煮道 (已結業)

趁尚有寒意，特意放工同同事近近地食一人一鍋，之前係別家食過相類似既火鍋，每個鍋都跟一碗白飯，本身鍋中配料份量已經好多，再每人一個飯其實非常飽肚，今次黎左依間嚐一嚐門外已有大大個機器人站係度，店內都以工業風格調為主，燈光唔算光猛，但有種復古感覺餐牌上有多種湯底口味選擇，我同同事各點左不同味道，可以一齊分享食<<星級精選鍋-安格斯牛肉配四川麻辣湯底>>依個麻辣湯底用四川頂級香料餚製而成，湯底食落有少少辣，而且麻度控制得剛剛好，只有舌尖感到有點麻痺，食得出廚師用心反覆調製過。安格斯牛肉口感好爽口，脂肪分佈平均，口腔內散發住陣陣麻辣味，簡直係享受，除左牛肉，鍋內仲有雲耳、菇、蜂巢豆腐同不同種類既丸等等配料，湯頭辣辣地配埋飯食好開胃<<環球海鮮鍋配蕃茄湯底>>湯底用左新鮮蕃茄，味道比較清甜，火鍋料有紐西蘭青口、廣島蠔、美國帶子、越南大虎蝦，每款都好大隻同幾新鮮，兩個鍋既配料都大同小異，值得一提係每種丸同個餡都好夾，帶俾我意想唔到既驚喜，例如牛丸餡中有薑味，食完火鍋配料後，再食埋吸晒成個蕃茄海鮮湯精華既紅薯粉，為呢餐畫上一個完美既句號

兩口子一向愛吃火鍋，不過兩個人打邊爐，閒閒地都要幾百蚊落樓，老實說價錢的確有點貴。不過早前瀏覽網評時，得知上環皇后大道西百匯電腦城最近開咗間名為《煮道》的一人火鍋專門店，據說店裡的鍋物，定價親民，最平七十幾蚊已經有交易，十分划算抵食。原來餐廳是來自美國，在當地設有 2 間分店，而香港則是海外第一間。其實之前在中環上班時，經常會和同事來這個電腦商場飲茶食晏，所以對周圍的環境，絕不陌生。揀了個周五晚到訪，餐廳藏身於1樓A區，踏進店，嘩！地方比預期大，座位非常闊落，就算人多來亦絕對唔會感覺迫狹。拿起店員遞上的餐牌細看，鍋物選擇甚多，包括有三款星級精選鍋，可配牛肉、黑毛豚肉或羊肩肉、環球海鮮鍋、全丸滿座鍋、麻辣雞煲、麻辣豬手煲、韓式部隊鍋、韓式牛肋鍋及日式壽喜燒等。至於湯底方面，客人亦可以自由選擇，細心一數，共有 11 款，包括清湯、韓式部隊湯、香辣湯、四川麻辣湯、泰式冬蔭湯、沙嗲湯、金黃南瓜湯、健康番茄湯、日式壽喜燒湯、忌廉磨菇湯、清甜粟米湯。先揀鍋物，再選湯底。老公愛吃牛，特意為他選了星級精選鍋配CAB安格斯牛肉 ($98)，而湯底方面就揀咗沙嗲湯。雖然話係一人分量，但原來都幾大煲，相信兩

放工後，與阿豬媽去中上環捉精靈，順道陪她去百匯電腦城買USB電線。無心插柳下，被「煮道」門口牆壁上色彩繽紛的卡通所吸引，戴黑超的男仔和牛牛，著實型格醒目。探頭往內一看，環境不錯，且標榜「一人一鍋」，價錢公道，決走一試。 店內牆壁，以粗獷水泥和紅磚作裝飾，木枱襯以黑鐵椅，明顯走呈現出獨特個性的工業風路線。 翻閱餐牌，始知一人一鍋的「煮道Uniboil」乃來自美國的過江龍，於去年年尾來到香港開分店。 「煮道」共有八款特色火鍋提供，分別是環球海鮮鍋$118、日式壽喜燒$98、韓式部隊鍋$88、韓式牛助鍋$98、麻辣雞煲$98、全丸滿座鍋$88、星級精選鍋$98，以及麻辣豬手鍋$78，均可選配白飯或紅薯粉，定價夠親民。 湯底，也有十一款可以選擇，如清湯、韓式部隊湯、煮道香辣湯、煮道四川麻辣湯、泰式冬蔭湯、煮道沙嗲湯、金黃南瓜湯、健康蕃茄湯、日式壽喜燒湯、忌廉蘑菇湯，以及清甜粟米湯，教人眼花撩亂，不知如何選擇是好﹗ 眼利的阿豬媽，為了免費取得「煮道」精美的「煮章」，嚷著要小妹也讚好「煮道」Facebook專頁。最後，如其所願，取得「鋼鐵人」和「美國隊長」扣針各一枚。 小妹，在侍應

去完上環揾朋友，決定一齊食晚飯。朋友帶我黎附近呢間餐廳。店員好好咁介紹佢地每個鍋既材料，最後我決定點左最貴既海鮮鍋。海鮮鍋有好多材料、虎蝦、蠔、青口、帶子、福字豆腐、蜂巢豆腐、金菇、芋絲、爆醬豬肉丸、海膽丸、芝士豆腐丸，配上推介的蕃茄湯同埋紅薯粉！個蕃茄湯超好飲，飲d又飲d, 最後成鍋飲哂，而且無味精，所以一d都唔口渴。真係唔食，就咁用個湯煮完紅薯粉，都已經飽啦！另外叫左杯珍珠奶茶，我覺得珍珠太多了，如果下次再叫會點普通奶茶就好了。

今日同朋友去文娛中心睇劇，所以在附近一齊食晚餐。係附近行下行下，見到1樓有間幾大既餐廳，於是就揾左路上黎。原來呢度係食火鍋既。同朋友分別點左蕃茄海鮮鍋、同一個壽喜燒。蕃茄鍋味道較清、但配合海鮮的味道，湯底並不淡。而壽喜燒就係傳統既醬油湯底。2個鍋都有基本既火鍋配料，食到最後既蜂巢豆腐，吸哂2個湯底既精華，味道濃郁。海鮮鍋額外有越南虎蝦、帶子、青口、廣島蠔，不失海鮮鍋之名。另外，壽喜燒鍋可以選配美國安格斯牛/日本黑毛豬，我地選了安格斯牛。另外多叫一牒黑毛豬。整體感覺黑毛豬比較好食，如果不是特別喜歡牛的人，都可以優先點選黑毛豬。2個鍋另外配有油飯/紅薯粉。我與朋友各點1個，油飯相比之下，較為失色🕸因為紅薯粉很好食、煮耐左仍然爽口。餐飲點了青檸疏打🍸，青檸味好重，追求flash感覺的人，就不得不點這個啦。✨

得知上環開了間水準火鍋小店，今天下班後便興朋友前來試試。 煮道是美國洛杉磯知名連鎖火鍋餐廳、以正宗湯底而聞名，其食材嚴格挑選，保證優質健康。 餐廳的湯底是百分百自家製的，推介蕃茄湯和麻辣湯底。 健康蕃茄湯 蕃茄健康有益，煮道精神顧及客人一切所需，挑選新鮮蕃茄配合其他神秘食材，淆製出清爽且帶點酸酸甜甜的濃蕃茄湯底，開胃醒神，是百分百的自家製湯底。 煮道四川麻辣湯 總廚極力推介麻辣湯，是總廚遊歷四川訪尋隱世名店從中悟出正宗四川麻辣湯底真諦，再採用四川秘製花椒油，加上十六種香料，製造出陣陣麻香的煮道麻辣湯，感受嘴唇麻痺感，過癮！ 點了兩個不同的鍋，振興丸類是超讚之物，魚蛋小籠包、魚子丸、薑汁皮蛋丸等都爽口彈牙，非常好吃！ 煮道環球海鮮鍋（$168/大） 海鮮雖是冰鮮貨，但用料絕對是上乘的。 配料：越南生猛大虎蝦、美國空運圓潤肉厚帶子、日本海域肥美多汁廣島蠔、原產紐西蘭鮮甜青口、振興彈牙魚子丸、振興肉質厚實花枝丸、振興鮮味魚蛋小籠包、振興煮道福寶、鮮冬菇、雲南產地養顏潤肺雲耳 星級精選鍋（$98） 鍋中可選牛肉、豬肉或羊肉。CAB安格斯牛肉—是公認為最具產生出高品質潛力的牛種，所產

昨天晚上, 我的朋友很想吃火鍋, 但由於我們只有兩個人, 我初初覺得打邊爐是不成的, 因為兩個人不會點得太多食物, 但當我們在開飯喇找到一間能夠每人一個鍋來打邊爐的小店時, 我們便決定試一試。六點正去到的時候, 只有兩枱客人, 我們被安排到坐在近窗的一枱。餐牌上的火鍋選擇都算多 ，一人一鍋的好處就是不用和別人爭食物，而且湯底可以自行選擇。 我點了升級精選鍋, 湯底方面, 我點了新鮮蕃茄湯, 因為感覺很健康。飲品方面，我選擇了洛神花茶。升級精選鍋的番茄味湯底沒有我想像中那麼好喝, 番茄味不夠濃郁突出。 裏面的配料很多呢! 有雲耳、冬菇、魚蛋小籠包、彈牙魚仔丸、牛肉薑味丸、花之丸、安格斯牛肉、粟米、時菜等等。 我最喜歡的是印有「煮道」的芝士蛋，蛋很滑，裏面亦有點芝士醬，但味道不會很漏。

為了迎接美好的假日來臨，個人認為週五的晚上得吃得豐富一點——這次跟友人約在上環，去嚐嚐一人一火鍋。就只是聽一人一火鍋就感到這頓飯必定有大大的滿足感，畢竟一大鍋子就在跟前呀。咱們在商場樓下已經可以看到牆身上有餐廳的壁紙。上1樓後便在一個轉角的位置看到餐廳，挺顯眼的所以很好找。入內後可以看到內裡的地方蠻大，裝潢簡約，富有情調。還有一點得說，這裡的椅子設計挺特別，座椅輪廓分明，供人坐下的位置凹下來，落坐時會覺得這椅子還真合心意……就不知是不是一些符合人體工學的設計了~一落座，桌上已是放上了餐牌，這裡的餐牌解說挺詳盡的。像這張，這是說明這裡的豚肉跟羊肉類食材。而這餐牌則是說明了這裡的牛肉食材。這裡有多款的火鍋給你挑，例如這個是頗受年輕人歡迎的日式壽喜燒。還有這也是年輕人很愛的韓式部隊鍋。畢竟……年輕一輩總會分成了祟日派及祟韓派。而屬於香港風味的話就一定是這個鍋了。只限香港獨有的全丸滿座鍋，琳瑯滿目，色彩繽紛啊！如果沒有什麼特別喜好的人，或許會喜歡吃跟平時吃火鍋差不多的配料。選擇不同的肉類就可以，沒有什麼的花俏，卻是最讓人留戀的火鍋。若不想吃肉，這也有海鮮火鍋喔~這裡的店員也很樂意給我們說說這裡

上環一帶不時都有些特別的餐廳，所以今天與友人來到上環覓食，在上環游走時，被這間樓上鋪落地玻璃的美國火鍋餐廳吸引！在門外時已經被這間「煮道」的自家製湯底吸引，甫坐下來店員便介紹湯底，最吸引分別有麻辣、南瓜、蕃茄！聽聞全部用新鮮材料煲成～ 我同朋友分別揀左南瓜同壽喜燒😋 星級精選鍋 金黃南瓜湯 安格斯牛👍🏻👍🏻呢個鍋不得了～ 勁濃郁既南瓜湯底，有南瓜香甜仲食到少少南瓜蓉！鍋物亦用左上等材料，安格斯牛肉滾一滾就要食，無雪味仲好重牛肉味😋 仲有芥末蟹子丸、金菇、蜂巢豆腐等等配料，紅薯粉亦同南瓜湯底都好夾好味！另外亦揀左日式壽喜燒鍋，同樣都係用安格斯牛肉😋，不過牛肉份量無星級咁多，但呢個鍋有烏冬！壽喜燒湯底都唔錯，鐘意較濃味既不妨一試，呢個鍋都有振興丸，蟹棒等配料！d丸食落好彈牙，同平時係街邊買果d食落一patpat好唔同打邊爐又點少得飲品，呢間「煮道」既飲品款式都算多，我地揀左珍珠奶茶同洛神花茶，我既洛神花茶味道有d似利賓立，珍珠奶茶入面d珍珠煙un得黎又不失軟度，配埋火鍋食不錯😋整體黎講，雖然價錢比一般快餐店高少少，但試到超班既食材，性價比相當高，喜歡打邊爐既不妨一試，好有驚喜！下一次黎食會

與朋友於中環逛完街，天寒地凍，想有點熱辣辣的東西落肚，就來到朋友介紹的這間在中環的火鍋專門店—煮道Uniboil，吃個暖烘烘的火鍋於樓下向上望，已經見到店內坐著不少人，幸好上到去侍應極有禮貌的幫我們找到個近窗口的位置，還向我們推介餐牌。打開餐牌，才發現這間樓上火鍋店竟然有著不為人知的十二道湯底而當中的南瓜湯底和蕃茄湯底是我跟男朋友的最愛，南瓜湯底更使用了日本和香港的南瓜混合而成，又香又甜，未試過南瓜濃湯的，必試蕃茄湯底雖然帶點酸味，卻不是味精那種刺喉的感覺，鮮味十足飲品方面就以簡單為主，有綠菜紅茶和奶茶，更有可樂雪碧和加多寶任君選擇我們點了一杯奶茶和青檸梳打，兩杯都大大杯，絕無偷工減料這杯青檸梳打不甜度剛剛好，青檸味重，完全不像外面茶餐廳，這杯完全是用心製作而我就點了一杯原味奶茶，大大杯，茶味剛剛好，糖味也剛剛好，用來送鍋簡單一流這個星級精選鍋一到，牛肉香味四溢，鍋上送了滿滿的菜，有包心丸、雲耳、冬菇，豆腐⋯我口水都要滴到地上了店員還給我們上了兩碗白飯（也可以選紅薯粉）送鍋白飯也是充滿香香的雞油味，真的好驚喜店員過來介紹才知道，鍋裡的牛肉都是僅僅8%符合CAB的高質牛100元有找的鍋物

之前番工都成日黎上環，事隔一年，上環既店舖都有唔少變化。最近就新開左哩間主打一人一鍋美國靚肉打邊爐，食厭左快餐店果d？不妨黎試下！環球海鮮鍋…哩個鍋有分大同細，見唔太餓就叫個細啦，細size既海鮮就單件上，岩岩好一人份量嫁。有日本廣島蠔、越南大虎蝦、紐西蘭有機青口、美國厚肉帶子…仲有made in Hong Kong 既振興魚蛋！保證新鮮健康嫁。海鮮都好正，廣島蠔煮熟左都唔會大縮水👍好有蠔既甜味又冇金屬味。虎蝦雖然唔係超大隻，但勝在肉夠厚多扎實，好彈牙有蝦味！青口同帶子都唔錯，帶子夠大粒又唔會韌😋 另外湯底揀左蕃茄湯，味道好鮮蕃茄味，唔會死咸，冇落茄膏係唔同d!星級精選鍋…有豬、牛、羊肉可以三選一，我哩個牛精緊係揀牛肉啦！哩間店既所有肉類都係跟番美國母公司統一標準，牛肉用CAB安格斯牛，亦係最頂級USDA prime既部份，食落牛味濃郁，又冇多餘既油脂😋 食多幾片都唔怕肥啦！哩個湯底就叫左沙嗲湯，味道夠濃郁，有花生味又有椰香，絕對同平時既沙嗲湯底冇得比。打邊爐食完配料，最後緊係要煮個麵既！每個鍋都免費配一個飯或薯粉，我就揀左薯粉，另外加錢仲可以叫手打烏冬添！薯粉煮完索哂汁，煙煙韌韌咁好

I love anything that is from UK and the USA so when I found out that Uniboil was from the US I had to try it out.Just like UK and the West, there are standards like FDA, food hygiene etc so you can eat with confidence unlike local Cantonese crap.The beef they serve is Certified angus beef and the pork is US Berkshire pork.There is a good variety of pots on the menu and I like the way it is clearly labelled to show the ingredients in the pot, however the menu is slightly different to the US.If yo

食過2次lunch，因為太喜愛食餐肉，所以兩次都係叫餐蛋麵，超鍾意隻雞蛋係生雞蛋！第一次食蕃茄湯，第二次食麻辣湯。一人窩份量好大，個窩黎到職員會幫你點火，等個麵滾多陣就可以食得，當你食緊既時候因為有火熱住，所以仲係熱辣辣，冬天食就最岩！麻辣湯底好香，食落有打邊爐感覺。蕃茄湯比較清，有新鮮蕃茄，兩者之中比較喜歡麻辣。雖然材料簡單，跟熱飲$32，凍飲$34，但視覺上有吃韓式部隊鍋既感覺，還頗有生意頭腦！

以為上星期日天氣唔好，點知又好天無落雨，即興同男朋友去西環泳棚影偽文青照。影完坐叮叮去地鐵站，卻落錯車，灰爆。又肚餓，又凍，好想打邊爐，但得兩條友，不如食一人鍋！？此時，即刻搵偉大既OpenRice 幫手，搵到呢間係附近，飛撲咁去。間餐廳係電腦商場，可能係夜晚，好冷清。但當我地入到黎，店員好熱情，又好溫柔介紹佢地既火鍋種類。我叫左$110（細）環球海鮮鍋配南瓜湯底，係佢地自家製既湯底。一上，見到咁多配料，好豐富，啲海鮮好大隻，完全係超乎想像，以為會揸流灘。一滾左當然飲下淡湯先啦，真係飲得出南瓜味，味道清甜，好養生既感覺。而海鮮中有蝦、蠔、帶子、青口，八爪魚，蟹肉棒。每一樣都好新鮮，無雪&霉味。仲有好多丸，每個都有餡，好好味。而男友點左個$98安格斯牛肉配佢地既蕃茄湯底，我偷飲左啖湯，好蕃茄，係真材實料！而佢既配料同我既一樣，牛肉我都有食一塊，味道幾好，不過我都係鐘意食海鮮多啲。最得我歡心既有兩樣，一樣係個醬汁，因為其中一款係台灣既沙茶醬，自從係台灣食過之後，好掛住呢隻醬，竟然俾我發現呢間有，令到我好開心，決定多啲嚟呢度打邊爐。另一個係，個火鍋配料下面有好多菜，而且火鍋仲跟一個飯或者紅薯

今日同妹妹去咗上環食嘢，呢間餐廳都幾得意，本身個商場比較荒蕪，上面就有酒樓之類，本身嗰層冇乜野好買，但係就得有一間咁得意嘅餐廳。餐廳主要都係食火鍋，有少少似吉野家又有少少似最近好紅嘅每人一鍋餐廳。主打幾個湯底同埋鍋物，可以根據自己喜好選擇不同的，每人一鍋剛剛飽。原來這裏的豬、牛、羊都特別出色，來貨特別好，已經非常吸引食客。湯底方面店家特別推介麻辣、番茄和南瓜。也有不同的醬料。升級精選鍋＄98這個可以選擇豬、牛或羊。我哋就選擇左牛，紋理分佈適中，很快就熟，食牛有牛味！另外都有好多不同款式的食品，最令人吸引的就是一個印有嘜頭的丸，裏面有少少肉，口感彈牙。另外比較扁身的就是裏面有些黃芥辣，口味獨特。湯底方面就選擇了番茄湯，口味清新，是用新鮮蕃茄兩款牛仔，不用番茄醬，雖然整體味道不算太濃但勝在健康之選。可選飯/薯粉，選了薯粉很彈牙的！日式壽喜燒＄98配料方面大同小異，只有牛不能選擇，湯底也一定要是壽喜燒湯底，烏冬也是固定一員。整體湯底味道偏甜，所以配料亦比較入味，也有一隻蛋，要盡快食用否則就會變老。煮道洛神花茶$22味道有少少似夾糖的甜味，洛神花原本的香味較淡。青檸梳打＄22青檸梳打裏面有兩粒