無二三

營業中

休息中

前幾日和同事再去這間Cafe吃午餐，中午一時竟然空無一人⋯⋯和同事叫了手工麻糬堡（煙三文魚），手工薯條轉炸南瓜，青咖喱雞柳炒烏冬，溫泉蛋明太子貝柱烏冬，熱伯爵茶。先上的是麵豉湯和麻醬青瓜，麵豉湯夠熱，好喝，好想問老闆可不可以添多一碗。麻糬漢堡絕對有驚喜，有點煙韌配三文魚和自家醬汁剛好，炸南瓜水準猶如天婦羅，真心讚👍🏻南瓜天婦羅，大愛❤️！青咖喱炒烏冬同事覺得辣，但我自己覺得剛好。溫泉蛋明太子貝柱忌廉烏冬，非常合我口味，入口溫和，個人很喜歡。然後我們叫了一個咖啡曲奇味烙芙，甜點老實說我不懂，但起碼我吃到它的鬆化香脆和細膩的咖啡曲奇忌廉，同事說像吃着咖啡曲奇雪糕一樣滑溜。整頓飯我和同事聊得很暢快，但是令我覺擔心的是午膳都沒有人影。整間餐廳裝修佈置，所有小節以至餐具都很用心，只有兩夫婦去經營的小店，誠意十足，尤其店子的名字直接觸碰到我靈魂：「人生不如意事常八九，可與人言無二三。」廣東話這叫骨氣，古典啲叫風骨。人越長大，就會發覺好多說話心聲無從說起，何況今日香港，只有無言⋯⋯肥老闆，我撐你倆，你們的食物很好吃很用心，千祈要撐住💪💪💪。#莫要失去了才珍惜#我不是專業foodie拍照不漂亮請見諒

生於斯長於斯，在港幾十個年頭，都冇咁樣嘅用餐體驗，一個平常星期五晚上，八點幾只有數枱客人。原來我攞張A4 纸 size出嚟，核對一吓D自己事情會比人再三強力'建議'收理，唔好比其他人覺得我在餐廳處理工作，影響佢餐廳比人嗰印象喎，佢間餐廳唔係比人用嚟做嘢。 態度,冇禮貌可想而知.入坐之前又冇講規矩, 我同太太當時都打個凸。澳x比人話差，喱間係世一，成晚不吐不快, 離開後先係門邊睇到佢定下D規矩食物質素，普通過唔普通。用餐半小時即閃，當發個惡夢，唔去食也吧！真真假假，小事化大？如其他食評大致相同，自己去試吓就明。祝佢好運，不要張自己放大到咁高，性格，規矩同生意應取平衡！！！我個人咩情況都唔再去

第二次嚟，啲嘢食都算好食，不過個男老闆啲態度令我唔會想再嚟嘅。十二點正過咗都未開門，企咗幾分鐘，等男老闆ready然後主動問我哋係咪嚟食嘢先至入去。兩個人入到去，表示我們有3位，佢繼續黑面和惡惡地咁講,“另一位係咪嚟緊？我哋用餐時間90分鐘。”其實而家好多舖頭都會限時，但一般店員都會客客氣氣咁樣講呢句說話，唔會令你有不受歡迎嘅感覺，但呢度就好似你嚟食免費餐咁同你講嘢。。。你以為佢好忙好多人嚟所以咁寸咩，隔咗一個鐘才有第二枱客。（我留意到男老闆對其他客人嘅態度一樣係咁唔友善。）不過女店員（應該係老闆娘）就好正常。屋企最麻煩嗰個鐘意呢度，就算男老闆這樣態度她都欣然後接受和體諒。相比起老闆態度，如果家人不高興就會肯定更難頂了。再強調，食物質素是不錯的。只要你不介意有可能要受下男老闆嘅態度。不過呢度仲有個好處，係真係好少人，星期日，對面家後排曬隊，呢間就有比較安靜嘅環境。一入嚟就俾人黑面已經冇心情影相，攞返第一次食物嘅相畀大家參考下。掙扎咗好耐出唔出呢張食評，因為我可能會招致此店支持者/慣性攻擊人嘅人攻擊。但我希望有人可以容許我表達自己用餐嘅感受。。。

本身第二次光顧，覺得食物都正常Ok;跟住再次光顧一次，當天已經只有我們一枱客，落單個位女士已經不是好客氣，落完單之後拿了一份文件出來相討一下，突然有一位怒氣沖沖的人出來話，話間餐廳不可以傾文件，本身想跟他講是否不準說話這個男人話門口寫明不可傾文件，我們即時話走，個個男更爆粗駡我們，若大家在深水埗食飯，千萬不要去無二三。

屋企人之前介紹過無二三比我 話呢間啲嘢整得好食又唔貴, 早兩日約咗個friend喺太子行開街就順便過嚟試下. 呢度環境都唔錯, 有啲情調咁, 座位都幾闊落.  睇到餐牌好多樣嘢食都好吸引我哋, 今次揀咗5樣試咗先: 牛油果醬麻糬多士,  雜錦天婦羅, 鰻魚玉子燒, 無二三日式卡邦尼燴烏冬 同埋甜品芭菲. 牛油果醬麻糬多士 牛油果醬味道帶點酸甜, 開胃清爽, 入面有牛油果蓉,蕃茄粒同芫茜粒等等, 放喺即叫即製嘅麻糬多士上面, 一冷一熱, 果醬嘅順滑+多士嘅煙煙韌韌, 出奇地配合, 好味. 雜錦天婦羅 有5款天婦羅: 大蝦, 茄子, 翠玉瓜, 金菇, 南瓜, 估唔到誤打誤撞會食到咁正嘅天婦羅, 皮脆漿薄, 入口清爽唔油膩, 我同朋友都覺得相當出色.鰻魚玉子燒 玉子燒整得幾香滑,中間夾住濃厚鰻魚, 兩者口感好融合, 食起上嚟一樣咁軟綿嫩滑, 而且估唔到份玉子燒都幾大碟.無二三日式卡邦尼燴烏冬其實有好多款烏冬都想試...但見佢呢個名有放埋自己舖頭名落去就試咗呢隻先! 第一次食卡邦尼唔係用意粉煮, 點知原來用烏冬煮好似仲夾! 烏冬獨有嘅彈牙軟綿口感, 令到整體更加Creamy. 烏冬大大份, 加

上個月尾有晚去咗呢度同朋友飯聚, 第一次幫襯, 試咗幾款嘢食都好滿意, 睇得出係有heart製作食物, 整體好impressed! <蘇梅杏片蝦>呢款冷盤幾有驚喜, 虎蝦刺身新鮮爽彈, 配合埋酸酸甜甜嘅醬汁同脆卜卜嘅杏仁片一齊食, 相當之夾同開胃~<日式叉燒麻糬堡 配手工炸薯條>呢個係相當滿意嘅一碟, 首先用麻糬嚟做漢堡皮已經幾盞鬼, menu寫住麻糬係用窩夫機新鮮烘夾出嚟, 食落口感煙韌相當唔錯~ 而日式叉燒比起喺拉麵舖食開嗰種好食好多! 叉燒肉質半肥瘦 一啲都唔柴, 而且望落係炙燒過 所以味道勁香, 中間夾住嘅沙律菜同蕃茄亦都剛好中和咗叉燒嘅一點點油脂~ 啲薯條色澤金黃, 一樣整得好好味, 炸得好香脆, 而且口感特別, 同坊間食開嘅唔同的~ btw 佢仲可以加錢轉炸菇條或炸南瓜<鰻魚炒飯>炒飯上枱時香噴噴, 賣相相當之吸引, 個飯炒得好靚 做到米粒分明, 珍珠米嘅口感亦都飽滿煙韌. 最緊要係鰻魚汁嘅味道都好恰當, 帶一點甜, 又唔會過鹹.  鰻魚份量仲要好大方又大大粒, 可以食到鰻魚綿密同軟嫩嘅口感~ 入面仲夾雜啲翠玉瓜, 甘荀,洋蔥

幫襯左呢間野3，4次真心欣賞餐廳有認真整野食但今次嘅體驗係極之差！！！但老闆嘅態度係令我唔會想再黎食1. 食到咁上下會有人問：要唔要加甜品，差唔多90分鐘要埋單，我望一望鐘係8點3（bk jor 7點枱） 2. 甜品黎到差唔多食完會有人問：埋左張單先90分鐘要交枱，全程望住你幾時肯走（Wtsapp bk枱時係完全無講用餐時間只限90分鐘）之前食過呢間幾次都無試過俾人咁樣催， 唔明點解有位嘅情況下仲要咁樣催人交枱之前黎食嘅時候都覺得小店難做，所以有機會都會帶朋友黎食支持下，真心好失望！要支持都支持想帶好食物同好嘅用餐體驗俾顧客嘅餐廳而唔係趕人走嘅餐廳

為咗滿足自己對新鮮口味嘅好奇心，我今日就嚟到呢間餐廳，率先點咗壹杯木瓜茶，個味清新得黎又帶點暖意，真係好適合打個底🍵！接著嘅伯爵咖啡梳打就真係出乎我意料，倒完咖啡入去伯爵茶，每一啖嘅餘韻都係咁滑咁香，完全係一次令人喜出望外嘅體驗！點完飲品，眼光就畀窩夫三文治吸引住。說實話，窩夫配炸牛肉真係諗都未諗過，但呢樣組合真係層次分明，窩夫嘅鬆軟同炸牛肉嘅脆嫩完美融合，咬落去彈牙有勁嘅口感，加上紫菜碎嘅香氣，真係嘆為觀止💥。坦白講，今晚嘅每一樣嘗試都令我好滿意。呢次嘅食評，想同大家分享嘅唔只係食物嘅味道，仲有種種意想不到嘅配搭。如果你對新奇食材同味道有興趣，咁就真係要嚟試吓啦👍！

人生去過態度最差嘅餐廳 沒有之一‼️入到餐廳啱啱坐低 個店員已經勁唔welcome咁話 「提提你啦 嚟度人頭$70 限時90分鐘 謝！絕！開電腦」真係得你呢間餐廳咁威會講到明係「謝絕」開電腦 ok你係老闆 你喜啦😀之後落order嘅時候 本身我哋諗住落咗主食先啦 之後先落甜品啦 然後個侍應就話 「要人頭$70喎 你哋知㗎何？」 駛唔駛啊 邊有一間餐廳咁樣無間斷地提住最低消費 隔咗唔夠5分鐘 另一個店員就走過嚟話 「我哋呢度係人頭$70 唔係人均$70喎 即係你唔可以一個人嗌兩杯嘢飲」 ??? 對唔住 我見識淺薄 真係第一次見一間餐廳set最低消費可以做到咁樣衰 淨係一路話我哋4個人 嗌2個主食 一定要加一杯正價嘢飲 唔可以跟餐 咁你可唔可以講吓人頭同人均嘅分別？ 我唔知係佢間舖得兩檯客所以佢係咁bea住我哋啦 定係佢針對 但佢係全程 無錯係全程都bea住我哋嗰檯 再喺我坐低嘅第85分鐘準時比張單我哋 成個customer experience差到貼地去到嘢食啦嗌咗個burger啦 唔熱唔凍咁 之後嗌咗兩個佢間餐廳最出名？嘅甜品 咪就係無餡+麵包皮厚少少嘅泡芙+ 一啲凍嘅cream喺面

上個月又同D朋友去無二三食晚飯，我地之前都黎食過三次，都開始變成呢度既熟客，主要係鍾意呢度D野食整得好好味，價錢又合理，環境亦都舒舒服服～餐廳氛圍偏向"和洋風"，今次臨近聖誕去仲多咗D聖誕佈置！今次發現餐牌吸睛咗，款式比之前豐富咗～ 餐牌入面有分唔同種類既食物，例如沙律／冷盤／炸物／煮物／鐵板／燒物／麻糬堡／烏冬／飯類／甜品 等等。。最開心見到喺炸物入面加咗我至鍾意既海苔魷魚鬚！第一樣見到即嗌既就係海苔魷魚鬚， 份量都幾大兜！炸得好香脆，脆漿入面滿滿既海苔碎包住彈牙既魷魚鬚，食到停唔到口。。之後煮物就揀咗鰻魚玉子燒，呢款都係新菜式～份量亦都幾大份，厚厚既蛋卷包住唔少鰻魚喺入面，咬落去口感好嫩滑，蛋香味濃郁兼帶有微微甜味，再配合埋鰻魚同埋甜甜地既鰻魚醬汁一齊食 味道好夾！鐵板就揀個鐵板洋蔥豚肉，上菜時香氣撲鼻，豚肉同洋蔥都相當多，豚肉口感軟滑，再夾埋洋蔥既香甜同埋D醬汁一齊食，如果有埋碗白飯就正喇食落口仲夾雜D爽脆既甘荀絲，令口感更加豐富咗～跟住燒物就要咗蒜香味噌烤茄子，除咗聞到好香之外 賣相都好吸引，茄子烤到軟綿綿既質感，蒜香味噌味夠濃郁，好惹味！仲叫咗個和風炒飯，呢個又係新加既菜式～

第一次未食任何嘢，都要比差評嘅一間餐廳。今日星期一下午1:30左右，我哋兩公婆同埋兩歲小朋友想去無二三食嘢，之前打電話問佢有冇BB凳，佢一聽到我哋有BB，就即刻話冇BB凳之餘，仲要人頭收費$70。我話BB得兩歲唔會食嘢，佢都堅持要收；咁我都覺得冇所謂，所以就入咗呢間餐廳。入到去揀嘢食嘅時候， BB喺老公嘅陪同下行咗去隔離玻璃門囗睇出邊街景，期間冇掂到店內任何物品。我就叫侍應姐姐嚟嗌嘢食，點知佢話BB唔坐好，唔可以嗌嘢食。我話我明白小朋友唔可以喺店內走來走去，但係希望佢哋理解小朋友仲細，需要少少時間安頓，我可以一路搞掂佢一路嗌嘢食。佢堅持唔俾我嗌嘢食，跟住男老闆仲叫我哋搞掂好個小朋友先至好入嚟食嘢。我麻煩佢哋理解小朋友真係細，但係唔會影響到佢哋生意，兼夾嗰時得我一台客，並冇其他客人，但係男老闆同個侍應姐姐keep住態度差，唔俾我哋嗌嘢食，最後侍應姐姐仲喺我手中「搶走」個Menu。我明白Cafe唔係招呼小朋友，但係佢哋態度惡劣，兼且一啲同理心都冇。平心而論，我哋去嘅時候冇其他客人，我BB既無喧嘩大喊，亦冇掂過佢店內任何嘢，所以絕對影響唔到佢做生意；我亦都只係要求佢俾多少少時間我去安頓個小朋

見過社交平台有foodie推介呢間無二三, 果陣即刻cap低左圖, 早輪有日放工就約埋兩個同事過黎試下~ 睇餐牌好多樣都想試下, 最後嗌左以下呢堆野食~芥辣八爪魚D八爪魚食落口幾新鮮同爽彈, 有芥辣味之餘亦唔會攻鼻, 好岩做starter~椰菜雞肉沙律 配 無花果醋汁呢份沙律比我地想像中大, D菜都好新鮮,  雞肉就正正常常, 重點係個無花果醋汁整得好好味! 而且出面都比較少見~芝士大啡菇呢個大啡菇整得好OK, 一咬開已經食到個大啡菇勁juicy同鮮味, 口感彈牙,  大啡菇上面仲有D洋蔥同埋日式叉燒, 上面蓋住一大塊炙燒半溶芝士, 整體口感有層次而且味道香濃~鐵板豆腐賣相勁吸引, 鐵板滾熱辣渣渣聲咁黎到, 上面仲有一大堆木魚花郁下郁下好生動~ 主角厚切豆腐有4大舊, 豆腐夠滑有豆味, 連埋D帶蒜香味既醬汁同木魚一齊食夠晒惹味香濃! 我覺得呢個真係必點~櫻花蝦炒野菜一向鍾情櫻花蝦, 所以見到呢個即叫~ 呢味菜非常發揮到櫻花蝦既特點就係...香, 一上枱聞到好香!! 野菜種類亦都幾豐富, 有椰菜, 翠玉瓜, 洋蔥, 紅蘿蔔絲同埋菇~份量亦幾大碟~溫泉蛋明太子醬忌廉小貝柱燴烏冬呢個烏冬係堅

上週未約左好友一聚update下大家近況，本身諗住去太子一帶食個快晏再去買野。點知臨落車之前朋友話不如去基隆街嗰頭搵間cafe坐下。二話不說即刻睇下附近有咩好地方可以試下啦。就係布街附近搵到間cafe,望落幾好坐，環境幾靜，餐牌主打日式出品，價錢亦合理。於是就入去試下。日式咖喱滑蛋吉列豬扒飯吉列豬扒炸得鬆脆，色澤金黃，肉質保留到水份。咖喱日系風味，唔辣較傾向果味。每啖都有好多入味既洋蔥條。成餐份量亦都剛剛好。對得住個價錢。喜愛度(5分為滿分): 4煙三文魚麻糬堡麻糬堡包身係窩夫狀，質地帶煙韌。煙三文魚有油香，有大片蕃茄同多菜。夠新鮮👍🏻。襯左胡蔴醬做點綴。整體味道唔錯，絕對可以一試。另外佢漢堡餐都會跟薯條。賣相同坊間有啲唔同，估計用左炸天婦羅嘅方法去處理。又估唔到幾好食喎。下次會試下加錢轉炸菇條試下。喜愛度(5分為滿分): 4.5台灣紫薯鮮奶沖咖啡既做法沖調呢杯飲品，紫色嘅鮮奶底加棉密嘅奶泡再灑左啲紫薯碎喺面賣相幾靚，奶香加埋淡淡的紫薯味，唔太甜，幾好飲。喜愛度(5分為滿分): 4DirtyDirty沖得唔錯。咖啡好夠香，連唔飲咖啡嘅朋友都覺得香。平衡做得好好。味道回甘，較Nutty。

之前幫襯咗呢度兩次, 食過午市同晚市都相當OK.今晚又帶埋友人去試其他菜式, 一向懶到出汁嘅我今次終於的起心肝寫寫食評. 原因好簡單, 用心做食物嘅餐廳買少見少, 絕對值得多啲人發掘到呢度.芝士年糕:一客有4件, 炸到金黃色, 色澤幾靚.做到外脆內軟嘅效果, 咬開入面有軟滑嘅年糕同埋流心芝士, 好香芝士味.炸菇條:平時比較少食炸菇條, 所以叫嚟試試, 好有驚喜.炸菇都幾大塊, 一入口係香脆嘅外層, 之後食到鮮甜軟嫩嘅菇條. 食落一啲都唔油膩.點埋一齊出場嘅醬油去食, 味道就更加豐富.櫻花蝦炒野菜:估唔到有超級勁多櫻花蝦, 所以成碟菜都好香, 特別係啲菇同翠玉瓜都吸晒櫻花蝦香味! 仲有唔少椰菜, 紅蘿蔔同洋蔥, 勁足料....$52好抵食!鐵板洋蔥豚肉:呢個嚟到嗰陣都係勁香.....用鐵板上 熱辣辣仲噴緊煙! 豚肉係用咗豚肉片, 肉質腍軟. 洋蔥夠熟唔會辣, 仲食到洋蔥嘅甜味, 撈埋啲汁一齊食好好味. 呢碟一樣好足料, 無論豚肉同洋蔥都有唔少.荔枝玫瑰梳打:呢度嘅飲品都做得好出色, 唔單止樣靚仲係堅好飲! 飲落去嘅感覺係清甜清新. 當我覺得兩層顏色嘅賣相已經好靚嘅時候,原來內有乾坤...

今星期二晚來這裡和朋友聚聚, 地方幾靜和幾好坐, 裝潢有點日系的風格, 整體環境都挺舒服的.  餐牌上都頗多選擇, 第一次來隨意點了數款先嚐一嚐,炸菇條 ($48) >> 菇條應該用了天婦羅的炸法, 外層麵衣酥脆, 咬下也吃得到菇條原有的鮮嫩多汁. 配上的醬汁也是熱熱的, 蘸上醬汁吃也不會把剛炸起的菇條弄涼.脆炸雞 (6pcs) ($68) >> 蘸醬可以選配柚子醋或甜辣醬, 我們選了甜辣醬, 甜甜辣辣挺惹味的. 炸雞賣相色澤金黃, 炸得很香口, 外脆內軟, 雞肉的肉質保留到嫩滑感.椰菜雞肉沙律 配 無花果醋汁 ($88) >> 份量豐富, 除了紫椰菜絲, 白椰菜絲和雞肉, 裡面還有一些藜麥, 合桃和沙律菜. 而無花果醋汁是最值得一讚的, 首先醋汁上灑的粉紅色無花果碎一上桌已頗吸睛,  同時醋汁的味道調較得不錯, 不會過酸或過甜. 把無花果醋汁淋上沙律一起吃, 搭配清新好味. 脆炸牛手工麻糬堡  跟 手工炸薯條  ($78) >> 用麻糬來製作漢堡很少見, 兩片麻糬是窩夫形狀的, 質地軟糯煙韌, 脆炸牛份量很大件, 咬開口