為食雞私房工場

營業中

休息中

睇食評，諗住試下，服務差意料之內， 泰式滷水豬脾飯完全冇味 ， 海南雞飯平平無奇， 檸檬茶完全冇茶味 ，食物味道比最差好少少大家吾好祈望甘高， 並吾係好似其他人講到甘好食，一定吾會有下次

昨天因為要到客人公司開會便來到荔枝角區, 驚趕不及唯有在這邊搵食, 因是食Lunch時間眼見的餐廳都很多人, 剛好見到一間上樓的, 就即管上去試試, 這裏都一樣是企滿人等候, 心想應要等好耐了, 便上前問問一位可否安排, 等了3分鐘左右侍應安排下我可以入座, 環境上全為橙色主調設計突顯光猛, 眼見好多人都係叫海南雞飯當然唔執輸咁叫返個, 碟飯一到D飯黃色已好搶眼幾吸引咁!原來係黃薑飯食落就油左小小 , D雞都有雞味(好似拍緊飲食節目咁, 因為依家D雞好多時真係無雞味仲要鞋到死)又唔算肥又大舊又滑滑地, 而個老火例湯真係冇咩味精咁, $50仲有碗冇味精的老火例湯送合理亦算抵食, 唔怪之得佢上樓都咁多人等, 若朋友去開荔枝角都會叫佢試下.

最近公司調左我嚟到荔枝角呢邊返工，呢區中午出街開餐都好多選擇，同事介紹呢間上樓的去骨海南雞飯話好好食，咁就要試啦!嘩！中午時段人山人海，好在有個女侍應安排得很好很有秩序..........等了不到10分鐘便有位了 我叫左個去骨海南雞飯套餐，肉質軟滑，沒有過多嘅肥膏，食落一啲都唔覺油膩，再加上個雞醬配襯食落很香口 ~~ 靈魂嚟喇，海南雞 ; 至於個油飯，顏色睇落唔似平時雞油飯咁吸引，但粒粒分明，入口爽身，最岩我呢種怕太肥膩既人，配上甜醬油，超好餸飯！套餐可選老火湯或飲品，天氣咁熱我選擇了凍奶茶，茶香奶滑好飲我同事就選了老火湯，她飲完成碗都無話好口渴，仲話味道有啲住家湯的感覺很濃郁，真的是沒有味精，下次一定要試。呢個絕對係精明午餐之選！下次要試另一招牌泰式鹵豬脾飯先得呀.

今日去食咗個海南雞飯同小食併盤, 海南雞飯D飯好油, D雞又油又無雞味 個0茶無茶味, 真係食乜無乜味, 唔怪得牆上貼上話多要醬油加3蚊碟併盤全部炸物, 炸雞中翼, 炸咖哩角, 炸虾春卷, 炸札肉, 唔知係未差唔多3點師傅可能已經收咗工, 炸出嚟D嘢又多油又黑, 成餐飯食咗好多油落肚

一間餐廳可以有幾差？呢間就令你知道咩叫當啲客係乞丐！首先，有個身材肥胖嘅女侍應走黎上菜，佢見張餐牌仲係枱到，居然喝我：幫我執番張餐牌上去！（原句，一字不漏）就連隔離枱個男人聽完個女侍應咁講，都即刻同佢友人講個女侍應一啲禮貌都無，間餐廳服務太差，一定唔會再食！咁佢服務態度再差，我都要食埋我喊左嗰碟飯嘅。但呢我無諗過我未食完已經被人問係咪食飽，可唔可以收。本來佢問當然無問題，慘就慘在個女人問嘅同時已經伸埋隻手落我碟飯，手指仲掂到啲飯添。我食曬未亦因此不再是個問題，高招！好啦，到最後埋單。個女侍應原來除左唔識禮貌外，亦都唔識計數！見佢找少$2即時同佢講，佢居然就咁掟個$2比我，然後好似啞左咁一句唔好意思都無！如果你唔想出街食飯食到好似比人當乞丐咁，荔枝角真係有更多更好嘅選擇！

見左咁多次個名，今次係第一次黎食，餐廳感覺似自點自取既快餐，不過原來都有人帶位同點嘢食 叫餐有湯或熱飲送，凍飲加兩蚊，今日係佛手瓜湯，味道還可以，唔太咸唔太淡，雞腳就無咩味，咬落仲有種雞腥味，可以不用吃。 叫左份招牌海南雞飯，還可以，姜黃飯就較淡味，雞都幾滑，只是雞皮較厚，有點油，不過點佢地既汁食，還可以，所以我將汁都倒了飯上一起吃了。 又搞點一個lunch

本來我們是專程來 億利工業中心 去 程班長 吃東西的 .... 無奈 程班長 實在太旺場而我們又不習慣等位, 於是到了大廈的另一邊的餐廳開餐 .... Menu ~ 我們點了, 泰式去骨海南雞飯套餐 $50 (海南雞飯 + 餐飲)香飯, 飯粒煙韌, 入口軟綿, 略嫌未夠油香 ~海南雞, 肉質細緻嫩滑肉厚, 雞味濃香, 皮爽少肥 ~凍奶茶奶下得過多, 蓋過了茶香, 味道不平均 ~ 本篇完 ~

荔枝角餐廳好多，但好食而價錢大眾代既餐廳除左茶餐廳就無太多選擇，呢間既海南雞飯基本上每兩星期就會黎一次，一黎佢價錢大眾化，二黎當然係佢既味道不錯佢既雞係無骨既，所以可以啖啖食落口都係肉，皮唔會好肥膩，飯係油飯，乾身，食落去唔會太大油膩感，但飯後就感覺好飽佢個餐可以配湯或飲品，我次次都揀湯，因為佢係無味精既湯，味道都唔錯，$40有碟飯，仲有湯，簡直超值

今日公司開會開到3點先放飯！醒起附近有間食海南雞飯一直想試～但佢平日收5點都無機會夜晚黎食！呢間係公廠大廈入面～近荔枝角地鐵站都好易揾！入到去鋪頭～主色用橙色好鮮明！加上有大大個窗口～少左工廠大廈焗促又沉悶既感覺！1坐低原本有唸過叫下午茶，因為價錢好抵，只係$26有個粉餐。但黎得呢度始終抵唔住頸要試下個海南雞飯。去骨海南雞飯+熱檸蜜($50)首先無唸過叫熱檸蜜唔洗加錢～個飯黎到又幾大碟！雞油飯點都香過又好食過白飯，d雞都唔係細細舊碎濕濕～而係啖啖肉仲要好嫩滑～幾有水準～果然無叫錯！個汁就間間都係咁上下架啦～甜豉油同海南雞酸汁～撈飯無得頂！

點了泰式海南雞飯，送西洋菜湯。湯標註冇味精，雖稍欠火候，中上之選。海南鷄飯，是胸肉，只吃鷄時有淡淡麻油香，滑，肥瘦適中，沒多餘皮下脂肪。高質！配2種醬汁，黑豉油及泰式醬。黑豉油非濃稠的那種，有豉香，帶點點甜，佐鷄一流。泰式醬，甜酸適中，帶淡淡的微辣及薑香。可中和油飯的油膩感。飯夠油香，唯油的份量稍多碟底有明頭的油餘下。總體來說，值得推薦。

現在的食肆有很多都搬上樓上發展，尤以工廠區為甚，由於香港勞工短缺加上製造業一直走下坡令到大量工廈長期空置，靈活的商人更趁機改變工廈用途，將空置的單位改建成為展覽埸、健康中心、室內野戰埸、食堂等等。但基於衛生和消防條例所限，這些工廈食肆表面上都只能作為工人食堂之用，絕對不能展示任何招牌或廣告標語向外宣傳，所以如非熟人推薦，相信大家即使在工廈經過也難以發現這些食肆的存在。這家泰式餐廳「為食雞」位於長沙灣道億利工業中心一樓，跟「程班長台灣美食」同一樓層，主要提供泰式飯餐、泰式湯粉餐、咖喱系列以及多款泰式特色小食和飲品，以泰式去骨海南雞為招牌菜。普通的工廠食堂裝修格局，全店以明亮橙色為主，加上從大玻璃窗透入的陽光，感覺十分開洋明朗泰式去骨海南雞飯套餐 HK$50 (配黃油飯及老火例湯或熱飲)海南雞肉質幼嫩可口有嚼勁，皮爽滑並夾雜油香，精彩的是在皮與肉之間的一層啫喱，食在口中香而不膩，最重要是完全無骨，單以海南雞而言，絕對水準之上。蘸雞的黑醬油又濃又黑，另一邊是秘製酸辣蘸醬，味道獨特, 蘸雞外也好下飯。黃油飯不是太油膩，但雞味並非太特出泰式鹵豬脾飯套餐 HK$50 (附送老火例湯或熱飲)口味近似

因為食唔到程班長而轉戰呢度!一心諗住點招牌菜海南雞飯，落單時女收銀員話 ：冇海南雞飯，冇豬頸肉，冇榨菜乜乜乜....我地唯有退而求其次，點口水雞餐，把女收銀員再叫來，佢嘅回應係:所有雞都冇呀，你再諗諗。然後好冇禮貌地行開。廚房那邊大叫"豬排賣哂"。一間餐廳未到兩點可以餐牌上一半食物都冇供應，好難令人接受。而且要不斷追問先知有咩可以食，感覺不良好!!最後我們點了普通食物:香茅雞排，雞翼米線&濛粉。老實說，食物質素是可以的。雞翼煎到金黃剛剛好，也入味，但香茅未不重。米線質感好，有咬口，而味道帶點甜。跟餐飲品沒什麼特別。但女收銀員的態度&餐廳嘅食物供應安排，好難令人回頭光顧。之後有些男食客來光顧，女收銀員很用心地一次過向他們簡介有咩食物係暫停供應。可能我地係女食客，所以冇呢個優待。Btw, 有客人知道成個餐牌有一半食物冇供應，即刻離場，有吉士!!

同同事去了附近上樓食堂 名為為食雞 以去骨海南雞為招牌菜 普通的工廠食堂裝修格局 墻身髦以黃色 感覺有點非一般的怪怪感 叫了個香煎咸魚茸肉餅飯加凍奶茶 三塊不薄的肉餅鋪在白飯上 伴以少許雜菜 有味醬油另上 醬油味道一般 未見突出 但肉餅卻煎得很好 很香脆 不乾身 味道適中 還偶有咸魚的霉香味在肉餅中 整體以40多元的價錢 可以說是非常不俗

朋友知道我素來嗜食海南雞 告之有間樓上店據聞不俗 今日有機會經過此地 便順道拜訪一下 甫入店內滿目皆是泰式去骨海南雞的廣告 主打招牌菜 來一份吧 油飯的雞味並非太特出 反而顏色比黃油雞還黃 感覺有點怪怪 雞本身應該釆用黃油雞 試了一件連皮帶肉 皮爽滑並夾雜油香 肉質幼嫩可口 精彩的是在皮與肉之間的一層脂肪 因溫度關係形成啫喱狀 食在口中香而不膩 一絕 可惜用來沾雞的醬汁就欠缺心思 單以海南雞而言 味道絕對水準之上

又再次幫襯“為食雞”，之前因為餐廳抽風系統嘅問題，筆者也盡量避免嚟呢度用膳，但由於同事好想品嘗佢哋嘅海南雞，所以唯有跟大隊，再次去到“為食雞”食晏。仔細翻閱餐牌，突然想試下餐廳推介嘅泰式鹵豬脾飯，因為印象中泰國除咗海南雞好味之外，鹵豬肉也相當出色，所以是日就揀咗泰式鹵豬脾飯。食物上枱，單看外觀，心想應該味道還不錯，一吃之下，期待像被錘子一擊即碎似的，頓時破滅，外皮乾燥口感乏味難嚼，肉質依稀還能嚐到一絲絲冷凍味，有點僵硬的感覺，很明顯解凍后，並未妥善的處理，就急著推出，這種錯誤很容易使人望而生畏~整碟飯唯一可取之處是其鹵水汁，尚算及格。經過這次的用膳經驗，此餐廳的泰式鹵豬脾飯將會被筆者納入“不可再試”的小筆記本裡，也成為極少被筆者打入“冷宮”的食物之一。