燒串煲 (已結業)

天氣轉涼，夜晚好岩feel食下麻甩野，呢頭咁多野食隨意揀左間串燒，又唔錯喎。牛舌串 ($46)牛舌好夠厚，爽口彈牙，過足口癮。金菇肥牛串 ($25)金菇幾多汁嫩滑，燒得岩岩好。露荀肥牛串 ($25)露荀夠嫩口，第一次試呢個組合都幾清新。風味烤豬頸肉 ($25)風味烤豬肉系列性價比超高，2、30蚊大大兜啖啖肉，必叫。 豬頸肉好香口，醃得好入味。風味燒五花腩 ($32)五花腩夠多油脂，香口惹味得黎唔會膩。金銀蒜茄子 ($38)原條茄子好抵食，調味夠香。翠玉瓜 ($36)翠玉瓜異常地多汁到滴出黎，一路食一路嘩嘩聲，好想學下點整。司華力腸 ($28)加左蜜糖燒，脆皮香口，有d似台灣腸咁。聖子皇 ($68/條)聖子足秤新鮮，粉絲吸哂汁好正。

今日收工凍凍地，同一位同事去左食飯。叫左幾樣燒烤，一個雞煲，正到不得了藥膳雞煲，連湯底都飲得燒牛脷，超級嫩滑燒白鱔，外脆內軟是日最驚喜，燒西冷牛扒仲有個燒元貝唔記得影相，因為實在太肚餓😂😂小小總結，好滿足及充滿驚喜的一餐，下次一定會帶屋企人去，食埋今次無叫嘅串燒小建議，如果多人去最好book左位先，因為見平日都好旺場，book左先就唔怕等得耐啦而且多人去仲可以一次過叫多d款式，唔使食幾樣就飽左

佐敦文匯街附近嘅舊唐樓區出名多好嘢食，深受駕駛人士愛戴，貪呢邊食肆收得夜而且易泊車，遊完車河可以嚟食個晚餐或者消夜～ 近年仲開設埋柯士甸站，方便埋無揸車嘅朋友，唔怪得呢邊食肆越開越多。今次放工同同事嚟食串燒，呢間小店特別之處係食串燒之餘仲可以食埋雞煲同火鍋，一次過滿足曬3個願望😋 不過今次我地人少少想試多幾款串燒飲吓啤酒吹吓水，雞煲留待下回分解。涼拌鮑片$52鮑片好甜，個汁調味好好，唔會過甜或過咸燒白鱔$48個皮燒得好香，少少焦但係未算係燶嘅，件鱔好新鮮肥美😋 咬落去啲肉好爽脆又唔會有腥味燒魚鮫$42推薦嚟到見到都算幾大件，同鱔片一樣，個皮燒得好香，而且好多肉，啜到乾乾淨淨食哂啲骨膠原🤣燒大虎蝦$58/隻推薦真係夠哂大隻，有成個碟咁長。剝開個蝦頭仲有膏可以啜，好鮮甜。隻蝦好新鮮啲肉咬落好彈牙好甜日式煙肉鵪鶉蛋$25推薦食落幾得意，有煙肉所以令到鵪鶉蛋都夠哂味風味燒五花腩$32推薦好靚嘅五花腩，一層脂肪一層肉咁，燒得好香而啲肉又冇乾哂，order咗少辣加上孜然粉已經好好味😋蜜燒雞扒$28😍雞扒塊皮燒得好脆，咬落仲好嫩滑好juicy～ 好好味👍安格斯牛小排$48牛肉味夠濃而且好多肉汁，燒到

早排有個朋友介紹我要去試燒串煲呢間餐廳,見佢係佐敦 旺區又好方便姐,所以就心郁去左試下.我同埋一個朋友嚟食,坐低左之後我地點左份燒蝦,蝦燒得岩岩好 蝦肉鮮甜又大隻,另外仲有點燒雞翼 燒物入面點可以少得雞翼呢一part 必點啊!燒完出嚟 香氣十足,係燒完既雞皮上灑上芝麻 味道更出 燒既火喉拿揑得非常好 出到嚟既雞翼 肉依然保持幼嫩既口感,再嚟我地點左燒茄子 茄子面上蒲滿不同的調味料 簡直係色香味俱全,另外仲有燒元貝 夠大隻又厚肉 拌埋啲粉絲一齊食 好滋味,最後點左份燒菠蘿做結尾 依加已經好少地方仲會有燒菠蘿 多少都有少少回味添.

睇完戲和朋友係附近諗住食d野返歸，朋友去左呢間叫燒串煲既串燒店，呢間小店價錢都算抵但都幾有水準，食物即叫即做既，不錯。兩個女生唔算好餓，叫左幾款串燒傾下心事又一晚了，番工太大壓力了，三五知己傾訴下都係必須既！燒蝦好新鮮又彈牙,即使係燒過但一啲都吾乾根住點左燒雞翼,佢係連埋雞翼尖的,同我地平時係BBQ燒既完全吾到,非常入味!!然後黎左個燒茄子,蒜蓉同蔥都佈滿左整條茄子,一放入口真係超級濃味最後當然係我最愛既燒秋葵 ,真係好正!呢到仲有酒飲的,下次真係要約埋成班朋友再黎~

難得一日既dayoff就同埋屋企出去搵好野食,然後比我地搵到呢間燒串煲,佢主打串燒 仲有雞煲,吸引左我地個胃 所以就決定左去試一試佢。裝飾擺設充滿日本風味 幾有情景 暇想一下置身於日本去食呢餐日本菜。我地點左一個麻辣雞煲， 湯底夠麻岩晒我地呢啲愛辣一家 ，哈哈!我地仲點左燒雞翼 ，雞翼熟既程度岩岩好，皮香肉嫩，再嚟就點左四人份既燒元貝 ，元貝有我手掌咁大 ，仲要鋪滿粉絲超多!!勁滿足仲有點左燒勝子 ，勝子夠大隻 ，唔會話得個殼，而且同元貝一樣又係鋪晒滿滿既粉絲 ，真係超足料!!!得閒真係要再嚟食啊!

最近本人非常支持本土小店，今日收工之後約朋友嚟呢間位於旺區既隱蔽嘅串燒店食晚飯。店舖不大座位不多，寧靜且乾淨嘅環境，意想不到既係完全沒有油煙味👍🏾非常適合收工減壓食嘢的朋友們。餐廳有十分多選擇，樣樣都想食，最後我們叫了日式雞泡魚干（$48）、芝士年糕（$28）、燒雞腎（$32）、燒雞皮（$32）、金銀蒜茄子（$38）、花枝丸（$18）、芝士丸（$18）同埋辣子雞軟骨（$98）。當中以下三道菜式是我特別喜歡的🥰金銀蒜茄子：巨大並軟身的茄子，上面對滿了蒜蓉以及味道濃郁的調味料，令人上癮。喜愛蒜頭的重口味朋友，不能錯過！雞泡魚乾：軟硬度適中，以沙拉醬作為雞泡魚乾的調味，呢個頭盤冇得頂！好想帶返屋企做宵夜。辣子雞軟骨：簡直就係可以當中餐廳嘅一味餸！雞軟骨沒有肥肉，辣味適中，粒粒香脆可口。

萬聖節食串燒本身今日萬聖節諗住放工去飲下野，點知收到消息話封左成條街…. 於是去佐敦的渡船街食串燒填飽下個肚仔，之前車聚既時候有黎過，再食過。見到餐牌已經花多眼亂，好多選擇，價格合理，但有不同手工啤揀。叫左幾十串串燒食。蜜燒雞扒，雞扒嫩滑，充滿蜜糖味，雞皮都燒到脆卜卜。食串燒點可以少得燒茄子，呢條燒茄子真係好大條，鋪滿蒜蓉，燒到啱啱好，好食到停唔到口。孜然燒雞翼有啲似土匪雞翼，但無咁咸，燒得好香，有汁。豬頸肉都ok，因為好多都好易整到太多碳，易OVERCOOK，呢個就剛剛好，又夠香，岩晒我食！五花腩，睇樣都吾飲最喜食肥香，但呢句肥得黎不膩，好食。鹽燒黑椒牛舌串 黑椒惹味而厚切有咬口，火候同調味控制剛好， juicy有牛油香。雞腎，肉質咬口ok，唔會乾爭爭。羊架，一咬落去就BEAT晒D汁出嚟，無雪味！相信佢哋師傅花咗好長嘅功夫去調味，而我可以話俾你知我係好愛呢一種酒味嘅羊架！厚切午餐肉，午餐肉厚切，燒得好香，都正。

今日嚟到燒串煲 店舖裝飾充滿日本風味,而且店舖有塊推薦介紹牌,牌上面仲畫左隻蜘蛛俠 好可愛啊哈哈我連同友人一齊點左個二人套餐$468,兩個人食除番開都只係二百幾 而且份量又多 相對下其實好化算,而且呢個二人套餐 其實for三個人再嗌多一兩款小食其實都好夠.我地揀左招牌雞煲,足足半隻雞 又好重料 雞煲湯底夠濃郁惹味 我地兩個清晒成個煲 實在太好味了.我地就比較喜歡食海鮮 所以揀左燒元貝同埋勝子,元貝唔係得個殼大連粒肉都係大大隻,好滿足 而勝子加埋調味一齊燒到出嚟好香,元貝同勝子面上都有粉絲 粉絲唔會話太乾身 有足夠既湯汁滲透粉絲,食到想追加啊!

今日同男朋友收工後食晚餐，想兩個人靜靜地傾下計。經過佐敦，見到內街有一間食串燒，見到鋪頭裝修吸引住，好有日本感覺，同男友入去，入到去侍應生好熱情招待，安排左我哋坐一角，環境好舒服，好適合兩個人約會，或者一班朋友食下野傾下計， 選擇都比較多，味道不錯。下次想食串燒 可以再黎食。鴨胸 $20 、 多春魚 5串 $35 雞皮串 $32 2串 燒豬頸肉 $25 聖子皇每條 $68 、白鱔 $48、 牛舌 $ 46 露荀串$18 、翠玉瓜$18 貴妃蚌 （只） $38

聽聞有間串燒餐廳好好食,今日就出到嚟佐敦試試佢.餐廳位置寬鬆 坐得舒服,坐低左睇一睇個餐牌準備點野食 嘩 佢菜式多選擇多,等我都諗左好耐到底試下佢既咩好呢.我點左個煱因為實在太肚餓 想飽肚啲,勆既湯底唔會係個啲味精湯底而且好味 再點左份丸 佢個邊爐又OK喎,再嚟就點左隻蟹 超大隻香噴噴既蟹味 諗番都回味 好想再去食多次,有好多蟹膏,仲有啖啖肉,配埋個邊爐一齊食又別有一番風味,打邊爐食蟹又點少得啤酒呢啲陪襯,其實佢有紅酒香賓等提供,不過我就中意邊爐送啤酒 所以就叫左apple cider 酒味唔會太重.唔錯 選擇好多 嚟食幾次先食得晒佢既餐牌啊哈哈!

佐敦就十分呢d隱世既小店，今2次黎左黎間叫燒串煲既小店，格局好似日本果d裝修咁，有2個師傅負責燒野食，同一個靚女老板浪店面裝修真係好似去左日本咁正呀。掂！！！從名字大家就可以知道，呢間野係主打串燒既，但串燒店另一出名既就係酒，上至whisky，下至紅白酒，到啤酒，呢到都應有盡有，2個佬黎食，就最岩慢慢飲下酒傾下生活事。由於今次同女朋友黎既關係，所以到係飲返可樂😂用黎送串燒都係一流。先講講，我最鐘意食既就係粉絲燒帶子，帶子非常厚肉，食落真係好鮮甜美味，加上粉絲吸收曬帶子d汁，好鮮好正。師父調味亦都岩岩好，唔會太咸太淡。另外一個都係粉絲既，就係粉絲元貝，都係超正超厚肉，鮮味都好高。呢兩隻真係非常值得一試。

三個女仔嚟食 所以決定叫咗個二人套餐468 再自己另外嗌咗多一份海鮮咁就可以用二人餐嘅優惠又可以夠三個人食 講得招牌雞煲我梗係揀個招牌試吓先啦說實話係咁多樣嘢入邊雞煲係令我最失望嘅一個因為我覺得啲雞有少少乾身 同佢地既海鮮真係會有比較或者只能夠說佢嘅海鮮太高質😅😀我先揀咗蟶子皇同埋大元貝 兩個價錢一樣大性價比我覺得蟶子皇比較高 唔係大元貝唔好食而係聖子王真係好大隻食極都有咁 大元貝就一大粒一啖咩都食得完🥰燒肉揀咗羊肉串同埋豬頸肉 水準平均酒寫蜆蜆肉處理得幾好冇一隻係有沙 大大隻滿足感power up!之後帶多兩個菜叫做全餐都唔好咁唔健康燒青葵永遠都係燒烤最佳嘅蔬菜類傳啲氣氛都幾好隔離都係飲下酒chill著吹水 傾計耐二亦都唔會趕客

早排食完串燒🍢唔夠喉🙊🤭, 最近發現左原來佐敦有好多野食😯, 所以今晚就捉埋男朋友一齊去食串燒🍢, 我地7點半去到, 餐廳已經好多人, 幸而仲有位😆 由於我地都有少少肚餓所以好快就揀好左一個雞煲🐔🥘, 一個小食同埋幾款串燒🍢😋🤗 由於所有串燒都係即叫即燒, 所以都要比少少耐性等下😉食串燒同雞煲又點少得罐冰凍可樂先🥤☺️😝🙈😈涼拌青瓜海蜇🥒青瓜🥒爽脆, 海蜇口感鬆脆有韌性, 涼拌主要用左蒜蓉辣椒🌶去調味, 味道唔錯, 不過如果可以再重口味d就更加正啦🤤☺️!燒秋葵🍢秋葵燒得唔乾, 入口熱辣辣, 咸中帶甜, 加埋黏黏膩膩嘅汁液, 幾好味!😋燒雞脾菇🍗🍄雞脾菇燒得幾軟熟, 加左少少調味已經好好食😋燒翠玉瓜🥒平時嘅燒翠玉瓜都會比較乾身, 但E串絕!對!唔!會!令你失望! 非常有驚喜🥳! 熱辣辣嘅外層, 一咬落去估唔到咁juicy, d汁係爆!出!嚟!🙈🙈🙈 好多汁好清甜, 極度極度推介!!👍🏻👍🏻燒雞皮🐓雞皮香脆, 咬落去有少少油脂, 幾好味!燒精選安格斯牛柳🐂牛味幾重, 肉質軟嫩, 油脂甘香, 如果份量可以多少少就好😆😀乾鍋香辣雞煲半隻🐔🥘(少辣🌶)第一次食用乾鍋上嘅雞煲, 香辣濃郁嘅醬汁配上嫩

今日同2個朋友行完街，突然好想食串燒或者打邊爐。搵到依間燒串煲好似幾好，而且地點就腳容易去，旺角或者尖沙咀行完街過去食好近，好方便添。嚟到之後我地先點左佢地既串燒，然後先再點左個雞煲。叫左份羊架，估唔到小店燒到出嚟都好香，又唔會話太酥，肉唔會話太un難咬。有個朋友本來唔食羊，但見到都忍唔住試咗少少。跟著再點左份燒勝子，勝子上面鋪滿粉絲同蒜，本身海鮮夠新鮮已經夠汁，而且唔會話燒到出嚟啲粉絲同勝子又乾晒等等，師傅手勢好好。雖然食完我哋都意猶未盡，但因為仲有個雞煲，所以都係無再叫其他串燒。跟著就到個雞煲嚟喇！雞煲味道濃郁，又夠香，而且仲落足料添！佢呢度嘅一隻雞係比起出面嘅雞煲大啲，而且調味上面都有少少唔同，唔係好似出面啲連鎖店咁死咸。食完啲雞再加湯，佢又有平時打邊爐會有既料提供。我哋加咗一份手切肥牛同埋響鈴，三個人係食到勁飽，值得一題係嗰份肥牛都好重牛味。埋單每人唔使$200，而且環境夠舒適乾淨 ，有機會會再嚟食。