁍̴̛⁎)～首先擺盆方面，燒豚肉🔥🐷同樣以花瓣放射方式擺放，中間放咗啲生蔥，豚肉一咬落口完全唔覺得鞋烚烚，厚度適中，而豬選取嘅

喺旺角新城市廣場搵嘢食～ 去咗依間門口有三隻小豬🐖既餐廳佢呢度嘅招牌係燒豚肉飯🩷🩷好好食😋 熱辣辣另外嗰個係三文魚+三文魚籽我覺得還可以吧套餐仲有沙律同埋麵豉湯

諗住去美食廣場食鐵板燒，點知關晒門，見這間環境無咁迫就試試......但是中......叫咗和牛，豬，鰻魚，價錢唔平，但係d飯淋到似bb飯,不是一粒粒，一pek pek好難食

去開新世紀，唔知食咩好是但揀咗呢間餐廳試吓估唔到有意想不到嘅驚喜Menu都幾多選擇有拉麵、湯麵、烏冬、飯同小食——————叫咗三樣嘢食——————🐷沖繩豬軟骨湯麵＋🥟沖繩豬肉煎餃(2件)另加一隻半熟蛋🥚呢個麵好豐富，本身包埋兩隻餃子埋晒我咁啱都想食吓佢啲餃子開始睇碗麵以為係烏冬，食落先醒起係麵😂麵質軟硬適中，仲配埋薑絲、蔥絲，增加口感豬軟骨煮得好淋，軟骨部分好多😍食落係滿滿骨膠原嘅感覺，好好味餃子皮薄，煎得香脆，細細隻啱啱好半熟蛋夠入味，正常發揮🍜火炙沖繩琉香豚豬骨湯拉麵拉麵一上枱已經聞到湯底嘅香味配料有木耳絲、筍，仲有重點：炸蒜片🧄❤️湯底值得讚讚，非常濃厚👍🏻👍🏻拉麵屬於幼身，軟硬度亦都啱啱好豚肉片肥瘦厚薄適中，大概有3-4塊🫶🏼成碗麵非常滿足🫶🏼最後再嗌多咗個小食厚炸沖繩島豆腐豆腐外皮炸得好香脆，但食落一啲都唔油中間部分保持嫩滑碟邊放咗少少鹽，可以點嚟食配埋蔥花好夾總結💭💭諗住求求其其搵間餐廳食嘢點知食完有驚喜用餐之後填份問卷仲有張$10 coupon送添搞到下次又要幫襯吓啦🤪🤪

🥩🍚 蒜香洋蔥宮崎和牛丼 - 配溫泉蛋($138)宮崎和牛肉質細緻且牛味濃郁，混合左洋蔥及蒜蓉烹煮後，令到當中既味道更加突出，日本米飯香甜，粒粒分明，幾煙韌。當然將米飯連埋溫泉蛋及牛肉三者拌勻，濃稠既蛋汁掛滿米飯，令整體既層次更豐富🥚🎏 特上鰻魚飯（$148）鰻魚肉質肥美且燒到表皮甘香，鋪在熱騰騰既米飯上，濃濃既醬汁均勻沾在鰻魚上，軟嫩無骨，連埋米飯一齊食咬多2下有些少許甜味，真係一種滋味既感覺🥰 原來用日本米煮既飯真係會好食啲😍🔥 火炙牛舌($58)牛舌只係用上海鹽及黑胡椒作調味，燒得夠焦香又無異味，咬落juicy口感又夠柔軟真係食指大動👍🏻👍🏻🐽 沖繩豬肉腸（$48）豬肉腸咬開皮脆多汁，而且味道帶有一種獨特既甜味，推薦大家一定要試下🫶🏻🥟 沖繩豬肉煎餃($48)餃子煎得夠香夠脆，夠juicy，味道上都唔錯☺️🍹 熱香桃檸檬茶&芒果熱情果梳打（$38/款）清清既香桃味加埋檸檬茶味道夠夾，飲啖梳打，感覺完全不同，熱情果中既酸、甜、香味同時刺激味蕾，飲落又消暑解渴。正喎🤪

俾佢門口啲豬豬招牌吸引左 🐷全部都掛喺天花版好得意😚餐廳有大量梳化位，位置寬敞，食物和服務質素算高質♥️值得一試🔔火炙宮崎和牛拉麵 $128 ‼️推介‼️好正‼️和牛切到好薄😆搞到入口半溶🤤生熟度剛好♥️油脂分佈都平均😭 拉麵湯底都好濃郁，但食落就慢慢偏醎，拉麵份量比較少，有機會唔夠飽，味道一流💯特上鰻魚•照燒雞肉 $118 🍱鰻魚大件抵食💯 肉質軟淋再淋上燒汁，十分惹味‼️ 燒雞肉質偏滑，不過可以再多少少醬汁😋白飯選用珍珠米🍚配搭菇菌和蔥絲口感一流唔錯✌🏻麵豉湯少鹹, 沙律菜份量適中和新鮮🥗🔸收加一服務費 +10%📍炙・宴 (MOKO新世紀廣場)旺角太子道西193號MOKO新世紀廣場1樓156號舖

今晚MOKO睇戲，老公指定睇Slam Dunk前要食呢間牛肉飯其實我之前係荷里活分店食過，對佢印象就係貴格唔飽份量極少（個鍋兩啖冇咗），但既然老公指定咗，我就嘗試撇開偏見比次機會特選宮崎和牛飯👍確係用靚牛，牛有牛味，油份剛好，醬汁入味唔過鹹👍實物同圖冇出入，應該話實物仲靚過圖👎呢兜嘢咁就179，計埋加一後就200蚊，有d肉赤（雖則唔係我比）ABURI-EN豚肉丼👍實物同圖一樣咁大片豬肉👎同和牛相比之下，呢個豚肉頓時失咗色沖繩風炸豬肉芋蓉餅👍芋蓉幾濃厚，冇溝粉👍係全店最平的食物👎豬肉比例多，搶咗芋頭味總結：味道係ok，價錢太貴，只係一人一碗飯加件餅，加一後兩個人就食咗300幾蚊，所以唔捨得係openrice比個笑哈哈佢，比個OK佢啦🙊

今日去咗帝京staycation，喺moko商場搵食，搵食時間around5點，想睇吓邊間餐廳可以用午餐/下午茶優惠食好d，左揀右揀就揀咗炙·宴，佢嘅午餐可以去到5點半，非常好。先介紹兩個主食，分別係沖繩豬軟骨湯麵+飯糰同埋豚肉丼。一嚟到個樣有d失望，好似好齋咁，豬軟骨又少，只有3舊，不過食落有驚喜，湯底有淡淡魚湯味，配襯住煙韌嘅麵條，又幾好食，至於飯糰，中間夾雜紫菜碎，無乜味道。豚肉丼，好惹味，d汁香濃，每塊豚肉都有燒過一次，非常好食。最後套餐加咗18蚊嗌埋個和牛薯餅，好脆，不過牛味唔夠出。埋單總數222，不過不失。

$179和牛拼豚肉一人鍋 牛肉得兩塊 豚肉得三塊加咗個10蚊升級烏冬 烏冬竟然比半個食完係冇感覺 份量少到可憐 成鍋成本都唔知有冇50蚊 哭咗兩個人埋單416蚊連加一 豬骨湯底冇味 壽喜燒湯底好鹹