熊野日本料理 (已結業)

今晚同朋友去左大圍呢間日本菜晚飯，黎大圍通常都係食下糖水掃下街，原來都有幾唔錯既日本餐廳。野食選擇幾多，而且價錢唔算貴。先點左份三文魚腩刺身，刺身好厚切肥美！而且都幾新鮮，唔錯。而燒牛舌有6大塊，幾爽口而且燒得好香。之後點左呢份芥末燒蠔幾有驚喜，燒蠔上面加左芥末醬原來都好夾。而牛油果鰻魚卷就不過不失，牛油果唔夠熟，但整體都ok.最後黎既係三文魚炒飯，炒飯粒粒分明而且好夠味，三文魚份量亦唔少。整體呢間日式小店性價比唔錯，唔怪得平日晚上都滿座啦

經過大圍見到呢間日本野環境都幾好, 又諗唔到食咩就一於試一試估唔到小小既鋪頭都有2層, 我地就安排坐左係上層上層環境都好靜, 加上少人, 食飯就最怕嘈, 影響食野既心情 〰️平目魚壽司/蟹籽壽司〰️ 蟹籽好脆卜卜咁, 配埋壽司飯一齊食好味道呀平目魚好新鮮好肥美, 食一舊真係唔夠喉架 〰️彩虹刺身卷〰️ 呢個卷比我預期大件, 入面有青瓜蟹柳, 每個卷上面都有唔同既刺身一啖咬落去口感好豐富, 刺身好新鮮, 而且飯唔會好鬆散, 唔會一咬就即刻散 〰️軟殼蟹天婦羅〰️ 一食落口仲好熱辣辣, 加埋檸檬汁同埋黑椒粉, 雖然好邪惡, 但係每一啖都好脆, 而且又唔多油, 感覺冇咁肥😬 〰️活赤貝刺身〰️ 平時赤貝都會揀連埋壽司飯一齊食, 估唔到單獨食反而仲鮮甜爽脆, 而且又大又肥美, 真係一試難忘呀

無影到相，落單果時已經講左兩次"三文魚腩刺身"，但落單哥哥仔堅持兩次都覆我同寫"三文魚刺身"，黎到都真係比"三文魚刺身"，算數。三文魚同油甘魚刺身完全唔得，個款似責左好耐既貨尾咁，係就係切到鬼死咁大件，但唔係切得厚就叫好。軟殼蟹手卷，唔用手卷架上都算，平訓落隻碟到上，D蟹子一上已經跌哂落碟,，竟然咁都要收46蚊一個手卷。仲有個安格斯壽喜燒，果個湯底甜過糖水，可能我唔識食啦。係得個燒牛舌中規中矩。埋單兩個人450, 2個刺身,1個細牛肉鍋,1個手卷,1個燒牛舌。平時都好少上Openrice寫食評，但個體驗太差。

大圍相繼也有數間食肆開幕，同屬文記火鍋的熊野便是其一。早前試過文記，其用料講究，老闆是用心親自招乎和監督的人，是次帶著期待去試試。平時不嗜煎炸熱氣食物，卻點了唐揚雞定食，皆因早前在別處嚐了得美味，多汁又不甚熱氣的炸雞定食，所以是次想比較一下。(有機會再分享)旁邊的客人多點了一份薄切油甘魚刺身，刺身圍著圓形的碟附上，擺盤見有心思，想其味道也應有保證。定食整盤送上，有漬物、茶碗蒸、沙律、主食和麵豉湯。以$68而言是十分化算了。沙律漏加了柚子汁，要詢問老闆才能加上。茶碗蒸有微微蛋香，也不會水，其實也算不錯。和我預期的炸雞塊不同，這裡用整塊雞扒即叫即炸。不過炸得香脆、肉質算嫩，旁邊拌以沙律菜以減低油膩感和熱氣感，也附上燒汁以作拌飯。飯粒雖不是一心的親瀉米，卻也煮得剛好。熊野有不少後生、活潑及熱情的侍應，服務是很好的。唯一敗筆是，旁邊客人要求牙韱，一男侍應從他的圍裙較下的袋子努力尋找，終於找到了，然而這卻是不甚雅觀的....同一條街也有間叫大豐日本料理，Dafeng Japanese Dining Restaurant，聽其名已知其畢，再看看菜單更是沒趣。難得文記老闆開了一間日本餐廳，實屬大圍區

以東鐵線來說，其實大圍都有很多特色小店，只是我們平日比較少接觸。今次約直很久沒見的舊同學到這個小區，食日本居酒屋餐廳。餐廳會list out 今日應該吃的特色小食，當中都挺好吃，不錯。首先，點了三文魚刺身。如圖中，三文魚十分厚切，亦十分新鮮，入口有即溶的感覺，不錯😍壽司方面，都點了三色壽司。魚生很新鮮，面飯方面都不會很鬆散，所以十分好吃。另外都點了牛舌，配上檸檬汁，juisy!最後海膽炒飯方面，都炒得很乾身，不錯。

喺fb 見倒廣告 $268/人 日式龍蝦餐 好吸引...打電話去book ..一去到 問都無問食物就開始上枱... 龍蝦 夠鮮甜，刺身都新鮮又厚切！三文魚腩最好味！ 其他食物都ok 的！後來加單 再叫 鵝肝壽司 三文魚子壽司.. 等左40分中都沒有上菜... 🤦🏻‍♀️ 其實食物係好食.. 價錢又合理的.. 但係吾夠人手做野吧！

呢日放工後同個朋友去咗大圍覓食。凍凍地，好想食啲暖嘅日本嘢呢間餐廳離大圍火車站好近，一出站過馬路，再行幾步就到了。入到去，店員好快就招呼我哋到樓上坐。全間餐廳嘅佈置同格局都好簡約，好有日本feel啊，而且環境仲好舒服！一坐低，我哋兩個人，好似餓鬼投胎咁叫咗好多嘢，起勢食。串燒雞腿肉。雞肉好滑，串燒燒得入味啊。三文魚炒飯。同一般出面嘅炒飯比冇咁重味，啱啱好！而且飯都炒得好乾身，口感好好，我同朋友都狂食啊。不過要小心有骨喔！照燒魷魚筒。幾好味，好香，唔會太韌, 汁都啱啱好。但有少少凍。香蔥拖羅蓉手卷。勁好食！！！誠意推介，必試。平時最怕手卷啲飯太多，呢個唔會，料多過飯，啖啖都好好味啊。安格斯牛肉烏冬。清清地，但亦唔會冇味，牛肉唔似cheap cheap 牛肉，好入味。凍凍地食，暖到入心！整體嚟講，環境服務都唔錯，同friend 黎食係一個好選擇！有機會都好想試下其他小食啊！

系大圍諗住搵下有咩居酒屋la點知之前嗰間已經執左。架車兜下兜下見到呢間新開就即管試下。入到叫左個刺身14切完全冇魚味。呢14切嗰刺身好似擺左好耐 。啤水啤到乜味都冇。完全冇味，差在未變姐。d 刺身全部好唖色另外叫左個火鍋同吉仔冇分別。吉仔仲好食夠膽死用清水做湯底，可能有d 調味la ⋯⋯不過完全食5到。得個幾片牛同幾條菜、收人百幾蚊！另外仲叫左個汁燒雞小腿。又系完全冇味！街邊d 串燒仲好味。收人58蚊簡直垃圾呃錢！食左5百幾蚊真系最難食又搵笨！想中伏嘅可以去試下。

大圍站恆常地人來人往，然而步出鐵路站，整體而言未有被高樓大廈淹沒，保留著一絲閑適感，令冰還是喜歡不時到大圍走走看看。這夜又再走到大圍用膳，在鐵路站附近的>>>熊野日本料理<<<落腳。 餐廳裝修甚具日式風味，格調上佳，三五知己共聚，或兩口子談談情撐枱腳，可算是區內一個不錯的地點。 餐牌圖文並茂，方便選擇。 主食海膽冷稻庭(HKD98)以凍食稻庭烏冬 打底，上面置有三文魚籽和海膽，看似簡單的組合，味道是經過精挑細選的搭配。 稻庭烏冬的細滑清淡，襯托出三文魚籽爽脆與海膽鮮甜甘香；澆以紫菜，令口感更上一層樓。 冷麵汁味道調得淡雅，為稻庭烏冬 輕輕添加味道，但仍可讓海膽和三文魚籽的咸香發揮得淋漓盡致，才是精彩之處。 口痕，加個串燒過一過癮。鹽燒雞裡肌(HKD58) 在餐牌上註明是限定項目，倍添矜貴。雞裡肌是全雞脂肪含量最低的一部份，非常健康，鹽燒過後，肉質爽口， 帶著微微鹹香，十分滋味。 餐飲是日本波子汽水(HKD20)，小時候喜愛的飲品，入口清甜，美味仍舊。 加一消費後約HKD200，物有所值。

今日收工一個人食晚餐，喺大圍落咗車行出嚟見到好似有野新開張，行近啲原來係日本野，見佢做緊新張優惠就試吓啦餐廳細細間，大概五六張枱到，所以都唔會好多人唔會好嘈，坐都坐得好舒服見到隔離枱喺度食緊火鍋，下次要約埋朋友嚟食，今日點住一個人食嘅份量先睇就知道係新開張刺身嘅選擇都唔少價錢都合理餐廳推介同埋平時唔會系餐牌有嘅特選食品，可惜一個人食叫唔到咁多野帆立貝壽司，芥辣八爪魚軍艦日式燉蛋好香好滑蟹柳壽司，吞拿魚壽司，吞拿魚好新鮮稻庭冷烏冬，大大碟燒雞軟骨，勁香口

今日又約咗大圍地膽朋友食飯，由佢介紹之下就嚟咗呢間高質日本餐廳，餐廳外表望落唔大，但原來內有乾坤！係有2樓㗎！2樓環境更靜、更舒服！餐牌嘅種類都算幾多，係朋友推介之下就嗌咗幾樣食物share食照燒魷魚筒睇個賣相就覺得好細心，魷魚燒得好惹味，醬汁甜甜地好開胃，因為魷魚係比較飽肚嘅食物，所以呢一個小食兩個人食啱啱好香蔥拖羅蓉手卷手卷有驚喜！拖羅蓉幾新鮮，而且料好多，食到最底都仲有拖羅蓉，好食！海膽魷魚卷呢個大推介呀！！有我最鍾意食嘅海膽！！仲要用魷魚包住！點小小Wasabi味道非常夾，好特別嘅食法！下次黎嘅話一定會再叫！！汁燒雞小腿呢個又係二人份量，串燒燒得幾香口，而且唔會好乾，仍然保留到啲肉汁，再加上燒汁嘅香味，唔錯！到主食方面，我哋嗌咗三文魚炒飯三文魚炒飯冇特別嘅驚喜，不過份量都算幾多，而且味道都唔錯安格斯牛肉麵呢個反而有驚喜！牛肉好薄好嫩，面身亦都好爽口，湯汁又唔會好鹹，啱啱好！恰到好處！成碗麵食起嚟感覺好唔錯，推介！呢間日本小店嘅食物價錢都好親民，質素唔錯，下次黎大圍會再幫襯！

中學果陣係大圍讀書，而當時仲係一個租金合理，人人有定企嘅年代。行下街，租個單車就可以玩成日，而且一啲都唔覺迫人。十年過去， 呢度已經變得烏煙瘴氣，sale屎滿天飛。有時其實都唔想認老，但過去真係比較美好。話雖如此，今日黎講呢度嘅租金都係比外面平少少，所以小店亦有生存空間。小店多，市民選擇亦多，生活就更豐富啦。呢度最近開左間日本餐廳 (好似都唔算新，係我太少黎)， 叫做「熊野」，裝修好靚，地方算乾淨，餐具、擺設等等亦見心思。我地點左一個鰻魚茶漬飯($138)、一個稻庭海鮮麵($108)同一客玉子燒壽司($30)。首先黎嘅係玉子燒壽司，特別之處係佢張D飯放係蛋入面，同我地平時食開唔同，品道亦唔錯。茶漬飯好香，鰻魚味道好足，算係幾有水準；海鮮麵亦非常豐富，各式海鮮都有。店員見我地食到咁上下，佢拎左一客小食話送比我地，係炸物之類嘅野，熱氣得黎又幾香口。兩個人埋單$304，總括黎講唔平亦唔算好貴，呢個價錢黎講質素算ok，但如果食物份量可以再多D就更好喇。

係大圍返工，lunch出去食飯就選jor熊野。其實唔係第一次食啦，今次嗌jor鰻魚飯。鰻魚燒得焦香，而且跟餐有沙律、味增湯、小菜同茶碗蒸。環境唔錯，但係價錢偏貴。所以平時lunch都係幾個月先會食一次。每個餐平均介乎70-100蚊，在大圍黎講，都算係高消費午餐。勝在環境舒適，味道okay，服務都okay。另外佢最近搞cup印仔活動，惠顧一份午餐就可以cup一個印仔，集齊10個印仔就可以免費換一份午餐。如果幾個同事食，就可以好快集齊啦。

又係踩完單車，要搵嘢食，補充體力嘅時間， 大圍原來好多嘢食， 但我偏偏撰擇呢間，位於火車站斜對面的一間叫≪熊野日本料理≫， 火車站行過去都是數分鐘， 比起對面的餐廳較為優靜一入門口，便看見一酒櫃及旁邊的雞泡魚標本，好像在迎接我們店子雖不算很大， 但係橘子， 座位與座位之間很寬敞深海池魚簿切刺身，淡淡嘅味道， 襯托旁邊的檸汁， 更能帶起他的新鮮魚味鹽燒三文魚頭， 燒得外脆內軟， 肉質鮮嫩， 仍保持咪啖魚鲜味小食是汁燒雞小腿， 燒烤出來的感覺，不會比人感覺很乾身， 配落汁燒非常惹味熊野海鮮丼， 單看賣相已經唔錯， 海鮮丼內堆滿了不同的海鮮及馬糞海膽三文魚仔厚切鮮甜的帶子， 咬落口感一流新鮮精瑩通透的牡丹蝦， 爽口彈牙厚厚的三文魚刺， 新鮮及肥美，咬落爽口魚味十足新鮮馬糞海膽+三文魚子， 撈埋一起食，一口咬落三文魚子的味道，直滲入口腔， 馬糞海膽也不會感覺上有腥味海鮮麵「 可選稻庭烏冬」， 海鮮配料豐富，麵質煙韌彈牙最後菠蘿雪葩， 雪葩盛載滿了一個小菠蘿內，每口葩也感受到濃濃的菠蘿味

來到年終的時間，真的十分多朋友聚餐，今晚就相約了中學的舊同學一起到大圍飯聚啦！由於大家都想選擇地點較方便的餐廳，於是便選了位於大圍港鐵站對面的居酒屋啦！我們立刻打開餐牌點餐！我們點了「三文魚、帶子、吞拿魚及玉子壽司」，另外也叫了「海膽魷魚卷」。它們全部都不只是賣相精美而且魚生新鮮肥美！海膽與魷魚的配合有喜出望外的感覺呢！除了壽司，我們還點了「三文魚炒飯」。廚師把飯炒得粒粒分明，而且十分乾身沒有多餘的油，材料亦十分豐富！大愛是也！它們的串燒同樣做得不錯，「汁燒雞小腿肌」燒得十分嫩滑，有淡淡的蜜糖香味，是下酒的好良伴呢！女士們最愛食甜品，最後我們選了「柚子雪葩」。雪葩盛在一個小柚子內，每口雪葩也食到濃濃的柚子果香，酸酸甜甜，可以中和飽肚的感覺！想不到大圍也開了一間出色的居酒屋，下次必定與家人再次光顧呢！