煌苑

營業中

休息中

話說有一次去朋友婚宴，當晚佢哋個餐有好多嘢食，又讓蟹鉗，乳豬，瑤柱冬菇，鮑魚都好大隻，佢哋每一道餸都好大碟，一台12人都食唔晒，魚都好大條，又鮮味，整體真係唔錯，因為試過其他唔同嘅酒樓質素好差，睇過佢哋餐牌價錢，擺酒都唔算好貴一圍，中間價錢都係八千多啲，不過就算幾平都好，最緊要啲嘢好食，煌苑真係唔錯嘅選擇👍🏻

石門咁多酒樓選擇，平時去開彩福都覺得質素唔錯，又穩定又好味環境又OK今次想試吓新嘢挑戰吓見呢間咁靚，今日去試吓，喺OpenRice見到好多劣評 試吓係咪真係先？因為打電話黎問過又龍蝦，問侍應拎Menu但係佢哋烚吓烚吓話冇然後喺張紙度搵。。。仲要搞左勁耐，叫佢問經理㗎啦🤣🤣不過態度友善嘅佢哋.. ID點心先，鹹菜豬肚 好大碟，但係竟然係凍冰冰的…豬肚粉量好多，但係唔識形容，睇落其實好豐富，但係食落去就覺得唔知點評價，又唔想踩佢咁大碟 睇落又OK但係硬係就係唔新鮮同埋好似千面鹹菜咁….. 炸雲吞就好新鮮，因為即炸極脆 。紅豆沙懷疑佢落咗料，見隔籬枱冇咁水。 冇陳皮味非常非常水，湯圓就腍啤啤有啲仲唔熟 不懂形容又是然後食到鮮蝦腸就覺得好感動因為剛才講嗰兩樣都係凍冰冰的 然後要求已經降低 鮮蝦腸熱辣辣披晶瑩剔透 蝦都幾大隻幾新鮮特價12個八一個嘅平價版灌湯餃正常啦 金錢肚的怪怪的感覺 底下墊好細粒嘅方形豆卜鯪魚球好彈牙有陳皮味可以棉花雞雜都唔錯啲嘢食好似好平咁，但係其實唔係，認真一諗，原來佢嗰啲只係孖寶 海港仲加抵食。不過呢個特別在1:30就開始下午茶。搞咗一輪先落到單嘅龍蝦同埋鮑魚。 唔識

午市四寶飯$53 就係因為我地冇落單喺午市張點心紙 就收我正價 佢地話價錢跟張點心紙 唔肯收番午市價 其實只係爭果幾蚊 唔係錢問題 係態度問題 你地咁嘅經營和服務態度 以後不會再幫襯 更何況食物又唔係出息 普普通通 不了之前有一次 叫個雪山叉燒飽 點心紙上面個圖都係雪山叉燒包 但嚟咗個普通焗叉燒包 個經理話係呢個㗎啦 佢完全唔覺得係有問題

今日放假，約左朋友食lunch。朋友想飲茶，我地都有實驗精神，就揀間未試過嘅酒樓黎試下。因為係婚宴酒樓，所以地方很大，樓低都算高，不焗束。lunch有燒味餐及點心餐，但我哋就散叫咗點心，款式可以試多d嘛。蝦餃-幾好喎。蝦爽，皮唔算厚鼓汁鳳爪-一般啦～感覺唔夠淋薄罉-質地唔夠煙韌，味道還好叉燒包-餡偏甜粉果-味道ok,不過皮略厚尖椒釀鯪魚-唔錯喎，3隻都帶辣叉燒腸-好多芫荽呀😭我唔食的。灌湯餃-又貴又唔好食。大家可以慳返。早知叫多籠燒賣好過。離開後，覺得口渴。。。下次都係去樓下富臨。

好耐冇去石門飲茶食粥，呢間下午茶啲孖寶係抵食。雖然呢間唔係出名食粥，但係心癮到都嗌一碗試吓啦。係有啲失望嘅，不過其他嘢挽回返唔少分數。尤其是嗰個特價灌湯餃真係好足料， 十幾蚊一碗絕對係超值。虎皮尖椒都夠辣，但係啲魚肉就薄咗少少，口感爭啲。雖然下午茶都會嗌吓炒粉麵，乾炒牛河都幾夠鑊氣，牛肉都好多又唔韌又夠厚。另外個陳村粉同埋個叉燒腸都好滑，抵唔住頸都係清晒佢。最後食返黑椰汁紅豆糕，清一清個味蕾，又唔會太甜。另外，呢度啲乳鴿好食，但就比之前貴咗啲，所以就冇嗌啦。

部門老闆約19-2-2024（Mon）年初十，嚟上年喺喥食冬至飯嘅呢間食開年飯，我哋一行28人分兩圍枱，女同事F點晒兩張枱嘅餐，有:1. 套餐中嘅彩絲腐皮卷每件都剪開一半，但有啲未剪晒，呢個皮脆同鹹淡適中。4分2. 唔個咩鳳爪我冇食到。3. 套餐中嘅巧蒸菜肉包其實上到嚟時冇講咩包，我睇佢嘅顏色就知唔係叉燒包，應該係雞包仔，我夾嚟食啦，果然係雞包仔，薑味好重。但食到近尾聲，F至俾張點餐紙我哋睇，原來唔係雞包仔，係茶肉包，我覺得唔係，如果當佢係菜肉就0分。4. 叉燒腸我冇食到。5. 燒腩仔皮脆，唔算好膩，但我覺得鹹咗啲。4分6. 套餐中嘅蝦餃皇大大粒，成個只有大隻爽口蝦仁，口感正常。4分7. 炸兩油炸鬼開始有啲油饐，一般。2分8. 上湯浸時蔬係生菜，幾清甜。5分9. 蝦腸我未食，隔離枱同事叫我哋唔好食，凍嘅。女同事D食咗一件，我問佢係咪凍?佢答暖暖地。侍應問使唔使換返?我哋答要，咁佢哋就收走換。好耐之後就補返俾我哋，大家食落都係暖暖地，不過大粒蝦仁都係爽口。3分7. 套餐中嘅燒賣正常冇問題。3分8. 鯪魚球落齊胡椒粉同豉油，味道唔錯，口感又有啲彈牙。4分9. 燒腩卷兩籠我冇食到。10. 套

今次的百日晚宴，合共有5圍，食品方面整體其實不錯，唯獨炆伊麵過咸，有啲可惜。場地環境都算滿意，雖然空間並唔算太大，但勝在擺到5圍後仲放到6枱麻雀。服務整體不過不失，負責的幾位職員都算有禮。不過，我地本身係每圍額外加多1人份量，但到第三度菜發覺並無加到份量，即時向職員反映後，廚房亦即刻改番。另一方面，我地有啲特別要求 (例如要一張放蛋糕枱 / 想安排開席前切蛋糕)，回應或行動就較為慢。整體如果以晚宴的評分，我認為係合格。

部門老闆約20-12-2023（Wed）食晏做冬，佢揀咗呢間，我哋分幾圍坐自己嗌嘢食，就叫咗:1. 好似係$178.00嘅燒鵝套餐半隻燒鵝我唔客氣地先夾個髀食，皮肥肉嫩又夠味，唔錯。湯米粉，我冇食到，同事嘅評價係麻麻。筍，我食一小粒，係有少少辣嘅。2. 瑤柱蛋白炒飯鹹淡適中OK嘅。3. 肉絲雙麵黃呢喥做得比彩福好少少，夠汁同夠味。4. 櫻花蝦脆海鮮腸好普通。5. 蒜蓉浸菜心正常冇問題 6. 手工釀雞翼一客三隻，細細隻，一食就食到芝士味，原來係釀芝士喺入面。7. 淮山棉花雞呢個唔錯，幾好食。8. XO醬炒腸粉唔辣，但腸粉太腍。9. 春卷一食係脆口，亦食到滿口蒜味。10. 乳鴿皮唔脆又鹹，麻麻。11. 燒賣一食就食到大舊肥豬肉，好差。12. 牛肉球比正常差少少，好似唔夠味。13. 冰心香芒糯米糍一客三件唔大件，佢係冰心，糯米糍口感OK ，不過冇芒果味。14. 椰汁糕一客四件，其實係桂花椰汁糕，正常冇問題。我冇食到:蘿蔔千絲酥，同事讚好味。香煎腐皮卷,叉燒包，蝦腸。鵪鶉蛋燒賣，同事話鵪鶉蛋太熟，熟到韌咗，同埋係肥豬肉。欖角炒四季豆芒果布甸，同事話好嚡。薑汁糕，好熱，同事話好食。服務:冇人執嘢

之前食過婚宴，第一次去食晚餐。原來每晚有唔同主題，各有一款特價菜式，差唔多半價。今日係特選日子，可以一次試足幾款。- 白灼海生蝦 (半斤)數量唔多，不過肉質結實，都算新鮮。- 京式片皮鴨 (半隻)片皮鴨都唔少，有十幾塊，夾埋配料，醬汁，都好好食。唯一不足係塊薄餅只好暖暖地，唔夠熱。- 金菇蒜茸雲耳蒸龍躉件蒸龍躉件係平時食開既，味道足，配金菇雲耳，好夾。- 豉汁蒸白鱔件依個比較失望，白鱔件比較細。- 濃湯海味什菜煲依個係正價，好大煲，海味份量足，有鮮味。

兩個人3點30去到食，叫好曬大約3點40啦，等到4點一樣都冇嚟，咪追佢單，行埋嚟第一句就問係咪埋單😅 我埋咩，一樣嘢都末有得食我話要追單，點知佢同我哋講話電腦冇入到單😅 嗰下真係火都嚟態度仲要勁差，話點心係要蒸㗎，係要等㗎啦，你哋咁遲先叫好，咁我重新畫過單，點知10分鐘之後，走嚟話師傅收曬工嘩嗰下我真係火滾，即刻鬧人佢話佢已經盡咗力喎，跑去幫我哋追😀真係唔該晒呀，追完得個吉坐咗喺嗰到咁耐，一樣嘢都冇得食，仲食咗一肚氣，垃圾！以後一定唔會再去🤬😡😡😡

去石門經過2樓，見富臨好多人，唔想等位就上3樓煌苑。一入就有位，有好多吉枱，唔洗等位。嗌左幾籠點心，諗住食點心可以快啲上菜，點知落單後等大半個鐘都未有。侍應姐姐話人手好不足，普遍都要等咁耐先有得食。可能因為人手好唔夠，侍應都做到好燥底，成疊菜單劈落張枱到，嚇親人。有個侍應哥哥眼超超，唔係好理d食客嗌佢/搵佢幫。食物質素都好一般，食材不是太新鮮，但都唔係難食的。整體感覺差，搞到心情麻麻。不太建議光顧。

疫情期間幫襯過外賣，覺得幾好。端午節假期，家人不想外出，便親自叫外賣，我專登開車去買，與疫情那次叫的一樣，結果價錢貴了，服務差了。叫了個波士頓龍蝦🦞伊面，個廚房懶到只係開邊上盒就算，斬多幾件都懶。叫了個片皮鴨(成隻價錢)，見圖片就覺得無左一半咁，部長/經理親自check過才俾我，但返屋企後，醬汁用個膠袋入住，視覺衛生專業仲衰過大牌檔，並且，檢查才知沒有給我兩隻脾！要我打電話投訴！個經理話下次買嘢俾返我！我心諗，我做乜仲要幫襯你！現在你欠我，仲要我返轉頭攞，結果應承我今個星期日晚，補俾我。疫後，好多酒樓的服務態度和水平好參差，我買時候，例牌叉燒都要問來問去才知有幾多兩。真係要改善，否則唔會再考慮。

😎石門 煌苑😎母親節同母親去飲茶慶祝，周圍都好爆，無位，好在喺熄苑咁啱有位！👍🏻鮮蝦菜苗餃大大粒，裏面有原隻嘅蝦！好食。👍🏻蟹籽燒賣都係大大粒，足料！👍🏻魚湯鮮竹卷好特別，第一次食有魚湯浸住嘅鮮竹卷！👍🏻牛柏葉一般食開嘅牛柏葉，呢度都好濃，但呢一個清清淡淡，反而幾好食！👍🏻蝦餃皮薄餡靚！👍🏻原隻鮮蝦腸有驚喜，腸粉軟滑，入邊有原隻蝦，大大粒，豉油都同成個腸粉好夾！地方夠闊落，坐得舒服。

尋日同家人一行8人去煌苑飲早茶，9點半入座時人唔多，大約六成客，之後都有空枱。等齊人大約9:45落單，叫咗十幾個點心/孖寶。等大約35-40分鐘終於上1碟煎釀青椒同2碟炸雲吞，又過15分鐘都冇嘢食到，同樓面阿姐講完又冇下文，太肚餓出去攞咗2個盅頭飯頂住先，隔20分鐘左右就上咗1碟鵪鶉蛋燒賣，之後又繼續叫樓面阿姐追單（唔認得邊個），大概等多15分鐘後，終於陸續上部分點心。直至11:35我哋終於頂唔順唔想再等，同另一樓面阿姐講埋單，未嚟嘅點心唔要喇，點知佢話我哋做咩唔同佢講要追單，叫我哋繼續等。我哋坐咗兩個鐘都食唔飽，仲要等？！我哋堅持要埋單，個樓面阿姐仲話有兩個係孖寶冇得拆單，我哋食咗一半都要照俾，可以等埋打包走。我哋落單都2個鐘啦，仲等？！最後抝咗好耐先肯將個孖寶半費埋單！原本諗住開心同家人飲早茶，搞到食唔飽仲一肚氣！😤

12/02/2023 晚飯：服務：坐低15分鐘都沒人理，沒人問你開茶比你，同位主任講完都唔開，最後叫了第3次先有人開茶比我哋，差到痺！食物：薑蔥蠔，用蠔仔（size細過5蠔子硬幣）加粉漿煮炸，充當大蠔，而且炸到有燶黑賣相極差，味道油膩扁咸。👎🏻👎🏻👎🏻👎🏻👎🏻清蒸魚：上到枱是凍，蒸魚豉油完全冇味，條魚完全冇鮮味，仲衰過我自己喺屋企煮。👎🏻👎🏻燉湯：拿出來時完成沒有蓋的！空氣中的細菌及灰塵全部加料入湯裏，問你死未！竟有這樣的不顧衛生的酒樓。👎🏻蒜蓉開邊蝦：上枱時是微溫的，蝦完全沒有半點鮮味及有些肉質更是霉難的。👎🏻馬拉盞炒生菜：整體死咸及油膩👎🏻燒鵝皇：仲衰過街市嘅燒臘舖，肉質死實沒味👎🏻這間酒樓在服務及食品上完全差到極點，絕對不要幫襯😣😫😫😫