燒烤堂 (已搬遷) 新店位置

A very small and squishy restaurant but the food is absolutely amazing! My favourites were the udon, the dried puffer fish, egg plant and spicy chicken wings. Udon was the flat kind which was chewy and tasty. Puffer fish with salad sauce was delicious except a little bit hard for the texture. The eggplant was seasoned perfectly and easy to peel off the skin. The spicy (麻辣) wings were unexpectedly good. The ma la taste was absorbed thoroughly and spiciness was just right. The wings were not dry a

旺角呢間串燒店都幾有人氣 好適合同朋友一聚 飲飲酒🍻 食食串燒😚 介紹幾款個人覺得高質素既食物先💕.鹽燒牛舌芯($48) 牛舌厚身而且爽口又充盈肉汁 調味岩岩好🤤 椒鹽燒阿波尾七里香($22) 原來係雞patpat😱 但估唔到好好味！結合左雞軟骨既脆身口感又有雞皮既焦香～.海鮮方面都幾多選擇 例如虎蝦($48)大大隻肉質彈牙 蒜蓉粉絲燒活蟶子皇大大隻配埋粉絲邊個唔鍾意😏 仲有鮑魚 廣島蠔 貴妃蚌等等多款選擇.夏季限定既棉花糖多士($18)好適合做飯後甜品👻 仲有食過最好食既榴槤炸彈💛 榴槤蓉香濃之餘炸得外脆內軟😘 仲有燒雞心 各款特色串燒 燒物可以食到😳 下次再試下先！PS: 呢度服務好好 值得一讚

星期五收工後，朋友建議吃串燒取代晚餐，就在Openrice上找到這家在幾區都有分店的香港串燒店。小店位於創興廣場後面的長沙街，附近都有幾家串燒店。燒烤堂的選擇和口味都比一般串燒店豐富，有泰式，日式，港式，麻辣，孜然等。相比其他串燒店一式一樣的孜然味變化來得多，誠意十足！【泰式鹽焗盲曹】泰式鹽焗盲曹，配上自家泰汁和柚香檸檬醋，是老闆強烈推介之選。餐廳在醬汁的配襯上都非常貼心，泰汁香辣而味道濃郁，而柚香檸檬醋則比較清新帶果香，無論是否嗜辣的食客都能通通滿足到。師傅把香茅、南薑塊、檸檬葉塞入魚肚之中，完全正宗泰式風味！魚皮整片揭開後，可見魚肉嫩白而且光滑，入口依然鮮嫩，火喉控制剛好！【泰式豬頸肉】另一款泰式燒烤有泰式豬頸肉，同樣配上泰式辣汁。豬頸肉本身經醃過，非常入味。【惹味鹹蛋黃豬大腸】燒豬大腸算不上新菜式，不過加上鹹蛋黃醬也是第一次見，在Menu上稱之為燒烤堂起家風味之一～豬大腸外層燒香，內裡的脂肪香味更突出，配上略帶焦香的鹹蛋黃醬，味道層次更加豐富。【蜜糖雞中翼】蜜糖雞翼是港式燒烤的代表作，雞翼加上蜜糖後燒成焦脆的外層，但仍能保留雞翼的肉汁，肉質十分嫩滑。【蒜蓉茄子】大蒜和茄子本來就是

今日book左7點去食係旺角嘅燒烤堂，係門外已經聞到燒烤嘅味道，舖頭入面大概有十幾張枱，我地入去嘅時候都滿左一半。2個人食左蒜蓉茄子、牛油蒜蓉焗金菇、蜜糖雞中翼、雞軟骨、鹽燒牛舌芯、汁燒魷魚鬚、日本一口甜薯、燒軟骨免治雞肉棒（日本雞蛋）、日本芝士年糕、蜜糖牛油年糕，仲叫左椰青水同竹庶茅根，呢兩枝都係枝裝嘅飲品。茄子唔會太多蒜蓉搞到太咸，而且又夠淋又香。焗金菇就重牛油味，同時蒜蓉夠香，金菇都爽口。蜜糖雞中翼係甜甜地，而且肉質唔會太硬同太焦，唔錯。雞軟骨上面有啲鹽都好夠味。鹽燒牛舌芯口感好好，好爽口，而且唔會燒到好硬好難咬。汁燒魷魚鬚好多汁，味道唔錯。日本一口甜薯真係好好食，出面有鹽，但係入面係甜嘅，食到咸之後又變翻甜，個皮有少少脆，食落唔似係薯仔嘅感覺，所以好特別。燒軟骨免治雞肉棒（日本雞蛋）係雞肉棒沾蛋食，點完之後有好濃嘅蛋味。日本芝士年糕可以點煉奶，芝士味咸但煉奶又加翻啲甜味中和翻。蜜糖牛油年糕就冇乜牛油味，不過都煙韌同有啲蜜糖味。總括而言，燒烤堂食物質素唔錯，可以再次光臨。

上星期五約左朋友去旺角食晚飯，去左呢間位於旺角嘅燒烤餐廳。雖然餐廳鋪面細細，但提供多款燒烤美食同酒品，有辣有唔辣，任君選擇。我同朋友order左7款嘢食，分別系燒鮑魚、蒜蓉粉絲蟶子、燒牛舌、雞胸軟骨、墨魚嘴、牛油蒜蓉雜菇同韓式燒豬腩肉。燒鮑魚爽口鮮甜；蟶子大大隻，肉質鮮美；燒牛舌甘香惹味，因為系厚切，所以特別有咬口，而且唔會太硬；雞胸軟骨系日本無激素雞肉，肉味濃，軟骨爽口，但本身無落調味料，所以老闆建議加七味鹽一齊食，特別惹味；墨魚嘴鮮味有咬口；蒜蓉雜菇爽甜，充滿蒜蓉香味；我覺得韓式燒豬腩肉都好好食，韓式醬汁甜甜地好惹味，豬腩肉肥瘦均勻，脂肪部分甘香，配搭泡菜同生菜一齊食就可以減低油膩感，味道有更多層次。至於飲品方面，我同朋友分別order左啤酒同梅酒梳打，梅酒梳打幾有驚喜，好容易入口，配燒烤食物一齊食，感覺搭配恰到好處。

系香港好少真正去食串燒燒烤，知道旺角有間燒烤堂就去一試。串燒種類有好多我地兩個人點左地道牛肉串，惹味手切雞腎，泰式鹽焗盲鰽魚，蒜蓉焗廣島蠔，豬軟骨免治釀冬菇，鹽燒豚肉荔枝卷，鹽燒墨魚咀，蒜蓉茄子，黑豚肉韮菜花卷，牛油芝士蒜蓉焗什菇和鰻魚炒飯。地道牛肉串肉質淋，牛味濃郁，雞腎又燒到好香又爽口。蒜蓉茄子🍆燒到好香淡淡蒜蓉配埋茄子仲有少少醬汁甜甜地幾惹味。蒜蓉廣島焗蠔火喉剛好，蠔又新鮮。泰式鹽焗盲鰽魚，整條魚舖滿粗鹽，整開魚皮入面魚肉嫩滑仲保留魚的鮮味，沾上醬汁又更加入味。牛油芝士焗什菇，濃厚芝士舖上什菇上面好香芝士味濃。鹽燒豚肉荔皮卷，豚肉包住一粒荔枝鹽鹽甜甜幾特別。黑豚肉韮菜花卷又燒到好入味。鰻魚炒飯炒到粒粒分明又用上鰻魚汁炒又更好好味又有鰻魚粒。

好耐好耐冇喺香港食過串燒，其實香港都一樣有有心做嘅串燒店，價錢唔算好貴，又有質素，值得一試燒烤堂位於旺角長沙街，原來仲有好幾間分店。旺角店位置唔多，面積小小，乾淨企理，我地一開門就入座，客人唔多，仲可以慢慢食野傾計。店員全程好好招呼。餐牌方面以燒烤店黎講，選擇非常多，而且有好多幾特別的。海鮮類例如廣島蠔、鮑魚、元貝、蟶子、虎蝦等。日本無激素走地雞嘅七里香、雞頸肉、雞胸軟骨肉。最受歡迎嘅當然唔少得茄子、雞軟骨、羊肉串、牛舌芯、雞翼、白鱔等，數都數唔哂，人均消費百五蚊，喺香港黎講好合理。串燒除左以汁燒、孜然、辣粉、蒜蓉、鹽燒、牛油等調味料主導，仲有好正嘅自家調製麻辣味同泰式口味嘅串燒，基本上全晚我地點嘅都好啱口味蒜蓉茄子 32講到串燒，不得不提燒茄子，一人一條都食得哂，茄子大條，燒到啱啱好，好輕鬆夾起茄肉，唔會痴到皮，冇任何燶味，時間掌握得好好。茄肉鋪滿滿蒜蓉，加上醬油香，超好食四重芝士包 28呢個麵包控必食，麵包厚身，烘得外層好香脆，裡頭仲幾軟熟，芝味濃郁，有拉絲效果，食得出有幾種唔同嘅芝士，超正鹽燒雞胸軟骨肉 22鹽燒雞軟骨 16鹽燒原塊雞皮 22鹽燒牛小排 38好細心將相同味道嘅放埋

今日喺旺角做完運動，突然好想食串燒，難得減肥中嘅朋友都肯陪我食，就一齊研究吓附近有冇唔太貴嘅串燒店食，然後就搵到依間高質小店啦！首先餐廳的選擇非常非常多，同樣嘅食材都有唔同嘅煮法揀，有辣有唔辣！行到身水身汗就叫杯咸檸七飲先，做完運動實在太餓，所以忍唔到手又點咗好多款串燒！鹽燒牛舌芯$48牛舌絕對係食串燒必點！依間串燒無令我失望，牛舌又厚，口感爽口又有嚼口。惹味手切雞腎$18平時唔特別中意食雞腎，但佢嘅雞腎特別爽口又唔韌！好味！鹽燒開邊雞中翼$18 & 牛油蜜糖日本蕃薯條$38雞翼燒得香脆入味！蕃薯條本身已經帶甜，再加牛油蜜糖更加令人食個不停。麻辣黑豚肉韮菜花卷$22 & 鹽燒豚肉荔枝卷$18韮菜花卷唔會太辣，而且韮菜爽脆，口感豐富。鹽燒豚肉荔枝卷絕對係必點！一咬落去荔枝就會爆出果汁，令豚肉多一層濕潤嘅口感，減低咗啲油膩覺！麻辣蒜蓉茄子 $32超級香！好重蒜頭味！茄子口感柔軟又入味！麻辣蒜蓉燒廣島蠔 $42好抵食！$42有兩隻，而且隻蠔好肥厚，燒得啱啱好熟，一咬就爆汁。雞皮墨魚滑 $38雞皮好香，而且雞皮嘅出現令墨魚滑外面香脆，但入口彈牙！出色！焦糖青蘋果鵝肝多士 $78非常有誠意，首先

今日好開心可以同朋友一齊食串燒，呢度環境都好舒適，周圍都飄着一陣陣串燒嘅香氣，呢度嘅嘢食真係色香味俱全架，仲幾有特色，有唔少異國風味嘅菜式添！❤️麻辣軟骨免治雞肉釀冬菇($28 )冬菇裏面係軟綿綿嘅免治雞肉，麻辣味都幾出，食落幾過癮😋😋辣酒涼拌東風螺($38 )東風螺幾大粒，食落鮮甜爽脆，配辣酒食食落好惹味😆😆韓式地道家庭料理生菜包 - 牛仔骨($118)好玩又好味嘅一道菜，用生菜包住牛肉、青瓜、紅蘿蔔、青椒同埋蒜頭，仲有泡菜(好食)，食落鮮甜多汁又美味可口，就咁食d牛仔骨都覺得幾腍嫩，記住要趁熱食啊😚😚😚秘制燒羊架($48)好厚身嘅羊架，竟然冇羶味，食落嫰滑多汁，正！一d都唔鞋😋鹽燒開邊雞中翼($18 )雞中翼燒得夠火喉，表面好香脆裏面就好嫩滑，唔錯！😘鹽燒雞軟骨($16 一串)令人難以抗拒嘅雞軟骨，非常之爽口和脆😻😻蜜糖萵筍($18一串)Juicy！清新！一定要叫！😃😃😃枝豆($22)大大份，甜甜的鹽燒鯖魚($38)好大條呀，好多肉，唔會乾柴咁，加檸檬汁落去食，唔錯☺️1664啤酒($38)好喝青檸梳打($22)甜甜嘅我覺得呢度價錢幾合理，服務都唔錯，店員好熱情，嘢食質素高，下次都會黎

平時都好鍾意食串燒，今日同朋友一行四人黎食，呢間仲係新嘅分店，食咗好多好有特色嘅自家製串燒😋😋1️⃣焦糖青蘋果鵝肝多士 $78一件好大件好肥美嘅鵝肝！中間係一片甜甜嘅青蘋果，呢塊多士真係冇得彈，每一啖都係享受🥰😍2️⃣香煎墨魚餅 $68 好大塊啊！唔知係咪鋪頭自己手打，裏面真係有粒粒墨魚咖，仲有粒粒香甜粟米，呢塊墨魚餅好彈牙可口🤤🤤❤️3️⃣惹味豬大腸$22 (下圖右, 左為豚肉荔枝卷)好食到難以形容！口感韌脆鬆化，肥而不膩，有鹹蛋黃嘅味道，同埋洗得好乾淨，絕對唔會有腥膻騷味😍下次嚟食一定再點😚😚4️⃣鹽燒薄切牛舌$28 軟腍得來又帶點香脆彈牙嘅質感，又係令人食過返尋味🤤5️⃣黑毛豬$88佢係韓式生菜包黎，我想講呢個黑毛豬就咁食都已經超級好食，肉汁飽滿，肉味濃郁，食到舔舔脷！❤️6️⃣燒軟骨免治雞肉棒$30 呢一個係配左隻日本生雞蛋食嘅，免治雞肉非常之軟綿綿，同樣就咁食都已經好好食🥰🥰🥰7️⃣鹽燒豚肉荔枝卷$18 (圖見3️⃣)好特別啊，第一次見呢種串燒，估唔到荔枝同埋豬肉都幾匹配，好香甜！可以一試！😘8️⃣台灣雞泡魚乾$38 配沙律醬食就一流啦！好味！我發現講得太多次好味啦，真係好好味呀❤️❤️🤤🤤9️⃣蜜糖燒淮山$18 淮山本身

華生今日帶我去果欄買水果，買完行返去旺角搵地方食嘢，行經長沙街見到有間串燒店，華生睇完門外餐牌就入咗去。店仔細細大約只有廿個位，可能啱啱先至開門，我哋係第一枱客。想食咩係點餐紙上面剔，今日我淨係負責食。先來杯青檸梳打消暑解渴，冰涼梳打，加埋清香青檸，口味清新又醒胃。蒜蓉燒廣島蠔香噴噴熱辣辣上枱，拎上來仲有吱吱聲，小心燙手呀。廣島蠔肉肥嘟嘟，好似生蠔一樣咁嫩滑多汁，肉質鮮甜，口感滑溜，加埋蒜蓉更加香。蒜蓉燒虎蝦虎蝦肉質結實彈牙，加入蒜蓉燒，鮮香惹味!泰式鹽焗馬友魚魚肚塞入香茅、辣椒、香葉等，然後用鹽焗熟，香茅味四溢，魚肉又香又滑，點泰式醬汁食更好味。麻辣蒜蓉茄子燒嘅火候啱啱好，軟腍濕潤，將茄子肉一絲一絲撕出嚟，撈埋麻辣嘅蒜蓉，十分惹味。手切雞腎爽口又惹味，正！羊架燒得焦香，無羶味，入口軟嫩多汁又美味。麻辣黑豚肉韮菜花串，燒韮菜花未食過，黑豚肉嘅油份滋潤咗韮菜花，燒完都依然青綠嫩口，連埋焦香脆口嘅豚肉一齊食，好食。地道牛肉串無食，不作評論。沖繩黑糖燒菠蘿香甜多汁嘅菠蘿被略燒過，上面淋咗黑糖，變成脆脆，黑糖焦香加上菠蘿嘅鮮甜，好食。又發掘到一間好味串燒。

我朋友住旺角，我話想食燒烤佢就帶我黎燒烤堂地方唔算好大，我食得早所以未有好多客每檯都有紙巾提供，岩哂我呢d成日唔記得帶紙巾嘅大頭蝦食燒烤熱氣飲王老吉是常識吧黑毛豬調味好好味，唔會太咸蜜糖雞翼 雞翼迷必叫 燒到個皮少少脆d肉仲好滑 仲有麻辣雞翼 不過朋友唔食辣所以就無試到魷魚鬚 好爽口唔會好韌牛肉串 食完一串 朋友話encore多一串😂燒完仲係有汁 牛油芝士蒜茸焗雜菇 平時牛油/蒜茸食得多 加芝士就一次食 又幾過癮 焗過嘅芝士真係好香燒菠蘿其他燒烤店會燒完好乾無哂汁 但呢個依然充滿水份 正呀豬頸肉係靚肉 食到半肥瘦 唔係乾掙掙嘅肉 最好味係個汁 泰式汁酸酸甜甜好好味同朋友食完都覺得佢冇介紹錯下次再嚟試其他串燒

上次食過呢間小店質素唔錯，今日睇完獅子王和男友再黎食串燒，呢間小店價錢相宜幾有水準，食物即叫即做既！🔸牛肉串選左微辣，面層牛肉燒脆口入面就腍身幾 juicy，不錯！🔸燒准山准山健康，加左蜜糖來燒，淮山爽口蜜糖味甜甜地😋😋🔸蒜茸燒廣島蠔蠔是大大隻，蒜茸夠多香口野味又新鮮👍🏻🔸鹽燒豚肉荔枝卷荔枝清甜和豚肉燒得微濃帶脆，咸咸甜甜，口感不錯！🔸海苔黑豚肉鵪鶉蛋是原隻鵪鶉蛋燒得好香加上脆脆既黑豚肉和有小小辣味既海苔，野味組合！🔸蜜糖燒菠蘿外層加了蜜糖，甜甜酸酸😋🔸燒白鱔白鱔皮燒得酥脆香口，帶有微辣，白膳厚肉又爽口，好味！ 難怪店員推介😋

今日一試呢度嘅串燒，真係全部都好食。鹽燒鍋筍都係第一次食，食落去爽口有調味。鹽燒雞腎，一食落去真係有驚喜，大舊而且好爽口，有啲黑椒喺面好香。雞泡魚乾都係必叫，泡魚乾燒得好香，硬度適中，配埋個沙律醬真係好好味。蒜蓉廣島蠔有兩隻，而且都幾大隻，面上有好多蒜蓉，蠔仲好juicy.蒜蓉粉絲蒸活元貝，元貝好大隻，面上的粉絲怖滿蒜蓉，非常入味；而且元貝都好爽口，夠新鮮。燒牛舌心串燒係必叫，牛舌燒得幾香，而且係厚切夠爽帶帶鹽香。紐西蘭羊肉串有羊騷味，鍾意食羊嘅朋友就啱曬。豚肉露筍卷食落好清新，因為食得串燒多就會好快飽，呢個入面有露筍食完之後感覺好消濟。松阪豬比較多肥肉，嗰邊燒到卜卜，脆咬落去充滿油脂。燒雞軟骨燒得好脆，咬落有口感又唔會太硬。黑豚肉就相對地瘦啲，咬落去都算幾林。燒魷魚鬚個醬汁好好食，魷魚唔會太老，有烤魷魚香。蒜蓉茄子賣相唔算特別吸引，但係味道就真係唔錯，茄子燒得唔借太乾，面上有啲蒜蓉，一夾啲茄子就一絲絲咁，濕濕地幾好食。餐廳座無虛席真係有原因，一嚐之後發覺真係高質串燒！