影片
港鐵太子站 E 出口, 步行約3分鐘
繼續閱讀
付款方式
以上資料只供參考, 請與餐廳確認詳情
＜焰井＞既石燒牛好正，外賣便當都好好😋而且價錢仲好抵添，宜家外賣自取低至75折位置好方便，經過就買左2個便當番屋企食la🥰為食餐單: 照燒雞排飯🍱 $52雞排燒得好香口，唔會太膿，皮有少少脆但又唔會硬，肉質依然有肉汁夠滑唔鞋，面頭淋上少許芝麻，再配上照燒汁，好好味😋和風牛肉飯🍱 $48牛肉肥瘦適中，切得好薄身，同洋蔥一齊煮，更添風味😘灑上紫菜絲😍牛肉汁珍珠飯好正🤩道地蘋果味綠茶🍎(跟餐送)香甜蘋果汁配淡香綠茶味，清甜😗道地百果園柑桔🍊(跟餐送)柑桔味夠曬解渴👍
繼續閱讀
Erm咁因為今日想試吓求其搵間野行入去咁就鬼um眼行咗入呢間野...首先入到去一個客都冇，我哋叫咗一個石燒牛扒、芝麻雞翼、同埋大蝦扒黑松露焗飯咁都唔係平啦啲嘢，嗰塊牛扒飯都唔跟碗都成160聽到冇聲都已經知道伏伏地原來要茹毛飲血做野人🤢 本身都諗住夾硬頂，點知我哋之後入咗兩台客佢哋都叫咗呢個牛扒，結果無論係5x代枱定3x代都頂唔順叫佢拎個塊熱啲既石最後我哋三台你眼望我眼，真係好耐都冇食飯咁有共鳴，又唔好食喎，又生，點解我會入咗嚟㗎咁個飯就還可以啦好彩不過就一個飯咁樣囉芝麻雞翼係成晚最好食嘅嘢不過大灜喜好食啲下次可以去放題先慢慢食食到你嘔都得同埋佢啲員工都唔知自己做緊咩咁又唔係話冇禮貌嘅但係佢自己都好迷惘同埋最難飲係杯奶茶佢間舖頭剩係得咖啡同奶茶我成世人都冇飲過咁難飲嘅奶茶人生第一次食完餐飯即刻寫食評因為真係太激動真係好難食唔係話要寫衰佢只係覺得唔可以唔分享完🤮
繼續閱讀
塊石熱板完全唔熱，疫情下剛剛開晚市，得三枱客，都要等30分鐘先上菜，啲牛質素差到不得之了！問老闆點解唔熱，啲牛得3成熟，佢話塊石熱板係保温，唔係俾我整熟啲牛，仲話我落order 無講明要幾成熟，唔係應該佢主動問我嗎，服務態度好差！個意粉得2啖，就係個主食，200蚊落樓唔飽仲一肚氣，可一不可再！服務員問非所答，唔識唔該訓練下，無客圍埋一推傾計，會唔會過分左少少！
繼續閱讀
颱風係附近日日都有啲無情雨， 本來lunch想去食碗麵， 點知去到對面馬路附近橫風橫雨，企咗差唔多十分鐘都好似沖涼咁樣， 但就意外地發現咗呢一間舖頭~焰井( 其實我一開始望以為佢係丼)﹐ 見到佢門口寫住外賣有折， 我估自己都趕唔到堂食， 啲雨細啲就沖咗過去~入到去有位小姐好好招呼，拎咗外賣menu我睇， 周圍八下望下環境~呢度應該係食石燒， 不過疫情之下就做埋外賣丼~ 話說好耐都冇食過牛肉飯~ 就叫咗個和風牛肉飯， 朋友就叫左個燒魚飯， 有折之餘仲送嘢飲，都幾快手大概五分鐘鬆啲已經搞掂pack好曬可以拎走， 返到上去拿拿林開嚟食~因為真係已經好肚餓， 我個牛肉飯靠得住~ 醬汁味夠濃郁~ 牛肉唔鞋~份量唔算少~ 仲好多汁 ﹐如果飯嘅量可以再多啲畀我撈汁就一流啦； 朋友話佢燒魚飯都唔錯， 話又係唔會燒到好鞋， 望落好似好乾但係食落係啱啱好， 而且魚味好香~證明舊魚都幾新鮮~因為一場颱風雨搵到一間新食店幾開心，但比較搞笑係買完外賣出門口就係嗰幾分鐘啲雨停曬~仲出太陽，不過亦都令到我哋安然無恙咁帶啲飯盒返上去~都好嘅， 希望佢嘅折做耐啲…可以多啲嚟幫襯…
繼續閱讀
呢間日本野出左外賣/自取menu, 自取既話都幾抵，低至$48就有個飯，個飯份量都幾大，仲送紙包飲品添~隨機比左柑桔檸檬同蘋果綠茶我，又多一個抗疫期間外賣自取既選擇👍🏻👍🏻👍🏻.燒汁豚肉飯 $48比想像中好食！飯加左啲飯素令個飯既味道更豐富，豚肉又腍又入味，肥瘦均勻，仲加左少少沙律醬，原來好夾🤩🤩🤩.照燒雞扒飯 $52都係好好食，雞扒大塊又冇筋，洋蔥煮到腍哂好入味，配埋照燒汁送飯一流😋😋😋
繼續閱讀