炸理滷味 (已結業)

睇雜誌見到原來旺角鬧市中開咗一間懷舊特色小食店，響睇戲之前我同朋友又來一探究竟！很遠距離已經見到招牌好光猛！好似啲懷舊戲院咁！好易搵！一邊只有幾個高座，相信都係俾人速食或者外賣為主。不過牆身的確有好多懷舊唱片，收銀處旁邊仲有一個懷舊影音機。全程播放住一啲懷舊金曲。呢度全部都係小食，只有炸物同埋滷水選擇。如果點雞脾的話仲有套餐。價錢算好抵！我哋試咗幾款炸物，有玉子翠玉瓜墨魚腸同埋豬腩肉，仲有fish & chips。其實全部炸物感覺都唔太油膩，個人應為炸墨魚腸最出色，墨魚汁味超香，玉子外脆內軟。炸魚較乾身，薯條夠脆口！枱上面仲有各款調味料可以用來點炸物來食。炸物雖然唔錯， 但我同朋友覺得呢度嘅滷水更加出色！我哋後悔只係叫咗兩款！滷水大腸同埋鴨腎。超級入味而且煮得好淋。滷水味又香又甜！雞髀份量超級大！好厚肉！外皮炸得好香脆！不過如果雞髀淹得入味啲會更好。雞髀套餐嘅荔枝梳打亦都好好味，不太甜，好夠氣！呢間以懷舊主題嘅小食店感覺好特別，食物選擇雖然唔係好多，但味道不錯，尤其係滷水小食！真係睇戲前嘅一個好去處！

呢間鋪頭裝修懷舊，有特色。店內食物以滷味同炸物為主，仲有好多唔同種類飲品及啤酒供應。今日口痕就食左個炸雞比（$28），加$10有特飲冇理由唔加埋啦。雞比標榜即炸所以要等陣，所以飲杯嘢先。青檸話梅梳打：炸物的好拍檔，酸酸甜甜又有汽，nice!等左陣雞比ready了，用兩支竹籤支撐住，咬落去好juicy，雞肉都酸入味，唔會過鹹。檯面有其他調味料可以加，我就加左茄汁同辣粉，再惹味d wor!店內不設座位，要立食，亦要自行清理乾淨至走，記得做個有品格的食客哦

在旺角馳名炸魚蛋店「林X記」的旁邊，最近又開了一間新的小食店，店名有點踩界，游走於文雅與粗俗之間，叫做「炸理滷味」。單看店名的讀音，我不期然想起它的諧音有點像，開飯網最忌諱的粗俗髒話。這店名的髒話諧音，恐怕要勞煩近期擅長流行髒話學問的「Ben Sir」歐陽博士，用拍掌聲找替髒話位置，才能具體傳神地表達出來。事實上，「炸理滷味」店名四大字，分別代表店內兩大代表食品。「炸理」即是街頭炸物小食，「滷味」當然不用我再多花唇舌來解釋。很多人都喜歡「滷味」的濃烈滷水醬汁醃味，不少人去台北旅行，都是為了品嚐台北市有名的街頭滷味小食。「炸理滷味」刻意把店內裝潢，打造成懷舊復古的港式街頭風格小食店，店內裝修、擺設和牆壁的主調綠色，正正吻合香港舊式街坊食店的格調。店內奉行「立食」和自助「快餐」制度，餐具為即用即棄餐具，食客用餐後要自行收拾和丟掉垃圾，跟現在大部分旺角街頭小食店做法都差不多，亦有利店內的清潔打掃，連店員都可以省下不少店舖的工作。「炸理滷味」有大大小小，不同款式的油炸小食，價錢還勉強可以稱得上是合理的價錢，如果你有穩定經濟能力的話。當中我看到還有一些平時少見的創意炸物小食，可惜今次只能選一款炸

經過旺角掃街,比呢間''食字''既炸理滷味吸引左入去.店內裝修走懷舊風,瓷磚牆,木枱.仲播住懷舊金曲,與友人唱住朗朗上口既歌詞, 食左個開心既teatime.         我地先叫左兩杯梳打特飲, 我果杯青檸話梅梳打好正,同炸物,滷味一齊食,可以清爽解膩.炸理五串有五串炸物,和牛粒,黑豚五花腩,多春魚,南瓜,仲有我仲鍾意同推介既墨魚汁香腸.炸漿夠薄, 墨魚汁香腸少見特別,好香口又肉汁豐富. 店面有辣椒粉可加,但我覺得調味已經足夠.之後叫左有手掌咁大的炸雞脾, 真係做到外脆內嫩, 好食.食完炸物,就到滷味.唔好以為得小食,怕唔夠飽,可以試溫泉玉子滷肉飯. 滷肉好入味, 蛋汁加滷水汁,三者一齊食,好濃味.亮點:好親切既廣東話溫馨提示,自己執手尾.食埋滷味大全, 滷大腸,鴨舌,雞腎. 大腸最吸收滷水味,好入味.

喧鬧的旺角到處都是小食店，這次就跟朋友試下這間比較新潮的炸理滷味。There are lots of snack shops in Mongkok. This time my friend and I went to this not-so-traditonal snack shop.滋味雞髀餐 (滷味雞髀＋青檸話梅梳打) Soy-simmered chicken leg + Lime & huamei soda雞髀可以揀炸或滷，而梳打則有青檸話梅、青檸柚子、青檸荔枝選擇。雞髀滷得很入味，而且啖啖肉。青檸話梅梳打酸酸甜甜，可以中和小食的油膩感。滷味大全 (滷味雞腎、鴨舌、大腸) Soy-simmered chicken gizzard, duck tongue, pig's small intestine這滷味大全性價比高，可以試多幾款滷味，比單點便宜。芝心海龍波波 Deep fried seafood ball with cheese / Moonzen Moon Goddess Chocolate Stout芝心海龍波波每日限量供應，即叫即整，非常好食。第一次飲香港釀造的門神黑啤，

Happy Friday 放工最開心係咩? 梗係約埋好朋友去吹水食飯飲嘢直落啦平時我個友人真係好懶🙄唔會話幫手諗下食咩👉🏻👈🏻不過今日竟然主動話要去試炸理滷味，見咁有誠意，梗係陪你去食啦店內食物價錢唔算太貴，性價比算OK嘅！我哋嗌咗一個玉子滷肉飯$32、滷肉飯撈麵$28炸理雞髀$25、炸理十串$68同埋兩支手工啤酒$100飯同麵嘅味道偏鹹，所以如果嗌嘅話，記得一定要叫嘢飲！至於炸理十串入面，以炸蔬菜為主，再加少少肉類，例如粟米芯、冬菇、翠玉瓜、午餐肉、豬腩肉等⋯味道不過不失（我自己就鍾意點埋小小沙律醬嚟食）而炸理雞脾呢，邪惡就梗架啦🤣味道拍得住三哥😂記得連埋皮食啊🙈最後，要講下呢度嘅手工啤！我同呀友人叫咗支麥子桂圓啤酒同麥子甘蔗啤酒，各＄50枝！見佢香港製造，就支持一下！前者感覺清新，飲後桂圓味繼續維持喺口腔，係特別嘅！後者以暗黑造型師人靚係靚但味道就有啲複雜，有啲似跌打酒⋯溫馨提示，呢度係立食嚟，太攰就下次先嚟試啦🙈

「Li老味」係咪粗口？我就唔知！但「炸理滷味」我就知道係呢間旺角炸物滷水立食店的舖名！可能因為呢個咁有霸氣嘅名，老闆揀咗砵蘭街開鋪，相信對活躍附近嘅「居民」或者消遣嘅朋友特別有親切感。鋪頭裝修係近年流行嘅懷舊風。紙皮石彩地磚，80年代嘅唱片封套，懷舊嘅枱櫈，萬壽無疆嘅餐紙盒，仲播住懷舊粵語流行曲。招牌菜就有炸理芝心海龍波波用上蝦膠墨魚膠包住水牛芝士同車打芝士，乒乓球咁大粒，口感彈牙，嫌太寡…仲可以點埋黑松露蛋黃醬。至於必食仲有呢隻雞髀，可以揀炸或滷！滷水髀算幾大隻，肉質嫩滑好入味，唔夠皮？仲可以試埋佢嘅東坡肉，大大塊好腍身，入口即熔。

學Ben Sir話齋，廣東粗口源遠流長，雖然近年香港人對粗口都寬容多了，看tbb劇已經可以出現「Ｘ街」等字眼就知道，但粗口在這個外表open內裡斯文的社會卻仍然是禁忌，否則像解禁般的《Ben Sir學堂》也不會如此火熱。或許因為這個原因，一些以粗口偕音作店名的食店特別容易吸引人注意，其中一間就是「炸理滷味」，我最初也是在fb的洗版下才發現這間小食店。＊＊＊＊＊＊＊＊＊＊＊＊＊＊＊＊炸理滷味除了店名夠noise外，從店名也清楚告訴大家它主要賣炸物和滷水食品。小食店單是靠店名的talking point當然不足以吸客，店內就大打懷舊牌，裝潢以七八十年代為主題，除了阿婆年代的青白格仔地磚外，牆上也貼上梅姐、哥哥、校長.....等黑膠碟封套。連雪櫃上也寫上「隊返杯！勝嘅！」，連現在大排檔也幾乎聽不到的語句。小食店一角放有一部古董唱機，不知店內播放著的八九十年代金曲是否就是由這部唱機播出。餐牌就在點餐位上面，清楚易明。食物主要以小食為主，但也有飯、無酒精飲料和手工啤酒。食店走立食自助形式，桌邊放有各式調味和紙巾。牆上貼上溫馨提示，著食客把垃圾自行收拾並文入垃圾桶。滷味鹵水雞脾($25)雖然店內有

炸理滷味，一個名道破店內賣嘅兩款主打--炸物同滷水，第一次聽已經印象深刻。店內裝潢充滿懷舊風，牆上掛了幾位巨星如:張國榮、梅艷芳的黑膠唱碟，耳邊傳來他們一首首的經典金曲，猶如返到80年代的香港。招牌炸理雞脾（$25）生炸雞脾雖然邪惡，但聞到鄰座傳來的香氣，都係不禁誘惑，點佐一份。因為即叫即炸，上手仲係熱辣辣，雞皮特別香脆，撒了調味粉更為惹味。值得一讚嘅係雞肉炸後依然保持肉質嫩滑，入面有肉汁，十分juicy! 間中放肆一下都唔係太過份姐。滷水大全（$25）有齊大腸、雞腎同鴨舌，睇個顏色就知全部都滷得十分入味，但滷水汁味甜甜的唔會太鹹。雞腎爽口，大腸軟腍又有嚼口，鴨舌就細隻佐d但都好入味。芝心海龍波波($38)每日限量，聽講成日都賣晒，難得仲有得食當然要試下啦。海龍波波一客5粒，用蝦肉墨魚肉打成膠，口感好彈牙，一咬芝士就會流曬岀黎，輕易拉絲冇難度。除了小食和炸脾，仲有飯麵提供。滷味滷肉撈丁($28)+$8加佐溫泉玉子，溫泉蛋搖搖欲墜，十分流心，蛋汁流岀後同麵一齊食更加香滑，但因為滷水汁太多，味道略嫌偏鹹，亦令到公仔麵過淋，口感一般。不過店內冇座位，全程要企，食好野真係少d耐性都唔得。

唔知幾時開始，香港食店想突圍要係店名花點心思，帶點粗俗諧音就更加有noise，好似火鍋店叫「火鍋撚」咁，而呢間旺角小吃「炸理滷味」就係另一例子。呢度走懷舊路線，除左裝潢之外，店內仲成日播住80年代金曲。全店只得企位，要有心理準備。滷味東坡肉飯（$28）的盛器係傳統的萬壽無疆花紋，但其實係紙碗來的，幾有玩味。不過食味方面就比較一般，東坡肉味道甜甜鹹鹹咁都算ok，但肉質偏瘦，要花勁咬先吞到，飯粒亦煮得唔夠軟熟，所以整體都要有返咁上下牙力先好挑戰，或者點溫泉玉子魯肉飯應該會好d。限量供應的芝心海龍波波（$38）一盒5粒，薄脆炸漿裡面係滿滿的彈牙蝦膠，最中心係軟綿綿半溶芝士，有多重口感，好食。怕熱氣可以點d沙律醬一齊食。食完炸嘢，當然要食埋滷味先完整。滷味大全（$25）包括雞腎、鴨舌同大腸串。滷味的顏色非常深色，單看都知入味，而入口係偏甜而非死鹹。我最鍾意大腸，因為滷煮得好腍，雞腎就好爽口，鴨舌比較細條，但都唔差。順帶一提，店內提供多款手工啤酒，最啱用來送濃味食物，嗜酒者不妨一試。

早排經過砵蘭街見到有間新食店裝修中，終於今晚路過原來已經開始營業，所以即刻過去試下新嘢。店家招牌'炸理滷味'非常搶眼，而且用上食字玩味店名，令人一見難忘。店內裝修非常懷舊，牆上有不同70，80年代的黑膠唱片封套做裝飾，型格又特別。食物選擇多，分別有各式炸串與滷水小食。炸理芝士海龍波波魚肉混合墨魚滑包著軟身芝士，一口咬下流出軟身芝士，而海龍波波爽口彈牙，墨魚滑鲜味十足，再配上黑松露沙律醬，令人一試愛上💕滷味豬手 - 豬手入口即溶，骨肉分離，而且滷水味甘香濃郁，滋味非常。滷味雞腎 - 雞腎爽脆軟身，滷水味甘甜溫泉玉子滷肉飯滷肉飯飯面放上溫泉玉子，蛋液混合埋滷肉一起放入口，濃濃的蛋香味加上甘甜的滷肉汁，非常滋味。炸理雞肶每隻即叫即炸，雞皮炸得非常香脆，內裏雞肉嫩滑多汁，名副其實生炸雞肶。小食炸串炸蓮藕-蓮藕厚身脆粉薄炸翠玉瓜-面層粉醬脆身，翠玉瓜鮮甜多汁炸鮮冬菇-鮮冬菇菇味十足又香口炸櫻花芥末腸-腸衣爽脆，肉質香口，味道非常滋味炸黑豚五花腩-五花腩肉質鮮嫩，油花香口。青檸話梅梳打青擰酸酸甜甜加上話梅味，口味順喉又非常解渴。所有食物都非常出式又有創意又不失懷舊風味，希望香港可以開多些不同的小食

不嬲對炸嘢及滷味都冇乜興趣，通常都係又油膩又鹹，做gym做得咁辛苦，浪費quota喺呢啲無乜益嘅食物上的確係有啲浪費。但奈何呢間小店嘅名實在非常吸引，而且走懷舊風，啱晒我，所以諗住豁出去嘅心態去試少少食物啦下晝4點嚟到，我包咗場，正！懷舊嘅格仔地磚及黐滿粒粒巨星大碟封套嘅牆，仲要不斷咁播張國榮嘅金曲，真係好正呀！滷水雞髀 ($38)體貼嘅店員遞上一隻膠手套，放心晒，幾驚要落手食！滷水味好香濃入味，但一啲都唔覺得鹹及油膩，一路食一路有細細個扯雞髀嘅感覺，好開心！炸多春魚 ($6)外層炸到金黃色，炸漿算薄，冇嗰種炸到閃令令嘅外表，感覺上唔油膩！溫泉玉子滷肉飯 ($35)從來都唔鍾意食滷肉飯，因為9成都係肥肉而且啲醬汁好鹹，但今日非常肚餓，淨食雞髀及多春魚，冇米氣落肚唔掂㗎喎！呢度仲有東坡肉飯，吓咁咪即係仲肥膩？！所以迫住揀咗呢個滷肉飯，老實講期望不高。但點知有驚喜，首先個碗已經正，係好多好多年冇見過嘅萬壽無疆pattern！中間一堆滷肉，上面有一隻靚靚溫泉蛋，好吸引！撈勻佢食啦，份量係多到差不多每粒飯都沾滿肉及醬汁，仲要竟然冇乜肥肉？！再食多幾啖，都係瘦肉喎，終於俾我搵到一度係用瘦肉嘅滷肉

炸理滷味呢個咁爆既店名，朋友提過之後印象深刻，每次行過旺角都想幫襯，今次個胃終於Ready，留好位置比佢。主賣炸物同滷味，款式選擇頗多。溫泉玉子滷肉飯，滷到超深色既滷肉滿鋪成個碗面，而且溫泉蛋非常合格，一督就有澎湃既蛋黃汁流出，沾滿附近的滷肉碎，不過肉粒不大，但滷味很重，又不會太咸。用懷舊風所製既萬壽無疆紙碗，加上店內播著80年代既廣東歌，超有風味。仲有，碗飯好大碗，肉燥既份量足夠食到最後一啖白飯，平時買黎當LUNCH其實幾好。試試炸物，愈邪惡愈想食。「炸理雞肶」$25對比起近月開分店開到成行成市既三多，呢間雞肶價錢上取勝，加上炸粉包著既雞皮較薄，無咁Heavy，怕肥既我中意呢間多D。「炸串紐西蘭特大咖啡菇」🍄$28原隻咖啡菇拎去炸，炸完之後都無乜點縮水，菇表面coat左一層薄既炸粉(好薄，真係好薄，差點睇唔出)，再沾上自家既調味粉，咸咸地好好味。咬落去，嘩好多汁，平時焗呀煎呀都唔覺可以keep到咁多汁，但呢個好厲害，超正！滷味大全，就係講緊雞腎，鴨舌同埋大腸。$25/3 每一串都滷得好出「色」，不過又唔太咸，係甜味唔出。但大腸同埋鴨舌超腍，放入口其實根本唔使點咬，無牙都食到。點左枝手

門口見到「炸理滷味」咁多人。入去睇下有乜好食先。堂食得企位。無得坐架。🌟限量供應🌟炸理芝心海龍波波哈哈笑紙盒。見到心情都好d 。海龍波波好彈牙。熱辣辣。唔洗（點）沙律醬已經好夠味。一客只有5粒。有d拿利。

甘岩經過，覺得個店名好得意入左入，食左串鹵味大腸，超入味又林，跟住再買多碗鹵肉撈丁，超級無敵好味！忍唔住要上黎讚一下！店內播懷舊歌唱，好舒服好有feel，推介俾大家