熊野日本料理 (已結業)

位於火車站轉角位呢間熊野日本料理，每次坐車都會經過，今天終於有機會嚟試一試啦！由於佢門口經常有侍應推介菜式 ，及用粉筆字寫上當日精選， 感覺好像日本大阪一帶的小店我們點了一客海膽魷魚卷， 汁燒雞小腿作為小食。海膽魷魚卷，上枱很講究，賣相高級，魷魚爽口彈牙，面包裹住厚厚的海膽，新鮮味濃，好醒胃小雞腿，好像串燒一般，肉質好煙韌，有咬口！主菜分別叫了一客熊野海鮮丼及安格斯牛肉火鍋 海鮮丼選料新鮮， 有大蝦，帶子，海膽，厚切三文魚， 魚子…… 相當豐富！至於個安格斯牛肉火鍋， 蔬菜顏色鮮嫩，有娃娃菜，冬菇，豆腐，洋蔥少許粉絲……配上一整碟安格斯牛肉，紋理分明，入口多汁牛味豐富！

是晚為每月一次的飯局夜，我們堅守「四權分立」，輪流「揸莊」，小弟今次負責食肆，其餘三人分掌菜式、飲品和甜品的實務。我挑選了大圍的「熊野日本料理」。朋友很有「食力」，先上的「海膽魷魚卷」入口黏稠，一人一卷，引發食慾；串燒跟隨，「豚五花肉」肥瘦相隔，恰到好處。再來一客「什錦天婦羅」，分別有番薯、茄子、蝦和魚的不同口味，粉底不厚而炸得香脆，佐酒一流。由「Asahi 生啤 」送口，絕配。進入「硬料」的時候，「三文魚炒飯」的魚和飯份量恰當，鹹淡適中，香味四溢；夾住「日式炒野菜」，倍覺清心爽脷。甜品「柚子雪葩」隆重登場；盡享柚子的清新味加雪葩的冰凍感後，滿足而回。「熊野」位處大圍，交通便利，食物上乘，誠意向大家推薦。

限定優惠$268+10%服務費一位，2人起計(預早一天訂枱)假期暫停首先上枱刺身有八款刺身4款魚刺身好鲜甜推介位~白色鱿魚條配上橙色的蟹籽(好爽口，外面刺身拼盤，比較小見)亮點位~帶子(肉厚鲜甜)蝦比較細隻(但鲜甜)八爪魚(厚切，口感不錯)天婦羅蝦，冬菇，蕃薯(炸粉唔厚，但微暖上枱)卷物飯壓得實(無散開)味道不錯黑豚肉個人覺得肥左小小但味道好鲜味，唔油膩龍蝦海鲜拼盤相機食先位📸📸📸📸📸📸📸2人餐有~1隻龍蝦(每人半隻)有3款貝類(每款2隻)貝類(好鲜甜，而且無沙)魚肉丸子配烏冬魚肉彈牙，(其中一粒係芝士丸，好流心)烏冬每人(有一碗仔)蔬菜盤(新鲜)龍蝦肉爽口鲜甜(已切開2邊，龍蝦鉗已剪開，方便全肉夾起···食用)整體海鲜(鲜甜)，座位與座位間較寬(坐得舒適)服務有禮，主動換碟，加茶，(食完龍蝦，有濕纸巾抹手(貼心)如果有一人餐供應，就更加完美

最近一兩個星期都遊走係圍村附近，我初時以為淨係長洲先有太平清醮原來大圍、林村、蓮花池周圍都有，咁我就一於趁下熱鬧，成日覺得啲大花牌好靚。就係轉角位見到間日本野，有 promotion 都幾抵食吖！見有位即刻坐低。門口已經睇中左三文魚腩刺身 $88，雖然優惠價，但係一啲都唔馬虎大大片厚切，入口感覺柔潤之餘又唔會太肥熊野海鮮丼 $178有一見鍾情嘅馬糞海膽、三文魚籽、牡丹蝦、帶子同埋三文魚海膽雖然份量唔多但味道新鮮甘香。牡丹蝦光澤亮麗，口感爽脆之中帶點柔軟幼嫩。而我亦都好享受三文魚籽濃郁的鮮甜味。串燒都係店員嘅推介之一，出邊比較少食到的限定汁燒雞小腿肌，完全不會覺得乾身烤得非常惹味。好似話去Facebook打卡送嘅。我見到隔離枱食手卷，我都追加一件鰻魚手卷 $45，好似一束鰻魚花咁長長嘅鰻魚好好味。最後仲有平時飲啤酒好鍾意食嘅小食，北海道魷魚絲天婦羅 $48。天婦羅炸得口感脆脆，裏邊嘅魷魚絲帶嚼勁有甜味果然係一間不錯嘅小店消費唔高又坐得舒服。

家住大圍，成日經過見到但一直無機會試，前兩日家母突然興起話要去食返餐好既，就諗下哩間新開既日本野喇！係大圍開既日本餐廳一向為數不算太多，質素也不算非常驚喜，所以一開始對無話對熊野有太大期望平日夜晚八點多先去食，唔洗排隊直接入得！初頭以為舖頭好細得一層，但咁岩地下無位就安排左坐樓上，估唔到樓上都幾大，而且樓底不算低，位置之間亦見闊落。哩樣野比起其他係大圍既日本餐廳算係比較優勝，試問有得揀，邊個想坐到窄一窄咁享受晚餐一坐低侍應就會倒熱茶同簡單講下今日有咩新鮮海鮮推介。仲記得食到一半，有位客人自己一個黎食，侍應好有耐性咁推介之外，又建議左啲岩一個人食量既配搭比客人，感覺好貼心，所以整體都對熊野既侍應們有幾好既印象野食方面都算多選擇，一般既壽司、卷物、炸物、鍋物都有，價錢屬中上，與其他大圍既日本餐廳價錢不相伯仲先上菜的是安格斯牛肉壽喜燒($198)鍋物來說中規中距，材料係一向的蔬菜、豆腐，還有我最愛的粉絲！鍋物必備吧！安格斯牛肉不會太肥，雖然只有大概四五片，但勝在重質不重量湯底壽喜燒黎講，味道好濃郁但係有點過甜，我覺得還好但家母就覺得有點愈食愈咸如果湯底可以濃得黎但不過甜，再配返一隻生雞蛋既話

放工特地來到大圍區與友人飯聚，已經有一段時間沒有到大圍走一走，發覺已經開了不少的特式小店，今次就嘗嘗在大圍火車站步行不到五分鐘的日式料理試一試啦！室內環境有花心思，坐位闊落，可坐得十分舒適！食物選擇繁多，分別有沙律、燒物、炸物，魚生等等！蔥吞拿魚腩蓉帶子沙律～飯前想吃點開胃的小菜，沙律配上柚子醬汁，酸酸甜甜十分醒胃！沙律菜也十分爽脆！意想不到的是帶子及吞拿魚腩蓉份量十分多，帶子也切得大大粒，吞拿魚腩蓉十分鮮甜肥美，十分重本的沙律！三文魚炒飯～看似不少餐廳都有的三文魚炒飯，此店卻做到十分不錯。炒飯粒粒分明，十分乾身，不會太油膩，魚肉不會太碎！炸芝士魚餅～突然想吃點香口的食物，點了這個小吃！有流心芝士夾在魚餅內，外脆內軟，口感十足！抵讚！這是很用心的小店，值得支持加上價錢口理！晚上還有set dinner ,下次有機會可再試試！

今晚放工就約左男朋友到大圍搵食啦，見到港鐵站附近有間日式的料理就決定進去試一試啦！工作一整天，放工已經十分肚餓啦，我們便急不及待打開menu看一看！男朋友最喜歡食海鮮丼，二話不說便決定要試一試有多款的魚生飯選擇！熊野海鮮丼～賣相與menu上的圖片幾乎一樣，賣相十分精美，丼內堆滿可口的魚生！分別有馬糞海膽、三文魚籽、牡丹蝦、三文魚及帶子！魚生十分新鮮肥美，三文魚及帶子切得厚厚的，口感十足！每口也嘗到魚生的鮮味！大滿足呀！明太子雞翼～雞亦燒得剛剛好，色澤飄亮，內裡釀了滿滿的明太子，滿口也有明太子的咸香！與燒雞翼的味道十分匹配！炸芝士魚餅～魚餅新鮮炸起，上枱的時候內裡的芝士還呈現流質的狀態！口感軟棉，非常適合伴酒的小吃！燒帆立貝～原隻帆立貝上枱，哎下去立刻嘗到牛油香味，燒的時間剛剛好不會有過老的情況出現！食物質素佳，價錢口理，環境清靜，是與朋友家人共進晚餐的好選擇！小店往往帶給我不少的驚喜！

由於住大圍, 見食評不錯, 所以打算試試, 眼見只有兩枱客, 服務員熱情地推介龍蝦餐, $258一位, 坐落之後, 居然沒有龍蝦餐的餐牌, 要到外面看, 完全吾得. 然後茶是凍的, 而且整個用餐過程, 沒有服務員來加茶, 當時只有三枱客, 有大約三至四個服務員在聊天, 完全沒有人理會加茶, 完全似趕客行為.而且服務員對魚生的知識完全沒有, 居然要走去問廚房師傅. 最後order 了深海池魚刺身, $98 只有五片, 而且唔新鮮, 食落去有腥味, 而且豉油好唔得, 超咸, 仲差過爭鮮的豉油. 我亦叫了油金魚腩壽司及平目魚壽司, 水準一般, 壽司飯很硬, 它的價錢跟千両差不多, 性價比很低. 友人叫了海鮮丼, 也是很不濟, $188, 只有幾片刺身, 三文魚帶子跟蝦, 有人的評價是飯很硬, 刺身不新鮮, 差過食放題的級數.完全不建議去這家店吃

星期三放工約6:00, 獨自晚飯, 沒有訂位, 想食刺身丼, 見評價很好, 新開店舖, 試一試, 點知.........>_<1) 天婦羅日本南瓜番薯 - 每樣得二三塊, 都唔緊要, 最緊要味道.......竟然好硬, 蔬菜完全好似無煮過咁, 好似未熟, 有陣行味, 完全食唔到甜味.很差勁.......0分2) 刺身丼 -- 價值不便宜, 上枱時, 買相都很好, 感覺刺身都幾靚, 幾新鮮.......但一放入口, 完全失望.本人最鐘意食海胆, 帶子,  抱很高期望........跌到落谷底.    海胆帶甘, 海水鮮甜味反而不太強, 雖然寫明北海道馬糞海胆, 但不是我杯茶.帶子 都很厚身, 質地唔錯, 又系同一個問題, 鮮甜味不足,   連一田 的刺身都好過佢.唯最滿意, 最正常的, 竟然三文魚, 厚切, 都有好幾片,  終於食到鮮甜味.......但以這個價錢, 我下次會選擇一田, 都未必會再幫襯....3 分.......可能平日, 好多吉枱, 所以感覺都很鬆動.....待應有好多人, 常常倒水 及照顧,  但可以無客人, 佢地成日主住我食, 感覺好不自在.不過當田

餐廳位置非常便利，這晚去到不用等位就入得，真幸運！店裡設上下兩層，座位及桌子十分寬敞，坐得好舒適，也不會有用餐時限，可慢慢享用晚餐，真難得！頗喜歡它的裝潢富有日本風味，還播著耳熟能詳的柔和日本歌曲純音樂，很有感覺。店員服務態度殷勤，讚！食物方面亦甚有驚喜和水準！非常喜歡這客海膽魷魚卷，賣相極漂亮及精緻，而用鮮魷魚片包著海膽這個製法也好創新，有意想不到的豐富口感，海膽的鮮甜加上魷魚的爽滑多汁，簡直是完美的組合，好好味！強烈推介！！😋壽司亦好新鮮！炸軟殼蟹卷安格斯牛鍋配料好足，粉絲仲要係粗身嗰種，連湯食正。吉列廣島蠔非常大粒，且炸得金黃香脆之餘仲好多汁，同吉列專門店嗰啲蠔有得揮！鰻魚炒飯有好多鰻魚，好滿足！煎雞醬汁咸甜度剛剛好，肉質嫩滑。三文魚腩刺身極度新鮮肥美！賣相亦好精美！價錢不貴！超值之選！！

今日放工同啲朋友經過大圍，就周圍行下喇。係大圍火車站對面俾我地發現到有間好似幾有feel既日本料理。價錢又唔太貴。就去試下喇！😋😋一入到去 好似去左日本咁。啲員工會日文講“歡迎光臨 ”😃環境幾好。啲位幾好坐，岩哂幾個朋友一齊食下野傾下計。餐廳唔會好嘈，仲會播下啲純音樂！👍幾好。叫野食喇😀見到有個海膽魷魚卷。個名好似好特別，就試下喇！賣相好靚。魷魚包住海膽，未見過咁樣既配搭。幾得意。😄食落去，魷魚好爽，咬落去連埋啲海膽食，海膽好濃既海水味。估唔到係咁夾！😍好味👍值得推介燒雞小腿 🙂雞肉好滑好嫩。燒得幾好味！炸吉列廣烏蠔 炸得好靚好脆，金黃色架。食落去好 juicy, 蠔夠大隻，一咬會有汁出黎。唔錯！ 😊😊仲叫左個 安格斯牛肉火鍋 🐄佢有幾款牛揀，而我就揀左安格斯牛喇。牛既脂肪分佈得幾靚😍配埋胡麻醬食，岩哂。個雜菜鍋都好足料。有幾款菜，仲有豆腐冬菇粉絲金菇👍👍最期待既 三文魚腩刺身 終於黎喇！😍哇，真係好肥美呀！好靚😍厚切三文魚腩，食落好鮮甜。好正！由於厚切既關係，食兩三塊已經好滿足了 😌呢個真係正 😃估唔到呢間小店既食物可以有呢個驚喜俾到我地。而且啲職員好nice,又成日幫我地加茶。

呢排成日要去沙田同大圍，今日有朋友請食飯，朋友話想食日本野叫我陪佢食，我梗係樂意啦，上openrice搵到呢間日本野食評唔錯就試下啦。餐廳裝潢簡潔，餐廳內有不少黑板寫上當日之推介食物餐牌有套餐有散叫，見openrice好多人都話三文魚腩好食就叫左一客三文魚腩刺身、一客活赤貝刺身同池魚刺身，仲有3個熟食明太子雞亦、鹽燒牛舌同燒雞小腿三文魚腩刺身有六大件厚切𠝹花但仲見到好厚肉，魚油豐富鮮甜極新鮮，超贊！👍🏼😋赤貝爽滑鮮甜，口感一流，份量都幾多薄切池魚刺身一樣爽甜，薄切有另一番口感鹽燒牛舌有炭燒鹽香味，咬落爽口無渣唔un👍🏼明太子雞亦燒得皮脆肉嫩，d明太子仲迫爆左成隻雞亦非常足料燒雞小腿肉質都好嫩滑，總括所有野食都有驚喜，無諗過係大圍既小店都有咁好既表現👍🏼

今日在大埔玩了大半天，回程時大少嗌肚餓，老婆又話累唔想煮。唯有轉入大圍搵食，可惜一位難求。兜呀，兜呀！终於食神光顧，在熊野門口找到一個路邊位，見餐廳內有大窗可以望到架車，唔驚抄牌，梗喺即刻入去開餐啦入門即發覺有點像居酒屋，裝修簡约，感覺舒適。老婆和大少一坐下便馬上點菜，與居酒屋不同，這裏有多類常見的日本菜，一於樣樣試試啦上菜了新鲜肥美的三文魚腩，為美味日本晚餐揭開序幕，可惜已点了其他菜餚，否则一定添食。這個雜錦刺身相當新鲜，質素上佳兩碟上桌便香味四溢，牛舌肉質爽滑，雞肉外皮香脆，肉質嫩滑。兩者都應是送酒佳品，可惜要揸車不能盡興，下次再試吧！這雜錦天婦羅可見廚師功力深厚，當中的炸茄子真是一試難忘。晚上不想吃太多澱粉質，只點了炒飯和烏冬。個人對炒飯一向嘛嘛，吃了兩口，不過不失啦，但大少就大讚好味，很快便整碟掃清。烏冬湯底清甜，海鲜及配料豐富，烏冬滑中帶有咬口，上品。飯後甜品：大少話太飽不吃了，奇！我和老婆一人一個紅豆雪糕，好好味，完美结局。下次唔揸車搭火車來，便可飲番杯了！

相對比較傳統既日式居酒屋真係唔係度度有，大圍就岩岩開左一間新既居酒屋，都幾正喎由大圍港鐵站行過黎餐廳都只係大約3分鐘路程，非常方便！因為訂定枱既關係，好快就被店員安排入座了同時，亦都好彩有訂枱，因為餐廳既枱數量唔多，大約8點左右，都已經坐滿曬客人了上面係餐廳提供既二人餐餐牌，如果唔想諗食d咩，不妨考慮下呢d套餐呀，都唔錯架d選擇唔要套餐，散叫又得散叫亦有非常多既選擇，係居酒屋既佢，壽司，卷物，丼，熟食燒物，一定唔少得價錢都係可以接受架另外，餐廳亦有一d食物係特別推介而無寫係餐牌上既，今晚小編就試試佢地先餐廳特別推介之一，飛機貨空運直送 : 兩食池魚 $198真係只係睇個賣相就知唔簡單，好靚好精緻既擺盤，第一食: 師傅將池魚切成非常薄既刺身，盡顯師傅既刀功 ! 就算唔點醬油，都已經好好味，完全食出池魚既鮮味而右邊有碟細細碟既，亦係池魚刺身，不過就餐廳將佢用黎做一碟醬油漬物，加入特製醬油令刺身既口感同味道都提升，都好好食架呢條池魚相當新鮮，顏色雪白通透，鮮甜唔腥，加上切成超薄片，口感一流！之後上枱既係餐廳送既，千島露荀卷餐廳免費送既呢個卷物一d都唔馬虎！脆炸過既紫菜皮外層，包住鮮甜既露荀，

難得今晚一家人一起吃頓飯，有人提議試一試熊野日本料理，於是就來這裡吃吧！熊野就位於大圍火車站對面，駕車來也非常方便！餐牌上選擇十分多，有套餐和散餐，前菜、沙律、卷物、刺身、壽司、揚物、鍋物、燒物、丼…悉隨尊便，我們當然想試多幾款食物！年青人最喜歡嘗新，所以由他來發辦刺身選了三文魚腩🍣，嘩，三文魚腩好吃得不得了，新鮮肥美，軟滑甘香，一流！香蔥拖羅蓉丼，拖羅薄薄的鋪在飯面上，胭脂紅色，加上香蔥，味道融和，賣相一流！安格斯牛肉壽喜燒，煲內滿載豐富的蔬菜，加上濃郁的湯汁，好入味，牛肉片只需放入湯內拖一拖，肉質嫩滑，味道豐腴， 一試難忘！如果有生雞蛋蘸著吃更好！小食則選了鹽燒雞上脾和牛舌，燒得皮脆肉香什錦天婦羅，外脆內嫩，最好吃的是南瓜和茄子天婦羅，腍甜皮脆最後當然是以甜品為這頓晚餐作結。整體來説，能在這種類繁多的出品中，樣樣都算做到水準以上，實屬難得，但是能專注於幾個類別的料理或許會有更驚喜的結果！