燒味本色

營業中

休息中

【深水埗區】【燒味本色】好耐冇同我其中一位資深嘅上司羶鹵獅食飯，知佢最喜歡中式食物，就帶佢嚟深水埗試呢間我想試好耐嘅「燒味本色」。每次經過都覺得佢哋啲燒味整得好靚，好想試，叫多個人就可以試到多啲唔同款式，唔使咁單調。入到去都幾滿座，要搭枱先有位。佢食 $168 嘅「燒腩骨鵝髀飯」，啱啱燒腩仔賣晒要等，所以要咗燒腩骨，都唔錯，鵝髀都好好味，油香滿溢。用 $20 叫咗碟「油菜」，係菜心嚟，又大碟又新鮮。飲埋 $7 嘅「例湯」，係佢嘅至愛，飲埋我嗰碗。加多 $10 飲埋「凍咖啡」，成件事就圓滿。我就試 $88 嘅「乳豬拼髀飯」，轉瀨粉，要嘅髀係貴妃雞髀，兩款燒味都唔錯，隻雞都幾香雞味。用 $7 要碗「例湯」最後都係進貢畀羶鹵獅，佢作為例湯愛好者都覺得呢碗幾好。我加 $7 試埋「凍檸茶走甜」，都係具有茶餐廳水準。埋單 $307，非常盡興。。。（地址：深水埗元州街21-23號恆威閣地下B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #fo

有外國朋友去黃金順便去附近食lunch，佢係個不折不扣嘅燒肉狂熱份子🐷我哋叫咗個燒肉叉燒飯，我就叫左、燒肉雞飯。燒肉好香脆，雞都算淋汁，而且唔會太鹹！而且價錢都算合理，又多選擇🤗除外國朋友都話下次黎香港要試埋其他燒味！

今日出開去夜繽紛,去左深水埗特賣城,再去食飯,搵到間燒味本色,網民大力推介叉燒同燒鵝果然出色,味道拍得住星級米芝蓮名店叉燒入味帶甜蜜味,肉質夠嫩,唔會柴乳豬都係值得一試既出品燒鵝,乳豬,叉燒都係必試!乳豬香脆既豬皮,唔油膩!仲有例湯,好出色,好好飲每次出去都會買個外賣或堂食支持下#港式燒味 #燒味本色 #深水埗美食 #香港美食 #夜繽紛燒味本色 深水埗元州街21-23號恆威閣地下B號舖平均消費$60可一人用餐,推介系列

我今日放工後，約同好友去位於深水埗元州街21-23號恆威閣地下B號舖的燒味本色食燒味飯，環境舒適，坐得舒服。我和好友點左個 燒味雙拼（义燒與燒排骨）例牌 $88，燒腩骨雙拼（油雞）飯 $108，餐飲係熱奶茶及凍檸檬茶。例牌的叉燒與燒排骨賣相吸引，份量不少，叉燒好香口及啖啖肉，燒排骨燒得香脆，肉嫩可口；燒腩骨拼油雞飯的碟頭大，燒腩骨好肉入味，外皮香脆，油雞的雞肉嫩滑好食；熱奶茶是自家製作，怪不得咁幼滑好飲👍。整體黎講係高質素燒味，街坊顧客駱驛不絕！

Was on my way home and passed by A Better Tomorrow, a restaurant with freshly made siu mei hanging in their front windows with meat juice dripping. Exactly what I wanted after a long day!Soup of the day was a classic carrot pork bone soup. Roasted Suckling Pig had a layer of crackling skin, melting fat and succulent meat which tasted a bit gamey. Savory bones.Poached Chicken was cooked to the right point. The chicken thigh was slightly pinkish. Smooth and tender meat. Delicately marinated.Roaste

同朋友嚟咗呢間燒臘店諗住簡單快脆食餐飯🤣$68「貴妃雞（半隻）」：「貴妃雞🐓」煮得啱啱熟，不同部位有不同口感，整體嚟講都夠滑😋，特別係雞皮就更加滑，朋友同我都忍唔住食咗2塊🤣$88「乳豬拼鴨髀飯」：乳豬同鴨髀都係燒到啡紅色，賣相幾靚🤩，乳豬皮脆脆哋好甘香，燒鴨髀亦都好香口😋$20「油菜」：菜心新鮮，煮得腍腍哋，簡單幾好食👍$7「熱奶茶」：叫咗2杯，大大杯，夠熱夠滑🤣仲有，見到寫住「現場製作 即燒即賣」 ，真係 very good 👍

而家好多燒味都麻麻地，呢間（燒味本色）真係要試下，嗌咗燒鵝，乳豬，叉燒，油雞，第一燒鵝個皮超脆仲要係玻璃皮👍，出面嗰啲舖頭柴皮乾真真，第二叉燒爽口淋好入味👍，人哋嗰啲又硬又乾食完有一陣乸口嘅味，第三乳豬更加唔使講脆到不得了，油雞都好好味，服務態度正常，食完下午再買多個燒鵝上莊做晚餐😋，上裝都係一舊水仲想點😋，10分滿，分有9.4分

燒味本色今日推介喺深水埗元州街一間燒味鋪，呢間燒味鋪最特別就係門口無一級，整咗斜路真係好方便輪椅人士中入去食野！1.乳豬四寶飯$68+凍鴛鴦$10（9.5/10）呢個乳豬四寶飯有大約10片燒得好脆嘅乳豬皮、大約5舊多肉嘅燒鵝同5件好入味嘅貴妃雞件，有兩條菜心加一隻鹹蛋，加埋$10一杯好滑唔酸嘅凍鴛鴦，超級正！2.燒鵝四寶飯$68+凍檸茶$7（9/10）呢個燒鵝四寶飯有大約10片燻蹄、大約5舊多肉嘅燒鵝同5件好入味嘅貴妃雞件，有兩條菜心加一隻鹹蛋，加埋$7一杯凍檸茶，大滿足！3.例湯（木瓜雞腳湯）$7（8.5/10）呢個是日例湯夠哂足料，飲落無味精，如果比我見到雞腳仲開心！2人總共價錢$160個人口味總評分：9/10地址：深水埗元州街21-23號恆威閣地下B號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#燒味本色 #深水埗好去處 #深水埗美食 #深水埗 #燒味店 #香港美食 #hkfoodie #hkfoodblogger #hkfoodpic #hkfood

【深水埗•燒味本色】@ππππππππππππππππππππππππππππππ深水埗高質燒味檔 即叫即製 叉燒肥美好食油雞髀拼叉燒飯燒鵝髀拼貴妃雞飯木瓜雪耳湯Zero&凍檸水油雞髀拼叉燒飯，這道菜帶有濃厚的鮮美味道，雞肉鮮嫩多汁，搭配燒豬叉燒，讓人回味無窮。接著，我品嚐了他們的燒鵝髀拼貴妃雞飯，每一口都傳遞出豐富的香氣和風味，令人回味無窮。作為一道湯品，他們的木瓜雪耳湯清甜可口，木瓜果香扑鼻，配上滑潤的雪耳，讓人感到溫暖舒適。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 200✨✨✨✨✨✨✨✨✨✨✨✨✨#深水埗美食 #燒味本色 #web3深水埗燒味本色深水埗元州街21-23號恆威閣地下B號舖

想食個燒味飯, 呢間燒味鋪食品多元化, 講得出都基本上齊哂我食左燒鴨脾& 乳豬飯, 燒鵝髀皮脆肉滑，咬落啖啖肉乳豬皮超級香脆, 肥瘦相間,不會過分油膩唔想食肥都可以自己分得開有例湯, 我仲加左油菜, 都清甜另外叫左杯凍OT我大概一點到係食午餐既, 未夠兩點, 呀姐都熱情地幫手點下午茶, 唔會渣到正下午茶好抵食除左鴨, 呢到都有鵝, 不過前幾排已經食過, 我就無再點鵝脾 雞脾 etc 全部都有D飯既汁幾好味 唔太利, 岩岩好女仔嗌少飯就岩岩好

燒味本色深水埗元州街21-23號恆威閣地下B號舖經開深水埗玩具街，老友介紹附近嘅燒味 餐廳，好地道，原來餐廳自設工場，即燒即賣，果然冇介紹錯。😍老火靚湯配料夠鮮甜，有紅蘿蔔、粟米和瘦肉，湯底夠火喉，冇味精，唔會太鹹，營養豐富味道好。😁油菜菜心新鮮爽口，即叫即製，醬汁鹹度適中，份量十足，食完好舒暢。乳豬燒鵝例牌乳豬皮脆肉滑，肉汁豐富，肉味香濃，醃製得恰到好處，鹹度適中，吃到中段加香甜乳豬醬提升層次，好惹味。燒鵝鵝油豐富，鵝肉又香又滑，一定要連皮食，火喉控制得好，香氣四溢，加酸梅醬，好開胃，推薦！🤤燒味本色 食材新鮮夠地道，侍應服務態度好，還會再來！😎🤘🏻

深水埗區係窮人福地，成日都可以搵到啲平價又高質餐廳，今次試咗呢間燒味店，又係性價比極高既餐廳，除左堂食外，見到好多街坊斬料外賣番屋企加餸，質素一定有保證見到門口掛出黎既燒味，全部都燒得好靚，已經有9成肯定係好食的，果然食落無失望乳豬拼燒鵝飯呢個係餐廳既招牌，唔多燒味店有得食乳豬，梗係要點黎試下！D乳豬燒得好香口，直情可以媲美飲宴既乳豬！燒鵝都好香，肥瘦均勻，飯都好得，夠軟綿切雞燒肉飯份量多，而且質素好味，尤其鐘意佢既燒肉，外皮好香脆，最緊要係無羶味

早前來到深水埗一間燒味店, 小店用心做好燒味， 食物水準很好👍 皇牌乳豬, 一定要點！乳豬燒鴨例牌 & 油雞例牌乳豬燒鴨和油雞份量豐富，而且肥瘦適中, 已經聞到好香味，乳豬肉腍軟可口，燒得剛剛好！燒鴨同樣好味口感不錯👍油雞嫩滑，再點少少醬汁更惹味！這樣配個油菜和白飯超滿足，平民美食價錢實惠，怪不得下午茶時間來都幾多客人， 我見到燒味店員工都出出入入領燒鴨入廚房燒😆燒味本色深水埗元州街21-23號恆威閣地下B號舖

作為深水埗地膽 成日經過呢度。近排見佢換咗新裝修 名都轉埋。雖然都係賣燒味，但見衛生同啲燒味質素好似好咗好多，所以就入嚟試吓～小朋友先做選擇，我哋全都要！燒鵝四寶同乳豬四寶 分別都有肥叉、成隻鹹蛋、同埋一款師傅發辦。我哋一個係貴妃雞、一個係豉油雞。是日例湯+$7 係節瓜瘦肉，大大碗好足料。唔使講咁多，所有嘢水準都屬於中上。值得稱讚嘅係，今日樓面得一個姐姐，但一個打三個，仲保持到熱情款待。佢拉嘅茶更加茶香四溢，成間舖都聞到濃濃茶香，忍唔住想叫返杯嘆吓。🤤

雖然深水埗有好多燒味店，但呢一間燒味本色俾人感覺比較乾淨企理😂企係外面見到啲燒鵝、雞色水都好靚。吸引到我入去食！燒鵝叉燒雙拼飯 ($58)燒鵝肉質厚實，個皮燒到好香，平時我少食皮都忍唔住食曬。叉燒肥瘦適中，大大件，味道不錯。油雞髀燒肉雙拼飯 （$63）油雞髀色澤鮮明，又香又嫩，唔會好肥，點埋蔥油配白飯，正👍🏻燒肉皮脆卜卜，新鮮得黎唔會有豬臊味。整體份量都多，食完又飽又滿足。另加$7可以配凍飲，叫左一杯凍檸茶同凍奶茶都同茶餐廳一樣水準。呢區黎講有好多燒味店，大部分都以平為賣點，而呢間我就覺得係比較高質👍🏻