為食公司 (已結業)

第一次幫襯，估不到有D伏味。餐牌上有兩款鰻魚蛋飯，一個叫滑蛋鰻魚丼，另一個叫炒蛋鰻魚丼，似乎有點混亂。。。結果我點了滑蛋鰻魚丼，飲品有半價優惠，就點了熱檸檬菜蜜。那個滑蛋鰻魚丼來到後真的有D伏。。。鰻魚係切碎上，我諗加埋分量差少少應該有2粒骰，成碗都係蛋同鰻魚汁，蛋不滑，好彩有鰻魚汁先可以送到成碗飯。好失望。如果要幫襯，建議不要點這款。點那個炒蛋鰻魚丼，雖然貴$20，但好似有一小塊鰻魚，起碼感覺良好D。

之前聽同事講有間新食肆有十五蚊飯食，我呢個大慳鬼當然第一時間去食平飯啦🤩行到舖頭櫥窗已經睇到呢個推廣，於是入去坐底準備食平飯，本來都唔知點叫，但原來好多熟客一入到黎都會問「今日係邊款特價飯？」，可見黎個噱頭都好受歡迎。今日主角係汁燒牛肉飯~一碗飯，滿滿的牛肉，洋蔥同芝麻，制作一d都唔嗎呼，而且味道不錯，以十五蚊嘅價錢真心超值👍有d客人雖然知道有特價飯，但亦會選擇叫其他午餐，精選午餐連飲品介乎$44-$48都唔算貴，下次可以一試。

上個月新開張餐廳就在路口很好找，已經去咗幾次，炒蛋系列的出品太好食！無論是炒蛋牛肉丼豚肉丼或者炒蛋餐肉菠蘿包都很出色。下次去試試看炸鴨脾和鰻魚丼！唯一的建議是炒蛋豚肉丼的豚肉偏油膩了點，希望之後可以挑選更瘦的部分製作。

有邊個會估到...... 呢碗賣相咁靚嘅丼飯，只係賣$15！😱🤩近期喺IG都見過唔少人介紹，今次特登去試下佢好唔好味🤪-🐂炒蛋牛肉丼🍳落咗單唔夠5分鐘就上枱，一嚟到真係嘩一聲😱 好大碗啊！咁平都咁足料🤩賣相仲要超靚，淨係個碗都深得我心🤤 個蛋炒得好滑唔老🍳 牛肉都幾入味，仲有啲牛肉汁用嚟撈飯，唔會乾😋唯一就係整體味道唔係好夠🤔 要自己加番啲鹽黎調味🧂講真就算原價食都覺得好抵！性價比好高🤩👍🏻-評分：8/10價錢：$15 （原價：$36）-提提大家呢個優惠淨係做到6月30日！想試就快啲去啦🤩🤩 -📍為食公司 深水埗📍

只要15蚊就可以食到一個日式豚肉丼飯🥰呢間係5月10號新開嘅餐廳，由5/10-6/30呢個時期只要15蚊就可以食到呢個日式和風豚肉丼飯，出品都非常之有誠意，真係大大碗，用珍珠米煲既飯底，粒粒分明而且d炒蛋炒到非常之嫩滑，豚肉都好多，加埋醬汁，送飯一流😏之後再加一個鰻魚丼飯，呢個就係原價$48，係滑蛋加鰻魚，鰻魚係切到一嚿嚿好香嘅鰻魚油脂滲透喺個飯度，真係一碗都唔夠食，雖然個份量已經好大😜行開嘅話快啲去食啦🤤

從街坊谷得知此餐廳最近新開，並有優惠15蚊特價丼，故特意試食。新張特價丼，暫定做到6月尾，每星期一款，逢星期二更換。今個星期係滑蛋併牛肉，賣相靚過吉吉家已覺得抵，佢既雞蛋炒得好滑，好多蛋汁，15蚊算係咁。另外，晚餐都係一星期轉一次，今晚就試左B 餐同E 餐。豬扒併豬仔骨配意粉，意粉有咬口，但個豬仔骨就太淋。至於個香忌廉鮮蝦天使面，個汁好creamy, 個蝦夠爽口。整體而言，性價比高!

本身見到間鋪幾得意去食下，埋到位望一望都多食物揀，有個朋友食意粉，我同第二個朋友食丼飯，再嗌多份3隻雞翼，我個吉豬蛋飯黎到既時候打開個櫃桶攞餐具，啲餐具十隻有8隻都係洗唔乾淨既，都算數，個吉豬望落都淋哂食落就勁咸，黎個隻雞翼食落仲要有啲酸酸地，一食完我同食丼飯個朋友即刻肚屙，食意粉個個就無乜事，如果大家真係會去食既話真係要留意下啲餐具，衛生完全有極大問題，雞翼似擺左好耐引致有酸味，餐具似無洗過，呢間鋪請我都唔會再去😡

呢間位於深水埗荔枝角道新開嘅餐廳，好識做宣傳，因為我喺唔同嘅社交平台都見到佢做緊$15優惠丼飯嘅推廣。由於餐廳喺Office附近，所以我就同同事行過去食個Lunch啦😃。可能係新開嘅關係，加上正值優惠期，餐廳中午時份坐爆場，好彩我哋啱啱有卡位坐。環境就係普通茶餐廳啦，都比較迫，而且我見到地下都幾多垃圾，衞生有待改善🙏🏻。講返正題，我哋嘅目標係$15優惠丼飯🤤，不過入到鋪頭後就唔係好見到個優惠。後尾有唔少客人一入嚟都大聲問清楚店員「係咪仲有優惠嗰個飯啊？」。大家係同路人，留意番餐廳張海報係寫呢個優惠做到「6月31日」㗎🤣！$15優惠丼飯係指定款式的，好似日日唔同。今日係炒蛋豚肉飯(原價$36)，無論餸同飯嘅份量都幾多，男仔應該夠食。🐷豚肉片有連埋洋蔥絲一齊煮，幾好味，亦都有好多片。至於炒蛋，我自己本身唔係好鍾意配飯食，但同事話覺得幾香、幾滑，唔錯🥚。本身想嗌一人一個$15飯，但又有啲唔好意思，而且想試埋其他食物😉。其實餐廳整體定價都好平，午餐同常餐平均價係$4x。餐牌設計幾靚，清晰易睇，啲相仲影到啲食物令人流晒口水。其中公司常餐C個樣勁吸引，因為湯粉係意大利雜菜湯天使麵🥫。蕃茄湯通粉已經

今日同女友一齊去深水埗。女友一早就話來為食公司來食特價飯，15蚊。今日係做緊炒蛋豚肉飯。我地兩個食完後都覺得一般。女友覺得唔夠汁，我都覺，我仲覺得豚肉太肥同埋份量細。跟住我再點多個小食，香草檸檬汁炸雞翼。佢檸檬汁加左少少蜜糖，雞翼外皮又夠香脆，裏面又夠嫩同多汁，好好食，感覺好過個特價飯好多。果然係一分錢一分貨。

第一次食為食都係因為有個咀刁嘅屋企人，係為食試業期間幫襯左好幾次。屋企人對佢嘅評價對幾好。我自己食過2次早餐，3次下午茶，1次晚餐。基本上食物質素次次都穩定，餐具乾淨，環境企理光猛，對我黎講呢度好夠冷氣。今朝睇完醫生就過黎食個好味嘅早餐～～我嘅是日選項係沙爹牛肉公仔麵配煙肉，炒蛋，蒜蓉多士 ..再加杯熱奶茶 份量十足，價錢超值。

炎炎夏日, 專程看ulife推介到此幫襯 ,裝潢是一般的茶記配置 , 地方不大,約能坐40多人首先奉上所謂雜誌吹奏的幾款都hkd 15特價丼但當日去到樓面嬸只稱得汁燒和風牛肉飯一款是$15 , 也罷只點了和風牛肉飯小試 , 本以為一個小丼飯應5min內可上桌 , 誰知15min有多才到如圖因放大量芝麻, 香氣撲鼻 , 牛肉及飯份量比吉野家要多 , 配以珍珠米 , 牛肉汁雖沒有吉野家濃但恰到好處,有明顯汁燒味與濃汁味之分野牛肉總體偏瘦及"鞋"韌 , 近乎沒有肥肉可言 , 勝在份量多及肉略厚 , 味道只能算一般 , 但對得住個價錢了吃畢後只能算3-4成飽 , 下午茶$15也不能要求太多了 , 特價優惠聽聞只做到6月30而已

新開張，好抵食。$15 豚肉飯，豬肉爽口，夠汁，份量本來以為好細碗，點知出黎好大碗，比我想像中大份。夠晒食做dinner. Good price and value. 其他食物都唔貴。

之前睇到網上介紹，話呢間為食公司新張期內，丼飯$15，所以就想去試下啦。平時少去深水埗，都要揾左一陣先揾到。餐廳入面都幾多食客，不過見幫襯丼飯既都吾太多餐廳既選擇都幾多，如果吾係一心想黎食丼飯，都會試下其他不過店員話特價既係汁燒牛肉丼，有少少失望等左差不多15分鐘，丼飯就上枱啦。份量都還可以，牛肉都幾多，入味但有點韌。雖然係珍珠米，但飯有少少過淋。值得一讚係汁都幾多，好怕丼飯吾夠汁好乾。總括黎講，$15呢個價錢係超值，如果可以多d款選擇就更好