炭 (已結業)

這間居酒屋不是朋友介紹真係唔識去😅佢位於銅鑼灣一期對面的一條巷仔，商廈的上樓舖，位置其實都方便，但平時經過唔會留意。餐廳很闊落，環境充滿日式風味，牆上有各種日本酒，更設有吧枱可欣賞師傅燒串燒，有點置身日本居酒屋的感覺，相當有氣氛。食物質素相當不錯，推介燒牛肋骨，肉質鮮嫩，牛肉味很重👍🏻不能錯過的鵝肝雙蛋飯，又肥又厚的鵝肝，好邪惡呀😋😋我哋3個人分享一碗剛剛好，非常滿足炸䲞魚也是必食推介，新鮮魚連魚鱗炸，酥脆美味燒日本青椒仔，外皮爽脆，裏面多汁又清甜，加上木魚碎，特別滋味清酒煮蜆，蜆肉雖然不算肥大，但很鮮甜，加上清酒上湯，都可以一試。鹽燒椰菜仔配白松露油，食咗咁多肉，配這個菜中和下，減低飽膩感😊最後來到居酒屋，點可以冇酒呢 ~~ 我叫咗杯日本 Suntory 生啤，綿密幼滑的啤酒泡，十級滿足。

原來要二百個字先可以比個喊喊。首先入口已經係一個伏字。入門覺得冷氣唔夠，然後既然識串燒，梗係要睇吓個爐乜樣。竟然第一眼就見廚師喺度用火槍燒爐上邊嘅串燒，老老實實我真係第一次見。好⋯當我見識淺，既然嚟到都試一試。落單叫咗十幾串，因為之前去咗Happy Hour，所以趁機會去洗手間。前後唔夠幾分鐘，一出嚟已經上了幾串，真係不得不讚佢哋嘅效率（曲）。咁有誠意（繼續曲），食物當然比一般更一般。早後，隔離個冷氣機開始不停漏水，地上兩三尺水氹冇人處理，完。

每次去完銅鑼灣行街，都會嚟呢間居酒屋食晚飯，貪其地點方便，位於銅鑼灣廣場一期對面，而且地方闊落，買完野一袋二袋都唔使驚。今次同埋兩個女朋友上嚟，由7點坐到10點幾，慢慢食慢慢傾，一個滿足的晚上。今次叫咗以下幾款食物，咁多年都保持水準，食完回味無窮👍🏻👍🏻一坐底先叫兩個頭盤，燒雞泡魚干和蟹子蟹柳沙律。前者燒得香甜惹味，後者的沙律菜很新鮮，食完特別開胃。另外，燒牛肋骨絕對是今晚驚喜之作，要讚師傅的燒烤技術，生熟度恰到好處，肉質鮮嫩，入口即溶。招牌菜 — 羊扒燒及鵝肝雙蛋飯也是Must-Eat items，食完成個人滿足哂。最後再點了吉列炸蠔和燒年糕，炸蠔勁酥脆，燒年糕就煙煙韌韌好得意。

呢間居酒屋既串燒水準真係吾錯！特別係牛舌，不論口感同味道都好正！👍🏻佢啲燒扒類都正！全部都燒到5-6成熟！燒粟米佢會配埋自家製既香草牛油比你搽尼食，真係香勁勁勁多🤤👍🏻相當出色嘅仲有燒手打墨魚餅配明太子醬，個墨魚餅幾彈牙，而最突出嘅就係個明太子醬，真係有勁多明太子😍👍🏻炸物方面呢度嘅炸𩶘魚同炸多春白飯魚都好好食，全部火喉都恰到好處，炸野吾會太油！不過略嫌炸多春白飯魚個炸漿吾夠鬆脆，同埋放一陣就”林”，有待改善🙈但個白飯魚超級多春，好正！送酒一流！另外，中意食鵝肝嘅可以試鵝肝蛋飯，件鵝肝幾厚🤤店員會幫你撈混晒佢地尼食，唔想撈混既記住要講聲😛不過自從轉咗師父之後，有部份串燒我覺得差咗，例如燒雞心同雞腎都有陣不太討好嘅雞羶味，雞掌肉又太咸，厚燒牛舌雖然都仲係好食嘅，但都真係冇之前咁出色，有少少失望...雖然相比之前真係差咗少少，但以香港日式居酒屋嚟講，呢間嘅出品都仲算係中上，而且座位方面又唔會太逼，坐得幾舒服！鍾意食日式串燒，又想搵個地方同朋友飲下啤酒吹下水，呢度絕對滿足到你😚記住記住！必食佢既燒牛舌！真心夠厚夠味又夠爽！😍👍🏻

舊同學聚會，有人推介去呢間位於銅鑼灣的樓上舖居酒屋，地點算方便，地鐵站出口過條馬路就到，但大廈入口環境就麻麻，喺翠華旁的後巷，唔起眼，初時都驚會唔會中伏😅，不過入到餐廳，出奇地闊落舒適，坐我地旁仲有枱日本人，即刻放心哂，仲有D置身日本嘅Feel🤣食物方面，真係冇得彈，樣樣都好好味，串燒有好多選擇，推介炸䲞魚、燒牛脷丶燒手打墨魚餅丶燒羊扒丶燒油甘魚鮫、鵝肝雙蛋飯，全部用料唔差，下次一定會再嚟😋

聽聞好難先訂到台，朋友話有位即刻跟黎試。香港已經好難搵D炭燒既串燒，呢間餐廳做到真係好有heart，每樣串燒既都脆口，仲有濃娑既炭香味，完全有置身日本居酒屋既感覺。食左佢既雞泡魚，甜甜地又香口，又有得咬下又吾難咬開，好食。仲有雞掌肉，一上碟已經知道佢會係好好食，燒到脆卜卜，再配埋個汁，不得了！佢樣樣串燒都燒得好靚，1定會再黎試埋其他串燒！正

一段時間冇來幫襯，今次同幾個外國返來的朋友聚會，想搵個地點方便，又可坐耐些傾偈的地方，就諗起這間位於銅鑼灣上樓的居酒屋串燒店。入到餐廳，環境依舊闊落，不過感覺有些煥然一新，原來佢地之前翻新過，光猛咗及冇咗油煙味，店主說原來他們做了差不多11年，所以要執一執，能夠在銅鑼灣屹立咁耐真係唔容易👍🏻食物方面，食完又令我再次愛上佢💕~~我地叫咗很多串燒，值得推介是燒牛脷，肥美又惹味，鵝肝雙蛋飯就保持水準，另外最有驚喜是燒油金魚鮫同岩鹽燒喜知次，前者肉質鮮嫩，連骨都要舐埋(但忘記了影相😅)，後者個樣雖然有些醜樣，但估唔到勁鮮味，仲有一個訂先有嘅海膽炸蛋，係佢地自創嘅菜式，估唔到炸咗嘅流心蛋同海膽可以咁夾😋😋好滿足的一餐總括，呢到係一班friend食嘢、飲sake、吹水嘅好地方，推介👍🏻👍🏻👍🏻

其實一間食店 食物質素緊要 服務嘅態度 好唔好， 一間成功嘅食店 都係取決於 佢可唔可以 有回頭客， 儘管 美食當前 質素其高 點解我仲要去畀人鬧， 今時今日 位處於銅鑼灣鬧市之中 日本串燒店 成行成市 呢間食店嘅價錢 又唔係化算 都唔明點解 佢仲可以生存到。有一個夜晚如有人試下呢一間 日本串燒店 我個人覺得 質素普通 食物唔差 但係唔係特別好食 冇裝修， 位置一般， 但係 服務生態度 非常之差， 已今天的消費指數 五百蚊一位晚膳 其實一啲都唔算經濟 如果 對服務態度有要求 都係過份的話 咁我寧願去食 連鎖快餐店

同老公拍拖行街，去銅鑼灣想搵間好坐，可以傾下計、冇分時段、又唔會趕你走嘅餐廳，朋友介紹呢間上樓嘅日本串燒餐廳。位置算方便易搵，地鐵站C出口，過條馬路行前少少就到。入到餐廳十分驚喜，感覺似去咗日本的居酒屋，雖然當晚差不多滿座，但地方都大，算坐得舒服。佢個前菜好味，係好淋好入味嘅牛脷，但可惜唔記得影相。之後再點了些串燒，推介燒牛脷，第一啖有驚為天人的感覺🤩，牛脷軟嫩多汁，外層燒得好香，必食！另外，鐵板美國牛腹肉、炸䲞魚和鵝肝煎蛋飯，都好好味👍🏻👍🏻👍🏻冇介紹錯🤤令人回味嘅燒牛脷😋😋😋燒粟米夾埋嚿香草牛油都幾特別鐵板美國牛腹肉好淋炸䲞魚連魚鱗一齊炸出奇地好味鵝肝煎蛋飯，最後我哋食唔曬要攞走，下次要留肚食👍🏻👍🏻👍🏻另外我地叫了一支柚子sake，好新鮮嘅柚子味，好啱女仔飲，不過我老公就話麻麻。最後埋單每位約$500，以食物質素，我同老公非常滿意，值得推介👍🏻☺️

上星期是我的生日，經由朋友介紹認識這間餐廳，我們就選擇了在這裡慶祝，但當晚卻遇到十分不開心的經歷，我們是訂了晚上七時的台，當晚都坐滿了人，我們叫了十款東西，下單半小時都沒有東西吃，叫了那個女侍應幫忙卻又黑口黑面，到食物終於來了，卻發現不新鮮，燒牛肉過熟很難咬入口，雞翼的皮雖然香脆但已很乾，完全沒有肉汁，煎餃子的皮很硬，很乾，而且還很咸，食飽後走出餐廳才發現通風系統不好，食完一身都是油煙味，下次不會再去！

其實平均每幾個月都去一次，最愛鵝肝雞蛋飯（推介），厚厚脆皮鵝肝與半熟蛋混合，真係人間美食！其他串燒都係用炭燒，好有heart，口感脆口，味道香濃，好有日本居酒屋既感覺！得意推介有雞掌肉，燒到脆卜卜，加上日式燒烤汁，咬落去彈牙，感覺有d似燒香左既冇骨泰式鳳爪！另外唯一唔推介既係雞翼，雖然燒得好靚，但味道就.....因為好重雪味！環境方面，因為係炭燒關係，空氣比較差，通風系統唔夠，所以食完飯番到屋企都仲聞到自己既炭燒味。

朋友食過話好好食，所以即使地點係我最討厭既銅鑼灣，都決定一試。可惜最後都係失望而回。首先一去到，已經打左個突，門口超大個字寫只招待會員，又係呢啲拎會所牌做生意既古惑野，我估唔到銅鑼灣區都會有，度門仲要鎖住要禁鐘，一禁鐘有人打開門口窗仔睇左你係咩人先開門俾你，唔講以為自已去做賊... 入到去，環境算ok，坐低左叫左支清酒，飲左兩杯準備叫野食，點知個侍應話今日有一個爐壞左，啲野可能會耐少少，問我地趕唔趕時間？唔趕時間先好叫... 我心諗，點解你唔係我地叫酒前講，我酒都叫左如果趕時間係咪可以唔飲唔俾錢轉去食第二間？呢個時候先問真係有點多餘囉...講下啲野食啦，失望位真係好多：1. 燒茄子：超快到左，好明顯係一早整定跟住微波爐叮番熱，熱到出晒煙既... 我真係接受唔到咁拿西既質素2. 燒青樣仔：一樣，好快到左，明顯燒得唔夠3. 燒尢魚筒：個size係平時街市賣廿蚊三條既size，手指公粗少少... 我朋友話上次食成隻碟咁大，可能而家休魚期？如果係咁我寧願你唔好賣啦，當無貨咪得... 咁細條你又無收平啲4. 燒多春魚：呢個係正常既，問題係價錢，$3x一條，如果唔係朋友想食我先唔會叫... 痴線！

實在太過鍾意食串燒或爐端燒，明天要出差，今晚決定唔煮飯出去食多次。再次來到最熟悉的銅鑼灣搵食，雖然是七點多的晚飯高峰時段，竟然出奇地可以六點幾打電話去仲訂到枱，還有兩三間可供選擇！可能正值星期一，很多人在周末已經玩到天昏地暗，禮拜一又是假期後的第一個工作日，全部唔係要OT就係返屋企食飯。左揀右揀，無心插柳下選擇了「炭」。餐廳地址在駱克道，毗鄰另一棟食廈「駱克駅」。本來以為好容易搵，但係去到 openrice 所指示的地址，竟然是佔據地下至3樓共四層的「翠華」（即是以前「富臨飯店阿一鮑魚」的地址），卻見不到任何大廈入口或者電梯大堂。打開 Google Map 利用 GPS 確認一下地點位置，確實冇去錯地方。正在猶豫之際，發現旁邊有一條橫巷，窺看一下，竟然有光線從一棟大廈入口滲出來。心中不禁想：「唔會是這棟大廈啩？」事實往往就是出人意表⋯⋯去到這棟商業大廈的所謂正門，根本沒有什麼電梯大堂，更似是大廈的後門，甚至連後門的上落貨大堂都沒有，更加離奇的是只有一台非常普通的載貨電梯。再看一下那個有點破舊的水牌，顏色最搶眼的是一間迷你倉，其餘全部都是顏色暗淡低調、只有幾隻日文假名、兼完全沒有任何食物

老公話佢好耐之前食過，覺得好食，我又心血來潮想食串燒我地嘅最愛，非牛舌莫屬喇厚切，燒完都係咁 juicy，好味到震燒雞翼燒雞皮係老公的，佢好鍾意，話好脆燒雞軟骨係我的呢個牛好淋！正

聽朋友講呢間店好出名, 所以一早訂咗位, 諗住同朋友慶祝生日. 接訂座電話的小姐態度已經麻麻地, 不過都無乜所謂. 即管去試下. 當日我地搵咗一段時間都搵唔到個入口, 又無指示. 結果要打返電話去問路, 點知又係個位小姐, 態度仍然很差. 原來係後巷個度入去, 唔問的話其實都幾難搵. 首先講下好味的:1) 牛脷串燒 ($58) - 厚切, 而且很多肉汁, 不會太淋亦不會太硬, 算是整晚比較出色的食物2) 燒栗米 ($35) - 粟米夠甜, 而且沒有燒焦和不會乾3) 燒雞心 ($30) - 份量比較少, 但燒得很香而以下呢幾款卻是令人失望的1) 燒蒜香黑豚配蘋果醬(鹽燒)($108) - 滿有期待. 但上碟的豚肉卻太肥, 油份太多, 其中有幾件更是一有半以上是肥肉, 蘋果醬本身可中和膩的感覺, 可惜實在太油. 即使有蘋果醬亦感覺太油. 另外肉質太淋, 沒有豚肉應有的口感2) 燒磨菇 ($23)用鍚紙包好的磨菇, 很普通而且沒有香味 3) 岩塩燒喜知次 ($98)其實是一味橙紅色皮的魚. 肉質算是不錯, 可惜沒有魚類應有的鮮味, 如配附上的醬汁還是不錯的, 可惜卻不是預期中魚的鮮味4) 燒