燒肉酒場 (已結業)

#銅鑼灣地膽  今次去登龍街嘅燒肉酒場食燒和牛！餐牌除左和牛仲有北海道名物成吉思汗羊肉，豚肉海鮮等；同行朋友唔食羊，唯有下次再試羊肉！裝潢滿滿日本居酒屋風格；點好菜就送上椰菜絲沙律同圍爐蔬菜。 🥩和牛盛盒 $468  有和牛西冷、和牛肩、和牛三角胸小排、和牛背峰、和牛肉眼等；和牛西冷色澤亮麗、油花均勻，肉味較濃，和牛肉眼肉質嫰滑，有入口即溶化嘅感覺！和牛三角胸小排牛脂豐盈！唔同部位都有唔同口感，大滿足！🐟串燒白鱔 $96 ：燒到外皮香脆，肥肥白白嘅魚肉，冇骨好好食！🦑原條魷魚 $88 ：口感柔軟彈；配上燒汁味道香口又惹味，十分出色！🐚 串燒蟶子 $176/2隻 ：蟶子厚肉又鮮甜，燒到啱啱好仲帶點水份！🪨石鍋泡菜牛肉飯 $98 ：店員即席炒兩下先放落碗，飯粒分明有飯焦香！必點！🍹飲品點了桂花烏龍水果茶，茶味清香又可解解膩！燒肉酒場地址📍：銅鑼灣登龍街28號永光中心10樓

店內主打燒羊肉，羊肉全部是新鮮進口羊肉，有不同部位的羊，喜歡食羊肉的朋友，一定要來試下。除了羊，還有牛、雞、魚可以選擇，另外串燒、鍋物亦有提供，種類很多。🔸椰菜絲沙律&圍爐蔬萊｜$25椰菜絲新鮮爽甜，簡單配上沙律醬，口味清爽開胃圍爐蔬菜有椰菜、洋蔥和蔥，蔬菜會吸收燒肉的肉汁和油脂，很入味，而且可以無限 refill🔸燒肉酒場羊肉大盛｜$298羊肉大盛包括有 ：羊柳、羊頸肉、羊腿、羊後膝、羊腩和羊卷肉我最喜歡的是羊頸肉，入口即溶，十分 juicy，羊肉味好出，而且不會有羊羶味，脂肪比例很好。🔸燒肉酒場牛肉大盛｜$298牛肉大盛包括有：牛舌、牛板健、牛小排、牛肋條、横隔膜、牛肉片全部肉質好軟嫩，脂肪分布又平均又靚，當中我最喜歡是牛舌，有彈性且軟嫩多汁，油花不得了。🔸石鍋泡菜羊肉飯｜$98石鍋熱騰騰的，上面配上烤過的羊肉，拌了韓式拌飯醬，更加惹味🔸桂花烏龍水果茶｜$68果茶十分清新，帶有淡淡的桂花香氣，感覺好清爽，開胃🔸Sapora啤酒｜$68

之前去北海道愛上咗成吉思汗燒肉原來依加香港都食到啦‼️餐廳裝潢極具日式燒肉店風格食物方面除咗有🐏羊肉之外各式肉類都一應俱全鐘意食燒肉絕對唔可以錯過🔸和牛盛盒 $468呢個盛盒一共有五款和牛，分別係和牛西冷、和牛肩、和牛三角胸小排、和牛肉眼同埋和牛背峰。全部和牛嘅油脂分布都好靚，色澤好亮麗，牛味亦好香濃。燒完後點埋秘製醬汁就更加正。🔸韓式泡菜伴牛肉冷麵 $98冷麵質感滑溜彈牙，配埋蛋絲、泡菜等等嘅韓式配菜同埋燒牛肉撈埋一齊食十分惹味。🔸燒白鱔 $48白鱔嘅皮燒到金黃香脆，肉質嫩滑彈牙，食落鮮味十足，完全唔腥。🔸燒翠肉瓜 $18燒翠肉瓜嘅口感清爽，帶有微微嘅甜味。肉瓜經過烹調後，保留咗瓜嘅水分令口感更加好。簡單加入鹽調味已經增添豐富嘅層次感。🔸燒雞髀菇 $18雞髀菇咬落好有嚼勁，配埋胡椒及鹽作調味，令到味道變得香濃惹味。🔸燒羊架 $48燒羊架口感好正，食落好香羊味但完全唔騷。羊肉嫩滑多汁，帶有炭燒嘅味道。🔸巨峰梳打 $48巨峰梳打嘅口感清爽宜人。每一口飲落去都可以感受到巨峰葡萄嘅清新果汁，同時帶有微微嘅甜味同酸味。🔸桃味梳打 $48每一口飲落去，都可以感受到桃味梳打嘅順滑口感，同時帶有桃嘅天

叫了兩個大盛盒，甚麼部位都有一些，分別是燒肉酒場牛肉大盛和燒肉酒場羊肉大盛！另外也點了配合燒肉吃，有蒜蓉同和生菜的燒肉拍檔。牛肉整體來說都肉味都很香濃，但不同的部份有不同的體驗：牛小排：柔軟香口橫隔肌：較有嚼勁牛板腱：薄薄香口肉片加上有嚼勁的筋腱位，多重層次厚切牛舌：爽口，甚至有點彈牙牛肋條：相對其他部位淡一點牛肉片：比較肥滿，油脂香最重羊肉則因為味道更濃郁，建議配合燒肉拍檔一起吃：羊腿：比較大塊，醃得甚為香口羊頸柳：有點點嚼勁，一樣香口羊後膝：有點筋腱位，配上厚肉粒，口感豐富羊柳：軟身一點羊腩：有多重層次，最面一層較有嚼勁，下面軟軟而且油香較重羊卷肉：油脂香最重，較薄身羊湯茶漬飯：蠻大碗的，肉片也很夠份量，湯汁也香甜。雜果燒酌：果味和燒酒味混在一起十分特別，享受酒香也有水果的甜香。桂花烏龍水果茶：茶味也足夠，沒有被甜味完全掩蓋。

星期六和老公到銅鑼灣燒肉酒場吃燒肉。首先會上一個裝滿洋蔥、椰菜、菇的鐵盤，還會有麻醬椰菜絲沙律。叫了牛肉和羊肉大盛來燒，搭配燒肉拍檔來吃，即有印度薄餅、羅文生菜、蒜蓉、青瓜絲、秘製辛辣醬。燒肉酒場牛肉大盛有牛肉片、牛肋條、厚牛舌、牛板腱、橫膈膜、牛小排。我最喜歡牛小排，很軟腍，其它牛肉亦不會柴。有羊卷肉、羊腩、羊柳、羊後膝、羊頸柳、羊腿。羊肉則最喜歡羊後膝，都沒有什麼羊羶味。主食叫了羊湯茶漬飯，有兩大片羊肉，茶漬飯像湯飯，清清地。飲品叫了雜果燒酎和桂花烏龍水果茶。

近來比較多吃中菜，決定轉一轉口味，來一點日本風，吃日式燒肉。酒肉燒場位於銅鑼灣登龍街，地鐵站出發大約十分鐘便到，地點方便就腳。餐廳裝修有特色，十足十去了日本一樣。我們一行二人一共叫了幾樣食物，一起互相分享。椰菜絲沙律(⭐⭐⭐⭐⭐)清新開胃的前菜。爽口的椰菜絲，配上甜甜酸酸的沙律醬，吃起來清新開胃，令人食慾大增。原條日本魷魚(⭐⭐⭐⭐⭐)魷魚大大條，足足有30cm，吃起來彈牙可口，但帶一點微微煙韌，令人停不了口。燒肉酒場牛肉大盛(⭐⭐⭐⭐⭐)對於眼闊肚窄的我們，這個牛肉盛盒就最為適合不過，一共有六種牛的不同部位，分別是厚牛舌，牛筋腱，牛小排，牛肋條，橫隔膜和牛肉片。師傅建議我們由味道輕的吃到味道重，其中我倆最喜歡牛小排和牛板腱。牛小排其實是由牛的肋骨連肉切塊而成，明顯較多雪花，油脂分佈得十分平均。大約少兩三分鐘已經可以吃了，吃起來入口即溶，簡單的配合海鹽已經十分吃得出肉味。相比之下牛筋腱肉質較為紮實，少脂肪，而且切得較厚身，比較多肉汁，最適合用汁燒的方法烹調。燒肉酒場羊肉大盛(⭐⭐⭐⭐⭐)同樣地我們叫了羊肉大盛，過了不同的羊肉種類，包括羊柳，羊西冷，羊腿，羊卷肉，羊腩和羊後膝，可以一次過

香港都有得食成吉思汗🤫 餐廳主打北海道成吉思汗燒肉 將羊肉加上大量蔬菜放喺圓形烤爐燒 係北海道嘅知名鄉土料理之一🫢 而呢到除咗羊肉 亦有唔同產地嘅牛肉、雞肉、豚肉、海鮮選擇 亦有日式串燒、特色飲品等等 選擇豐富====首先會送上椰菜絲沙律及爐邊蔬菜 $25==᪥ 燒肉酒埸羊肉大盛 $298盛合以六宮格盛裝 包括羊柳、羊西冷、羊腿、羊卷肉、羊脂及羊後膝 羊味香濃 更可以一次過品嘗唔同部位᪥ 燒肉酒場牛肉大盛 $298同樣以六宮格送上 賣相精緻 包括牛舌、牛板腱、牛小排、牛助條、橫隔膜及牛肉片====串燒 ᪥ 大啡菇 $22᪥ 翠玉瓜 $18᪥ 原條魷魚 $88᪥ 白鱔 $48佢地嘅串燒又幾有驚喜～ 燒得幾好 調味都唔錯👍🏻====᪥ 桂花鳥龍水果茶 $68᪥ 巨峰梳打 $48

第一次去位於登龍街的燒肉酒場。樓上舖，裝潢很有特色，服務殷勤周到。看看菜牌更是叫人眼花繚亂，因為有太多菜式供選擇。因為我和朋友也是食肉獸，所以點了一個燒肉酒場羊肉大盛和牛肉大盛。端來的羊肉和牛肉原來各有不同的部位，真是令我們大快朵頤。首先最令我驚喜的是羊頸柳，這個部位平日很少吃但牛味十足，還有羊後膝，肉質較煙韌，吃起來很有口感，還有羊頸柳，這個部位肉質較鮮嫩。另外，還有羊腿、羊柳、羊腩和羊卷肉，一次過吃盡羊的不同部位。至於牛大盛，當然有不會令人失望的厚牛舌和牛肉片、牛小排，這些平日一般燒肉店也能吃到，但今次最令我覺得驚喜的是有牛的橫隔膜，肉質豐富，牛味濃郁，還有牛肋條和牛板腱 ，都是愛好吃牛的人經常可吃到的部位，但這兒的牛肉質素確是數一數二，嗜吃燒肉的朋友，真的要一試。值得一提的是，這兒的串燒也非常出色，可用作佐酒，特別是串燒白蟮，皮脆肉嫩，焗蠔也很有蠔味，很不錯哩！吃了一頓肥膩的燒肉後，最驚喜的是那個蘋果雪葩和檸檬雪葩，真是用新鮮檸檬和蘋果製成。雪葩酸酸的，有解膩作用，吃了非常舒服，為這頓燒肉畫上完美的句號。

今天放工後打算吃一頓大餐，去到燒肉酒場門口已經聞到燒肉的香，頓時胃口大開！坐下之後，果斷點了燒肉酒場羊肉大盛和牛肉大盛，還有石鍋泡菜海鮮豆腐湯和羊湯烏冬飲品方面，我們叫了雜果燒酎和桂花烏龍水果茶我很喜歡羊肉大盛，有羊的不同部位，羊柳、羊西冷、羊腿、羊卷肉、羊腩肉、羊後膝，個人覺得最好吃是羊西冷，薄切容易燒，口感也很好，而且可以配不同的醬汁，但孜然自然是不可少的牛肉大盛方面有厚牛舌、牛板腱、牛小排、牛肋條、橫膈膜和牛肉片我最喜歡的是牛小排，牛味濃厚！配燒肉汁很好吃！不過孜然自然不可少呢~最後的羊湯烏冬是正常發揮，泡菜海鮮豆腐湯挺好喝的，料也足。我會推薦給喜歡孜然燒肉的朋友！

呢隻成吉思汗燒肉第一次食，燒既時候都好懷疑塊肉會唔會跣落黎 haha 不過原來咁燒啲肉汁都會保留到同埋比蔬菜吸曬啲味叫左幾款燒肉第一款係滿溢羊卷肉，份量多就不在話下，佢既羊肉味比平時香濃好多！而且仲石以同埋生菜包埋黎食，清新好多！第二款係日本和牛西冷，120g都好大塊。佢油脂好豐富，真係好香！第三款簡左鮑魚，燒完之黎，一啲都唔會軔，而且仲好爽口， 好好食！飯就簡左石頭鍋飯，係羊肉做配料，而且仲有齊唔同配料，撈埋一齊，加埋焦香，真係大滿足！最黎飲埋日本汽水，真係好完滿既一餐！

最近二訪銅鑼灣依間「燒肉酒場」，最鍾意佢嘅羊肉唔會太羶，連我本身鍾意食羊肉，都幾鍾意依間餐廳。*此餐廳收取加一服務費。120g日本和肉西冷（單點$398），油脂分布略為不平均，但肉質軟嫩，食落入口即化。燒肉酒埸羊肉大盛（單點$298），羊後膝，帶有筋位，食落有咬口；羊西冷，肉質厚身；羊柳，無羶味；羊腩，肉質肥美，因為夠肥，食落比較有羶味；羊卷肉，肉質嫩滑；羊腿，肉味濃厚。蕃茄蒜子沙律（單點$68），表面鋪有香蔥、蒜蓉，番茄味道酸甜。大啡菇（單點$42），食落好Juicy。鹽醬秋葵（單點$38），帶有黑椒味道。芽菜漬（單點$38），芽菜配以芝麻、麻油，食落好香口。翠玉瓜（單點$32），醬汁帶有微酸，味道獨特。椰菜絲沙律&圍爐蔬菜（單點$25），椰菜絲沙律，表面鋪有芝麻、七味粉、沙律醬，食落味道清爽；圍爐蔬菜，可以無限Refill，包括有洋蔥、香蔥、冬菇。醬料（跟餐$0），包括有芝麻燒肉汁、檸檬、洋蔥粒，洋蔥粒有炒香過，食落味道清甜。雜果燒酎（單點$78），對比上次光顧所飲嘅，燒酎飲落有進步，以往只係新鮮水果配搭原味燒酎，依次飲嘅係採用咗帶有甜味嘅燒酎做Base，對於我嚟講，會更容易入口同

聽講佢大名好多次，特色係北海道名物成吉思汗羊肉，雖然我唔特別好羊，但都有唔同嘅烤肉選擇，既然鐘意食羊嘅朋友仔想試，一於陪佢試下🤣.朋友仔話呢到好多羊肉嘅部位揀，例如羊柳，羊西冷，羊腿，羊腩等等。羊肉處理得唔錯，唔會濃烈同腥，易入口。.我自己主打食烤牛、海鮮、蔬菜，以下幾款我覺得不錯吃.//和牛盛盒（牛西冷、和牛肩、和牛三角胸小排、和牛肉眼同埋，牛背峰）//一次食到5款嘅和牛，雪花紋靚，輕輕炙燒就食得，入口牛味濃郁.//燒白鱔//食鰻魚我鐘意食未塗汁嘅白鱔，無咁咸，食到原味之香,//韓式泡菜伴牛肉冷麵//冷麵凍冰冰好解暑，入口微辣開胃

最近多左出街食飯，都想搵特別啲既餐廳食，於是就試下朋友推介燒肉酒場既成吉思汗燒肉餐廳位置闊落，裝修好有日式居酒屋既感覺，我地6:30入坐， 唔洗30分鐘，成間餐廳就full哂， 最好book定位先黎！成吉思汗燒肉除左羊之外，都可以選擇牛肉，今次我同朋友揀左和牛黎試下一開始店員會先為我地準備爐邊既蔬菜，有椰菜，菇，蔥，洋蔥，另外再提供左夾饃和牛盛盒盛盒十分精美， 和牛肥美，肉味香濃， 一咬開和牛既油脂擁出，齒頰留香，正！盛盒中間亦配上月見汁，係甜豉油加鵪鶉蛋，和牛配上月見汁食可以令和牛更加香滑黎得食成吉思汗燒肉，當然要試埋成吉吉汗食法， 用夾饃配上燒好既蔬菜同牛肉一齊食，別有一番風味， 有啲似kebab咁， 我個人最鍾意呢個食法❤️食到咁上下，當然要飲下野，估唔到餐廳仲可以提供台式飲品， 我地叫左楊枝甘露沙冰，沙冰好足料，有好多柚子肉👍🏻我地之後再叫左啲串燒食，串燒既價錢好優惠，仲要唔洗自己燒我地叫左一份白鱔同大啡菇， 白鱔外皮燒得香脆，內裏肉質嫩滑，大啡菇亦好juicy我同朋友都好鐘意呢間餐廳，下次一定再黎食！

餐廳係位於10樓，當日晚上去嘅時候人唔算多未滿座，餐廳餐廳環境都幾有氣氛食咗少少開胃嘅沙律小菜之後，就黎左羊肉大盛同埋牛肉大盛，啲肉係自己燒嘅，個Timing可以自己拿捏，想整熟啲又得冇咁熟又得，燒肉配埋燒肉汁同落檸檬汁真係完美啲嘢飲都算係唔錯，叫咗杯水果燒酎同埋西柚烏龍，可以中和返食燒肉嘅油膩，酒入邊中帶點水果香真係特別最後嚟個主菜，同朋友一人叫咗一碗，分別係石鍋泡菜豆腐湯同埋羊湯烏冬，泡菜味真係好出夠曬味，但係個羊湯嘅羊味係可以做得更出色啲食完係絕對飽肚，價錢算係中規中矩，環境有氣氛係值得一試既餐廳

燒肉 燒肉 燒肉我真係好鍾意食燒肉呢間燒肉我第二次嚟第一次無意間搵到呢間好嘢相隔半年後我再一次返嚟呢度食估唔到聽到一個消息 係佢哋諗住轉型原本嘅日式燒肉 自己燒 將有可能改做串燒 由廚師幫我哋燒但我都同咗經理/老闆講 「唔好啦」我覺得唔好冇晒自己燒 因為我覺得佢個爐嘅設計好特別 燒出嚟肉都特別好味嘅老闆就話咁可能佢哋會keep起幾個爐俾一啲人想自己燒嘅繼續自己燒另外半個場改做串燒 用嘅肉都係原本嘅肉所以我極力推薦係佢哋未正式轉型之前鍾意食燒肉嘅朋友，一定要去試吓😊😻