無極冰廳 (樂居樓)

營業中

休息中

中午去了灣仔做野，之後同同事去了附近一間無極冰廳食午餐，餐廳是港式茶餐廳，主打常餐及炒粉麵飯，另外還有越式粉麵，款式甚多。蕃茄濃湯鮮牛肉公仔麵配北海道3.6牛乳炒蛋及牛油方包，公仔麵用了福麵伊麵，伊麵吸收了番茄湯汁，酸甜開胃，而且番茄湯十分濃郁，有少許洋葱，炒蛋幼滑蛋香十足。蒲燒鰻魚炒滑蛋飯，原條鰻魚蓋上飯面，鰻魚充滿燒汁甜香味，鰻魚份量十足，而炒蛋一大片蓋過飯面，飯爽蛋香，非常飽肚。最後飲返杯檸茶。

下晝2點入去都有好多人，我前面仲有9個人一齊入座添，但呢度環境闊落座位多，而且裝潢幾型格，所以都幾舒服自在。🇯🇵 秋田脆皮芝士腸茄汁蛋包飯 $60面層嘅蛋生熟程度啱啱好幾嫩滑，茄汁酸酸地好開胃，入面係滿滿嘅蛋炒飯同埋芝士腸仔粒，好飽肚😋🧋 奶茶紅豆冰 +$12個凍奶茶幾高質👍🏻 味道濃郁有回甘，下次可以試埋熱奶茶🙌🏻 紅豆份量好足，軟腍好咬。🇭🇰 菠蘿包 $8都幾大個，脆皮好食、唔會太甜，包體鬆軟綿密。夥計嘅態度唔錯，所以有好多熟客👍🏻

今日去灣仔做野，所以去附近揾間餐廳醫肚先，呢間無極冰廳，都算大間，裝修又靚，所以吸引左我入去幫襯，我試左佢無極全日飯餐嘅日式照燒雞扒太陽蛋飯跟餐飲左熱華田，而家好多餐廳打開櫃桶有埋餐具，呢度有埋紙巾，呢啲細心位好加分👍🏻呢到啲熱華田比較濃味，花奶比較多，所以我連糖我都冇落，今日又落雨，飲柸熱飲好暖胃🤤照燒雞扒太陽蛋飯😍先講佢隻碟先，漸變藍色超靚，未食已經令人好開胃，跟住隻太陽蛋係流心架，總共有兩隻蛋，蛋香味超重，雞扒醃得好入味大大塊，飲嘅份量亦都多👍🏻

呢日好早就起咗身食早餐，所以去到11:00am 嘅時候，已經開始有啲肚餓😅，喺灣仔站附近，諗住簡單快趣食個 early lunch，行過呢度，見到11:00am 就已經開始有午餐食，咁就冇乜考慮啦，嗱嗱聲入去開餐😆叫咗 $58嘅 午餐「咖喱斑腩飯」，包熱飲，叫咗一杯「熱奶茶☕️」，都唔使5分鐘叫嘅嘢就全部嚟到💪，斑腩用脆漿包住炸過，脆漿又沾滿咖喱汁😆，大大碟，幾抵食😆；嗰杯熱奶茶☕️熱辣辣，亦都幾香滑😊

"《无极冰厅》🍽️香港人🍜吃出人情味 用心製作每道菜！看似平平無奇，似是一般茶餐廳，卻淡淡充滿驚喜！全因老闆在每道菜也落足料，高質，大碟，抵食！特別推介鮮蕃茄通粉配黑松露炒蛋多士，採用新鮮蕃茄製作茄湯，非常揼本！還有法國大廚秘傳黑松露卡邦尼炒意，特濃肉醬窩蛋飯， 鮮滑蝦仁炒蛋飯，沙律潛艇，等等也是本店推介！大家經開一定要去試試👍🏻==============================无极冰厅地址：湾仔谢斐道118号乐居楼地下D-F号舖

其實我對冰室嘅常餐係有一種特別既情意結，所以就繼續去試灣仔區入面既冰室，今日揀左「無極冰廳」。今日lunch超大雨，本身餐廳已近滿，諗住轉外賣架啦，但剛剛好阿姐話有兩個位，梗係坐底食避個雨先！間「冰廳」入面裝修以深黑色為主調，周圍都掛滿哂唔同既擺設，睇黎而家好多香港既冰室都走高格調路線，就算係來去匆匆，都可以感受到餐廳既誠意。照舊今次我叫左一個套餐，有沙嗲牛肉麵、北海道3.6牛乳炒滑蛋、鮮牛油方包，心郁郁加左9蚊叫多杯紅豆冰，又係冰室基本配置，野食亦都好快就有。北海道3.6牛乳炒滑蛋＋鮮牛油包3.6牛乳唔係度度都有，奶味濃郁，而且口感好嫩滑，搭住方包食，正！今次我冇加多3蚊就多士，如果再脆身啲應該會重好味沙嗲牛肉一丁麵跟住當然就要試沙嗲牛麵，我今次轉左一丁，落埋啲味粉落去味度梗係一流，而且麵質彈牙，煮得剛剛好，絕對加分，再加上濃濃既沙嗲牛，十分滿意！蕃茄雞扒濃湯公仔麵朋友就叫左個蕃茄雞扒濃湯公仔麵，哩一張相係原圖直出，你一望都知個湯底超濃，而且雞扒勁大塊，大件夾抵食，下次黎一定要再試！最後搭多杯重點既紅豆冰，真係好耐冇飲啦，完美ending！餐廳：無極冰廳地址：灣仔謝斐道118號樂居樓

之前都見到呢間餐廳大排長龍，今日經過灣仔，所以都忍唔住去食。其實我見好多人都會叫佢嘅蛋包飯，似乎好惹味。而我自己偏愛麵類，所以就叫左碟名古屋牛肉炒稻庭烏冬（午餐時段$66，下午茶時段就會平啲）。碟烏冬送到嘅時候熱辣辣，而醬料都十足。我自己特別鍾意食佢嘅牛柳，份量好多，件件都好大塊。唔好太韌太硬，嫩得黎好容易咬，口感亦都好唔錯。味道方面，唔會太鹹，偏甜。我個人特別鍾意食扁烏冬，而佢哋嘅烏冬係手打製作嘅。特別嘅係佢係炒得好乾爽，唔會太油膩。另外我叫左個利賓納特飲（$24），一口烏冬，一口凍飲，十分滿意！

今朝適逢到灣仔外邊工作，中午在附近覓食，灣仔一帶餐廳林立，灣仔打工仔都真係幾多選擇呢。今次走進謝斐道，試了無極冰廳，餐廳名字夠型格!餐廳係走茶餐廳路線，店內主要是黑色作主題，配上木檯凳，但燈光明亮，唔會好陰沉。座位都算舒適。大大塊的鰻魚鋪在飯上，魚肉下係一層厚厚的滑蛋蓋過白飯，然後再加上了燒汁點綴，賣相相當吸引!! 而且這樣大塊的鰻魚都只係80元，價格比出邊的相對便宜。魚肉口感脆腍兼彈牙，秋天食食都幾滋補! 滑蛋同出邊茶餐廳做法有點不一樣，完全冇奶騷味，蛋香濃郁，非常滿足。

正好當日有事需辦理，不過極快攪掂，見時間尚早可以食個下午茶先，🚶🚶‍♀️🚶‍♂️就走咗去附近食街度望一望👀無極冰廳既裝修都算唔錯，同一條街都應該唔算差，企係門口唔夠半分鐘，侍應都即時門口歡迎啦，超nice！👍睇哂成個下午茶餐牌，搵到兩款既吸引，飽和度又剛好既選擇😆沙爹牛肉包熱狗包煎至香脆，沙爹牛肉味道香濃醇厚，份量十足，招牌的沙爹牛肉實至名歸！皇后滷水大雞髀 🍗拼 薯條🍟滷水入味，雞脾亦非呃錢既細細隻，但正宗茶記既波浪薯條唔脆拉低咗少少分，但仍是合格水平👌

一個人喺灣仔行嚟行去覓食，喺openrice見到呢間冰室就喺附近，啲嘢食又好正咁，就去試吓啦。12點去到，冇乜人食，之後有上班族嚟食，不過都未見滿座。喺呢個menu叫咗個無極公司飯，有豬扒、香茅雞翼、腸仔，要加錢先有嘢飲所以冇加到，menu冇午餐，之後發現牆上有個電子mon有寫午餐，仲要都有豬扒腸仔飯，平啲仲有嘢飲，個mon會keep住轉，根本就睇唔到午餐。份量中等唔算大碟，隻雞翼幾迷你，不過脆個豬扒普通冇乜特別，冇好勁梳打粉味都當ok服務態度方面還好，不過得2個人做嘢，忙個陣就躁啲同埋唔係好得閒應你

這天早上不清醒，以為自己上班遲到，但原來看錯時鐘，所以這天有空間去餐廳吃早餐！餐廳在地鐵站附近、辦公室隔壁，所以地點對我來說非常便利。早餐時間餐廳人流不多，能夠在這樣寧靜舒服的環境享受早餐，其實是一件很快樂的事！我吃了一份經典的茶餐廳早餐，最快送來的是華田。這裡的華田不隨便，味道很濃郁！接下來是炒蛋方包。方包是軟熟的，感覺是很新鮮的。炒蛋亦很出色，質感很嫩，這是高質素的港式炒蛋。最後是仿鮑片 火腿絲通粉。調味稍稍清淡，份量不少。整體來說，這是一份令人充滿活力的美味早餐！

今日去完珠寶展行咗成日 已經好攰所以諗住行過求其搵間野就入去坐低食所以落咗天橋就見到呢間野睇落都幾光猛 裝修都有少少design所以就同啲friends一齊入咗去今次黎呢到就叫咗個叉燒炒滑蛋飯佢地既叉燒炒滑蛋飯同其他鋪頭有啲唔同佢地係用咗豬頸肉既部位黎整成叉燒所以令到啲叉燒好彈牙好有口感而且仲好入味對比其他餐廳都唔洗顧慮會鞋口既情況另外朋友叫咗個鰻魚滑蛋飯睇落都好好食鰻魚汁煮都幾好 唔會太水鰻魚仲係整條俾哂你睇落都幾抵食

返工都食物到鰻魚飯啦平民價錢又抵食鰻魚上淋滿醬汁醬汁杰稠，鮮甜入味而且甜度剛好，拌飯一齊食👍🏻價錢實惠，嫩滑肥美😘鰻魚飯用上原條鰻魚，無泥味道非常巨型的鰻魚！❤️而且唔係等好耐我以為要半個鐘結果10分鐘內就到所以真係趕時間都可以食到餐廳位置好舒服，坐得夠位星洲炒米反而耐過鰻魚，夠火候香噴噴，都有配料一齊食，整體好大碟食唔完啊😂仲可以加💰飲紅豆冰、鴛鴦紅豆冰，非常濃郁的奶味道，夏天好適合飲！

最近工作十分忙碌，真係忙到連食晏都冇時間，過咗食飯時間，唯有落樓下搵間茶餐廳依個肚，之後繼續努力工作。過咗午餐時間，下午茶時段更划算😜，同樣的出品，價格優惠了不少，而且也不會有太多人。《香辣菜甫星洲炒米粉+凍奶茶》$52炒米粉配料多，米粉炒得軟熟，最欣賞的就是炒米粉的盤底不會有一坨的油，廚師炒得非常到位。《炸雞髀沙律+凍檸茶》$45雞脾肉厚，劃開幾刀易入味之餘更容易炸熟，生炸的雞腿皮脆內嫩，非常香口。

茶市比午市多人，坐滿成間餐廳。服務態度好好，上菜夠快。秘製金牌叉燒炒滑蛋飯 $60雖然圖片同實物有啲分別，味道上無落差。尼間叉燒同其他餐廳唔同，唔係用脢頭這個部位，而係用左豬頸肉，都幾特別。唔係由蜜糖帶出甜味，用左甜豉油，蛋都幾滑溜。麻辣手撕雞撈手工麵 $54原本係配烏冬，可以轉跟手工麵或米線。醬汁睇落唔係好多，其實最後都夠撈均成碗麵，每啖都食到醬汁。麻辣味好過癮，但都真係幾辣，食幾啖就要飲凍嘢解辣。