熊貓小雲吞 (愛民廣場)

營業中

休息中

.📍熊貓小雲吞 📍香港何文田忠孝街60號愛民廣場地下G37C號舖一口鮮蝦雲吞(10隻/$30)選了蝦米紫菜湯，湯底加了莞茜，但味道不算很重，和紫菜湯好match，雲吞啖啖肉，也吃得到蝦的鮮味，這個價錢cp值高😆啖啖肉豬扒紅薯粉(48hkd)點了不辣的湯底，薯粉煮得剛好，不會太淋，豬扒份量都足料，不是裹厚粉炸的那種，所以無皮肉分離的問題，都好似無咁熱氣😂麻辣手撕雞川式涼麵(48hkd) 涼麵有加麻醬，醬汁酸酸甜甜很開胃，好適合夏天，配上炸過的花生、醃青瓜和海帶絲增加爽脆的口感很不錯，菜圃夠辣好惹味，水平中上🥰孜然椒麻雞翼(5隻/35hkd)即叫即炸，上枱時超熱，雞翼有汁，雖然上面超多孜然粉，但出奇地不會很咸或很重口味😗洛神花茶(20hkd)味道比較清淡，應該無加/加勁少糖，比較健康青蘋果🍏茶(18hkd)大推這個，很解渴，而且茶味很香，應該也是微微微甜，減肥都可以飲👍🏻#foodiblum中式

朋友仔係何文田學完車，肚餓想揾地方食下野，見到呢間 #熊貓小雲吞 就入左去試🤪因為朋友仔鐘意辣野同埋fafafoodie 對 "熊貓🐼" 特別💖見到一路都有唔少人買外賣，餐廳入面都有少量堂食位。落完單再等叫號取餐，有啲小食同飲品就係雪櫃自取🙂自助形式既二人餐👯‍♀️ 2個主食＋1個小食＋1個甜品＋2個飲品🔽主食（選2款）1️⃣ #一口豚肉雲吞（鮮蝦）🥟雲吞可以任揀口味同湯，揀左 #鮮蝦雲吞 配 #老壇酸菜湯 BB辣😁酸菜湯唔知點解第一啖飲落有啲泰國風味🤣幾開胃，一口size 雲吞都食得出有蝦粒係入面👍🏻仲有啲生菜。如果食得辣既可以挑戰佢個重慶辣湯🤪2️⃣ #油蔥酥肉燥熱撈麵 （幼/粗麵）🍜揀左幼麵BB辣，有肉燥花生菜脯脆豆蔥芫茜，冇乜花巧野，但醬汁調得夠惹味，令人不禁一口接一口食，好快KO成碗😋🔽小食（選1款）#芝麻鹽焗手撕雞 🐥落完單係雪櫃自取，雞肉入味唔柴，帶芝麻麻油味幾香，鹹鹹地又唔會蓋過雞味😙🔽甜品（選1款）#紅糖糍粑 🍡糍粑外脆內軟少少煙韌，甜甜地，作為食完辣野後既甜品幾滿足🤗🔽飲品（選2款）1️⃣ #雪梨茶 🥤茶底帶點茉莉味好香，微甜岩晒講求健康既小妹。不過飲到最底發現有啲甜味聚左係底，

🇭🇰熊貓小雲吞平時食川菜都係約fd 食酸菜魚多今次試下輕食小店 方便lunch 黎又或者外賣唔好睇佢地細細間 原來都幾多野食揀🤣除左小雲吞 仲有涼皮 油蔥酥熱撈麵 小食等等🥟鮮蝦小雲吞+韮菜小雲吞(💰$45/20粒 )小雲吞可以揀10／20粒 雙拼又得仲有5款唔同既湯底可以揀今次揀左麻辣小辣 幾鐘意佢唔太辣但食完個咀有麻痺既感覺小雲吞包得比較細 所以叫20 粒都係岩岩好雲吞皮夠滑 鮮蝦 韮菜都新鮮的 呢個價錢都算抵食🥢紅燒肉油蔥酥熱撈麵(💰$53)呢款係最唔起眼 但係反而最好食用左小海粗麵 熱撈麵麻辣鹹味都好夠 幾好食紅燒肉肥瘦相間 幾腍夠入味另外仲有生菜蘿蔔菜葡等配料🌶麻辣手撕雞涼皮(💰$38)一樣有得揀辣度手撕雞份量多 唔老涼皮質地會同平時食到既唔同 做得厚身一點 🍘紅糖糍粑(💰$25/6pcs)紅糖糍粑表面脆身 加埋紅糖同黃豆粉 平價又好食-🧃雪梨茶(💰$12)🧃青蘋果茶(💰$12)

講起川菜可能好多人都會諗起麻辣火鍋，因為川菜以善用麻辣調味著稱，但係其實想平平地過下口癮，坊間都有吾少選擇，今日食嘅哩間熊貓小雲吞，食物選擇良多，價格合理，令你幾時想食辣都有選擇！芝麻鹽焗雞餐($70)，可揀辣或吾辣，滿足不同人嘅需求。雞已經好貼心地做成手撕雞，上面撒滿芝麻，啖啖肉之餘還伴有芝麻同青瓜絲嘅香脆口感，麵底是粗麵，份量合適，一人食剛剛好！涼拌皮蛋(跟餐免費)，目測應該有2隻皮蛋嘅量，淋上醋汁，川味無窮，跟餐小菜嚟講系吾錯！雙拼雲吞套餐($47)，中意佢可以mix & match嘅concept，從湯底、餡料到麵底，想再加多D餸？都可以滿足到你！我就揀咗酸辣湯底，辣度可以任君選擇，雲吞方面系粟米豬肉餡拼鮮蝦小雲吞，取餐時間到一大碗，有D嚇親～好彩雲吞系一口size，酸辣湯底又醒胃，KO一碗冇難度！麻辣手撕雞($35)，啖啖肉，加埋個紅油夠惹味！小食本已準備好在凍櫃中，食客落單後自行取用即可，夠方便又衛生～紅油豬耳仔($38)，老公至愛，不過如果份量再多D就更好喇，入口脆脆，一下子就清咗～御翠烏龍茶/雪梨茶(跟餐+$3)，食完辣野，飲返啖凍飲好舒服，中意佢吾太甜，淡淡地又清新！

最近開咗好多間分店既四川小吃店，終於黎到何文田分店一試！1️⃣ 一口豚肉雲吞一口一啖😋分量岩岩好！好岩想試好多款但又怕食唔晒嘅女士阿😆豚肉保留啲肉汁之外，個皮又好簿！2️⃣ 經典手工涼皮夏天開胃之選！𣲙涼爽口之餘仲可以揀辣度，由bb 辣到大辣！3️⃣ 鹽焗手撕雞涼麵 鹽焗手撕雞唔會太咸得黎又充滿鹽焗味，仲要好嫩滑👍🏻再加埋芝麻醬既涼麵😋4️⃣ 串串鍋好多配料，真係大滿足☺️有魚旦、貢丸、牛丸、台灣腸、海帶、風琴豆腐及蘿蔔！蘿蔔好入味👍🏻5️⃣熊貓涼粉最後，仲有個冰涼既涼粉做甜品！💟總結：1️⃣3️⃣4️⃣2️⃣5️⃣ (推介次序)性價比超高！其實仲有好多款湯底同味道可以揀，不過今次試唔曬！唯有留返下次試埋😋♏️♏️♏️♏️♏️♏️♏️♏️♏️♏️餐廳：熊貓小雲吞 地址：何文田忠孝街60號愛民廣場地下G37C號舖

近排天氣熱，唔想煮飯，晚餐就去熊貓小雲吞買左二人餐+蜜汁🍯芥末炸雞翼🐥+串串鍋🍢～😄～二人餐$128，包兩款主食同一甜一咸嘅小食：主菜一：一口鮮蝦豚肉雲吞雲吞皮好滑好薄😋，每粒都食到鮮蝦🦐同豚肉🐖，揀左蝦米紫菜湯，湯底鮮味十足，食完雲吞仲忍唔住要飲埋啲湯😂主菜二：油蔥酥肉燥熱撈麵熱撈麵好香蒜味，配埋清新嘅青瓜絲一齊食，唔會有油膩嘅感覺👍🏻小食一：孜然椒麻炸雞翼雞翼炸得香脆、惹味，裡面雞肉仍然好juicy😍小食二：軟糯香甜紅糖糍粑紅糖糍粑甜中帶咸，夠晒軟糯～😙跟餐包兩支茶飲🍵🫖，我哋揀咗冷泡御翠烏龍茶同氮氣茉莉花茶，一邊食野一邊飲茶，幫助消化～佢哋出左好多款自家製嘅醬料，仲要係香港製造，即係買咗樽「五仁菜脯丁」（$22）返屋企🤭串串鍋（$38）佢哋嘅招牌菜之一，配料沾滿香濃嘅辣汁，充滿川菜風味😋蜜汁芥末炸雞翼（$35）雞翼大大隻、炸到金黃色，外面被蜜糖芥末汁包住，甜甜地～🐥

熊貓小雲吞之前返學去咗附近食飯 同朋友叫咗幾款share食鮮蝦小雲吞叫得小雲吞真係幾小😂一啖一粒咁不過蝦就真係唔係好食得出 可能食幾粒先食到一粒食得出有蝦的@@加咗7蚊菜同10蚊兩粒牛丸🫠菜得三細條 牛丸就普通街市牛丸😂不建議加餸麻辣手撕雞呢個份量ok味道都ok 唔會過咸雞唔會好老 呢個幾抵食涼拌皮蛋呢個幾好食 份量都唔少冷泡洛神花茶本身有啲驚好甜 點知原來係無糖👍🏻不過洛神花味其實都有啲淡🫠

公司附近餐廳都食到悶悶哋，今日就嗌外賣。同同事一齊揀咗個兩人套餐，套餐會有2碗雲吞或麵，1款配菜，1款甜品及飲品。兩人套餐 ＄148鮮蝦小雲吞每碗會有10粒，份量都比較細，女仔食完都唔會飽。湯底分別要咗招牌重慶酸辣湯同麻辣湯，重慶酸辣湯偏酸但就唔辣，而麻辣湯都幾香，佢哋嘅共通點係食完都好口渴。涼皮嘅質地同平時食到既係完全唔一樣，呢款係偏厚，而且都唔滑。食落味道偏酸，裡面嘅榨菜都好鹹。而紅糖糍粑係呢幾樣食物中最好食，外賣嚟到再擺咗陣表面都仲係脆脆既，裡面就好軟，配上紅糖同黃豆粉，真係幾好食。飲品就可以揀冷泡系列或氮氣飲品，冷泡茶係無糖嘅，飲落似平時茶包泡出嚟嘅味。整體來講，食物嘅價錢同份量都唔成正比，質素都係麻麻哋，如果好似我咁仲要俾運費就更唔抵。

今日下晝有啲肚餓，喺條街度諗住是但搵間入去食啲嘢，跟住就入咗呢間。食食吓發覺勁唔抵！本身酸辣雲吞正價$26，佢個下午茶$32 ，咁咁即係我自己加咗$6買嘢飲。我支茶仲要額外加多$10埋單$42。個Menu本身寫到鬼咁亂，寫到主食+小食+甜品+嘢飲=下午茶套餐 但其實甜品同小食係二選一，仲要加額外加$10但因為當時好混亂，搞到我落單嘅時候亂到發現唔到其實唔抵 而且餐廳環境同衛生都唔算乾淨，一路食野都有隻烏蠅喺度飛來飛去食物味道雖然都算可以，但真係唔會再食希望餐廳可以改善一下Menu嘅設計，同埋推出真正抵食嘅下午茶餐。供大家參考一下。

是咁的喺附近返工一路都唔知道原來附近開咗一間四川麻辣嘅雲吞店，今日中午嘅時候同事話畀我聽，我哋就落咗去買嚟試一試。鋪頭裏面都幾多選擇同埋價錢非常之親民一點都不貴。最後我左睇右睇我就揀咗個麻辣小雲吞小棠菜，十隻小辣都只係成為18蚊。然後我就再加咗一個雞絲涼麵。中午嘅時候人流都幾多，但是店員都好快手所以好快可以食嘢。個雞絲涼麵非常之足料同大份，非常之抵食而且好有四川麻辣味，食得辣嘅朋友可以嗌中立或者大辣但是我唔食得辣所以嗌咗小辣。而佢嘅雲吞都非常之入味同包得好滑好細粒，啱啱好係一口雲吞嘅份量，整體嚟講我認為佢嘅舖頭充滿四川風味，而且食物嘅味道覺得非常之好，唔會出現太鹹或者太油或者太辣。

今日呢行過樓下見到間新開嘅舖頭叫做熊貓小雲吞都幾得意，之前入咗去攞張餐牌望下有咩食啦，原來入面呢係有啲雲南辣嘅風味，我見佢個價錢都幾親民平均二十幾蚊都有一碗落樓。我最後叫咗麻辣小餛飩小辣，揀咗韭菜味，18蚊有十隻。呢個價錢都幾抵。佢入面有得坐喺度食啲間隔都幾闊落嘅。我買咗之後就自己去等攞野食，搵個地方坐低食。佢哋較啲味都搞得好準確，我叫咗小辣，食落去個味道都啱啱好唔會話太辣，而且呢好香嗰啲重慶雲南風味嘅辣味。 我唔係好食辣但係叫咗小辣都覺得好好食。

諗住 新開 見佢開正喺樓下 諗住同老婆試下 點知 完全中哂伏 叫左麻辣金菇肥牛 米線 雞絲湯麵 老壇酸菜湯雲吞 青蘋果茶 同雪梨茶 未試過咁難食既米線 飲品更加吾洗講 難飲到極點 攪到我要去附近71買可樂飲