影片
開飯介紹
來自台灣的人氣火鍋品牌，麵包豆腐白湯鍋和無老辣香鍋是其招牌湯底；前者以雞骨、豬大骨熬煮，後者則有多款中藥香辛料，味道層次豐富。
繼續閱讀
營業時間
今日營業
11:30 - 23:00
星期一至日
11:30 - 23:00
公眾假期
11:30 - 23:00
公眾假期前夕
11:30 - 23:00
以上資料只供參考, 請與餐廳確認詳情
有關獎賞計劃
之前喺台灣已經好鍾意食，香港開咗之後都有幫襯過幾次，通關之後首次嚟到呢間，覺得食物質素冇以前咁好，人流都大不如前。不過職員服務態度好好，午市訂位仲有八折。不過辣湯冇以前咁好食
繼續閱讀
幾年冇嚟（睇返上次好似竟然係2022），又有冇去台灣幾年，重新返嚟覺得個湯底都係好正~麵包豆腐白湯鍋使用雞骨、豬大骨、洋蔥、青蔥、薑、蒜頭等加入多樣中藥香辛料增添湯頭回甘的韻味~入面嘅麵包豆腐係索滿湯汁，好食！無老辣香鍋辣香醇厚，風味獨特，味道偏香而唔係辛辣為主，所以食完都唔怕太油會肚痾。呢邊就一定要大食滑嘟嘟嘅鴨血~（麵包豆腐同鴨血都係無限量添食㗎～不過我哋都係追加咗一次已經好飽——）佢哋依家有二人同四人套餐，款式都幾多，不過二人餐嘅性價比明顯比四人餐低好多，下次要叫齊腳一齊去先得！我哋另外追加咗個牛小排，肉質鮮嫩多汁又夠牛味，我哋都最喜歡呢款~同埋依家 post social media 仲有免費嘅芋圓黃金球，外酥內Q微甜帶有芋香，yummy~今次小連假留港消費，好似真係好少人。呢間平時限時九十分鐘，今晚竟然任你坐，唔使趕頭趕命舒服好多。（利申九十分鐘真心太趕！！）
繼續閱讀
喺銅鑼灣睇完戲，一早book好咗火鍋接住落，梗係要食出名嘅無老鍋，湯底超級濃郁，仲有佢最出名嘅鴨血同埋蜂巢豆腐。而且仲係任加添啊。佢啲肉亦都好新鮮，仲可以俾你半份咁叫，就算兩個人食，都可以試多幾款。佢個台灣直送嘅農鄉豆皮，都勁吸湯，超級推介👍🏻@無老鍋［無老鍋 (銅鑼灣)］📍銅鑼灣登龍街18號V Point 5樓推薦度（10👍🏻滿）：8.5👍🏻滴汗度（10😅滿）：不適用衞生（10⭐滿）：8⭐環境（10⭐滿）：9⭐賣相（10⭐滿）：9⭐味道（10⭐滿）：9.5⭐價錢（10⭐滿）：9⭐服務（10⭐滿）：8.5⭐地點（10⭐滿）：8⭐#晚餐#晚市 #食飯 #推介 #美食 #美食推薦 #美食日記 #堂食 #食好西 #吃貨 #美食推薦 #食評#台式火鍋 #銅鑼灣 winsomelai
繼續閱讀
無老鍋其實就是鼎王的另一個台式麻辣火鍋品牌, 所以當鼎王打着香港市場的時候, 我相信無老鍋也會不久在香港開分店, 果然如是. 可悲的是鼎王在香港的所有分店, 已經光榮結業, 幸好無老鍋在銅鑼灣和尖沙咀的店舖, 依然繼續苦苦支撐下去. 生意實在不易, 營業開初已經有晚市的折扣. 折扣之後比鼎王更抵食, 也就成了我在香港吃台式麻辣火鍋的首選, 風味是一回事, 侍應的服務態度, 真的很不錯, 例如鍋底和食品只是遲了一點點上枱, 在我們沒有任何投訴的情況下, 奉送整壺的酸梅湯, 我倆也覺得不需要這樣, 就是相當慷慨和有誠意.這裏的鴨血和豆腐是無限添家的, 其實我覺得普通豆腐比出名的冰淇淋豆腐更好吃, 除了更大塊之外, 豆香更濃而且大小不一的洞能夠給付着麻辣湯汁, 更為入味. 鴨血Q彈, 入味之餘也沒有怪味, 真的會有衝動一吃再吃. 肉品水準同樣不錯, 沒有冷藏怪味, 牛肉和豬肉基本上就是大家也會點的, 但這裏的羊肉油脂分布均勻, 羶味不會太重, 油脂和肉汁結合起來味道, 反而有驚喜.
繼續閱讀
點左豆腐白湯鍋同無老辣香鍋（鴛鴦鍋），出名係麵包豆腐同鴨血90分鐘無限任食，唔知係咪因為呢個原因所以食物冇咩選擇。豆腐白湯底採用雞骨，豬大骨，洋蔥，青蔥，薑同蒜頭等熬成既湯，仲有d中藥香辛料，台灣直送鴨血入口非常滑嫩。食物就叫咗台式丸，牛小排，羊肉同埋菜，因為真係冇咩選擇，數埋都唔知有冇20樣嘢俾你揀😅牛小排油脂分布幾均勻，辣鍋烚一烚已經好入味，味道好獨特入口又唔會真係太辣。最後送嘅沙冰就令我哋諗起台灣，味道差唔多。
繼續閱讀