煮八

營業中

休息中

「煮八」位於天水圍新北江商場！印象中開業已經有一段長時間😀聽講比較出名是醉雞，麻辣雞等等不過因為要配合女女的口味，所以我哋今次order了以下食物😝🔹肉燥豬頸肉飯這個餐是我女女自己揀的😅肉燥分量多，亦都好香，撈飯超好吃！豬頸肉好好咬口，而且煎得好靚👍🏻份量亦都頗多！女女食到清碗😝🔹喇沙扎肉配豬肉丸油面這是我的點餐，因為太掛念喇沙湯底🥰這份喇沙湯底好入味，我至少飲料了碗湯😌扎肉及豬肉丸未到正正常常👍🏻總結：見到好多街坊到入去幫襯，即是已經接近8點幾，仍然有人喺出邊等位，價錢方便好合理， 大約$50至$60一份食物，而且女女十分滿意，食到清碗，所以應該會有下次💕💕

尋日見隔離湯飯無位好多人黎依間都係有湯飯既試下一坐低有個無帶眼鏡既侍應就掟低個餐牌走左去同另一個帶眼鏡既吹水後尾落單 全程用呼喝既態度 又翻白眼 黑臉 摺摺聲 放低餐具10秒都無 就走黎問我地 你地食完未 出餐30分鐘 食左5分鐘 杯野飲講緊仲有一半 咁樣做生意真係聞所未聞 如果想試下咁既待客之度可以黎試下 我會揀番去隔離個間慢慢等位

在新北江搵食發現呢間叫煮八主要食雞, 網上話d雞好滑好正, 見價錢正常$64套餐有熱飲有菜, 故試下係咪真係又滑又好食?一入去坐在收銀的疑似老闆娘的女人問幾多位, 我說1位後即安排坐中間大台, 話想坐卡位唔得要留畀多人坐, 算吧! 坐下叫咗蒽油雞滷肉飯, 我問餐牌上熱飲係所有熱飲都得, 女侍應話除咗熱利賓納, 咁我要熱檸蜜喇, 佢話只有菜蜜, 咁我都有飲過有d食肆用菜蜜沖檸蜜都可以, 我話ok, 點知一上枱就係一杯冇檸檬的熱飲, 張單寫菜蜜, 我叫個女侍應來, 我話我叫的是檸蜜, 唔係菜蜜, 佢話我地冇檸蜜, 只得菜蜜, 我話咁你地冇檸蜜咪直接講冇檸蜜囉! 講乜菜蜜啫? 我以為你話只有菜蜜, 所以用菜蜜沖檸蜜, 我要的是檸蜜有檸檬的, 我冇叫菜蜜! 我係唔飲只得菜蜜溝水的! 我要再叫過囉! 跟住個老闆娘過來好大聲咁問: 咩嘢事呀? 我講返件事佢聽, 佢粗聲粗氣話我唔知你講乜呀! 我心諗你唔知/聽唔明, 咁我大聲d直接d講: 我叫檸蜜佢落錯咗菜蜜呀! 檸蜜有檸檬架! 明唔明呀? 佢話我地冇檸蜜架! 我話你地冇檸蜜就唔好寫出來啦! 一係劃咗佢話冇喇! 我唔飲菜蜜架要轉茶走, 你唔好加料呀!

今年終於等到老闆再整羊腩煲了😍佢今年仲新推出咗豬骨煲和乳鴿，我食完覺得超正😋因為每日限量供應，所以想食記得打電話去預留（豬骨煲同羊腩煲都只可以外賣，冇得堂食㗎）嗰度嘅自選湯飯其他菜式都好好食😋

午市的時候，很想裝作學生，去食學生餐，真的十分之抵食，亦都是滿滿的讀書回憶。那天和幾位朋友午餐的時候都叫了麻辣口水雞餐，雞的份量完全沒有偷懶，是足足的半隻雞，感覺十分之滿足，再者飯是肉燥飯，感覺為這件事情錦上添花！肚皮十分之滿足。

【元朗區】【煮八】個人喺天水圍最入嗰堆，濕地公園嗰頭，想搵吓嘢食點知真係不得要領。食得吓人嘅都已經食過，剩返嗰啲一係大集團，一係就甩皮甩骨，攪到我一時都冇晒辦法。冇晒辦法之下就走返去樂湖站嗰邊啦，起碼有新北江照住嘛。不過喺新北江都有選擇困難，倘若係好食或者想食嗰啲，多數都冇位。我就一路行一路行咁，行到幾乎盡頭就見到呢間喺角落頭嘅餐廳。好彩側邊都有人補到話收九點半，咁就食啦，叫個 $64 嘅招牌雞「花雕醉香雞」配「肉燥飯」同「田園時菜」，加 $3 要「凍檸茶」走甜，味道都可以，性價比幾高。個雞普通啲，但係肉燥飯同個菜都彌補到不足，唔錯。之後再叫碗 $45 嘅小食「濃湯水餃」，有八隻，係包白菜豬肉，幾有屋企 feel，又夠大隻，係食得飽我嘅。埋單 $112，價錢差不多。只係當日唔知可能有幾檯熟客喺度定點，所以攪到啲侍應好嘈同唔知自己做緊乜，要改善吓。。。（地址：天水圍天湖路1號嘉湖新北江商場1樓B11號舖）

一坐低包括自己得3枱客，呢份薄餅點左20分鐘未上，其他朋友已經食飽。同店員講埋單幫我Cut左佢，我趕時間。店員聲稱已經在處理，我話咁轉外賣。之後再等多10分鐘先到，前前後後花左30分鐘。其實我都講左趕時間，漏左單咪Cut左佢，點解要咁唔老實要客人再等10分鐘，而且我已經講明趕時間。結果搞到我遲到，要同人道歉。呢間店咁唔老實，我以後都唔會再幫襯。😡

上次去煮八已經係一個月前，點知今日去到原來已經搬咗新鋪，好彩搬咗只係隔離間鋪，如果搬咗第二度都唔知點搵， 新鋪好光猛好濶落，比之前坐得舒適咗， 間鋪大咗唔洗好似之前食咁要等位🤣。今晚都係叫咗平時食開嘅餸雞同雞😆，葱由雞同口水雞都係必食嘅招牌菜， 無論係凍嘅口水雞同熱嘅葱油雞啲雞好滑， 兩個人食再加多個招牌咸蛋蒸肉餅（掛住食冇影到😝）同白飯兩碗， 雖然搬咗鋪大咗，但係啲手勢都係一樣咁好，保持到水準👍下次會再黎食過😆