影片
更多
2023-08-25
2559 瀏覽
去咗大圍新開商場圍方朝聖，行到攰攰哋又肚餓就早啲搵嘢食。東京過江龍「燒肉LIKE」原來喺呢度都開咗分店，佢主打正宗日式一人燒肉，周圍都有分店，間間都多人排隊。我哋五點經過見有位，就即刻入座。新店新裝修，一貫簡約木系設計，高枱座位，設有單人烤爐，啱晒一個人嚟都可以享受「一人前燒肉」。環境光猛，乾淨整潔，周圍唔會油冧冧，採用無煙烤爐抽氣真係好好，唔會一路燒一路充滿油煙味，店員親善有禮。❁日本黑毛和牛前胸肉套餐 (100g) $122係期間限定推出，選用黑毛和牛前胸肉，好想試吓，份量有100g同200g選擇。每片和牛脂肪似霜降分佈平均，個人鍾意唔好燒太熟，燒後牛脂甘香，肉質軟嫩有嚼勁。餐廳提供多款秘製醬汁俾客人試到唔同風味，唔落調味已經滿滿牛肉香，蘸醬汁都唔會掩蓋和牛本身嘅味道，性價比高。本來想試埋新出嘅期間限定明太子紫菜飯，可惜賣晒。❁ LIKE套餐 (250g) $142(牛舌、牛五花、橫膈膜肉)呢款套餐係熱門之選，可以試到牛嘅三款唔同部位，有兩種份量150g同250g可以選，呢個價錢抵食。⦿牛舌~有五大片，唔算太薄切，燒完肉質軟嫩有嚼勁，牛味濃郁。⦿牛五花~ 薄切，油脂較多，燒烤後油香
新店新裝修，一貫簡約木系設計，高枱座位，設有單人烤爐，啱晒一個人嚟都可以享受「一人前燒肉」。環境光猛，乾淨整潔，周圍唔會油冧冧，採用無煙烤爐抽氣真係好好，唔會一路燒一路充滿油煙味，店員親善有禮。
日本黑毛和牛前胸肉套餐
288 瀏覽
0 讚好
0 留言
❁日本黑毛和牛前胸肉套餐 (100g) $122
係期間限定推出，選用黑毛和牛前胸肉，好想試吓，份量有100g同200g選擇。每片和牛脂肪似霜降分佈平均，個人鍾意唔好燒太熟，燒後牛脂甘香，肉質軟嫩有嚼勁。
餐廳提供多款秘製醬汁俾客人試到唔同風味，唔落調味已經滿滿牛肉香，蘸醬汁都唔會掩蓋和牛本身嘅味道，性價比高。本來想試埋新出嘅期間限定明太子紫菜飯，可惜賣晒。
LIKE套餐(牛舌、牛五花、橫膈膜肉)
55 瀏覽
0 讚好
0 留言
❁ LIKE套餐 (250g) $142
(牛舌、牛五花、橫膈膜肉)
呢款套餐係熱門之選，可以試到牛嘅三款唔同部位，有兩種份量150g同250g可以選，呢個價錢抵食。
⦿牛舌~有五大片，唔算太薄切，燒完肉質軟嫩有嚼勁，牛味濃郁。⦿牛五花~ 薄切，油脂較多，燒烤後油香豐富肥美。
⦿橫膈膜肉~厚切，肉質軟嫩，入口充滿油香，夾雜住濃濃牛肉味。
木魚絲紫菜飯、溫泉蛋
43 瀏覽
0 讚好
0 留言
套餐已包括白飯、和風湯、泡菜或迷你沙律：
⦿木魚絲紫菜飯 + 溫泉蛋 +$15
反而覺得呢個飯先係靈魂，採用日本米口感煙韌，我升級咗木魚絲紫菜飯，飯都可以選擇份量，仲可以揀生蛋或者溫泉蛋。
溫泉蛋撈埋木魚絲紫菜飯，加埋燒熱嘅烤肉一啖放入口，一大享受，簡直返唔到轉頭，醬汁、肉汁、蛋汁、麻油香，口味層次豐富，直頭想叫多碗飯食，建議大家一定要升級。
⦿和風湯~有海帶，唔會過鹹。
⦿泡菜或迷你沙律~泡菜開胃，沙律菜清新，配燒肉一齊食，可中和油膩感。
烤爐火喉都易控制，好容易就燒得靚，唔會燶晒浪費咗。食完離開餐廳時，門口已經充滿食客等位。
#燒肉LIKE地址：大圍車公廟路18號圍方4樓426A號舖
張貼
