無極手工麵.燒烤.私房料理 (已結業)

今日係到食左個早餐，個早餐就不過不失無特別，食完個早餐之後繼續飲埋杯檸茶，差唔多飲完比我發現有一執毛髮係個杯到，d頭髮捲埋一舊極其嘔心，我第一時間叫個侍應過黎，佢話阿姐唔小心跌左條頭髮落去，同時即刻收走我杯野飲同d毛髮，之後佢比過杯我就算，大佬呀，我要飲既都飲夠，仲要咁核突，仲點飲得落呀？仲要係咁將責任推落阿姐到，仲有d毛髮一d都唔似係跌左一兩條落去咁，而家係似打掃完捲埋一舊之後唔知點樣跌落我個杯到，而家返屋企係廚房廁所見到d頭髮都有陰影，最後d相有機會用黎告呢間餐廳，所以就唔upload埋啦

早餐時間大家只求快、靚、正，今朝係餐廳外面見人小小就一於唔好煩啦。早餐B ~ 招牌沙嗲牛肉公仔麵配北海道3.6牛乳炒滑蛋公仔麵係用大光麵，上枱只覺得啲麵入口係滑潺潺，明顯係用下價貨式，牛肉用鬆肉粉醃到又係滑潺潺咁，所謂嘅招牌沙嗲真係完全感受不到有任何沙嗲嘅香味，唉，只可以話係一碗食得飽嘅”東西”。。。師傅可以唔好咁 hea 住做得嘛？！北海道3.6牛乳炒滑蛋合格，要挑剔的話上枱係凍的，而且開始出水，明顯係煮好住一段時間。。。跟餐多士用”香香”貨，要挑剔的話早餐食多士要加兩蚊！。。。唉、生意難做？跟餐熱奶茶合格綜合嚟講只係一間 hea 住做嘅茶仔。。。份早餐價錢賣$40 另加 $2 （轉食多士），真心講句希望老板可以認真考慮吓轉營。。。

如果你喺灣仔區食飯，趕時間嘅話一定都係非無極依間餐廳莫屬，佢上菜嘅速度極快但質素就一般。今次午餐叫咖喱豬扒腸仔飯坦白講咖喱汁一般茶餐廳質素，塊豬扒都算幾大份，不過值得一提嘅咖哩汁既耶香味十足。上菜夠哂快，五分鐘內就上到黎。但係都要60幾蚊，抵唔抵食就見仁見智啦。如果有足夠時間進食午餐，或在下午茶時段才來，星洲炒米都幾受歡迎。這間餐廳的星洲炒米係即叫即炒，份量都算多同埋惹味，入邊有叉燒同蝦仁同火腿，如果唔係太趕時間嘅話，算係餐廳最有鑊氣嘅粉麵類食物。佢最出色嘅係星洲炒米唔會吵到太濕，又唔會太過鹹或者太過辣。

和同事外出想要隨便找一間餐廳醫醫肚，恰巧從來都未試過lunch食茶餐廳，在外面又瞄到lunch set居然有個黑椒牛扒腸仔飯，於是自然就走左入黎試一試大中午的茶餐廳黑椒牛扒腸仔飯了。因為中午時份，餐廳里的人數都幾多，等左大約１０幾分鐘黑椒牛扒腸仔飯才上到，當然時間不算太遲，我完全可以接受。但在黑椒牛扒腸仔飯上桌的時候，我和同事都有點奇怪地互相望了望對方。首先，這個完全唔係牛扒！橫看豎看打側看都只能勉強稱得上是牛·唔知邊忽·肉＋腸仔飯。雖然外觀唔得，甚至感到被欺騙，但我們都姑且試一試佢的味道，說不定禾稈冚珍珠呢！然而，黑椒牛扒腸仔飯，黑椒汁的味道淡到完全FＥＥＬ唔到，反而食到有小小甜味。“牛扒”沒有牛扒味，連牛肉味都不是太像，而且完全沒有那種細嫩香口的感覺！成碟飯相比之下最好食的居然是腸仔，可能因為腸仔只要整熟就得？總括而言，食過一次絕對絕對唔會再食第二次！

入去前諗住求其搵間餐廳，填飽個肚，已無乜要求！入到去叫嘢，等咗廿幾分鐘乜都未有，叫職員埋嚟問，佢串串貢同我講炒公仔麵要耐啲！我話明白，但個公仔麵呢？佢唔忿氣話幫你睇下啦！結果見佢咩都無做，行來行去唔知做乜！再過十分鐘，忍唔住問第二個，佢又話幫我追，結果又係行埋去收銀位吹水，啋我都有味，最終咩都無做！之後唔敢再追，驚食口水！最終等咗四十分鐘，個公仔麵先到，個炒公仔麵成個鐘！講真，以後寧願捱餓但唔會再幫襯！

同同事第一次去求其入左去侍應態度極差，串嘴串到首先佢聽錯人數之後話我比手指比得唔好第一次串都算之後仲要再串多一次話我未叫到你落order唔係同你講完全係唔想做咁比起佢澳牛直頭係親切有禮落order態度勁惡劣完全趕客level, 可能因為唔憂做大把附近返工客幫襯食物質素十分普通，唔叫難食但好食一定稱唔上熱又唔係好熱凍飲又冰多過野飲灣仔咁多餐廳完全無需要去呢間食除非你想背隻骨落咁食如果想受住氣咁食歡迎去試

好耐都未食過咁難食嘅沙嗲牛肉麵，用福仔麵！D牛肉好鞋！中曬伏🥵🥵🥵另外通粉都好難食，逼不得已我食咗一半！未食過咁難食既早餐😔好失望！d侍應好趕時間！🤬🤬

大食妹星期五同同事聚餐, 因為同事極力推介呢間無極嘅叉燒炒蛋飯, 大食妹當然要黎試一試但係一個叉燒炒蛋飯, 要成五六十蚊, 大食妹就覺得有啲貴啦<秘製金牌叉燒炒蛋飯>呢份秘製金牌叉燒炒蛋飯嘅外表唔錯叉燒份量幾多, 而且採用左豬頸肉, 口感爽身但叉燒味道唔係好夠滑蛋炒得唔錯, 蛋汁好多, 唯一可惜嘅係, 無甜豉油, 如果唔係應該會更好食<凍檸茶>食嘢唔飲嘢好似有啲dry, 無極嘅凍檸茶少冰少甜, 雖然茶味唔係好突出, 但都可以做到清涼解渴

Came here for lunch as we were heading to the Christie's auction nearby. Something quick and fast. We usually go to our regular cha chan teng in the area but as we were walking there, we noticed this place. Never having tried it before, we went in.Seating was very comfortable. Menu is in Chinese only. There is no 10% service charge and you pay cash on the way out. When we were there, they had the afternoon tea and lunch menu available. Both come with a standard drink.Boyfriend had the beef brisk

話說灣仔要食餐晏真係好難，晏晝時間都唔知去邊間餐廳食今日事事旦旦見到茶餐廳唔係好洗等位，就入咗去試吓，點知....<芝麻醬撈烏冬$50>講真$50個晏晝其實都幾抵食嘅，見到芝麻醬撈烏冬，心諗天口咁熱，一於食下啲清涼份量都幾細下，芝麻醬撈烏冬味道都算正常，但係雞肉有D鞋，最後都食唔晒啲雞肉<泰式豬頸肉飯$42>豬頸肉得個三舊，無咩誠意wor個泰式汁就係麥當勞嘅酸辣汁，食個飯真係冇乜誠意雖然五十蚊灣仔食晏真系幾抵，但系素質真系麻麻

下晝午飯同朋友選擇左呢間店，因為地方比較寬敞。睇到餐牌有一個比較特別嘅花膠滑雞煲仔麵，好奇之下就點左。面黎到之後大為失望，基本上无咩花膠都算，个湯底鹹到不得了，味精非常多。很少食到咁鹹嘅湯底，實在非常難食。基本上呢間店可以拉入黑名單。

朝早經過謝斐道，見到裝修幾靚，就入去食個早餐，坐喺卡位都幾闊，坐得幾舒服，點左個早餐A，鮑魚火腿絲通粉，配炒蛋，都唔錯嘅，裏面最值得讚賞就係有個男仔服務員，睇佢好細個應該讀緊書，btw佢幾靚仔🤣但係就招呼好好，仲好有禮貌！於是lunch time就諗住去試多次，點知已經見到嗰個男仔服務員喺門口拉我入嚟，都依然係好有禮貌咁樣，仲有簡短而快咁樣介紹，入到去點左個午餐2號咖喱牛腩飯，咖喱汁幾香，加埋凍飲先55，都抵食嘅！但我哋比較麻煩係咁問佢攞水，佢不但冇嫌我地麻煩，而且落單嘅時候佢都係好有禮貌，因為我哋揀的比較慢，然而係我哋食緊嘅同時，因為晏晝好多人，佢叫我幫幫手掉位，又唔會好似出面嗰啲樓面咁樣好串，而且見到佢招呼其他人都係非常之有禮貌同埋快手，仲見到有一段時間比較忙佢入咗去廚房幫手！真係非常之欣賞佢！👍🏼而家食嘢唔好講食物好唔好食先，我覺得首先係要良好嘅服務，好多時候問樓面拎多杯水，都俾人嫌麻煩，又或者落單耐啲都態度差，而呢度食物係OK嘅，環境唔錯，招呼又好，除咗嗰個男仔特別好，其他服務員都唔錯都係有禮貌嘅，所以值得一試👍🏼

午餐時段黎到唔洗等位，一行2人叫左一碗武林大會，一碗午餐既麻辣手撕鷄撈烏冬。講碗正常d既先，烏冬分量大概係平時屋企自己煮一包既分量，男士係無可能會覺得飽。然後手撕鷄有3舊，注意係舊，唔係一絲絲，即係基本上無撕過的，佢應該叫雞件而唔係手撕鷄第二碗就出事，一黎到我用筷子撩兩撩，浮左隻黑色有翼既野出黎，我忍唔住講左句粗口，到呢度其實我已經無咩胃口。叫侍應換個碗，第二碗黎到真係唔係好敢食，撩完一輪好似無奇怪野先開始食，點知食到一半又見到有條黑色長條形線狀既野，研究過之後疑似係鋼絲。我地換都費x事，拿拿臨埋單走人。碗野個湯係談而無味既，然後雞翼尖又好咸。認真係香港已經好耐無食過d咁伏既野，衛生唔得，味道又唔得，呢個時勢呢個質素既餐廳仲屹立不倒，哈哈

一個普通既平日lunch, 諗住快d食完快d走餐廳座位坐得舒服，但張枱抹得唔係咁乾淨，唔係好敢放野上去見到有一個叫「無極公司飯」，即係豬扒腸仔雞翼加白飯，因為好肚餓就叫嗰個野食好快嚟到，賣相ok，但個size就唔ok唔係碟頭飯嚟，而係長碟裝住左邊係餸，右邊係一碗白飯個豉油汁味道ok什至可以撈住食既飯唔止佢本身嗰個size...豬扒可能就咁煎無點生粉會仲好食...係我唔好，自己喺度幻想會食到一碟好似以前返學喺canteen食到既頹飯，但原來係好難其實最唔開心係食呢個飯加一杯野飲total係$64，翠華雖然都係非一般茶餐廳，但起碼食物既味道同份量都足先

服務一般，欠缺耐性，趕時間收野，我未埋單，就係枱到拎我張單同錢話幫你埋埋單， 重點，屋企人話見到有人廁所內食煙，食物就一般，但如果想慢慢享受食物既就避免，因為感覺一路食d侍應就一路望住，好似好心急想收野咁，連一開頭想等杯水都要催。。。。失望