熊貓烘焙

營業中

休息中

途經灣仔道，見到但他導航好吸引望吓望吓，最後決定買斑斕蛋糕。原因是，香港有好多唔同的蛋撻，傳統蛋撻，葡式蛋撻，芝士撻，很多不同類型的撻，都好好食。但，好食的班蘭蛋糕唔算多，見他的樣，都尚算OK，即管試一試。結果沒有令人失望，半分$38 ，我買了半分，相片是半份，正四方形。一份全份$70。蛋糕質地鬆軟，而且濕潤，不像紙包蛋糕那樣太乾，口感好好。可惜，嗅不到太多的斑蘭香味。從顏色來估計，可能加一點點斑蘭的香油（純粹自己估計）。這些甜的糕點，雖然很吸引，但都只能淺嘗為妙。

同朋友去灣仔一帶覓食，走之前不如買返啲「手信」畀屋企人啦！我哋去咗之前好hit嘅熊貓烘焙，買佢好出名嘅「陽光牛奶撻」～點解呢個撻會喺鋪頭嘅招牌美食？皆因佢個樣零舍不同，生得比平時食開嘅蛋撻高啲，有差不多6cm高！撻皮用上牛油曲奇撻皮，酥皮派嘅朋友就未必好啱食啦。入面嘅蛋漿牛奶香味逼人，好滑溜，食完都好飽肚。價錢方面，每個盛惠$16蚊，唔算好親民，但未食過絕對可以試一次。除咗牛奶撻，店舖入面仲有好特別嘅德式檸檬撻，直徑大約11cm，好大個，盛惠$36。呢兩款撻都有固定嘅出爐時間，顧客亦可以事前預訂，咁就唔使驚買唔到～當日所見，街坊反應都相當熱烈，好多人都一次預訂好多個，同家人朋友分享！幸運嘅係，每次出爐嘅蛋撻數目都唔少，見到職員不斷起模入盒，而且出爐時間密，所以即日去都唔驚買唔到。

🐻‍❄️德式「檸檬」撻🍋（$36大大個）近排好興呢啲撻，好多都係蛋味奶味好濃，呢個撻竟然有檸檬味，好清新酸酸地又好開胃，同出邊食開嗰啲好唔同，佢凍悉同熱食都得，依家天氣咁熱，梗係雪凍佢嚟食啦😋，好似有曲奇皮雪糕檸檬奶凍咁🍋正不過，喺銅鑼灣站就要行少少路先至到咁囉😬都唔係好遠嘅。推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：8⭐️賣相（10⭐️滿）：8⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：7.5⭐️［熊貓烘焙 (灣仔)］地址：灣仔灣仔道234號鴻業大廈地下E2號舖

灣仔6cm高巨型牛奶撻 唔好問我點解寫呢個標題 見到ig網上好多人都咁寫 吸引左我又去試試🤣.去到門口唔多人 見到蛋撻有兩款⭐️陽光牛奶撻$16 ⭐️德式檸檬撻$36買咗一個牛奶撻試試 最特別係佢嘅外貌好少蛋撻會做到咁高 目測都真係有6cm高但相對直徑比一般蛋撻細整體蛋撻體積比正常蛋撻大1.5倍我隻手算大 所以拎上手影相 望落唔算大個望住檸檬撻 呢個就真係大啦 好似半磅蛋糕咁.牛奶撻 🤔皮薄 🤔好鬼薄因為撻皮 偏薄 口感唔可以用曲奇黎形容👍🏻口感少鬆化 有明顯牛油香 其實幾好味👍🏻更明顯係佢嘅蛋漿 蛋漿比例比一般蛋撻高好多食一個啱啱好 滿足到你蛋撻嘅慾望😧但$16一個實在太貴 性價比相當低唔難搵到其他更好選擇 唔伏 只係唔抵食.如果去物價比較低嘅區域 用$16 買4-5個蛋撻一個人食晒佢 應該唔只滿足到食蛋撻嘅慾望直頭短時間內 你都唔想再見到蛋撻.#hkfunfoodrecord窮遊香港#hkfunfoodrecord_灣仔.#熊貓烘焙 (灣仔)地址：灣仔灣仔道234號鴻業大廈地下E2號舖.⭐️評分：味道：3.5/5環境：-/5服務：-/5抵食：1.5/5.‼️想睇更多資訊‼️ig/mewe：

6cm高既撻你地又見過未呢😆😆位於灣仔嘅一間街坊烘焙店佢哋最出名嘅就係牛奶撻同埋德式檸檬撻，仲係由女烘焙師發明，雖然鋪面唔算好靚，但裏面嘅甜品樣樣都係精品，細心打造出超特別既蛋撻，由於杯身比較高，所以要好好拿捏焗嘅時間，先可以做到蛋夠滑，今日就嚟試吓佢嘅最受歡迎嘅蛋撻先🥧☀️陽光牛奶撻:佢嘅感覺就好似曲奇底蛋撻咁，雖然佢足足有6cm高，但佢都可以做到外脆內軟，外皮比較脆，裏面比較軟熟，蛋，淡奶同牛奶嘅混合到滑身嘅感覺，蛋味香濃，仲有少少燶邊，仲好聚手添，所以真係真材實料，食完仲有少少飽肚嘅感覺😋😋🍋德式檸檬撻:呢款相對比牛奶撻大，好似cheese cake嘅size咁，佢嘅材料包括有奶同埋蛋漿為主，另外仲加咗啲鮮檸汁，食落個感覺好特別，好似食到有啲蛋黃嘅味，佢裏面比較糕狀，同牛奶撻質感好唔同，外層都係好似有曲奇餅底，不過由於加咗檸檬汁嘅關係，令到成個檸檬撻升華咗，但絕對唔會酸，同埋裏面嘅蛋漿又夠嫩滑，都係唔錯既👍🏻👍🏻原來除咗蛋撻之外佢哋嘅老婆餅都係好出名，手製之餘佢哋嘅酥皮仲要好薄，包餡嘅程序都係佢哋一手包辦，事關機器整出嚟嘅老婆餅會唔夠鬆軟，唯一手製先可以做到低糖低鹽，簡直係食完都唔

經過見到這間餅店佈置全部都是熊貓公仔，就停低望望，廚窗裏面擺放蛋撻好特別，形狀好似一隻杯，原來是高身款陽光牛奶撻，蛋撻皮好味外脆內軟，感覺似食曲奇餅，但餡料就一般，無乜蛋香味同牛奶味，蛋漿唔夠滑，感覺比較實。老婆餅酥皮做得好薄，甜度適中， 唔會太油，冬瓜蓉餡都豐富，正常味道。店鋪員工有禮，值得一讚！

我一向鐘意蛋撻，尤其曲奇餅皮的，見上網有講呢間，所以專登去呢間bakery買個鮮奶撻，貪佢多餡，據說是6cm高，但好失望，個餡好鞋，一D都唔滑，同埋唔覺得有蛋香同奶香，個皮的確係薄，但返到屋企食的時候（買完50分鐘後），被水氣焗濕了，有點可惜。如沒有記錯，每個蛋撻$16蚊，價值唔平，加上最敗筆係個蛋漿餡真係鞋，滿心歡喜去買但質素令人失望，所以不會再回購了。不過服務態度好好，職員好有禮貌，有小店的人情味，店舖整清，不用排隊。但質素有待改善，希望店主加油。

為了6cm杯杯牛奶撻而去光顧，結果，失望而回！因為某雜誌介紹，高身牛奶撻成為了搶購對象。未出爐，一盤16件，早已被預訂了！小妹碰巧搶到了2件，一到手，就在附近公園一角，趁熱試食。撻皮疑未夠火喉，上邊尚算香脆，不邊則似未熟，呈白色粉漿狀。中間的餡料，質感也稱不上十分香滑，幸富蛋味和牛奶味。此外，買了原味古早蛋糕和斑蘭味古早蛋糕各一半，蛋糕質感香軟富蛋香，惜斑蘭味不太突出。可能期望過大，結果略感失望了！

好多人排緊隊，又聽到啲人討論緊陽光牛奶撻有幾好食，咁岩新鮮出爐，咁我哋梗係即刻買返件試吓啦🤤 一盤20個，賣晒就要等半個鐘等下一轉，有啲癲🤷🏿‍♂️目測都有5至6 cm高，口感唔錯嘅，餅皮鬆化，略嫌冇乜牛奶味，不過好在唔算太甜，感覺似食緊燉蛋，如果襯埋杯紅茶，做下午茶仲正👍🏻

又有bakery爆紅👏🏻😂，究竟香港人有幾鍾意食bakery🤡~呢間小店其實小編上年已經留意到但一直未po (procrastination人士💩)，究竟味道同傳統嘅檸檬撻有冇分別呢？(⁎⁍̴̛ᴗ⁍̴̛⁎)：-1️⃣「德式檸檬撻🍋($36)」呢個撻比起上次介紹嗰個布甸蛋撻更加大個！👅，曲奇撻皮好香脆、充滿牛油香味，中間餡香滑有牛奶香味同埋少少清新嘅檸檬味，同傳統嘅檸檬撻好唔同✨🤣~German-style lemon tart: it has been a hot pick items recently, the filling is creamy with refreshing lemon aroma, the tart is crunchy with butter flavour.👍🏻-🐰💬小結：呢間好少人知，唔洗排隊，值得大家一試！btw佢仲有個高筒杯型嘅牛奶撻，大家試左可以話俾小編聽好唔好食🤤~

周街都烘焙店，有玩花巧味道，有食住個trend 面開嘅都有，但老實做好水準嘅真係唔多。除咗天后嗰間，灣仔熊貓喺一間做得非常唔錯嘅烘焙店，老闆同員工彬彬有禮，睇得出佢哋對自己嘅出品有一定嘅信心，老實型烘焙店。當你想試一間店嘅出品有幾好，用料有幾老實，試佢嘅原味就係最適合不過👍🏻👍🏻首先佢嘅份量好好，唔使要你一定買一大件，可以半件都得😛我買半件原味，一拎上手，心諗「咁重咁有份量！」，改一下就知道佢哋用料足！返到去食，綿密嘅口感，香濃嘅蛋香味，帶有一點點嘅牛油香，真係古早味，追求平淡幸福嘅味道，就係呢一種❤️相就食左先記得原來冇影，下次補影🤡希望第五波嘅疫情，佢哋捱得過，咁就可以繼續支持佢哋！

澱粉質從來都係我至愛♥️熊貓烘焙早早已收藏咁岩經過無理由唔試😂◼️牛奶蛋撻◻️特別之處就係足足有成6cm高既牛奶撻！！成隻杯咁囉😂只有曲奇皮，食開酥皮既會失望啲。我係放置左一晚先食既，切左一角仔室溫食及微波爐加熱後既分別，中間位無流心，結實得黎都算滑溜，撻皮都係唔脆，即日食可能唔係咁，兩個食法口感上分別唔大。最大大大問題係個曲奇皮堅係！超級！無敵！甜！甜到cover左蛋香！定原本無乜蛋香😰！？真係唔岩我⋯⋯⋯⋯⋯😩好鬼失望◻️老婆餅◼️老婆餅我就麻麻地既本身，但屋企人鍾意就買黎試試，幾重手好似幾足料，放係雪櫃凍食/室溫食/加熱都有一番滋味，而我選擇左室溫食，呢個甜度就適中好多啦🤪少少煙煙韌韌，唔會太油，奄尖既屋企人都覺得比牛奶撻好得多😅

經過見到咁特別嘅蛋撻，就嚟試下。外表- 個樣係幾吸引嘅，金黃色嘅外表，睇落有啲似曲奇皮嘅蛋撻皮。食落- 冇乜蛋香味個皮- 可以話有啲淋，個蛋係滑，不過冇乜味。唔講都唔知使食緊蛋撻……老婆餅$9 - 正常入邊有好似有麻薯咁，依依銀銀總結： 蛋撻要成$16，味道唔太好，不過外表係靚。性價比好低，無下次。老婆餅$9 正常不過冇驚喜。

每次坐車經過就會見到灣仔到呢間叫做「熊貓烘焙」我個心喺度諗….點解會改個咁嘅名？（笑）不過自從試過鮮奶撻之後對佢改觀，賣 $1 6 個絕不便宜，印象中係好食嘅，放入encore item 。今日嚟到猶豫緊買鮮奶撻之時，店員走過來問我對古早味蛋糕有冇興趣，我見到「肉鬆古早味蛋糕」出爐不久，加上仲有特價，就買咗半底返屋企當晚餐。當一打開盒子，蛋香撲鼻，蛋糕質感鬆軟，棉密，帶點濕潤感，吃得到的蛋味。蛋糕面、中間部份均佈滿香濃肉鬆和海苔碎，肉鬆足味，應該吾系平價貨色，咸味和甜味形成對比，減低了甜膩感，好食亦有實在感。

那天星期六，由銅鑼灣時代廣場行往灣仔方向，嘗試經過沒有軒尼詩道的灣仔道，恰巧見到一間台式古早味蛋糕店 <熊貓烘焙>，最吸引我的就是可以買半個古早味蛋糕， 而且口味算多， 加上還有其他美食，選擇多元化！口味包括：原味古早蛋糕、芝士古早蛋糕、金沙蛋黃古早蛋糕、肉鬆海苔古早蛋糕...等！ 又有出爐時間表盒上標榜：零香精、零色素、零防腐劑 肉鬆海苔古早蛋糕 半個 $38表面鋪滿豬肉鬆及少許海苔，還有一些白芝麻；豐富了口味層次，整體鹹甜交集！  與質感鬆軟綿密的蛋糕，比起原味無咁單調！