煲師傅砂鍋小菜

營業中

休息中

忽發奇想想食雞煲， 但又唔想成日幫襯連鎖大店， 想支持下啲小店， 就搵到呢間新開嘅任食雞煲放題。每位$218加1， 任飲任食兩小時， 價錢合宜。可以揀芝士雞煲或者麻辣雞煲， 我哋就揀咗麻辣雞煲， 麻辣汁非常入味， 每一件雞都索曬啲汁， 雞件嘅份量都幾多， 特別值得稱讚嘅係， 大部份雞都係雞髀位，只有單骨，啖啖肉。食完雞煲就可以開始打邊爐放題， 可以揀嘅配菜種類都唔少，有40幾款， 當中包括美國肥牛、蒙古羊肉片、黑豚肉、海蝦 同黃喉等等。肥牛同黑豚肉都薄得黎好大片，肉質同口感都唔錯；海蝦新鮮大隻，食落幾甜；水魷同黃喉都幾爽口又有咬口，唔會過韌； 蟹柳雖然係大路野，但呢間既蟹柳棒幾好食幾甜；仲有佢既自家製豬肉餃好足餡，可以試下。最後以Häagen-Dazs 作結尾，好滿足，第一次食summer berries and cream口味 ，覺得好好食，推介。

「煲師傅」之前係OpenRice 就見到好多人推介抵食，今晚就親自去體驗一下，餐廳位於旺角女人街旁邊，好易搵到。 餐廳地方寬敞，光猛乾淨，座位以卡位為主，坐得幾舒服。餐廳有川菜和粵菜選擇，又有雞煲/烤魚+火鍋放題，一、二人套餐和晚市套餐，全部都可以揀不同辣度或者走辣。 雞煲有三種口味（芝士、麻辣和奇味），我哋叫左麻辣雞煲+火鍋放題（每位$218，任飲任食2小時）。 雞煲一滾起，翻炒幾下，果D洋蔥，花椒，芫茜蔥嘅香味就隨即爆發出嚟，勁香。雞肉好惹味而且好嫩滑，啖啖肉，食到停唔到口。大戰一輪後，係時候轉戰火鍋啦。侍應姐姐就在原煲加入上湯，火鍋料都上得好快又冇漏單，抵讚👍 特選美國肥牛：肥瘦均勻，唔鞋 特選羊肉片 ：有羊味但唔會太羶 豬大腸 ：清洗得好亁淨，冇異味 海 蝦 ：新鮮，肉彈牙，每人限兩隻 牛 舌 ：厚薄適中，有咬口 黃 喉 ：爽脆（老闆娘話係豬黃喉，不 單冇牛黃喉嘅騒味，反而更加爽

呢間雞煲放題喺旺角女人街附近，見佢寫$228任飲任食雞煲，仲可以打埋邊爐，價錢幾吸引，就去試吓。入到去餐廳座位舒適，枱與枱之間有足夠距離，唔會坐得好侷促。一開始佢有三款雞煲選擇，我哋選咗小辣嘅麻辣雞煲，雞煲炒得好香，一份有半隻雞，雞件好多肉，配料有洋蔥、花椒同芫荽，香香麻麻十分惹味，我哋仲忍唔住添咗一次。之後見到隔籬枱添第二次嘅時候換咗三重芝士口味，睇落都幾吸引，下次可以試試。食完雞煲店員加咗啲雞湯後，我哋就開始打邊爐。平時火鍋食物嘅配料，呢度基本上都有，我哋點咗肥牛、娃娃菜、牛柏葉、黑椒牛丸、芝士丸、海蝦、水魷魚和豬肉片等等，全部都係好正常平時食開嘅火鍋配料。值得encore嘅食物有肥牛、黑椒牛丸和牛柏葉，我哋都叫咗幾次👍最後，二百幾蚊任飲任食嘅雞煲火鍋竟然仲有Häagen-Dazs雪糕作結尾，真係超值。其實佢仲有好多小菜都好吸引，下次會去再試。

今日出街想平平地想食個雞煲放題$218加1絕對係非常之抵食原來仲可以雞煲或者烤魚任揀其一飲品都係包括咗任飲出邊亦都有個條味架而雞煲方面，我哋揀咗個三重芝士雞煲芝士非常之重料仲有拉絲嘅效果雞肉嘅肉質相對結實味道唔錯黑豚肉走嘅路線屬於比較精瘦一啲唔鍾意食太多肥肉嘅朋友應該會幾鍾意特選美國肥牛，特選羊肉片肉質都相當唔錯之後仲嗌咗好多唔同嘅配菜，包括豬潤，黃喉，牛柏葉，豬腸，水魷同埋唔同嘅丸類亦都嗌咗啲粟米，萵筍豬紅同埋百葉豆腐另外仲嗌咗啲西洋菜，亦都係非常之新鮮當然唔少得響鈴同埋魚皮餃非常之酥脆而呢一個豬肉餃更加係佢哋舖頭自己包嘅肉汁滿滿最後每人仲可以享用一杯Häagen-Dazs嘅雪糕以性價比嚟講，係超級抵

平日放工黎旺角食飯呢到除左雞煲/ 烤魚放題 仲有小菜食卡位坐得幾舒服近收銀旁邊既特色卡位有設計感我地食雞煲火鍋放題有2款揀選 芝士 或者 奇味我地揀左奇味雞煲辣度 可以按個人口味選擇雞件可以無限refill落單冇耐 好快就上雞煲店員會幫手翻熱 炒一炒大約幾分鐘就可以開餐奇味雞件好有鑊氣有輕微焦黑色冇咩雞胸部位食完雞煲部份 就可以揀火鍋配料準備打邊爐呢到既配料話多唔多 話少唔少 正正常常湯底方面 default係豬骨湯如果唔想咁清淡 可以加錢揀其他湯底醬料近廚房 可以自由調制要留意1 時限 2小時 過左時限 要另外收費2 “任飲任食”飲品櫃 某d飲品係唔包放題海蝦 一人只有2隻3 點左既食物如果冇上 可能係冇晒 唔會通知當日以為某款菜漏單 原來係冇晒lu$218/ 位愉快既2小時 飲飲食食傾下計就完結~

和朋友在旺角行街時看見這間煲師傅砂鍋小菜，內裏空間寬敞便入去吃晚飯，座位寬敞坐得幾舒服！餐廳侍應十分友善！這間餐廳是川菜及廣東菜融合，又川菜種類的小菜，也有廣東菜的小菜。另外，這間餐廳也有雞煲放題。今天我選擇了小菜，點了砂礓雞煲、客家釀豆腐及欖菜乾煸四季豆。砂礓雞煲🌕🌕🌕🌕🌕兩個人吃份量十分足夠，砂礓很惹味，雞肉滑嫩，很適合送飯🍚客家釀豆腐🌕🌕🌕🌕🌕在香港吃到正宗的客家釀豆腐，上菜時熱滾滾的豆腐很滑，釀在豆腐上的豬肉經過醃製，配在豆腐吃十分夾口味！欖菜乾煸四季豆🌕🌕🌕🌕🌖平時在屋企很難煮到呢味菜，這間餐廳炒得有鑊氣，配合川菜口味的乾辣椒。讓人吃到不能停口吃光了一碟！後來聞到隔籬枱吃雞煲、烤魚、蒜蓉粉絲蝦球也很香，下次要再來試試！

上星期同個好朋友去左旺角一間雞煲放題食晚餐🥣價錢便宜😌而且任飲任食😌好美味😋奇味雞煲使用帶骨的雞肉，以增加湯汁的濃郁度和口感😙經過長時間的燉煮，雞肉會變得極為嫩滑，容易入味🤪湯汁濃稠，帶有一定的黏稠感，並且吸收了其他配料的味道，如薑、蔥、蒜等😙之後開始打邊爐🍲配料有肥牛、豬紅、蘿蔔、響鈴、丸、萵筍、蟹柳等等….食材好新鮮～增添了口感層次😜每位仲贈送一杯雪糕店舖老闆服務態度非常好😙好有耐心為我們服務😙而且食得好飽同好滿足😉

呢間位於旺角嘅煲師傅係一間相當有家常風味既川菜館🌶️,餐廳既環境光猛得黎啲卡位坐得好舒服。今次我地點咗二人精選套餐👯,試左佢地既主打菜式。首先要講下令我地胃口大開嘅酸菜魚🐟。呢道菜嘅魚片大大份,份量好夠👍🏼,完全唔會出現配料多過魚片既情況。酸菜唔會太酸, 岩岩好,我地即刻連湯都飲多幾啖🥳😋。之後就係啫啫沙薑雞煲🐔。呢間餐廳叫得煲師傅, 相信煲仔菜係佢地既招牌。個煲一黎到就散發住好香既氣味。料頭例如薑、蔥、蒜既味道好夠, 爆得啲雞件好香,好好送飯🍚。其實仲有個頭盤蒜泥白肉。蒜蓉加五花腩片再加辣油呢個組合簡直冇得輸。跟餐仲叫左一杯豆漿同酸梅湯,個人覺得食川菜一定要飲呢啲飲品解下辣🤭。個二人餐$288都其實好抵食,除左呢個餐, 店員仲同我地講有做雞煲放題, 我地聽落都好經濟實惠,下次黎一於試試佢個雞煲先😬😬😬。

旺角川菜抵食二人餐呢到除咗食川菜散嗌仲有雞煲放題添二人精選套餐 $2881️⃣酸菜魚片 小辣勁大盤二個人一定夠食！夠晒酸辣開胃 連埋個魚湯一齊飲好鮮味 好少骨食落就啖啖肉 酸菜都好足料例如娃娃菜芽菜2️⃣回鍋肉豬肉炒得惹味濃郁 加埋配菜一齊食清爽中帶點微辣 面且重可以減膩 撈飯一流3️⃣蒜泥白肉蒜泥超多每啖肉都有～爽口軟嫩多汁嘅白肉下面重有啲青瓜涼拌4️⃣白飯2碗、湯2盅是日例湯係東瓜雞腳湯 清甜得嚟又可以健脾去濕5️⃣豆漿2杯加一服務費煲師傅砂鍋小菜 (旺角)旺角通菜街2A-2P號鴻光大廈地下F, G & H號舖

天氣開始好熱，個人又冇咩胃口，想食啲酸酸辣辣的野食，行過女人街見到呢間有酸菜魚食喎，啲餐又好平咁，就同老公入去食晚飯。見到menu有好多川菜之外，仲有好多小菜選擇。一人特惠套餐$108套餐包左，酸菜魚片，白灼生菜，一碗白飯，一碗湯，仲有豆漿。酸菜魚片份量好多，佢啲配料都好多，唔會馬虎，有薯仔片，蓮藕片，芽菜，寬粉，酸菜等等😍😍魚片新鮮，最緊要係冇骨，少少辣剛剛好，蓮藕片好爽口，寬粉好煙靭，口感彈牙🙂🙂咕嚕肉飯$60咕嚕肉有好多舊，炸到個皮好脆，真正外脆肉軟🥰🥰加$8要左一罐可樂啫啫沙姜雞煲$88上枱熱辣辣，雞嘅份量都好多，而且好新鮮，雞肉做到好滑又有肉的彈性。店員服務態度好好，會主動話俾我哋知差啲咩好快會送到👍👍食咗咁多野兩個人食都唔使$300，性價比真係好高。我仲見到佢有雞煲放題，下次再去試吓先😆😆

CP值高，辣度夠，冰粉好食，老闆娘好好客，有禮貌，放題食物質素好，夠冷氣，地方乾淨，值得推薦，奇味雞煲好惹味，比其他餐廳好食，喜出望下，有見到枱外國客佢地都食得好開心

上次食車仔麵已留意到隔壁的煲師傅，見窗前的二人枱吃得甚歡快便想試試呢間😆是晚就同朋友黎試下。店員示意隨便坐大把卡位😆隨後送上水同餐牌，介紹佢地雞煲$218/位任飲任食，雞仲係無限加嘅。朋友話佢晏晝公司請食自助餐，今晚就唔想放題了，咁我地揀食小菜啦。⭐回鍋肉間間舖頭做嘅回鍋肉都唔同，呢度主要係豬肉同青椒，豬肉用上五花腩，切薄片走油，再同青椒同炒，香口油亮好吸引😋入口鹹鮮微辣好惹味，淨係呢樣都食到幾碗飯🤤⭐啫啫大腸煲煲師傅出名煲仔菜，試下佢嘅啫啫大肥煲先，上枱時勁香，咋咋聲熱辣辣呀😋防止佢燶底，嗱嗱淋攪一攪先，啲油香味出晒黎，成碟都係大腸，伴有少量蒜子同洋蔥，正喎，咬落甘香有嚼勁，超好味。⭐啫啫花椰菜仲叫左個啫啫花菜，意外地居然有埋豬肉片同煮，仲諗住佢得椰菜花添😆味道係蝦醬味仲夾雜鹹魚茸，有啲東南亞feel，鹹香鮮味勁好下飯，呢樣又係食到幾碗飯系列，太邪惡了🤤⭐白飯咁好餸梗係要食飯啦，正啊。抵食又好食，有下次👍

#christine開飯日記 屋企人食飯就最中意有鑊氣，貪佢夠晒香口惹味🤭今次就去左旺角通菜街嘅「煲師傅」試雨佢啲煲仔菜同川菜🤭嚟個川粵crossover 店面都好大下，除左川菜同煲仔菜之外仲有雞煲打邊爐。野食種類都好多元下，一定會揀到樣啱你嘅🌟啫啫沙姜雞（$88）雞肉好滑，上枱嘅時候仲係超級熱辣辣👍👍調味好夠之外，又唔會蓋過左雞肉嘅肉道🌟水煮牛肉（$138）唔好睇佢紅卜卜咁以為好辣。佢係香多過辣，食落好有麻香味，而且配料都好多㗎！有紅薯粉，薯仔片，蓮藕等等。呢個價錢呢性價比都幾高嘅，而且佢嘅牛肉呢都好滑，而且份量都好足🌟啫啫通菜（$68）椒絲腐乳同通菜嘅配搭一向都冇得輸，辣辣地又鹹鹹地咁都幾開胃㗎👍去開旺角想食中餐嘅話真係可以試吓佢❤️🍴煲師傅砂鍋小菜 (旺角)📍旺角通菜街2A-2P號鴻光大廈地下F, G & H號舖

$288就可以食到酸菜魚, 啫啫沙薑雞, 蒜泥白肉, 飲品, 飯同湯 份量勁多而且喺旺角勁方便酸菜魚絕對份量沒有少到，魚片不少幾滑身，配菜勁多最後都吃不完，最愛有蘿蔔和薯仔片勁入味又薄身，辣度會有點辣但幾香，如果吃不到咁辣最好叫小小辣啫啫沙薑雞，來到沙沙聲勁熱新鮮，因有不少蔥和蒜好香口，有沙薑味道有點濃，雞肉入味嫩滑蒜泥白肉不會好辣，反而多蒜泥香口不少，肉薄身不肥，配青瓜一齊食不錯的前菜飲品，飯同湯，我哋轉咗凍檸檬茶味道都OK唔會好淡，一人一碗飯同湯都夠食不用再加二人精選套餐這個份量一定夠飽而且每人除返$160都不用，真心叫一個酸菜魚都要差不多$200

煲師傅砂鍋小菜 地址: 旺角通菜街2A-2P號鴻光大廈地下F, G & H號舖有小菜有雞煲任食，睇要睇好似小菜易控制住份量，任食好易食太過怕肥。食四川菜為主打$ 148 生蠔雞煲，好似加了生蠔就名貴了，個雞你醬香噴噴好惹味，又加了大量蔥蒜咁。$69 椰菜花，佢不是清炒而是用油泡，食入口爽口，辣辣地是幾惹味。韭菜豬肉小菜幾抵食的，人均才$150 ，地方又夠大光猛definitely will comeback again!