為食魚海鮮火鍋專門店 (已結業)

芫茜皮蛋湯底，這個特別是魚湯做湯底，打邊爐時飲到些魚湯，味道好鮮甜，魚味十足，而且打邊爐中再加湯是鮮魚湯，湯底可以保持到一直濃郁魚卜白淨，新鮮先有咁光澤，冇血根，吸收湯的精華，咬落上半邊外皮好滑，內邊好爽，下半邊超滑流，連魚湯一齊食，更富魚鮮味放響鈴入魚湯更一流，滲入脆卜卜的新鮮響鈴，把它活化了，外皮浸透，內裏好脆，食落索索聲，自己製豆味好重，好鮮，不油膩象拔蚌可以兩食，生吃象拔蚌又鮮又爽口，而且肉好甜，好肥美；輕輕灼熟左，真係食落好鮮嫩，而且外表有少少咬口，兩種食法也喜歡食落黑豚肉好滑，連唔好豬既我都唔知自己食緊豬，放湯脂肪溶左，令魚湯甜左，黑豚肉更肉嫩左，一d都唔會靭喎

本來打算打邊爐，入到來見到d刺身就流口水啦！呢個馬糞海膽，成板上，睇見即起筷一啖入囗超鮮甜，運過來仲可以保持到不乾仲濕濕地囗感好滑，冇臭味輪到蚌仔，特價抵食，韓國品種一咬好爽呀！口感有點似象拔蚌，我覺得咬時更爽口，嚼時更滑身味道有陣海水味，好鮮嫩再上個雜錦龍蝦石鍋，呢個我個人推介用筷子一夾，又有龍蝦，又有幾大隻既蝦，仲有幾大隻既蜆我好喜歡大蜆，真係好滑嫩鮮味濃龍蝦厚肉，亦好滑嫩，咬口一流蝦亦鮮甜彈牙，蝦頭也入味仲有少膏，好好味一日冇肉不歡，叫番個牛頸脊牛頸脊片片好薄，比較細塊，入口啱啱好，原來看番餐單係手切既入口就好鮮嫩，而且俾平日食既肥牛，佢冇咩根位，好似滑d油脂好似更平均，鮮牛味十足，同雪藏牛完全兩回事

未食火鍋，先涼一涼，食下刺身先，韓國蚌仔好似幾吸引蚌仔已開及切薄片，片片細薄幼滑，鮮甜多汁，質地爽囗龍蝦湯底好鮮甜，好香龍蝦味，龍蝦好多肉，煮到好易就離殼，一咬就係肉肉質結實，鮮嫩多汁，唔會滾到無味原來唔止龍蝦，仲有大大隻蜆，開曬殼，滾左一輪d肉仲好滑，好juicy!唔止，仲有幾隻海蝦，蝦肉彈牙，好鲜甜，肉質唔靱用牛骨髓打邊爐，滾左好滑流，味道仲有陣牛味，又白又滑冇血根。涷豆腐滾好好有口味，少少實的質感，加重左豆腐味，連埋龍蝦湯食，一流看名字「黑松露手打墨魚丸」，好似食得好豪華咁墨魚丸非常彈牙，自家手打的，口感爽而帶彈性。一食墨魚丸就食到香濃黑松露的香，應該係加左真黑松露先有的獨特味道，混合墨魚的鮮味，兩種味道互不蓋過，幾新穎既配搭

放假跟閨密聚會，她推介去旺角為食魚吃火鍋，可以慢慢吃慢慢傾，當然好啦我本來就愛吃火鍋，所以一年四季都吃火鍋就是了。火鍋前先吃點前菜，韓國象拔蚌仔刺身，母親節優惠只需48好抵食。象拔蚌切成薄片，肉質爽口彈牙好鮮味。麻辣雞煲(中辣)，雞煲大約是半隻雞的分量，足夠兩至三人分享。雞肉非常滑又有雞味，醬汁又麻又香辣得有層次，愛辣的我選中辣味道岩岩好吃得過癮，是我近日吃過最出色的雞煲。吃完雞煲，再加雞湯打邊爐。手打牛丸，鮮紅色牛丸應該是餐廳自家制作吧? 牛味香濃彈牙，好味!!朋友點的粉腸也夠新鮮，不會有怪味道。生菜，新鮮脆綠，香濃湯底把簡單的生菜都變得惹味起來。手切牛(細)，吃牛肉我喜歡稍微灼幾下呈現半熟就拿起來吃，肉的厚度跟口感都不錯，牛味咀嚼起來也相當明顯，很煙韌又帶油香。飲品點了檸七，冰凍解辣，爽呀。

眼看龍蝦雜錦海鮮鍋，抵食兼大份，仲可以之後做湯底打邊爐，好似食雞煲咁，今晚就黎個海鮮夜呢煲原來係石鍋上，好似食石頭鍋飯嗰d厚鍋，湯係鮮龍蝦味，龍蝦斬件上，食極都有，五魚二魚故事咁哈哈，龍蝦原來可以咁多肉。龍蝦、蝦及蜆都好新鮮，龍蝦肉實但唔難咬開，蝦肉都幾有彈性，蜆肉好嫩滑另叫左桶蠔，新鮮蠔上碟仲涷，以我食蠔經驗，蠔最好剛解涷，又或者冰鮮住，咁處理可以保存蠔身的海水味，灼到蠔邊皺皮，食得！入口蠔帶少少淡海水味，好juicy, 加少少醬油好惹味，肉質爽甜，呢隻蠔不太creamy, 打邊爐不錯湯底一路滾緊一路食d刺身同燒蠔榮螺通常都係日本壽司店食，今次就咁食刺身都少見。榮螺肉新鮮爽甜juicy，有冰震住，一路食一路都凍住，凍住好似特別好味大大隻燒蠔，實在好大隻，汁燒剛收到水，蠔身入味，咬落滑流多汁，鮮甜幼嫩最後加左雜菌拼盤，湯少左要加湯，估唔到唔係滾水，係龍蝦湯，d湯飲埋都仲ok。金菇、秀珍菇等等，索埋湯d海鮮精華，有d油好似令菇更加滑更加入味總括今晚海鮮夜，材料幾新鮮，肚皮大飽口福

天氣熱，突然想打邊爐，去室內打會舒服一點芫茜皮蛋魚湯夏日炎炎想湯底清淡一點未開始，忍不住飲了一口魚湯，真材實料，好重魚鮮味芫茜的特別味，皮蛋的香，加上魚湯一起滾的湯底，無比清甜，魚味十足，不覺魚鮏味手打墨魚丸墨魚丸色澤又白又亮，入口彈牙，手打出來特別有質感，丸質咬落好滑，咀嚼時還食一陣鮮墨魚香本地手切肥牛肥牛成碟擺放成朵花，一看到已流口水，一片片牛肉的脂肪分佈均勻，形成雪花樣，因此食時油香滿口，牛肉嫩滑可口，灼一兩下保存到牛肉的香濃及彈性，吸收了魚湯香，更入味看到隔離枱的手切牛頸脊，未食過這個的部位，看落不錯，下次有機會要一嚐美國桶蠔桶蠔都幾大隻，蠔身肉眼看又白又有光澤，放落湯底，蠔熟了脤卜卜，入口滑嫩，咬入去有鮮海水味流返出來，那種鮮味比生食更滑，另外更多了一層煙靱口感，令人回味總括而言，今天吃得飽飽，好味

今日book左為食魚! 本身想打邊爐, 黎到見到menu有石魚鍋就好想食, 哈哈!其實哩度有好多海鮮同埋打邊爐既料! 但今日我地2個人其實又唔係太肚餓! 叫左個桂花魚石鍋魚! 手切同埋菜! 桂花魚石鍋魚桂花魚原條上! 我只叫清湯! 原汁原味既魚味! 冇叫任何辣湯底!魚湯超級清甜呀! 而佢條桂花魚係煎過再煲既! 咁啲肉就冇咁易散哂啦!好大條魚! 其實2個人係足夠食既! 魚肉鮮甜! 配料仲有木耳, 豆卜, 准山, 蔥, 好香! 正呀!另外叫左個細既手切肥牛!哩個手切肥牛好好味呀! 上枱時已經覺得係好正!佢既手切肥牛入口即溶, 牛味重! 好鐘意呀!  我本身鐘意唔太熟既! 好味呀!菜就叫左娃娃菜好鮮甜呀! 新鮮! 下次我肚餓d 一定叫多d野食! 同埋一班人黎叫多人野食會開心d , 哈哈!  

未寫龍蝦烋之前, 就點左個象拔蚌刺身做前菜色澤透明雪白, 食落好爽脆Q彈, 好新鮮, 點點WASABI同豉油更加張鮮味提升吾少, 話咁快就KO晒啦再點左個串燒蝦,  燒得好甘香, 又無過火, 我無用手MEET殼, 用口咬開殼, 感受一下蝦既甘香, 係蝦既表面曬左幼鹽, 味道更加有層次, 利用燒得的方法將蝦的鮮味鎖住, 肉質彈牙, 嚼後隱隱滲出甜味, 好想食多件龍蝦煲出場, 好大煲, 足足大過個GAS 爐,,, 用石鍋做器皿, 一來可更有效傳熱, 二來更加保持溫度, 正,未食餸時飲一飲湯, 味道好鮮甜, 好濃郁, 將所有海鮮, 龍蝦, 海蝦, 蜆, 同埋菇幾精華溶入湯裏面, 好好飲, 飲到吾停, 而且又吾覺有味精, 龍蝦好大隻, 啖啖肉, 尤其係龍蝦鉗, 一啲都吾老, 蝦好爽口, 口感豐富!!墨魚丸非常之彈牙, 感受到墨魚帶黎既香滑, 很鲜甜

麻辣雞煲 中辣 118以魚鍋為主既打邊爐， 但甘啱嗰日想食雞 所以點左雞煲， 雞煲個汁調得幾好味 甜得黎麻同辣佔73, 有麻子 洋葱 三色椒 中和番醬汁既濃稠度， 雞肉份量正常同比較切得細件， 口感軟滑， 而整體醬汁偏多 幾適合落湯去打邊爐 !野飲方面點左酸梅湯同啤酒, 酸梅湯酸甜度適中, 應該係自己煲另外打邊爐料質素都唔錯, 手切牛 細138 蚊, 口感比較煙韌同肉既味道多 ,比較少脂肪粟米28 蚊 十分清甜萵荀 24 蚊 夠爽口, 切成長條狀最有口感午餐肉 28 蚊 都係正常味道,厚切會好少少豆腐 22 蚊  比較有豆味, 口感煮熟後以豆腐黎講算有口感脆鯇魚片 48 蚊 新鮮 夠彈牙, 食落去冇骨不得不讚係我地加左幾次水後覺得個湯底唔夠辣, 待應俾左碗自家制辣醬俾我地, 即刻個湯底辣左同麻左好多, 正四寶丸 72 蚊 有鯪魚丸, 蝦丸, 牛丸, 墨魚丸, 全部手打 味道連埋辣湯底食吸哂D 汁 唔錯雜菜併盤 42 蚊 菜夠新鮮清甜有機薯粉 22 蚊 夠爽口同彈牙 唔錯.!

好耐無同男朋友打個邊爐飲個啤酒暢快下！好，就襯係旺角行完街搵下有咩好野先！白布街黑布街出名多野食，咁想打邊爐嘅我地見到為食魚就二話不說咁入咗去。見佢又唔收加一，又無茶芥，好似幾抵食！鋪頭都幾大，有上下兩層，座位又夠哂闊落！我地兩個人，都可以坐四人位，方便我地擺野。火鍋種類有好多，呢到原來如其名，出名食魚鍋。男朋友話好想食雞煲，咁好啦，做個聽話嘅女人～叫咗個bb辣嘅麻辣雞煲雞煲分量好十足，兩個人分就剛剛好。因為怕辣嘅關係今次只係叫咗bb辣，但一啲都唔球奇個辣味！一上枱就傳嚟陣陣香味，食落味道好有層次。先食到嘅係小小嘅甜味，然後係小小嘅辣，最後留係口中係最吸引人嘅麻，好過癮！而且雞件肉質亦都嫩滑同入味，很不錯呢。韓國象拔蚌仔刺身因為就嚟母親節，鋪頭就有個推廣，48蚊就有一客喇。分量唔係話好多，不過我地得兩個人，都好夠分。象拔蚌切成片，咬落彈牙爽口，味道有鮮味又甜。絕對唔會平價就無好野！食完雞煲，我地就加湯繼續打邊爐。炸魚皮可以有兩個食法，就咁食同沾一沾湯先食。因為魚皮炸得好脆身，所以直接食都好正，又會更加食到魚皮嘅香味。如果沾一沾湯汁，就會有一種小小淋但又仲好脆嘅多重口感。兩個食法都好食。

吃火鍋早已無分季節，在三十度的炎夏，坐在舒適的餐廳吹著冰爽的冷氣，吃著熱辣辣的火鍋，冰火交融帶來另一番享受。想起已有一段時間沒吃火鍋，不如就在炎熱的今天，歎住冷氣，吃個美味的火鍋。早前到白布街一帶覓食，發現了這間新的海鮮火鍋店，一於今天來這裡試試海鮮火鍋。蒲踏進火鍋店，就見有六個魚缸盛著各式的游水海鮮。餐廳的下層是開放式的樓面，由於下層已滿座，於是被帶往上層的座位。餐廳上層全是獨立的房間，我被安排入座一間四人的。房間非常舒適，又設有電視，可邊看喜愛的節目邊進餐。 另外值得一讚的是，餐廳同時提供免費wifi, 網速頗快，為客人帶來方便。餐廳提供的海鮮名碼實價，而且不收茶芥，醬料和加一。每次吃火鍋，總覺得點餐紙很不環保。餐廳提供過膠的餐牌，讓客人用水筆在餐牌上記下點餐，擦掉筆跡後可循環再用，環保意識值得一讚。招牌龍蝦海鮮鍋話明是招牌菜，當然要試試。等了約十分鐘左右，豐富的龍蝦海鮮鍋就上桌。鍋中的各式海鮮早已預先煮熟，只需稍為煮沸湯鍋便可。隨鍋的海鮮很豐富，包含整隻的波士頓龍蝦、中海蝦、象拔蚌和蜆。除此之外，還有鮑魚菇、芽菜和少量芹菜。龍蝦非常新鮮，肉質鮮味彈牙。中海蝦同樣是游水生猛貨，肉質

做特價$298，龍蝦雜錦海鮮石鍋，又幾抵！石鍋內好多材料，，一陣就煲滾左可以食！龍蝦件件厚肉仲好彈牙，滾落實肉又唔散，新鮮龍蝦先會咁。而蝦好大隻，隻隻都爽彈，d肉絶對無梅，滾落都冇斷頭，滾左一倫都冇靱，仲保持到蝦的鮮味。尋寶咁，仲搵到d蜆，蜆好厚肉肥美，好鮮甜多汁，滾到離殼，更加入味。呢煲湯好鮮甜，聽說石鍋會令海鮮迫出鮮味，咁d湯米係d精華，未放其他材料先飲返補一補。現在買魚卜又貴又難，呢碟魚卜又大又新鮮，仲未穿漏氣，脹卜卜，一放湯滾左一陣，終於變軟，咬落煙靱，骨膠原入肚，美味滑流仲叫左竹笙，竹笙處理得好乾淨，又白淨，一放湯就吸收左龍蝦、蝦、蜆、魚的鮮味，仲食到竹笙的獨特味道，口味豐富見到成碟牛頸脊，直情想自己食曬。牛頸脊d肉比一般的肥牛滑，肥膏好似更平均，一片牛頸脊放湯就熟，咬落好淋好香牛味，薄切左更鮮嫩，不易靱，亦有鮮牛香係口齒中留香更想一讚是呢間加湯係加鮮魚湯，令湯底保持到濃味及鮮味，不會溝淡左，抵讚👍🏻👍🏻

看到為食魚叫菜牌上都有不少選擇，而且各鍋底也幾有特色，最後叫了石鍋原條沙巴大龍躉烤魚，口味都有得選擇，麻辣應該不錯叫左石鍋烤魚-(原條)沙巴大龍躉湯底清甜帶辣，麻味香濃但不會蓋過辣味，食魚時也不會被蓋住魚香。沙巴龍躉好大條，原條上石鍋大過個鍋，份量十足。龍躉肉質鮮嫩好滑，魚皮又黏又滑，好似食花膠，食完朋友話自己靚左辣辣地，叫番少少涷刺身先，見到加拿大海膽，即叫！海膽好大塊，一看顏色金黃，正，一定新鮮。同青瓜一起入口，嘩！d海膽新鮮到仲有陣海水味浸出來，有青瓜伴底，青瓜鮮甜爽口突出海膽的滑流，一食不能停口，食完口仲有餘香另一凍盤來了，原條加拿大象拔蚌，仲可以兩食。象拔蚌刺身ok喎，又鮮又甜，口感爽口彈牙，凍一凍辣氣消左，好味！又係湯底淥下象拔蚌，吸收左麻辣魚湯味，即刻不同感覺，象拔蚌變軟稔。少少失手，第一下淥多左少少，肉硬左d，第二下淥三秒就收手，蚌肉保持鮮嫩Juicy, 外爽內稔稔地，又有麻辣味，但不琴住蚌鮮。另外叫埋海中蝦，大滿足！一支支海蝦，好大隻，蝦肉質彈牙爽口，鮮甜多汁，吸收埋麻辣湯，仲過癮！今晚海鮮餐，總結有質素，食材好新鮮，不錯！

旺角的火鍋店雖然多，但講到味道好好、食材新鮮就真係唔易搵，最近朋友推介白布街新開的一間火鍋店「為食魚」，確實值得推介一下原來此店有兩層，樓上間房，招呼想有私人空間的客人，去到老闆見我地一行10人，便為我們安排了一間設有大電視的大房。菜色方面，尤其想推介佢地主打嘅「石鍋烤魚」，真係美味到不得了，尤其是個湯底，酸辣麻度適中，同枱朋友個個「𢳂完再𢳂」,飲完又飲，抵讚嘅係侍應加湯便真係加回原味靚湯，並唔係求求其「溝水」。👍👍👍👍👍條魚肉質亦很美味，老闆強調，佢地好重視食材質素，賣嘅係新鮮游水魚👍👍👍👍。食完條魚成班老友還叫了肥牛、生蝦、黑松露丸、菜...，都係好正，個黑松露丸未煮已經有很香濃的黑松露味👍👍👍此店的肥大美國生蠔亦是必吃，iphone 6 plus size的大生蠔，只售58蚊隻，生食熟食都得，味道之鮮甜令我諗起築地的肥生蠔👍👍👍👍👍。

來到夏天，天氣悶悶熱熱，但反而令我很想吃火鍋，一邊喝著凍飲，一邊把熱呼呼的海鮮放進咀裏，那種幸福的感覺，實在非筆墨來形容，當然，我不會這樣不孝，要求媽媽在家弄海鮮大餐給我，所以，這天放工後，就約他們到旺角吃火鍋。這間火鍋店是同事介紹，沒有任一服務費，而且茶芥全免，感覺非常抵食。火鍋店分上下兩層，空間感十足，坐下時不會有擠迫的感覺，而下層放了大大個的魚缸，內裏放了點生猛海鮮，而我被安排坐在下層，一邊凍著冷氣，一邊看著大電視，感覺挺舒適。這裏火鍋湯底選擇挺多，除了有一般蕃茄薯仔魚湯及芫茜皮蛋湯外，還有石鍋烤魚及麻辣雞煲等等。 最後，我們決定試試龍蝦雜錦海鮮鍋，不過製作需時，我們唯有耐心等待，在這個時候，店員向我們推介韓國象拔蚌仔刺身，因為臨近母親節，店內正進行推廣，2-4人的話，可以以優惠價HK$48換購。 韓國象拔蚌仔刺身的份量不算很多，不過勝在夠新鮮，而且洗得相當乾淨，而蚌仔口感爽脆，味道鮮甜，就是沒有沾上任何醬汁，味道依然超級美味，讚。 當然，我還點了加多寶清涼茶，為火鍋降火作好準備。 等了大約20分鐘，龍蝦雜錦海鮮鍋終於送上來，海鮮鍋以大大個的石鍋送上，內裏放了大量的龍蝦及鮮蝦，睇