燈籠滷味 (新都會廣場)

營業中

休息中

今天和友人在葵芳新都會廣場看完電影後，便順道享受了一頓地道台灣下午茶。～台式蜂巢牛肚滷肉伴烏龍麵配無糖茉香綠茶滷味是這店的重點推介，蜂巢牛肚爽滑有咬口，滷肉肥瘦分明，配軟糯烏龍麵和滷得好入味的滷蛋一起吃是最好不過的。烏龍麵掛上味道不會過濃的滷湯，入口討人，令人一口接一口地吃過不停。餐後來一杯熱茉香綠茶清一清口腔，真教人滿足。～九份經典芋圓+起司麻薯配古早冬瓜茶台式甜品絕對是餐後必食之選。彈牙珍珠、粒粒紅豆、煙韌芋圓和地瓜圓配甜花奶味道誘人，滋味無窮，口感層次豐富。起司麻薯軟滑煙韌，有著濃濃的溶岩芝士，非常吸引。古早冬瓜茶入口清甜，加$5配珍珠又多了味道層次。～台灣紅燒牛筋肉滷肉飯友人吃的地道台式飯份量不少，牛筋肉滷得淋又微微有咬口，粒粒分明大小不一的滷肉味道適中，與白飯攪拌一起吃確是一流。此飯還配上椰菜、酸菜、滷蛋、粟米粒和大量蔥粒，非常豐富。燈籠滷味店子採用開放式設計，裝修擺設有著濃濃台灣夜市的影子。這店用二維條碼點菜，既方便又準確。

我最近品嘗了一碗美味的芋圓湯，這款湯是用紅豆湯作為底料，添加了大量的芋圓和椰汁，這使得它具有想象不到的甜美風味。芋圓Q彈有嚼勁，加上甜美濃郁的紅豆湯和椰汁香味，口感非常美味。整碗湯也非常溫暖，讓人感到舒適和感動。這家店的芋圓湯也很貼心，它有不同的杯形選擇和甜度選擇，這很好地滿足了顧客的不同需求。我強烈推薦這家理想的芋圓湯給所有芋圓愛好者。

如果對台灣美食深感興趣，而燈籠滷味實屬不二之選，係香港經已有幾間分店，除左裝修有台灣夜市嘅感覺，佢地價錢更大眾化，今次就試試佢地親民2人餐，仲加多碗白飯！招牌燈籠滷味滷味份量都唔少，有麻吉燒、白蘿蔔、黑木耳、豬耳朵、百頁豆腐及蜂巢牛肚、再以慢火熬煮而成，同港式車仔麵一樣大碗湯。蘿蔔清甜無根，當中牛肚最入味。另上王子麵，麵質偏軟，由於滷水汁偏濃，當撈麵咁食味道一流。花枝丸小食就揀左香炸花枝丸，半邊炸至金黃色，Q彈，食到夜市滾熱感。眷村懷舊炸排骨比起台式鹽酥食品，口味清一點，脆炸後造到外熱內軟，一大塊好惹味既排骨。撈埋個白飯就啱啱好。柚子綠茶 古早冬瓜茶味道有點清涼，都幾甜下，消暑一流。九份經典芋圓有紅豆、芋圓、黑珍珠等，口感煙韌。味道係幾甜。雖然座位比較迫夾，有夜市既感覺，人圴連加一約$140左右。可以一嚐地道台灣風味，值得一試。

葵涌廣場出名美食多，這次就試這間台式餐廳，雖然餐廳不算大，但勝在性價比高和好味道。台式香蒜腸香腸是炸過的，吃落很脆口。香腸本身的咸肉香味，再加上蒜香的味道，令香腸味道瞬間昇華，充滿層次。甜不辣，蜂巢牛肚賣相非常吸引，牛肚很爽口，煮得剛剛好，而且很入味。甜不辣口感彈牙，而且魚味很重，配上滷汁的香，好味。滷肉飯size不是很大碗飯，但滷汁好味，滷肉肥瘦適中，吃落還有淡淡的豬油味。麻辣鴨血野菜冬粉鴨血好入味，口感好QQ，最好味是他的冬粉，好滑，而且好重滷水味，但一點也不咸，推薦。

燈籠滷味喺香港開張嘅時候，我幫襯過銅鑼灣分店一次，果時覺得味道好淡，就算加咗辣椒油都好似冇味咁，之後就無下次啦…今日黎到葵芳，喺唔知食咩嘅情況下，經過聞到陣陣好香滷水味，就決定比多次機會佢。🍜第一碗招牌燈籠滷味（蜂巢牛肚鴨胗甜不辣蹄膀冬粉）$78 - 除咗蹄膀aka豬手，其他都係入味同淋，蹄膀太乾身食落又無咩味，最後我都食剩咗幾舊，蜂巢牛肚係全晚我覺得最出色嘅一個餸。🍜第二碗招牌燈籠滷味（白蘿蔔豬肚雞翅膀唐生菜米線）$62 - 白蘿蔔同雞翅膀都醃得幾入味，生菜係食得出嘅新鮮，係全部都係滷水味道嘅情況下，叫菜係一個唔錯嘅選擇。🍜大甲濃厚香芋鮮奶 （沙冰）$35 - 明明餐牌唔係寫住沙冰，去到app點嘅時候變咗沙冰，無計啦，好想飲香芋，唯有硬著頭皮狗衝啦，好在呢晚無敏感性牙齒，佢嘅甜度都適中嘅。🍜清新冬瓜仙草檸檬 $31 - 好fresh嘅味道再配上仙草，飽飽的滿足感，佢都算偏甜。🍜奶油芋泥肉鬆起司蛋餅 $56 - 唯一不推介嘅餐點，滿滿的芋泥吉士包裹住肉鬆，除了漏還是覺得漏…TIPS：記得要問店員攞辣椒油，加咗落碗滷味度，簡直有畫龍點睛嘅效果，令碗嘢d味提升咗燈籠滷味：新都會廣場1樓18

今次黎葵芳行街唔去掃街，去食台灣野呢間燈籠滷味平時經過都KEEP住有人等位，好彩早左黎，唔洗等裝修內外都好有台灣氣息，見到都想快D去台灣旅行主打燈籠滷味之外，仲有唔同既套餐同埋單點小食燈籠飽飽2人套餐成個餐有 - 招牌燈籠滷味、人氣台式小食、地道夜市小食、甜品、飲品本身套餐固定左六款精選滷味，再加自選一款菜同麵類台式滷味🥢蜂巢牛肚味道濃郁，甜度適中，略帶滷味香氣，口感爽脆🥢豬耳口感韌而有嚼勁，味道濃郁，帶有微甜口感🥢麻吉燒口感較軟嫩，入面包坐住麻糬，好有嚼勁，味道清香🥢白蘿蔔白蘿蔔煮左好耐，索曬滷汁既味，有D微甜，好岩做配菜🥢台灣王子麵本身個麵都非油炸，好健康，軟硬適中，醬汁同麵既味道融合，咸度岩岩好🥢Shake Shake 海苔鹽酥雞佢會有一個紙袋比你Shake ，雞件口感香酥，鹽酥味同海苔味交織，帶出海苔清新既味道🥢台式香蒜腸帶有濃郁蒜香味，口感彈牙，香腸味道香甜，一片腸一片蒜甘，味道岩岩好🥢九份經典芋圓口感Q彈，甜度適中，糖水底偏甜少少，用牛奶可以中和到甜度🍹古早冬瓜茶口感清爽，微甜帶有淡淡冬瓜味道，非常適合解渴🍹台味奶茶奶茶既茶香和牛奶味道既融合好夾，甜度同濃度可以根據個人喜好

收工同媽媽在葵芳新都會廣場食飯，因為收工都比較累，地一入廣場見到燈籠滷味，食台灣餐廳。坐下即刻點個「燈籠飽飽2人餐」，甚麼都有，大大碗的雜錦車仔麵，材料相當豐富，有爽口彈牙牛肚，有豬耳，麻吉燒，豆腐，白蘿蔔，還有自選的唐生菜。麵條方面，選了手工烏龍麵，彈牙有咀嚼感。因為多材料，所以沒有點小菜，反而點了迷理滷肉飯，外觀同肉燥飯差不多，只是滷肉飯比較濕潤，肉感鬆軟，超易入口。食完還有九份經典芋圓，用紅豆作低配黑糖珍珠加芋圓，甜度及份量剛剛。食完飲杯暖烘烘的柚子綠茶同古早冬瓜茶，整餐充足飽足感。

葵芳新都會呢間台灣滷味午餐晚餐都好多人，今日同朋友要快食晚餐趕睇戲，叫左幾碟人氣dishes招牌燈籠滷味推介-滷味味道好balance, 有藥材味但不過份，有鹹味但不過火，仲有微微的香甜-牛筋肉: 厚切，淋滑，牛味濃-蜂巢牛肚: 嫩口，吸汁，非常撘滷味汁-雞翅膀: 大隻，掛汁，雞肉juicy -水蓮: 係香港好少食到，唔會有渣，清甜香炸花枝丸-每粒都食到花枝肉，唔會太過粉感-炸得好好唔油膩，有台灣夜市的味道蛋餅-奶油芋泥肉鬆起司, 芋泥十分出色，微甜唔係死甜, 綿綿的口感-蛋餅皮做得非常酥脆，overall 口感味道都好有層次

在葵芳的分店就在壽司郎旁邊，裝修相當有台味，有很多台灣招牌燈和仿舊紅鐵閘等，有如到了當地夜市般熱鬧打開菜單一看，開首當然是自家招牌滷味，各式不同口感材料都可以在滷水中翻滾，另外有不少台灣街頭小吃，例如滷肉飯、鹽酥雞和蛋餅等，飲品也有珍珠奶茶和茉香紅茶等，直接如同一個小夜市般豐富點咗一份2人餐($228)，有齊一大碗滷味、小食、甜品同飲品，2個人都夠哂飽招牌燈籠滷味滷味一上檯就聞到好香既滷汁味，份量都唔少，見到有蜂巢牛肚、豬耳朵、麻吉燒、蘿蔔、木耳同百頁豆腐，牛肚好吸味，食落幾有咬口幾過癮，蘿蔔熬煮得幾好，係軟而不爛夠甜，自選咗王子麵同通菜做底，同滷汁好夾易入口麻辣香滷豬耳朵冇留意本身滷味入面已經好多豬耳，但呢款麻辣涼拌有唔同既風味口感，口感係幾爽脆香辣，愈到底就愈辣上頭眷村懷舊炸排骨眷村菜是外省人遷到台灣時與本地菜結合的獨特菜系，特點是用平凡食材炮製出食得飽唔會膩既菜式，呢款炸排骨有一塊半豬扒，炸衣薄得黎幾香脆，味道同鹽酥雞完全唔同，冇咁濃味heavy，主要食口感同埋嫩滑既肉質九份經典芋圓最後叫起呢一份經典芋圓有紅豆、珍珠同芋圓，味道係幾甜，係幾好既ending

好耐冇食台灣野，見到個個都飛台灣，但自己又未買到機票去，決定係香港尋找台灣味道！芋泥蛋餅必點，一份有6件，都幾大件，入面既芋泥加左奶油，食落幾甜幾滑架，另外仲有大愛的肉鬆，鹹甜混合好滿足。之後叫左個豬手魯肉飯，個魯肉汁料豐富，食下食下就清晒d飯，豬手都幾入味。最後點少得叫一份滷味，其實即係好似車仔麵咁，有好多款送可以嗌，估唔到米血糕又幾好食，食落煙煙unun口感不錯。本來仲想叫埋芋圓，但係太飽，已經食唔落，唯有下次再試啦。

開左幾年，一直想黎食。今日終於黎到，一入鋪頭，見到裝飾已經有重回台灣既感覺。呢到有滷味之外，一啲台式野食都有～招牌滷味呢到配料任簡，最後拼埋一碗。呢到滷水都滷得好入味， 唔會只係得面頭有味～佢既滷水唔算好鹹，反而有淡淡既香料味。同台灣一樣有啲酸菜。叫左好多樣野，牛肚、鴨賢、大腸同蹄嗙最好食，又爽口，又入味！其他就除個人喜好了蛋餅我地叫左花生醬，火腿、芝士餡～ 鹹鹹甜甜咁，估唔到又幾夾幾好食。佢花生醬好多，每啖都食到香味，不過怕肥人士要注意了 haha甘梅香脆地瓜條地瓜條又厚切，又炸得香脆，比薯條多左蕃薯既香甜，食落都幾滿足！加左甘梅粉都係好好既配搭，更加有層次～再黎都會叫一個做小食！

呢幾日同朋友回憶番去台南旅行時早餐食蛋餅，佢即刻話葵芳有間台式餐廳有得食就相約放工一齊去😋 除左蛋餅 ，仲有唔少台灣地道夜市小食、滷味配料、台式飲料，真係好岩疫情未飛過台灣但又想食台灣野既人~ 奶油芋泥肉鬆起司蛋餅蛋皮煎得香口，夾起嚟唔會鬆散，芋泥餡質感順滑，多到一咬落去就吱出嚟，中間夾雜肉鬆味道咸咸甜甜，食完已經飽一半！招牌台式滷味1️⃣先選配料2️⃣再選麵好似平時車仔麵咁擇餸，擇咗蜂巢牛肚 、百頁豆腐、 水蓮 、豬耳、芋絲 配 王子麵，大家一齊share食！秘製滷汁係台灣直送，所有配料內外都滷得入味腍身，特別係蜂巢牛肚 、豬耳、雞翼，淨食餸唔會覺得咸略帶少少甘甜，只係食王子麵時先覺得有丁點咸。另外，台灣水蓮係必叫配料之一😋平時去台式火鍋店都一定會叫，通常都係捲成一大綑，呢度係剪成一條條，食得方便，最鐘意佢個種獨有嘅爽脆口感！金黃糖心滷鴨蛋 鴨蛋蛋黃較漿口，香濃入味。香烤炭焙烏龍珍珠奶茶叫咗半冰半甜加珍珠，甜度剛剛好，烏龍茶底突出！

今夜晚餐是在［燈籠滷味］享用台式料理。首選是燈籠飽飽二人套餐~五款人氣台式小食任選其一，揀好是外脆、口感煙靭的起司麻薯。五款地道夜市小食任選其一，心儀Shake shake海苔鹽酥雞，香酥海苔鹽酥雞配合香脆海苔，Shake 一 shake好味自然來。主食是六款滷味與冬粉：牛肚、豬耳朶、百頁豆腐、麻吉燒、白蘿蔔和黑木耳，材料豐富，湯底兼備香濃滷水與牛骨湯味道，祇嫌湯底較少，冬粉及白蘿蔔也大大吸收湯底，味道也挺好的。九份經典芋圓是不可不吃的甜品，但紅豆比較偏甜。台式特飲熱茉香奶綠/凍柚子綠茶。除了二人套餐，還有台灣紅燒牛筋肉魯肉飯~紅燒牛筋肉很有肉鮮與滷水香味、魯肉和汁液是很好下飯，還有椰菜、粟米粒蛋伴飯，份量蠻豐富！

個二人餐計埋加一total 2百7 得一個麵 叫咗米線 但得3 4啖左右上面啲餸都足嘅 但兩個人一定唔夠個餐有兩個小食 叫咗個蛋（得一粒） 另外一個叫咗個鹽酥雞 份量還好 有7 8小舊 兩杯野飲就冇咩特別 正常水準 最尾有個細碗芋圓 芋圓水準一般 味道同口感都馬馬 份量如果係兩個細胃口嘅女仔食應該可以 但正常就一定唔夠 由於個價錢真係對唔住份量 個餐叫燈籠飽飽二人套餐 嚴重懷疑應該係兩個初生嬰兒應該會食得飽飽 所以警世 唔好叫2人餐 除非你想做水魚

今日要加班，同事提議到附近新都會廣場的台式餐廳“燈籠滷味”，食一個快靚正的晚餐，再返工公繼續開工🥲。餐廳似快餐店格局，整體環境企理乾淨🥰。眷村懷舊排骨滷肉飯 $75豬扒🐖好大塊，調得入味，炸得鬆脆，再切成6小件方便進食。配菜有鹵蛋、少量椰菜、酸菜同蔥花，配上美味的滷汁一齊食，就更完美😋。奶油芋泥、肉鬆、起司 $56看似一小份，但同事話食完會有飽肚感😆。夾了一件，嘩！餡料份量十足，芋泥好有質感又幼滑，肉鬆味帶甜與芋泥好夾🥰，薄餅煎得香口加上起司，整體味道更香😋。招牌燈籠滷味我地試了幾款蜂巢牛肚 $14大腸 $22雞翼 $143️⃣款招牌滷味都煮得軟腍入味，沒有雪味。大腸有小量肥膏，比較香😋。Shake Shake 海苔鹽酥雞 $48鹽酥雞🐓一口一粒，炸得香口酥脆，鹹香好食。撈埋海苔一齊食，又多了一陣鮮香味，更加好食😋。總括而言，食物質素有台灣當地的水準，價錢合理，上菜速度快，地點非常方便，喜歡去台灣夜市的朋友，可以到這裏解一解癮。