燒烤堂 (已搬遷) 新店位置

朋友知我幾中意食串燒，所以今次就帶我黎呢間位於旺角砵蘭街附近既日式串燒店試下！呢間串燒店不大，座位也不算好多，不過都幾多人黎食！款式有好多，樣樣都想試，最後點了幾款來試試！台灣雞泡魚乾($38)，這裡的雞泡魚燒得好脆口，表面雖然燒得乾但內裡還是有點軟，幾juicy!鹽燒Prime牛小排($38)，沒有燒得過火，肉質鬆軟juicy，牛肉味濃!蒜蓉燒廣島蠔($42/2隻)，冇諗過佢既燒蠔都幾大粒，脹卜卜好肥美，咬落去D蠔汁會留哂出黎!鹽燒開邊雞中翼($18)，雞中翼食串燒必點，雞皮燒得好脆，雞肉嫩滑juicy!泰式鹽焗盲鰽魚($118)，之前係出面都有食過鹽焗的魚，但係鹽都冇呢度咁多，呢到既鹽焗魚超正!除了鹽多，原來盲鰽魚食落個口感都幾特別，魚肉有少少結實的感覺，魚味都幾出!還配有辣的醬汁可以點，更加提起魚的鮮味!蒜茸茄子($32)，蒜蓉都幾多，不過孜然味唔算好多，枱上有辣粉，再加點落去會更加惹味!牛油蜜糖粟米($18)，粟米燒得剛剛好，食落爽口，有點牛油的香味!蜜糖燒菠蘿($18)，燒菠蘿係我每次去食串燒必點的甜品，這裡有兩款味道可以揀，而我就揀選了蜜糖味，食落酸酸甜甜又多汁!總括黎講，

必食推介： 蒜蓉芝士包厚身，勁香脆，好多好正蒜蓉，包入面有芝士。勁香口。必食推介：香草芝士燒蝦，魷魚鬚芝士燒蝦係燒到有d脆身既，個殼都好香。魷魚鬚如果用竹籤上更好，會更有風味。鰻魚抄飯我係想食抄飯所以叫既，千萬不要為左鰻魚而點。抄飯料足，乾身，偏咸。黑毛豬和厚牛舌兩者都好食，牛舌好味爽口唔腥，黑毛豬肉嫰。雞皮墨魚滑焦糖香蕉青島啤酒椰子汁烏冬個湯好味，烏冬好滑。燒烤店連主食都唔會 hea做。仲有配料。好驚喜燒茄子好有風味，十分抵食是夜2個爐既其中一個爐壞左 所以我地食左3個鐘。因為餐廳播住 eason既歌，又幾好一邊傾計一邊食野飲酒。所以時間過得好快。

焦糖香蕉竟然連皮燒，入面又冇變黑同縮水，食落好甜少少juicy, 外層有好強焦糖。好特別。雞皮墨魚滑個雞皮好脆好似薯片咁 ，好特別。自己整唔到芝士香草蒜蓉好香既蒜蓉味，個包燒到十分脆身。好正蜜糖燒菠蘿本身個菠蘿唔係好甜果種，應該係原汁原味，有加糖水。菠蘿大份，食落好厚身。蒜蓉燒虎蝦燒完隻蝦份量都仲好大，抵食蜜糖燒淮山以為係軟林林，原來食落係爽身。好健康。我鍾意食，但朋友覺得一般。咸檸七清清熱先腐皮餃子又係好特別，外層好脆。入面就肉比較林身。想自己試下整。鹽燒鯖魚Size比出面食開既大一倍，係睇下幾長。係好食既牛舌和黑毛豬 都係好食。因為每種燒烤材料都用左唔同既醃料，各有風味。韭菜豬肉呢個好正。好juicy好開胃當日有d海鮮已賣哂，例如： 東風螺，鮑魚和蟶子，所以有少少失望。如果想食就唔好猶豫，一定要嗌。

係香港可以食到有質數的燒烤店不多，朋友知道我鍾意食燒烤所以我特登帶我去燒烤堂。餐廳位置都唔算難穩，就係創興中心的後面！唔好看少餐廳細細，食物質數真係幾好的，而且選擇夠多中式日式都有。牛油蒜蓉焗雜菇：呢個焗雜菇（$38）價錢一D都唔貴,一打開已經聞到好香的牛油和蒜蓉味道，裏面的雜菇分量十足，而且味道濃郁！我和朋友都一邊贊嘆，一邊密密食。蒜茸茄子：茄子開邊然後放入蒜蓉燒香，茄子上面更灑了少少青葱。茄子食落去好香口，味道一流！如果鍾意食辣的朋友仲可以自己加辣粉。鹽燒開邊雞中翼：雞中翼的外皮燒得好脆！而裏面的鷄肉卻依然嫩滑多汁！十分惹味道。燒虎椒：燒虎椒的火候控制得很好！不會燒的太霖而過熟，也不會虎椒未熟的菜青味道。最後我地仲叫左湯冬東和鰻魚抄飯，鰻魚抄飯分量合理！米飯粒粒分明而且滲有鰻魚香氣。湯烏東飲品方面我地叫左竹蔗茅根順便可以下下火。

星期五晚收完工喺旺角行街🚶‍♀️，經過見到呢個試伏嘅牌，心諗幾搞笑，唔通會突登整啲伏嘢俾人食？唔通係明將啲friend? 我份人最大膽，即管入黎試下係咪伏。有時夜晚諗到食乜好，串燒都係一個幾好嘅選擇，少少地一串，又可以叫好多唔同款。環境方面，呢度係街坊小店，面積唔大，只係擺到幾張枱，裝潢屬工業風，主色調係黑色，旁邊有啲日式木造吊飾，尚算企理。食物方面，呢間嘢種類繁多，有成兩頁紙，當中好多款都有麻辣version，鐘意川味🌶嘅重口味人士有福了!亦都有好多日本嘅酒🥂可供選擇，可以小酌，食住串燒摸下杯底，都幾梳乎。不過我就不沾酒嘅，又怕熱氣，所以叫左罐王老吉飲。麻辣魷魚鬚同黑豚肉韭菜花卷。魷魚鬚新鮮彈牙，麻辣嘅調味十足譚仔嗰種重慶麻辣湯底嘅味道，麻同辣兼備，十分平衡，食完成個嘴都麻晒，不過我就覺得食海鮮，調味蓋過鮮味係有啲浪費，如果有得用揀燒汁可能更好。大愛黑豚肉韭菜花卷！韭菜花爽脆清新又唔乾，好juicy~麻辣白鱔又一推介👍🏻白鱔肉質鮮嫩，皮燒得香脆，配合麻辣嘅調味食得過癮。地道牛肉串及惹味手切雞腎呢兩款嘅醬汁好似係同一隻汁，都好嘢味好襯配肉類！我個人就幾鐘意雞腎嘅口感，脆得黎唔韌。呢個惹味

近排都無咩食過真係好正嘅串燒舖，難得今次食到一間無論食材定師傳手勢都唔錯。而且舖頭嘅價錢唔貴，性價比好高。鹽燒prime牛小排($38)夠哂肥美，我估真係prime嚟。肉汁夠多，而且燒得好香口又唔係乾身。露荀($23)無渣唔老唔乾身鹽燒牛舌（$48)無膻味，牛味濃，柔軟惹味豬大腸($22)豬大腸唔算唔肥，都燒去左唔少脂肪。而且唔會太乾身。雞軟骨($16)呢個就無咩特別，唔會過於瘦 牛油蜜糖日本蕃薯條($38)薯條都幾脆，不過牛油同蜜糖都幾heavy，食多幾條會有飽膩感免治雞肉棒($28)份量都唔細，而且一樣肉汁好多。我個人就好鐘意。日本甜薯($16)皮燒到少少脆口，來貨都唔差茄子($32)落左好多蒜容，好夠味道

是日係朗豪坊睇完戲，朋友提意食串燒，仲search到間串燒係砵蘭街附近既隱世小店「燒烤堂」！呢間小店價錢相宜，都幾多食物選擇仲係即叫即做tim! 店面細細都幾多人，以食物紙點餐！坐低叫左柸傳統咸檸七👍🏻good 有成半個檸檬🍋特色串燒 🍽 🍡🍢好味又有質！有些串串組合都幾特別，一定要再encore 了👍🏻👍🏻😋🔸地道牛肉串好野味可以選微辣，牛肉燒得腍身又juicy!🔸鹽燒豚肉荔枝卷這個組合很新鮮，荔枝的甜和小咸的豚肉意外地好夾，有驚喜的一款呢🥰🔸蜜糖燒准山准山健康，加左蜜糖來燒，淮山爽口又甜甜地，夠特別🍢🔸麻辣墨魚咀不是有很多地方有燒墨魚咀，很爽口又鮮味還有小小甜味的！🔸蒜茸粉絲貴妃妦蒜茸夠灑香配合粉絲帶出左貴妃妦的海水味😋🔸海苔黑豚肉鵪鶉蛋黑豚肉包著鵪鶉蛋燒得好香加上有小小辣味和海苔襯托，想再encore 可惜有小許飽肚感🍽😓🔸蜜糖雞中翼皮燒得脆脆，帶小小鹽味及蜜糖檸檬香味，雞肉燒得嫩口清新又野味！🔸蒜茸燒廣島蠔蠔夠鮮味又大隻，蒜茸夠灑香口野味，燒得剛剛好無敵組合黎👍🏻👍🏻🔸多春魚多春魚燒得酥脆成條食份外滋味，肉質爽滑😋🔸蒜茸茄子勁多蒜茸加上麻辣味道，重口味的我們岩曬！！🔸汁燒京䓤個

已聽聞此店的串燒不錯，現在又在旺角開分店了，今晚收工後和弟弟來一試！餐廳空間不大，位置不算多，只能容納十多人。食物款式選擇不少，各款肉類、海鮮、蔬菜等，和店家的創意串燒也一應俱全，可按個人喜好選擇。點了餐後也要等上好一陣子，相信是即叫即燒呢！愛肉的弟弟點上不少肉類！牛肉串($22)牛舌芯($48)燒得入味，牛舌幾厚身，口感十足。雞皮脆魚滑($38)和軟骨免治雞肉棒($28)是個人推介！香脆的雞皮下是爽彈的魚肉，口感豐富！雞肉棒味道不錯。豬頸肉($38)油脂和肉比例均勻，脆口卻不乾身，富有油香。牛油蜜糖日本番薯條($38)也很推介！甜蜜的番薯條香味四溢，欲罷不能。烤羊架($48)和麻辣雞翼($18)弟弟表示不錯。另牛油焗雜菇($38)份量十足，十分香口呢！整體來說食物質素不錯，店員服務友善，絕對值得一試！

係Facebook見到呢間餐廳喺旺角開咗分店，而且仲幾多人推介，所以約埋朋友一齊黎。好彩早嚟咋，可以坐低先，因為之後好多人嚟到都要等，所以早黎有着數！😏Menu都幾多選擇，有成兩頁，有牛有羊又有雞，所以就算有乜嘢食同唔食，都可以滿足晒我哋。我哋都係牛魔王，所以都叫左幾多牛嚟食架，有地道牛肉串，鹽燒牛舌芯，同鹽燒薄切牛舌。呢個牛舌芯雖然同薄切比會厚身啲，不過都唔硬而且好彈牙，唔會令你想像同牛舌吻緊😆😆呢個燒茄子不得了因為其實我本來唔太願意食茄子，怕左嗰個茄子味，不過見呢個燒茄子燒得咁惹味，就決定試下試完就不得了喇！好juicy，又甜甜地同有啲煙薰嘅香味，從來唔知茄子都可以咁好味，推！我哋仲有試啲創新野㗎，呢個焦糖燒香蕉，唔好睇佢個樣出其不意，佢好有內函，香蕉本身就甜，加埋焦糖，又燒完就更加甜，啱晒我哋呢啲螞蟻人😍😍

同好耐無見既朋友仔見面，好耐無食過串燒，行過見到呢間食串燒既餐廳，價錢唔貴，選擇又幾多，就入去試下。食串燒點可以唔飲啤酒先得嫁? 我就叫咗最鐘意既青島($22)，朋友叫咗Asahi($24)，另一個唔飲酒既朋友就叫咗梳打水($12)。鹽燒Prime牛小排($38)，超好味！好耐未試過食咁軟熟既手肉，肉汁又多，加上小小鹽燒既咸味加埋好夾，正！鹽燒牛舌芯($48)同美國露荀($23)，朋友叫既露荀，剩係食咗個牛舌，又係好軟熟既牛，但牛舌入面都係好有質感好厚實，由呢兩樣牛既嘢食上咗嚟就覺得佢既牛燒得好好，十分推介惹味豬大腸($22)同鹽燒雞軟骨($16)，好少食串燒有豬大腸叫，呢度竟然有！豬大腸上面加咗陣真係好惹味既醬料，有小小似咸蛋魚皮既味道，但應該唔係個隻醬料，但加咗上去真係叫呢個豬大腸更加出色，而豬大腸佢都燒得好好，平時食到既豬大腸好多都好"銀"，但呢個又完全唔會。而個雞軟骨啲鹽味啱啱好，都好好味。汁燒自家軟骨免治雞肉棒($28)，好大一份，肉汁好多，個燒汁都配搭得啱啱好，好食！麻辣秋葵($14)，$14有四舊，係出面食串燒嚟講真係好抵，秋葵本身就好好食，而呢隻麻辣啱啱好，麻味重過辣味

經過朗豪坊發現呢間有多間分店的「燒烤堂」原來喺旺角都開咗分店，同好朋友行街行到肚餓，就乾脆入去食晚飯啦！店舖面積唔算大，但七點幾都已經差不多滿座了，好受歡迎啊！餐牌內的選擇極之多元化，港台川中西日韓泰式的多國串燒樣樣齊，可以滿足到唔同客人嘅需要，認真唔話得！手切雞腎厚薄適中，雞腎肉質結實中帶彈牙口感，好味道！香煎墨魚餅配黑松露一大塊墨魚餅適合同朋友開心share食，白雪雪的墨魚餅好爽口彈牙，仲有唔少墨魚粒，面上加咗適量黑松露，使到每口都充滿黑松露香，非常美味泰式燒豬頸肉豬頸肉略嫌燒得過火左少少，好彩整體肉質依然香軟嫩滑，半肥瘦所以充滿豬肉脂香！配埋酸酸辣辣的泰式醬汁就更加滋味啦！汁燒自家軟骨免治雞肉棒由於係自家製的關係所以形狀特別，燒汁外層甜甜的，內裏的軟骨免治雞肉好軟腍，帶有軟骨的脆感，口感同味道都一流呀泰國秋葵燒得好翠綠，師傅將火候控制得好好！秋葵好新鮮，軟腍腍黏黏的口感我鐘意鹽燒雞軟骨雞肉同軟骨並存，唔會得肥膏，軟骨好有咬口，送酒食一流麻辣薄切牛舌牛舌燒得剛好，唔會燒得太乾，保留左牛舌應有的彈性，充滿牛脂肪香！面上的麻辣粉又麻又辣，非常惹味！喜愛吃辣的朋友不容錯過麻辣雞翼雞翼好大

串燒熱潮無啦啦𥱊卷香港，串燒店開到梗有一間係左近，最近試過葵廣嘅冷麻辣串（掃街）之後，心思思想坐得舒服d食番d熱辣辣嘅燒串，所以星期六鎖定旺角燒烤堂。燒烤堂係朗豪坊附近，我地夾完公仔就去食，時間尚早不過都已經有客人喇，串燒要慢慢燒，慢慢食！每串份量少少，可以試多幾款！麻辣墨魚咀 - 一黎就上麻辣，味蕾即刻醒晒，燒烤堂嘅麻辣唔講得笑，超級惹味，墨魚咀嫩滑，得4粒唔夠喉呀。四重芝士包 - 香軟脆法包配上四重芝士，好難唔讚囉，如果拉絲效果再加強，就會更perfect。兩款雞翼包括蜜糖雞翼及鹽燒雞翼，原以為蜜蜜會是我的茶，點知今次比鹽燒取勝，唔知點解，但係燒得又香又脆但入面肉汁依然鎖住咀囉。好味！鹽燒prime 牛仔扒 - 鹽燒系列係做得出色嘅，配以高質食材，沒有浪費！沖繩黑糖菠蘿 - 本身寫就凍食嘅，不過黎到仲微暖，唔緊要啦因爲我鐘意暖暖地食，黑糖結晶鋪在菠蘿外面，咬落食倒脆口黑糖在軟淋多汁嘅菠蘿，諗起都流口水。惹味手切雞腎 - 平是食開薄切而燒烤堂係厚切，係惹味不過我較喜歡薄薄咁食。燒蠔 - 蠔身唔細隻，蒜蓉燒無得輸！最後叫左個韓式牛仔骨生菜包，數量不少的牛仔骨配以訓鮮生菜，蒜頭辣椒及泡菜

之前吃過筲箕灣的「燒烤堂」，印象不錯，今晚倆口子就來到了這間位於旺角的第六分店吃晚餐。店內沒有油煙味，印象分的確加了。《泰式鹽焗盲鰽魚 $118》很少串燒店會有燒魚，但燒烤堂就有好幾款燒魚提供，這亦是吸引筆者來的原因。鰽魚用粗鹽覆蓋醃製，並在魚肚放入泰式食材調味，焗後打開魚皮可見汁潤鮮嫩的魚肉，雖然隨碟有兩款醬汁，一款是醬油，另一款是自家調製泰式酸辣汁，但魚肉味道十分鮮甜，筆者不用另蘸醬汁提味。《鹽燒牛舌芯 $48》汁潤又肉嫩，牛味香有咬口但不韌。《鹽燒開邊雞中翼(兩隻) $18》燒得雞皮好香脆又無焦位，雞肉又多又滑，火喉剛好。《黑豚肉韭菜花卷 $22》黑豚肉薄身，燒後外邊有點香脆感，韭菜花新鮮無渣，入口多汁。《汁燒日本薩摩赤雞心 $18》四大粒煙韌爽彈，燒得入味好吃。但《燒軟骨免治雞肉棒(付月見) $33》每次吃串燒的必食項目，因為喜歡雞肉串混有雞軟骨碎的口感，蛋混醬油又惹味。《鰻魚炒飯 $48》用上珍珠米，用料有鰻魚、蛋和甘荀粒，再以香蔥和紫菜絲提味，有口感又提味，而且炒得粒粒分明又不油膩，不錯。《鹽燒豚肉荔枝卷 $18》豚肉用鹽燒香提味再包著汁甜的原粒荔枝肉，味香又不膩。《青檸梳

最近喺Facebook嘅飲食雜誌廣告上面見到呢一間食串燒嘅店，覺得都幾吸引，原來呢間串燒店喺香港已經有四間分店😱餐牌上嘅選擇超多，有辣有唔辣，任君選擇😂特別在於有啲串燒係從來冇食過，同埋冇見過嘅，所以一於黎試試。 店舖空間較細，但係唔會迫狹，店內裝潢簡單，環境一般。《雞皮墨魚滑》$38好特別既串燒！雞皮同墨魚滑呢個配搭第一次見。雞皮好薄，燒得好脆口，好似食薯片咁🤣入面既墨魚滑好爽口，夾埋一齊食好正🤤《鹽燒薄切牛舌》$28軟腍爽口亦唔乾身，不錯。《鹽燒Prime牛小排》$48色澤粉嫩，入口軟嫩多汁，牛味都幾濃，好好味，忍唔住要叫多round!!《汁燒白鱔》$48火喉掌握得好好！白鱔既皮好脆口，但竟然一啲都唔焦，厲害👍🏻魚質飽滿嫩滑又多汁，強烈推薦👍🏻《麻辣魷魚鬚》$22好夠麻同辣👍🏻愈食愈麻好過癮，入口爽彈，不過略嫌咸左啲。《軟骨免冶雞肉釀磨菇》$28呢個比較重口味，香料味偏重，所以雞肉部分偏咸，而磨菇就好香又滑，唔乾身。《芋片脆脆》$28芋片切得好薄，邊邊燒得好脆，而中間帶少許軟韌，口感好好👍🏻點蜜糖食好正，食到停唔到。《海苔黑豚肉鵪春蛋》$26個人最鐘意呢款。黑豚肉燒得夠香唔乾身

位於一間旺角既串燒店其實感覺好似日本既居酒屋咁又可以飲酒 又可以有串燒 慢慢傾計當日我地都叫左好多野食真係估唔到有咁多款雞泡魚乾唔係間間都有估唔到依間有呢～一定要叫黎食 飲酒必食雖然我唔飲酒 但都好鐘意食牛舌牛肉串好有水準 一d都唔硬仲有牛肉味 唔係求其牛柳仲有叫左黑毛豬好香好好食 老公都大讚必食啊！麻辣茄子都係必食佢既麻辣係真麻 超香！喜歡麻辣既朋友就明 要真係有麻既麻辣真係啊係度度食到重點一提麻辣串都有好多款選擇燒蠔又係好正～唔係求其比隻蠔你真係有蠔味嫁！唔係得雪味真係大推介多春魚燒得趣口 真係好驚喜 要燒得好食真係唔容易最黎炸榴槤！好正呀！又係趣卜卜！又夠香🤤真係好好味其實樣樣都好正唔係誇張😂真係好值得一食！