煮道 (已結業)

起香港打邊爐係冇分天氣既!!!!今次去左位於上環一個電腦商場既Uniboil雖然唔算近地鐵站 但晚市都算幾多人望落雖然好大鍋但其實是一人一鍋的簡好邊個鍋就可以再簡埋湯底❅煮道環球海鮮鍋(大) $168 大同小既分別其實係大既海鮮數量會double依個鍋配上番茄湯底 真係食到好多番茄肉每個鍋都可以配薯粉/飯我同朋友都簡左薯粉 吸哂啲湯底精華好正食落都唔會好似平時打邊爐咁油膩除左有海鮮 仲有好多款唔同既丸 同埋蔬菜而啲丸都係平常比較少見到 絕對有誠意的❅星級精選鍋 $98 同海鮮鍋既分別就係啲海鮮變哂做肉而肉就可以選擇豬/牛/羊三款肉都係用靚肉 牛是安格斯豬是美國黑毛豬 羊是紐西蘭羊肩肉我簡既係黑毛豬 食落既質素真係同大家樂唔同而湯底方面就簡左南瓜湯 飲落都真係重南瓜味整體黎講質素都唔錯 份量都算大而定價唔算太平 但都算合理 有興趣既朋友都可以試下

A姐：塊肥牛係我㗎！A姐：隻蝦係我㗎！A姐：粒墨魚滑係我㗎！A姐：件滑雞係我㗎！A姐：條烏冬都係我㗎！所有嘢都係你，咁我飲湯算啦！除非將肥牛寫名我先有得食，如果唔係A姐就係唔畀飽飯我食㗎！有見及此，今日一人一鍋唔駛爭！不過一人一鍋一直都係快餐店專利，而且一般人都覺得一人一鍋就等同無特色，所以上環煮道Uniboil就要改寫大眾嘅諗法，話畀大家知一人一鍋都可以好有市場地位！呢度總共有8款特色火鍋畀你揀：環球海鮮鍋、日式壽喜燒、韓式部隊鍋、韓式牛助鍋、麻辣雞鍋、全丸滿座鍋、星級精選鍋同麻辣豬手鍋，仲可以配白飯或紅薯粉。（A姐：真係款款都想食呀！）揀完火鍋，仲要揀湯底，原來湯底都有11款任你揀：清湯、韓式部隊湯、煮道香辣湯、煮道四川麻辣湯、泰式冬蔭湯、煮道沙嗲湯、金黃南瓜湯、健康蕃茄湯、日式壽喜燒湯、忌廉蘑菇湯同清甜粟米湯﹗如果你嘅另一半好似A姐咁無意見就慘喇，淨係揀湯底都用咗15分鐘喇！M佬之選：環球海鮮鍋（大）- 健康蕃茄湯底一如以往，飲湯先！蕃茄湯底好新鮮呀，完全無茄膏死實味，超濃郁仲酸酸甜甜，好開胃呀。海鮮鍋有日本廣島蠔、越南大虎蝦、紐西蘭青口、美國帶子、雲南雲耳、鮮冬菇、粟米、芋絲、

一人一鍋的概念傳到北美，而生意卻又傳回來香港(笑)煮道原來是美國過江龍！不過餐廳的所有東西感覺其實很地道香港。最特別的必數這個送餐機械人啊，逗得全場很高興呢。有海鮮，雜錦，韓部隊鍋，日式涮涮鍋和一個叫全丸滿座的一人一鍋set。心裡十五十六，一方面好想試所有不同丸類的全丸鍋，但又想吃辣的部隊鍋，一輪爭扎後，始終被牛肉吸引過去。 先來幾杯凍飲降降溫！蠻不錯的。 正常人都會覺得食部隊鍋很不符合經濟效益，我覺得整個餐牌價錢差不多的時候，點一個自己喜歡吃的也沒太大問題吧。你說是否正宗？午餐肉，芝士，泡菜，香腸，韓國年糕，蛋，辛辣麵，牛肉（約有六七片）都齊全，說真的我覺得還挺似模似樣的！湯底夠辣，而且一邊加熱，很刺激的！ 還有一顆泡菜丸子，很特別呢！ 至於作為主角的安格斯肥牛，品質和日式涮涮鍋類同，肯定好過中式火鍋就是了。 如果依然覺得食部隊鍋太傻，日式涮涮鍋會是好選擇(同價)。肉類都一樣，配料換上了比較有日本風的豆腐，獅子狗卷，烏東等等，湯底是甜鼓油，甜度高，比牛一牛陣的甜，我覺得還好的，老公就覺得太甜了（但又怕我的太辣。） 日式鍋有一粒芥末丸子，非常好味～發覺這裡的丸類實在挺有心思

由美國傳入既uniboil 煮道火鍋種類包括中式日式等等 原本為左比美國既移民一解思鄉之愁今次終於可以喺香港試吓呢一個出名嘅火鍋連鎖店呢度最特別就係有個機械人會將嘢食不停送上望住佢行嚟行去咁樣好得意飲品揀咗珍珠奶茶同埋青檸梳打配以火鍋真係好透心涼香港區代表有煮道環球海鮮鍋果然配合香港風格 夠哂國際化！海鮮非常足料有大蝦青口帶子等等湯底係香濃嘅南瓜湯用上日本南瓜同中國南瓜熬製而成又有南瓜嘅香亦都有南瓜嘅甜美國代表有升級精選鍋肉類可以揀牛或者豬 今次就揀咗高級嘅安格斯牛分量雖然唔算太多但係肉質非常嫩同鮮配料嘅丸類味道亦都非常出眾 爽口彈牙特別係一粒芥末蟹子丸真係超好食！跟餐可以揀紅薯粉或者米粉我就比較鍾意紅薯粉 因為可以給埋啲湯

從網上各方資料得知，「煮道」大有來頭，這裡的鍋物全部採用高質食材，而且總廚亦為米芝蓮食肆的廚師，食物質素相當有保證。同時，「煮道」更是來自美國的過江龍，愛吃火鍋的我當然要去試試！這天和家人一起到上環拜訪這家「煮道」，一到達大堂，我們被這個機械人吸引著目光。因為這款機械人是網上熱傳能夠為客人送餐，貪新鮮的我們當然立即乘坐升降機往一樓，向「煮道」進發。店員為我們安排了窗邊位置，好讓我們欣賞街景。同時店員亦相當有禮，當我們坐下後，便為我們一一介紹「煮道」的鍋物，每個鍋物都解釋得非常詳細，讓我能了解各種鍋物特色並選出最合口味的一款。經過店員的介紹和推薦後，我們選了一份星級精選鍋配安格斯牛和紅薯粉，再選了南瓜湯，以及一份環球海鮮鍋配白飯，再搭配麻辣湯。剛剛提及過「煮道」會透過機械人送餐，我當然不能錯過這有趣的畫面。在候餐過程中，我終於見識到這位機械人侍應生了。它從廚房捧著餐點緩緩步出，不用擔心速度過快而把食物弄跌或是把熱湯濺出。在送餐過程中，這位機械人侍應生的雙眼更不時顯示出愛心，十分可愛。當到達目的時，機械人侍應生亦會透過語音提醒可以取餐，店員便會為我們把餐點取下並送上餐桌，真是個有趣的體驗!

同朋友黎左呢度打邊爐，一人一鍋，可自選口味同湯底，唔夠食亦可以加配料，都幾多款的。細閱一下餐牌，原來主店在美國，現在回流香港開分店，店內所選的肉類都主要來自美國的。簡單餐具枱上醬料有辣椒豉油等，基本上個鍋已經夠味，個人沒有再點醬料了。鍋不包飲品，散點了青檸疏打同珍珠奶茶（$22ea），青檸疏打酸酸的又夠凍，好解渴，珍珠奶茶味道偏淡，個人認為茶味可再濃一點。星級精選鍋（$98）配黃金南瓜湯同安格斯牛肉，朋友點的鍋，滿滿一盤呢，好豐富呀，南瓜湯清甜，牛肉有咬口，不錯啊。自己亦是點星級鍋，但選了泰式冬蔭功湯配黑豚肉，賣相有點隨意。上枱時湯底極香，濃郁的香茅味，酸酸辣辣十分惹味，食到中途可是辣勁十足，唔講得笑。鍋可選配飯或薯粉，半濕狀態的薯粉，放湯裏一陣子已熟透，即使放久了亦不會過淋。豚肉有嚼勁。湯底好好味，飲了不少。甜蛋可印有餐廳名字。鍋內有數粒丸，黃金魚子丸是芝士包魚子，滾瀜了的芝士真的十分美味，仲有粒薑汁皮蛋貢丸最特別，豬肉丸包著皮蛋，仲有淡淡薑味，實在令人回味。店內有講國語的送餐機械人，好得意吖～

心血來潮突然好想食火鍋 成日食某間火鍋 偶爾都想搞啲新意思 同朋友睇完戲之後 就去左上環搵食～本來都打定輸數又要去返間去開既餐廳 好彩喺行緊去既途中 俾我地發現左新餐廳 好似係「過江龍」—煮道 餐廳佔地面積頗大 可以容納好多張枱枱櫈櫈 我地坐喺窗邊 可以眺望街景～ 最特別既係 佢地有機械人幫手送餐飲！ 佢好可愛 每次一出場就有好多人影佢相 或者一直望住佢 😂Menu方面 佢地有多款不同主題既鍋 有中國川菜風味、韓式部隊鍋、美式黑毛豬肉同埋港式雜丸鍋 我地個個鍋都有興趣 不過由於我太愛牛肉 所以揀左星級精選鍋 可以試到美國黑毛豬肉😋 而朋友就揀左韓式部隊鍋 佢鍾情於家鄉風味😂我點左台式珍珠奶茶 多茶少冰～好中意彈牙既珍珠 煙韌綿密 口感十足～當然唔少得奶茶既完美比例 中意茶既人可以選擇多茶 茶香更濃郁😋朋友點既係冰紅茶 紅茶好香好清新 感覺健康有益 而且我地食呢啲又肥膩又熱氣既火鍋 飲紅茶可以清下熱氣 分解脂肪食火鍋用既醬油都唔可以忽視 好既醬汁絕對有助提升食物既鮮味 餐廳提供左三種醬汁 分別係經典醬汁、麻辣醬同埋香濃沙嗲醬 大家可以按自己既喜好 選擇岩口味既醬汁呢個就係朋友既韓式部隊鍋

好少會入上環，今日同朋友買釣魚用具所以朋友就提議喺上環食埋飯。我哋想openrice check見到呢間打邊爐好評如潮，睇咗睇覺得好吸引所以就行去食。距離我買咗釣魚用具嘅地方唔係好遠，喺電腦商場入邊。我不過周圍都做咗好多海報好容易認。我哋叫咗一人一鍋， 一個海鮮鍋同埋一個精選雜錦鍋。火鍋嘅配料好多， 有牛，有肉，菜，丸 ，粉，。飯食完成個餐都覺得好飽。真係要讚下佢個南瓜湯底，同埋麻辣湯底都好正。南瓜湯底好鮮味，麻辣湯底好夠麻夠辣。服務員幾好服務，因為冇帶叫嘢飲所以我哋叫咗杯水但係服務員都好快咁拎到俾我。喺上環返工嘅朋友佢話一定要再食呢間，佢嘅打邊爐係香港來講份量，味道，性價比都幾高！

打邊爐一人一鍋o既好處就係自己鍾意咩湯底就要咩湯底，唔使就其他人，仲唔怕同其他人撈口水～哈哈特色湯底實在太多款，都唔知揀咩好星級特色牛肉鍋配南瓜湯底 $98掙扎咗一陣要南瓜湯好，定係要番茄湯，最後要南瓜湯，因為比較少見果然無令我失望，南瓜湯好清甜，唔會話甜得好假（有d餐廳南瓜湯甜到好假) 要試！牛肉係安格斯牛肉！ 油花都算唔差，性價比都幾高。都有唔少丸，唔係廉價hea hea o既丸最鍾意呢款，裡面有千島醬，好好味～煮道環球海鮮鍋 + 麻辣湯 (大鍋) $168大鍋同細鍋分別係大鍋每樣食物有兩件，係o既得一件，我地咁大食，梗係要大鍋啦！麻辣湯第一口飲落去唔係好辣，唔算濃味，有香料味道，點知飲多幾啖就發現有後勁，嘴開始有d麻果然夠份量，蝦、蠔、青口、帶子都幾大隻厚肉冬菇追加咗羊肉 $48同埋牛肉 $48最後落買個薯粉，d湯入曬味，正～洛神花茶 $22 + 台式奶茶 $22無用過調味料，因為都夠味有USB 差電，好貼心～好搞笑，用煲做燈罩

說來慚愧，好像從來沒和媽媽一起打邊爐，路經上環，見到招牌好吸引，於是就膽粗粗上去試下。一進到去就已經忍不住讚嘆：有機器人侍應呀！第一次在香港見到！它穩穩的捧著火鍋前進，完成任務回程回廚房時，一個貪玩的小朋友擋在它前面，機器人感應到前面有人即刻停下來，很安全的設計呢！但小朋友不肯走開，令機械人不能前進，雙方對恃了一會，機械人往前走一點點，小朋友馬上嚇得退開。機械人終於可以繼續工作，真聰明！餐單上頭兩頁的安格斯牛肉和黑毛豬很顯眼醒目，而且不貴，才98元一鍋，於是就點了。安格斯牛肉+蕃茄湯底 + 星級精選鍋 配紅薯粉見到餐單上介紹這裡用的牛肉是通過美國安格斯牛肉協會的檢定，是 top 5% 高質素的肉，已經十分期待和躍躍欲試了。很細心的，肉被放在火鍋的最上面，始終肉很易熟，待送上桌時才由我們親自滾熟它才能在最佳的時候品嚐。 不愧是安格斯牛肉，牛肉味十分香濃。很多湯底可以選，實在讓人眼花撩亂，真的很創意！第一次見南瓜味的湯底！ 細看之後，我們決定要職員推介的蕃茄湯底和南瓜湯底！蕃茄湯底的蕃茄味很出，很香很新鮮，又不會很酸。黑毛豬 + 南瓜湯 + 星級精選鍋 配紅薯粉通常在外面吃的火鍋湯底也是沒

Open Rice 甘多好評又有幾本雜誌介紹好似好勁甘,遠都去試下.平日晚飯時段都只有幾枱客又甘重皮有兩部機械人(男的在樓下入口, 女的在餐廳內傳菜)真係唔知佢可以捱幾耐.服務員態度幾好不過服務就真係爭D,好似唔係做開飲食甘叫幾次先聽到又無主動俾水.整體食物水準中上 同價錢合比例,埋單送左幾張coupon 下次光顧每鍋減$20甘就抵好多不過我老公話無咩特別唔會再食加多寶 $10- 價錢合理環球海鮮鍋配蕃茄湯底(細) $118 - 蕃茄湯幾好很多菜, 材料新鮮配上幼薯粉日式壽喜燒 - $98 - 上盛的牛肉(因此只有3片) 配料很多

近年市面上普遍都有火鍋做主題的餐廳，而且很多餐廳都有推出一人份量。最近好多朋友都對煮道的個人鍋有興趣，一於跟屋企人前來一試。一上到二樓已經聞到一陣陣香濃的火鍋味，餐廳門口有一部機械人，但沒有開啟的，可能平常用來派籌用吧?餐廳地方大，目測可坐30人左右，顧客都在享受火鍋，我也急不及待了!menu封面設計很心思，是主廚的樣子嗎?一打開menu已經十分驚喜，每個火鍋都有詳細例明有什麼配菜，還有壽喜燒，部隊鍋，都是大家經常接觸到的火鍋類型。而且丸類也十分特別，全都是包心丸，每一種丸類中間都有餡料的，就連貢丸都是包心!最特別是可以自選火鍋湯底，多款口味，令人覺得耳目一新!南瓜湯底，忌廉湯底，冬陰湯底平常也很難見到吧!?可惜忌廉沒有了，還想一試呢!來了一個蕃茄湯小海鮮鍋及麻辣湯精選鍋。精選鍋有牛肉，黑豚肉，羊肩肉，當然試牛肉吧?因店舖以安格斯牛作主打的!而且餐牌也有詳細列明肉類的質量及品質，可惜忘了拍下來。海鮮配料虎蝦，青口，蠔，帶子，蟹柳，海鮮類都比較鮮甜爽口，用料新鮮，十分讚!而湯底真的十分驚喜!蕃茄湯味道香濃，跟平時家中的蕃茄魚湯一樣充滿鮮甜味，而且喝完湯都沒有口乾的感覺!牛肉食材擺放十分細

打邊爐一人食一鍋今晚系友人ge介紹下黎到上環食一人鍋《煮道》，聽友人講系美國連鎖餐廳開過黎香港，心諗：美國都食打邊爐？？ 一於試下距啦><與友人分別叫了一個安格斯牛肉鍋(麻辣湯底)&大海鮮鍋(金黃南瓜湯底)。2個火鍋都有一d基本食材系入面。包括一d丸類和蔬菜。份量系啱啱好,細食ge朋友甚至會覺得好大份.呢度ge火鍋用ge丸類都係黎自振興ge，唔系講笑，真係幾好食，同平時出面食百幾二百蚊任食打邊爐ge丸系有明顯分別，特別系距無乜雪味啦。最中意距個黃金魚子丸！我從來未系出面食過呢個丸，入面系有類似沙律醬ge野夾雜d魚子系入面，外面系彈牙ge魚丸包住，真係好鬼好食！仲有距個魚蛋小籠包，食呢個魚蛋小籠包真係要小心d><因為我唔知距會爆汁,一咬d汁爆到周圍都係XD名副其實,好似小籠包咁,入面有濃濃ge湯汁,魚蛋包住一粒豬肉丸,魚蛋依舊彈牙,唔錯唔錯.安格斯牛肉鍋,系友人心入面從來牛肉同麻辣就係天作之合!所以毫不猶豫選zor麻辣湯底,呢度ge麻辣湯底由多種香料熬成,新鮮高質ge安格斯肥牛浸入濃濃ge麻辣燙底中,輕輕煮一下就食得,牛肉非常新鮮,牛味唔錯,夠濃,同麻辣燙

之前同朋友講起火鍋嘅話題，佢介紹左我呢間位於上環嘅煮道，今晚我就黎一試究竟。唔熟港島嘅我，搵路方面遇到小小困難，原來佢係位於電腦城嘅樓上，唔留意嘅話真係好容易Miss左架！估唔到店面地方咁大，裝修得好靚，我哋靠落地玻璃坐，氣氛一流。呢度最好嘅係可以先揀火鍋嘅配料，再自選湯底，配搭非常自由，可以迎合唔同人嘅口味。「星級精選鍋」$98（湯底：煮道四川麻辣湯）如果冇特別要求，湯底嘅辣度會係中辣，食開辣野嘅我就覺得中辣真係濕濕碎，但味道真係正宗嘅四川口味，值得一讚！我哋選配左美國極黑毛豬肉，肉質有彈性，容易咬斷，用料上乘，果然有別一般。丸類方面，選用左振興嘅出品，全部都有餡料，口味獨特，甚少在外面食到。食嘅時候要份外小心，因為好易燙到嘴。「日式壽喜燒」$98 （自選湯底：健康番茄湯） 番茄湯底酸酸甜甜，開胃又醒神。呢度嘅牛肉係採用經過檢定嘅安格斯牛肉（Certified Angus Beef)，大理石紋脂肪均勻分布，肉質嫩滑，果然有水準。其他配料包括外國走地雞有機雞蛋、雲南潤肺雲耳、振興福寶、日本竹輪、鮮冬菇、黃金龍蝦丸，以及烏冬，非常豐富。飲品方面我地點左珍珠奶茶，最後飽到不得了呢！呢餐真係

今日同朋友兩個去上環食一人一鍋 呢間餐廳原來大由來頭 係由黃富強先生即係煮道董事總廚 亦及後擔任香港米芝蓮星級食肆總廚一職 佢係偶爾一次美國旅遊期間幫襯過煮道UNIBOIL火鍋餐廳 竟然一試難忘所以將其特色正宗味道帶回香港 他更與另一總廚賴軍輝先生合作去精心改良湯底味道 研製多國正宗又好味既鍋物比大家品嘗 仲有當送餐時 竟然發現係由一位女機械人出場 好搞笑 因為有d失控 Gimmick野星級精選鍋 好精彩呀 份量充足 我最喜愛的牛肉(份量都好多)主打 鍋內還有多種丸 蟹柳 黃金魚子丸 冰豆腐 粟米 椰菜 醬爆丸 可自己揀湯底 亦可揀跟飯或薯粉添 今次我試左個沙爹湯底同薯粉 果然無揀錯 上枱時已飄來濃濃沙爹香味 同時落薯粉吸收晒精華入薯粉 美味無比 韓式部隊鍋 韓國代表份量亦非常豐富 主打豬肉片 餐肉 腸仔 豆腐 公仔麵 芝士 泡菜 蟹柳 魚片 蔬菜 還有年糕添 滾起就可開動 湯底帶少許微辣令人好開胃 佢地用cheease泡菜真惹味 Menu枱面三種調味提供 醬油 麻辣醬 沙爹醬 飲品跟左青檸soda $22 可另加配料 不過兩個鍋都足夠 兩個人