熊野日本料理 (已結業)

開了半日會，收工梗係想搵間近地鐵站嘅餐廳食日本野，大圍A出口行3分鐘就到了這間熊野日本料理。一入到餐廳，大大張梳化很舒服寜靜嘅感覺，點了幾樣食品，急不及待想品嚐，因為已經很肚餓。前菜是燒茄子，上面舖了一層魚籽，茄子甜，入口即融化，魚籽滑，味道配合很好，加上薄荷葉，清新怡人。跟著有三文魚及特別帶子壽司。三文魚厚身，非常好口感，飯身鬆軟，特別帶子壽司，帶子也是入口即融，香草包著飯，香口又美味。加州卷，有份量，飯不會散，蟹子彈牙，青瓜、蟹柳、蛋、紫菜、牛油果、蛋黃醬，一次過入口，很滿足。明太子茶漬飯自己沖茶浸飯，明太子、wasabi、紫菜、全融入飯中，飯有質感，夏日炎炎，真是易入口，味覺亦很充實。汁燒雞小腿，雞腿極軟，面頭燶燶地，略淡，加豉油便很可口。最後來個菠蘿雪芭，真係好真多果肉，酸酸甜甜平時鍾意食菠蘿一定要試吓酸中帶甜的大菠蘿，食完個人到精神晒，打埋單走人，返屋企準備聽日開會。

呢間野係出面睇好似好高級咁 係大圍好小咁靚既餐廳 忍唔住要試下 佢既野食都好多選擇 不過套餐好似試唔到咁多野 散嗌開心d 食呢個飯一次過可以試好多野食 呢個係熊野海鮮丼 呢個好大碗 好多餸 飯又夠多 好新鮮 海膽又好鮮甜 同埋佢有青瓜撈埋飯好好食 鰻魚炒飯 食呢個個陣一黎到太香 唔記得影相就食左 勁多鰻魚 同埋個飯好香炸芝士魚餅 呢個小食好正 好多芝士爆出黎 勁脆口 入面又勁香魚肉味 再爆d芝士出黎燒雞 呢個甜甜地 好香既燒汁味再加上雞肉好林 好滑

想相約久違的朋友聚聚，考慮朋友下班地點和歸家點，今晚選址大圍。茶碗蒸：味道清清淡淡，雞蛋味不算香濃但算是滑，加上莞茜有創意。雞蛋是茶碗蒸的靈魂，材料決定質素也。鰻魚炒飯：炒飯金黃色，粒粒分明，鰻魚燒得香，內裏有雜菜豆，味道甜甜的。值得讚的是烹調功夫不錯；只是份量認真要改善，同時食材入貨料若更進一步，相信廚師更能演繹一碟飽滿的鰻魚炒飯。呢一碟係落單嘅時候嘅推介菜-花枝雞卷（唔知有無聽錯個名） ：外層用雞肉包住皮蛋，表面𣺉上特製嘅醬汁，味道很特別，雞肉同皮蛋包住黎食有創意！總結：當是一餐友情小聚尚可。

住沙田的友人帶我來到大圍的熊野日本料理晚飯。原來大圍站對開除了茶餐廳、小食店、還有多國西餐廳及酒吧。熊野位於村南道、由大圍火車站走過去不用五分鐘。店內裝潢陳設有點老日本感覺、燈光微暗、從扇窗可看到窗外街景。食物種類繁多、從刺身、燒物、海鮮丼、天婦羅、壽司有多達數十款，壁板上還有多款當天廚師推介。熊野海鮮丼 $198牡丹蝦很大隻、三文魚肥美有魚香、另外海膽、帶子及三文魚籽伴飯吃也挺美味。不過飯有點太多、吃完刺身後還有白飯剩下。鰻魚茶漬飯 $138平時沒甚機會在香港吃茶漬飯，便點個鰻魚飯漬飯回味一下。日式茶壺感覺典雅、我們緩緩倒進茶、隨即聞到微微的茶香。不過茶香味當然不及日本嚐到的濃、但淡淡的茶香伴著照燒鰻魚倒也是不錯。

經常響大圍搵食 最鐘意發掘新野試上次就試左同街既一間日本野今次一於試埋街尾呢間 比較下先！呢間熊野位置正正就響以前中旅社果度有兩層 樓下位置大概坐到20-30人樓上就唔知啦 一入到去 環境格局幾好 坐位同走廊闊落 值得一讚係呢個環境設計 侍應會企響圖中個架既前面當一有客人舉手示意 佢地視線就會即刻見到 免卻左有時餐廳有盲點 舉手舉好耐都無人理既煩惱我叫左魚生飯配烏冬一set 咁上 睇落好豐富味噌湯 豆腐粒 大大粒 仲有好多昆布沙律菜 幾新鮮 但個人覺得配返日式沙律會更好 例如蟹柳絲 青瓜絲 蟹子，依家淨係得菜類 感覺似西餐日式蒸蛋 好滑好滑 有菇 同海鮮粒 前菜 我最愛小黃瓜魚生飯有成十款刺身 超足料 而且好新鮮唯一係個人麻麻地三文魚子 由於餐牌無寫魚生飯有咩魚生 所以都係上菜先知建議可以加上包含既魚生種類烏冬係日式扁身烏冬 唔錯唔錯 仲有超多昆布男友叫既雜錦天婦羅蝦有三隻 其餘有菇 蕃薯等等新鮮熱辣 唔會覺得好油 埋單202蚊午餐黎講都少貴 但質素 環境 食物各樣都唔錯 間唔時豪一次啦！值得再食呀！

大圍附近的食肆越開越多，夏日炎炎36度高溫，當然想吃日式料理，想起了這間店有壽司丶魚生飯之類，去試一試！我們二人，一人order 了一個set。每個便當已包括了味噌湯丶和風沙拉及蒸蛋，如想飲汽水可加＄5。講食物之前想講下個環境，餐廳設有地下及一樓兩層，空間尚算足夠，裝修以黑色為主，落地玻璃，座位夠寬闊丶舒適。可是，我們是炎夏正午時段，坐在地下果層，實在覺得冷氣有點不足！講返食物，呑拿魚蓉飯，中規中矩，拖羅夠新鮮，但裡面的飯太黏，反而配菜蒸蛋夠滑，好味。另一位叫咗雜錦壽司定食，你知啦，要知道一間日式料理的質素，雜錦壽司定食，食一次就知。一共10款，最新鮮好味是甜蝦和三文魚，吞拿魚及其他魚類只屬一般，帶子切得比較薄，但味道很fresh 。這定食的賣相特別好，令人有所期待，食落口係普通丶中等，沒有wow，有一點點失望。壽司飯比較黏，希望有所改善。可能因為是新開不久，他們侍應比較新手，不會主動加茶，但他們是友善和有禮貌的，可能仍需要一些時間熟習。

今晚要去大圍還東西俾朋友，點知途中遇上滂沱大雨，唯有同友人在附近找家餐廳避雨吃東西。小食-軟殼蟹天婦羅＄78軟殼蟹得3塊，炸得很脆，調味有點重，賣相有點進步空間😂刺身-加拿大海膽＄128點了一份刺身，因為朋友很喜歡吃海膽。上菜和我們想像非常不同，不是一板板的。青瓜非常厚，海膽沒有腥。茶碗蒸$35:有一整粒菇，雞蛋算滑，加了芫茜，有中日fusion感，味道正常，不錯。鰻魚炒飯＄148晚餐到這裏，這個炒飯總算入口得宜，飯炒得粒粒分明，加了紅蘿蔔粒，鰻魚算鮮甜，燒得亦不錯，整個飯香口，味道甜甜算開胃。份量多一點會更佳。值得一讚是座位大多是我最喜歡的卡位，舒服。今晚算黑仔，心情同環境一樣，大雨到呢⋯⋯😀

身為一名為食既沙田友 吃貨小妹對大圍既食店都算係瞭如指掌 間中都會係大圍一帶巡視一番 當見到有新店必定搶閘去試最近行過工聯會附近就發現開左間新既日本料理店裡頭大部份家具, 擺設都係桃木色 層架上放滿唔同既日本酒瓶 雅致好看忘記左個前菜叫咩名 賣相好攪笑 好似千層麵咁 但其實係用生菜砌成 完全睇到廚師既刀功特別帶子壽司 帶子好大粒 完整一粒將整舊壽司飯覆蓋住配上輕炙過既海膽同鮮甜既三文魚籽 味道有層次 物有所值 食親日本料理總係心思思想食牛肉烏冬當日餐廳職員送上呢碗牛肉烏冬時 就做左樣一下令我驚喜既轉碗動作 職員放低烏冬後 小心翼翼地將碗既正面慢慢擰向我(傳統日本茶道奉茶時都會出現既手勢)呢個小舉動 頓時令喜愛日本文化既小妹覺得好優雅烏冬送到時安格斯牛約七成熟 剛剛好 熱湯味道濃郁 天氣咁熱 食完熱烏冬 可以食返幾啖冷蕎麥麵balance下就最好不過啦

同朋友去街諗住慢慢傾偈又想食嘢， 所以去咗介紹大家呢間居酒屋，因為呢個介紹嘅係食物唔係介紹飲酒，雖然我淨係介紹佢哋畀你食物但係都非常好食 燒牛脷，意想不到去嘅時候呢非常香，牛脷亦都唔會靭，非常好食配上檸檬汁冇咁油膩之餘仲有淡淡嘅清新芳香感覺 日本嘢點少得壽司呀但本人比較鍾意食手捲，叫咗三個手捲，一個係玉子手捲，另一個係蟹籽手捲，仲有一個係墨魚手捲，蟹仔落得好多非常好食玉子亦都好甜好滑墨魚非常新鮮 因為太肚餓嘅關係 最後仲嗌咗嗰個魚生飯，厚厚嘅三文魚又香又滑特大帶子刺身甘甜可口海膽亦都非常新鮮，仲有濃厚嘅海水味道現同三文魚子嘅金香可口，配搭得非常一流唔少得嘅佢仲有一隻非常好味嘅 虎蝦刺身簡直係成個刺身飯嘅精髓，如果你哋呢一定要食 仲有炸軟殼蟹反捲呢個係我去日本餐廳一定要食嘅菜式 ，因為一個日本餐廳整呢個嘢整得好食嘅話整間餐廳嘅質素一定唔差，軟殼蟹一定要新鮮，炸嘅時間唔可以太長太短，得太耐會有種燶嘅感覺，唔夠就會唔脆，而白醋飯一定要配合得非常好 你先會食到內脆外軟嘅感覺 ，間餐廳一切符合要求絕對係值得推介嘅餐廳

價錢合理的日本菜，質素相對好的日本菜。一行6人，大家都真心覺得呢間餐廳係好，可以再返轉頭嘅。午餐，每個款式都配有蒸蛋，沙律和前菜，好新鮮。蒸蛋滑配有幾粒冬菇。沙律的菜好新鮮，仲配有黃車厘茄，好味。前藥夠脆身唔會好咸，剛好。麵豉湯，味道好，唔太咸，又麵豉香。滑蛋豬扒丼，香滑，豬扒又夠"淋"身，份量適中吉列豬扒，有心機呢菜式，菜絲夠凍又夠幼，不過白飯就唔算係靚珍珠米，不過都ok嘅角切刺身，啲刺身都ok，仲有配小小的烏冬，份量重咗啲，整體好味

沙田大圍開完會，正是午飯時間，又撞着大雨，轉身就走進一家新開的日本料理餐廳，來過午餐定食。雞肉親子井飯：親子丼是一道典型的和式輕食，雞丁洋蔥混著甘甜醬汁，纏著一層滑溜靈動的蛋液，湯匙一勺下去，整個醬料陷塌到白飯陣營，往嘴巴一送，那溫潤甘馨的滋味啊，叫人呼嚕呼嚕就嗑。可惜這裡一點以上感覺都沒有。吾夠蛋，又吾香。雞肉沒半點酒，醬油和味醂味道！和風沙律：沙律汁就只有照片上的一滴！日式蒸蛋：夠滑，尚算可以味噌湯：肯定系開水充！

喜歡做運動的我會定期約朋友到大圍租單車踩。踩完單車就在附近食晚飯。室內不算大，大概有十多張台，一邊為梳化式卡位，感覺整潔舒服。實行一慣作風，有套餐叫套餐。二人餐的唯一選擇，需加一。野菜沙律：份量剛好，洗得好乾淨，也很新鮮，吃起來爽口美味。是開啟味蕾的好開始。前菜是燒熟的茄子，同樣精緻迷人，加上魚子後增加口感。刺身，有三款，每款2件，不多不少，剛好滿足食慾同時也可以留肚繼續嘗食其他美食。吉列港島蠔是我最喜歡之一，新鮮即炸出枱，外脆而香，一口咬落去，蠔特有的鮮甜發放出來，非常鮮甜可口，令人回味無窮。老實講，吃完一粒絕對想食多一粒。和朋友商量後，決定加錢試下套餐以外的另一餐廳推介菜式：鹽煮牛舌果然非常好吃，與以往食牛舌的經驗完全不同，這個鹽燒牛舌竟然有入口即熔的感覺，很淋化，完全不韌，侍應在本菜上枱時叮嚀我們，可以夾雜瓜菜一齊進食，會別有一番風味，果然牛舌的肉香加上瓜菜的清甜，非常配合，完全滿足食慾。味噌湯加上蜆一齊煮，即時增加鮮味，身價亦倍升，蜆肉新鮮，飲湯之餘還可以吃肉，的確以眾不同。鹽燒鯖魚，比較個人吃法，有些人特別喜愛它特有的口味和嚼囗，有些人會怕腥，怕腥的話建議落檸檬汁，會中和口味

小店要用心經營，熊野做到了！香港人深愛日本美食，日本小店開到成行成市，要走下去，一定要用心做。由 餐廳的佈局、服務員的招待、食物的質素，都感受到用心製作，這更是日本必需有的文化，我認為熊野做到了！蟹籽salad貴精不貴多，醒胃前菜，refresh下味蕾，準備接迎肥美的刺身⋯⋯刺身價格不算貴，有唔同款式，鍾意試多款嘅可以簡呢個＄188左右，如果獨愛三文魚腩，都會有三文魚腩刺身，任君選擇，刺身肥美，魚油充足，擺相精美，放出黎要好睇，咁已經係用心嘅表現！鯖魚燒得香，價錢也公道，燒出黎有光澤，即刻要大啖大啖咬落去，其實我自己可以食一條⋯⋯不過好野當然要開心share啦！三文魚炒飯，有時候真係三文魚上癮，三文魚刺身，三文魚sushi，三文魚炒飯，三文魚盛宴，係未叫埋三文魚頭⋯⋯好似要成餐三文魚先夠滿足，三文魚炒飯遠遠都傳來香味，急不及待要跑入肚子裡，每啖都有三文魚同埋配料，連唔食蘿白嘅我，都好易接受個味，好岩偏食人士！大大粒紅豆黑芝麻雪糕，只能說，真係好好食，為呢餐畫龍點睛。希望熊野繼續用心為我地整更多美食啦！小店要加油！

深夜食堂，我選日本料理，因為精緻好味又唔會好肥，我的首選一定係蒲燒鰻魚，外脆內軟的口感已經融化左我，加埋秘制鰻魚汁一齊燒，完全入曬味，啖啖入口即溶，內心高呼好正🤘🏻👍#軟殼蟹都係俾選之一，炸到香脆，加埋蟹子一齊食，多重口感，都係脆脆脆，蟹嘅味道好出。燒牛舌超正，無理由唔點，薄薄一層，小小椒鹽味帶出牛舌的香味，下酒的好配菜，脆脆地，又好有嚼頭，完全無腥味，處理得好好😍🙏尼度的服務態度好好，悉心介紹每日新鮮材料，好🉐️👍

熊野充滿日式情懷 鰻魚手卷正呀大圍除左踩單車，一般都好少去，但其實大圍站附近都有好多美食，係月台個陣都想逐間食哂，日本野梗係賣飛弗啦睇下餐牌，價錢都唔算太平，但鄰近地鐵站，裝飾雅緻，好寧靜舒適既日式風格，充滿日式情懷，有種辛苦過後，可以好好嘆一餐既感覺蟹籽沙律，天氣咁熱，開胃既涼拌沙律，味道唔錯，兩人份量，好fresh好清新。鹽燒青魚，性價比好，$60幾蚊條，都好香好嫩滑，都幾大條，無加檸檬汁都無腥味，魚還是原汁原味好！魚生分別有基本同特上分，兩人食可以樣樣食d，特上我見人地叫左，賣相非常吸引，下次可以試下，基本都有三文魚、蝦、吞拿魚、八爪魚，唔錯唔錯但個人就貪心d，所以下次要叫特上，更加滿足！三文魚炒飯，份量大碟，唔油膩，都足料，食埋呢個開始飽。呢個真係好正，鰻魚手卷都係$50，好大舊鰻魚係入面，價錢唔算太貴，每啖都咬到。食完再想食呢個都係驚喜之作，炸蘆筍，日式炸物就係炸左都唔覺油膩，會搵返蔬菜balance返！佢特登加d蕃茄汁酸酸地，好夾，有6舊咁多！最後黑芝麻雪糕配上好多粒紅豆，係好多，好正！