烏蠅館 (九龍中心大廈)

營業中

休息中

{🍽️ 香港搵食 🍽️｝烏蠅館如果鍾意食烤魚嘅朋友就千祈唔好錯過啦！！呢間餐廳主打嘅係烤魚 🐟 而我今次就叫咗蒜香烤清江魚，因為我唔係好食得辣嘅關係，所以先食蒜香烤，如果食得辣嘅朋友可以叫香辣烤魚🤓🤓 蒜香烤魚仲可以叫佢少鹽少油，啱晒健康一族🙌🏻🙌🏻 呢款魚一條大概700-800gm，魚肉結實肥美，而且都幾滑🤤🤤 一啲都唔會嚡口，兩個人食真係啱啱好😂😂 湯底係濃濃嘅蒜香味，有洋蔥、蔥、芋絲同埋木耳等等嘅配菜，索埋個湯底一齊食，正呀🙌🏻🙌🏻 有湯底當然唔少得要叫個牛食吓啦，叫咗一整份嘅精選牛板腱同埋皇帝菜，單睇色澤已經夠晒新鮮啦，食落口仲好好味添！！ 嘢飲嘅選擇都唔少，今次試咗白土寒天綠茶同埋雪梨玫瑰凍檸蜜，唔錯😌📍尖沙咀亞士厘道29-39號九龍中心大廈地下G29號鋪

平日去烏蠅館 多數幫襯食冒菜 抵食又好食 今晚去食飯 叫咗條招牌烤魚😍-🐟招牌香辣烤清江魚 $348🥬薑汁通菜 $26我嘅首選係爐魚 因為冇細魚骨 今次轉口味食清江魚 原來魚肉一樣肥美嫩滑😙 又冇魚腥喎 最正嘅係魚骨大條易揾 就算滾住食 肉質依然結實有彈性 除咗原條烤魚 有金菇/蘿蔔/雲耳做配菜 配埋白飯青菜🥬 夠晒飽肚-🍹人蔘烏龍茶 $18🍹茉莉蜂蜜奶蓋 $18凍飲唔少得😉 解辣解膩兼解渴 手搖飲品加奶蓋泡沫 再加蘆薈椰果之類 組合應有盡有-🫘紅豆芋圓仙草 $12🌸桂花豆腐花 $10追加食甜品非常划算 而且水準唔馬虎 仙草勁多入口滑嘟嘟 紅豆粒起沙 啱晒嗜甜一族嘅我 桂花豆花係新品 滑嘟嘟又香又清甜 拍得住豆品專門店-🍡香芋地瓜丸 $26

烏蠅館主打烤魚冒菜，一入到去，香氣撲面而嚟，佢哋嘅烤魚好受歡迎，於是就食烤魚。招牌香辣清江魚，$348食烤魚要少少辣先好食😋。烤魚端上來的時候，香氣撲鼻而來，讓人食指大動。這條魚肉質鮮甜結實，魚肉索晒濃郁的香辣醬汁，小辣的辣度剛剛好，既能品味魚的鮮味，又不會太過刺激，一過口癮。入面仲仲小量金菇菜，芋絲等配料，全部都好索汁。自家製的西洋菜餃和韭菜餃，各$68。餃子餡料十分豐富，皮薄餡多。西洋菜餃清香，韭菜餃爽口四川寬粉，$28寬粉的口感煙韌，搭配著香辣湯，正蘿蔔片，$35索左個汁好好食。玫瑰蜂蜜和菊花普洱，各$18這兩款飲品非常清新，特別是菊花普洱，喝上一口，讓人感到舒暢，解膩。

今日黎到尖沙咀食dinner，烏蠅館之前我都食過好多次lunch，今次第一次過黎食烤魚🤤烤魚有三種魚可以揀，我就揀左清江魚，香辣小辣，佢地好貼心有得揀少油少鹽😎上枱條魚好肥美，職員冇介紹錯，真係冇乜骨，啖啖肉🤤魚好入味，但又唔會過咸，同行朋友都話好好食，宜家仲回味緊👅另外欣賞餐廳係佢地火鍋材料全部可以叫半份，咁就可以試多啲唔同嘅嘢，我哋叫咗金菇芽菜同埋佢哋自家製嘅鮮蝦雲吞，鮮蝦雲吞好味，蝦肉好彈牙，必點😎另外叫咗佢哋嘅串燒，叫咗雞翼牛肉肉同埋雞肉串，全部都燒得好香，係即叫即燒，所以熱辣辣😻最後叫咗佢哋個仙草芋圓，呢個竟然係$12一碗😱冇可能唔叫，佢味道都好正宗！

招牌菜 **香辣烤魚**，選用了清江魚作為主料，魚肉鮮嫩多汁，外皮酥脆，香辣湯底的味道濃郁且層次分明。特別是小辣少油少鹽的調整，讓整道菜更加健康且不失美味，是我強烈推薦的一道菜品。 接著，我們還點了 **鵪鶉蛋**，每一顆鵪鶉蛋都煮得剛剛好，蛋白滑嫩，蛋黃香濃，非常適合作為小食。 **皇帝菜** 是一道清爽的綠葉蔬菜，口感脆嫩，搭配重口味的菜品剛好可以解膩。 **土豆片** 和 **鮮淮山片** 這兩道菜品都是非常受歡迎的小食，土豆片香脆可口，鮮淮山片則帶有一點淡淡的甜味，非常特別。 **麻辣豬耳絲** 是一道經典的川味小食，豬耳絲切得細細的，麻辣鮮香，非常開胃。 **薑汁通菜**，這道菜的通菜搭配上特製的薑汁，味道非常獨特且開胃，是一道非常健康的菜品。

尖沙咀見客，佢話好想試吓香港地道烤魚，上網搵食即刻見到川菜館開飯熱店，烏蠅館，個店名真係夠晒趣緻，咁就一於試吓！ 餐廳店員熱情招待，一坐低就介紹正宗烤魚，推薦招牌美食，平日晚上都會滿座，大受食客歡迎。清江魚。招牌香辣店長推薦我們點烤魚，尤其是清江魚最肥美嫩滑，至於口味我們選擇了招牌香辣，挑戰一下中辣。我覺得越食越惹味，味道香濃。清江魚以香辣特色，新鮮的清江魚，為主料，使用超過30種材料，特殊醃製和烤製，味道鮮香。清江魚本身肉質鮮嫩，表面金黃的焦脆外皮，魚肉的鮮香味充分激發，多種香料和調味料，辣椒粉、花椒、蒜頭帶來濃郁的香氣，中辣讓味蕾感受到層次感。滷腩肉清新蔬菜和配料吸收了烤魚湯汁的精華，可以配肥美的滷腩肉，增添了鮮肉的口感，讓整體味道更加豐富。蒜泥白肉（小食）平時唔多食蒜泥白肉，但嚟到呢度一定要試，濃郁蒜泥味，充滿濃厚嘅蒜香，份量亦唔少，每一啖都食到秘製涼拌麻辣醬，新鮮爽口，真係好有麻味，擺入口有驚喜。四川酥魷孜然味的四川酥魷拼薯格，酥脆魷魚幾有咬口，彈牙口感，配薯格，一次過滿足幾種慾望。川式芹菜牛肉紅油水餃（4隻）真係唔好睇小呢個紅油水餃，超級麻辣，川式芹菜牛肉都好食，牛香四溢

今次帶左媽媽去食佢講左好耐既烤魚🐟呢間餐廳我之前同朋友都去食左幾次，媽媽一入到去就話好香既烤魚味，仲有新加左冒菜，成個場都好多人幫親，食完個烤魚連第一次食呢間餐廳既媽媽都覺得好好食，店內既設施又好舒適，服務態度都好好，成個氣氛都令人覺得好舒服🌟烤魚我地叫左清江魚，🐟招牌香辣既小辣，呢條魚既魚肉比較多，d肉好厚實，下面仲有好多既配菜，有木耳，金針菇，洋蔥，白蘿蔔等，仲可以揀少鹽少油，食落去d有魚肉係超嫩，煮到好入味，又無骨，連d配菜都煮到好入味，好好食🌟牛肉串見隔離台叫左烤串好似好吸引咁，我都叫左一串黎試下先，d牛肉係切到一粒粒去烤🥩一啖落去係成口牛油香味。D牛肉都係勁有嚼口🌟爆醬紅糖糍粑我每次食烤魚都必叫既甜品，出面係炸到好香脆，中間係用左糍粑，好煙韌，入面係紅糖，一啖落去就爆曬d紅糖醬出黎，超正🌟皇帝菜可以揀一份或者半份，煮完好爽脆🌟百香果寒天綠茶百香果味好重，入面仲有粒粒QQ彈彈既寒天🍹酸酸甜甜，好清爽🌟玫瑰蜂蜜成杯都係粉紅色既，加左奶蓋同寒天，入面有一片片玫瑰花🌹好濃郁既玫瑰香味，加上寒天同蜂蜜，又美容又清熱

中意烤魚同重口味既你就唔好錯過喇! 餐廳主打烤魚，但都有其他野食。今次我地叫左清江魚❤ 蒜香湯底❤ 少油❤少鹽❤，先講魚肉肉質細嫩，無泥腥味，口感結實，但都幾滑口，一D都唔嚡，而且真係好大條魚，2個人食好快飽肚。湯底濃濃蒜香味，仲有洋蔥，蔥，木耳，芋絲配料，食起黎超夠味，個爐既火力都好夠大，細細火都大滾，熱力十足! 另外再叫左幾款黎look~海蝦❤ 份量都唔小，好惹味~沙白❤ 隻隻煮完都開口，大大隻肉，厚實肥美，大推!四川蕃薯粉❤ 半份 呢個完全索哂湯既精華，煮完薯粉好煙UN，好飽肚薑汁通菜❤ 小食類，所以份量唔會好大份，但薑汁味濃!!

之前聽朋友講烏蠅館嘅烤魚非常之好食，第一間元組店喺東京到創立，估唔到中國菜咁受歡迎紅到黎香港！ 真係意想不到咁好食，招牌調味越食越惹味食唔停口！code落單好方便，用手機點餐之後好快就上菜，好高效率！桂花蜂蜜 $18.00原葉檸檬茶 $18.00四川火鍋麵 半份 $15.00烤盤：清江魚（推薦） $348.00招牌香辣 (小辣+少油）桂花豆花 $10.00精選牛板腱 半份 $64.00豬紅 半份 $26.00爽脆豬黃喉 半份 $49.00

基本上每次食烤魚🔥我都會去「烏蠅館」😉.特色泡椒烤魚(清江魚)🐟清江魚肥美鮮甜😛肉質嫩滑結實，啖啖肉👍🏻泡椒湯底酸辣🫑但偏油少少，仲有木耳、芋絲同金菇🍄‍🟫.沙白🐚鮮甜飽滿🤤🤤.川式芫茜蠔仔紅油水餃(4隻）🥟水餃大隻😋蠔仔鮮味同芫茜幾夾🦪🌿.涼拌鼠耳🖤.檸檬百香果QQ🍹揀咗桃膠、寒天、雪燕😍😍.熱茉莉蜂蜜+雪燕🍯茉莉花清香🌼即使加咗蜂蜜都唔會太甜☺️☺️

對冒菜真係不太認識，剛好同事食完好推介，放工諗唔到食咩，不如一試。這間烏蠅館人氣真勁，星期一晚市竟然坐滿人，而且仲要絕大部份都年輕人。咁多人食質素得到保證。我地直接點了個招牌香辣青江魚，因為不想食飯，所以點了四川土豆粉。坐著等烤魚時先食四川酥魷過水癮，魷魚彈牙，炸得香脆乾身，令人食唔停口。配返杯黑糖冰粉鮮奶毫無違和感。不得不說這個香辣湯底真係好惹味，小辣的辣度剛好，少少麻，酸酸地，辣辣地，開頭味道不突出，但越滾個湯底啲味越黎越出。清江魚肉雪白結實，肉質彈牙，好食。食魚期間就可以落四川土豆粉。這個土豆粉外型似烏冬，但比烏冬煙韌嫩滑，好有口感，和香辣湯簡真絕配~我地仲加左金菇菜和滷豬大腸，幾樣野加埋一齊，似食緊香辣烤魚米線，好過癮~最後食左紅豆芋圓仙草和桂花豆花涼粉解辣，甜品不錯，10零蚊好抵食。

呢間店幾多元化有烤魚、火鍋、冒菜(麵底)選擇今次揀左好耐無食既烤魚首先揀烤魚種類+口味🔻清江魚 - 招牌香辣烤魚 ($348)呢條魚好多肉 兩個人食到好飽🤣辣度揀左小辣 因為愈食會愈辣 剛好就足夠飲品都幾多選擇🔻雪梨玫瑰檸蜜 ($28)仲有得加桃膠 +$5🔻桂花蜂蜜 ($18)味道唔錯 有驚喜烤魚食到一半 就可以點配料做火鍋🔻墨魚丸🔻蝦滑🔻紅糖糍粑仲有串燒🔻雞腎🔻雞皮整體滿足又飽肚現場見都幾多人飯冒菜下次我都想試下😜

今日嚟到位於尖沙咀隻烏蠅館食飯，餐廳以烤魚作為招徠，尖沙咀開業咗都好幾年。我今次就照咗佢哋嘅清江魚，清江魚入口肉質嫩滑，完全冇腥味，加上配埋佢個蒜香湯底，真係好惹味呀。紅油抄手紅油抄手嘅份量都幾多，每一粒都係好飽滿，充滿餡料，配埋少少辣醬一齊食，非常之有風味。燒牛肉串佢哋呢度嘅牛肉串燒得啱啱好，牛肉串嘅外皮燒得超脆，內裏依然保持到牛肉嘅肉汁。稻庭烏冬烏冬入口彈牙，加上煮熟之後沾上唔少魚嘅湯底，所以入口都幾滋味。最近，佢哋為咗慶祝開業，有飲品嘅特價推廣，我就要咗個黑糖鮮奶，鮮奶嘅份量都幾多，加上我又配上珍珠，所以入口都幾有豐富嘅口感。今餐我都覺得幾抵食，兩個人嘅份量$600都唔使，下次有機會嘅話會同朋友再嚟。

麻、辣、鮮、香是四川菜的飲食特色, 天氣涼涼地, 食吓香辣烤魚就好合適, 辣辣地食完暖笠笠。烏蠅館位於尖沙咀亞士厘道, 主打三峽烤魚。招牌香辣烤魚-海鱸魚 小辣嘅辣度適中, 原爐烤魚香氣四溢, 醬汁好香濃, 鱸魚肉鮮甜幼滑, 肉質結實肥美, 魚骨不算多, 份量好足, 可以細味品嚐, 雲耳吸收醬汁精神, 幼滑可口。四川酥魷脆漿酥香, 魷魚爽脆, 趁熱食就更香口。四川傳統酥肉肉質酥香, 結實有嚼口, 調味充滿香氣和麻辣感。川式蓮藕豬肉紅油水餃和川式芫茜蠔仔紅油水餃饀料口感獨特, 紅油麻辣惹味。香芋地瓜丸酥香軟糯爆醬紅糖糍粑香滑甜蜜加上紅豆芋圓仙草和 桂花豆花涼粉, 爽口涼快。

今次我去咗一間一直想去試吓嘅餐廳，點咗佢哋嘅招牌菜——烤清江魚。魚肉鮮嫩，味道濃郁，配上鵪鶉蛋，芝士腸同芝士丸，口感層次豐富，每一口都好過癮。金菇菜既清新又爽口，為呢道菜增添咗一份清新感。至於串燒方面，雞腎串同雞肉串都好有水準，特別係雞腎串，肉質鮮嫩，咬落去嘅時候汁水四溢，真係令人食指大動。而雞肉串則香氣四溢，烤得剛好，外焦內嫩甜品方面，豆腐花滑得冇得輸，搭配紅豆同芋圓仙草，甜而不膩，係完美嘅收尾。而飲品方面，黑糖珍珠奶茶嘅珍珠Q彈，奶茶香濃，配埋可樂更加清爽。