燒肉LIKE (MOKO新世紀廣場)

營業中

休息中

燒肉LIKE一直都好多人排隊，所以都冇乜機會試，今日咁啱同細佬經過，見到唔使點排隊，咁啱細佬又係勁鍾意食燒肉，所以今日晏晝就決定食呢間。當初一直好想食係因為見到舖頭好I人friendly，都幾多一個人坐嘅位，唔使同人搭枱坐幾好🤭今日同細佬就坐大枱，本身應該係比四五個人坐，呢個價錢呢個質素真係朋友聚會都值得推薦！喺門口經過嘅時候發現下午茶真係好平，而原來七月仲有優惠，一連三星期每個星期有一款套餐折後低至$45🤯‼️ 而今個星期（7月2日至7月7日）用四十幾蚊就可以食到「牛五花套餐」，之後接住嗰兩個星期分別「豬五花腩套餐」同「雞腿肉套餐」～見到個時覺得勁震驚，呢個價錢喺旺角真係冇乜邊間做到，難怪人氣真係爆曬燈‼️聽細佬講好似有成20間分店，佢話最新嗰間應該就係Mikiki到，我哋以前嘅蒲點。我發覺新蒲崗最近真係多咗好多好嘢食，下次又帶大家過去覓食。😋‣ 和牛 LIKE 套餐 $148所有套餐都包沙律或者泡菜、湯仲有白飯，所以一定夠飽，我同細佬就加咗錢升級做LIKE牛肉飯同溫泉蛋。而呢個套餐就包牛板腱、牛舌、日本產和牛肩胛肉，睇個樣都知主角就係日本產和牛肩胛肉，食落嘅時候都覺得啲油花好均勻，肉質

今天晚上同朋友叫了3個套餐，其中like套餐及極黑和牛套餐內的牛舌、橫隔膜，胸腹肉送上枱後，眼看肉色怪怪的，都已變暗色，心想不太貴的品質都是這樣吧。因太餓關係隨便吃一餐就算。點知食完離開無耐就有點不舒服。而家有點後悔只掛住求其吃而冇同店員反映亦冇拍照。（但我相信，出品既店員應是看得出出品有冇問題先出餐），這品質不會再去了只記得在沙田店幫襯時，這是一間性價比不錯的燒肉店，味道不錯，肉又新鮮。但Moko這店我以後都不會去了。

MOKO店望住個窗食嘢，睇吓風景都舒服。$88新出咗墨魚系列，多咗兩條墨魚配喇沙醬。不過啲墨魚太韌啦，（實質時間係燒2至3分鐘）燒多兩燒又硬晒，亦都冇乜味道，唔太過癮。MOKO店食咗兩三次，啲飯都唔係好得，又硬又乾，但係其他店吾會咁既質感🙏肉(牛五花牛板腱）無問題👌加多咗包蘋果汁，啲墨魚同飯搞到個口好乾🫡希望之後個飯會改善🙏Moko店🤘人氣回歸🤘有牛小排&牛板腱套餐 $118up🤘超值套餐🤘抵$48 100g 牛五花&豬五花腩套餐依家好興食牛肉漢堡，新登場100%牛肉，值得一試。超市有得賣都貴值$60。+$29

5/8晚惠顧，和太太坐在吧枱，男侍應手持燒烤網可能不小心插左本人一下背部，佢只望一望我然後當冇事發生，我背全都是油，貴公司基本嘅培訓是好重要的，感覺不太好，等待食物時間較耐。

同女女上完堂諗唔到食咩好，老公提議食燒肉，第一時間就諗起燒肉like太耐冇食過，原來佢出左兒童餐，終於唔駛再同女女share 食🥰叫左個牛肉加雞肉既俾女女（忘記影相🫣），份量都算多，有玉子燒同埋蟹柳，女女食得好開心我自己就叫左個和牛餐，質素都好好👍🏻個like飯配埋隻溫泉蛋簡直係完美，老公就叫左豬同雞既餐，佢地既雞肉都好嫩，之後仲追加份雞軟骨🤤份量有得自己選擇，岩晒我同老公呢啲嘴饞又唔食得多既人，唔駛驚食唔晒浪費👍🏻

4人晚餐，大家六點幾到，等咗大概五分鐘，叫4個餐+2 個肉，埋單大概700，每人差唔多200蚊。限時60分鐘，有啲趕，好似食快餐。我哋叫咗牛肉，雞肉，豬肉，例如牛扒，五花腩，豬頸肉，牛舌，大概1,500g 肉。個人覺得質素麻麻，如圖，啲牛勁肥。有啲失望。但係地點方便，不過就冇乜服務，食咗40分鐘就會有人提你仲有20分鐘，感官唔係幾好，話曬唔係食快餐，趕頭趕命。喺香港食差唔多嘅嘢，去牛角放題可能好啲，質素好啲，花款多好多，價錢差唔多。如非必要，唔會有下次。

鍾意一人獨嘆又得，一班人來燒都一樣過癮～～套餐由幾十元到百鬆啲都有～套餐有湯、配沙律菜、和飯。夠晒豐富💛🐮 牛小排&牛板腱套餐 100g ($118)+ 牛五花 50g ($22)配泡菜和Like牛肉飯150g+溫泉蛋(+$22)。牛板腱肉質較結實、肉味香濃～。牛小排布滿油花、肉質軟嫩、入口即溶～。五花肉油脂分布均勻～燒起上來夠晒香口😋唔食牛嘅朋友就可以點呢個 🐷 三部合奏套餐300g ($118)【豬五花腩·豬頸肉·雞腿肉】配泡菜 和 炙燒芝士咖喱飯150g (+$8)。豬五花腩肉，燒到金香可口～非常惹味！。豬頸肉夠爽脆～雞腿肉都夠晒嫩滑～再配醬汁食又得，就咁食都一樣好味～另外再點左一人一罐朝日Super Dry生啤 （$35）燒肉配啤酒一流～～ 爽🍺

現時全港一人燒肉店盛行，「燒肉LIKE 」香港第20間分店已經係新蒲崗Mikiki商場開幕，無論自己屬於邊類人格，喜歡獨樂樂一人享受燒肉還是喜歡眾樂樂一大班朋友一齊食，嚟「燒肉LIKE」都可滿足一人自主燒肉的體驗✨LIKE套餐有牛舌·牛橫隔膜和牛五花，牛橫隔膜比較有嚼勁，牛五花香味比較突出，食完滿口香濃的牛油香味，一次過品嚐到3款不同牛肉的部位，絕對滿足到食肉獸✨和牛LIKE套餐有牛板鍵·牛舌·日本產和牛肩胛肉和牛肩胛肉油花均勻，肉質軟嫩細緻且肉味濃郁 ；牛板鍵肉質結實較有口感，肉味最濃郁 ；薄切牛舌肉質彈牙較有嚼勁，可依個人喜好沾蘸點醬汁，我個人比較喜歡辣味噌醬和原味BBQ醬（以上套餐有白飯、和風湯、泡菜或沙律，可另加錢轉芝士咖喱飯或者溫泉蛋飯）🎉🎉🎉現時7月更有多個優惠活動🎉🎉🎉💖而家至7月至21 日💖全線20間分店推出多款低至$45嘅驚喜優惠套餐👉🏻 7月8日至7月14日以$45/$65 優惠價享用「豬五花腩套餐」（100g/200g）（原價: $55/$85）👉🏻 7月15日至7月21日以$45/$65 優惠價享用「雞腿肉套餐」（100g/200g）（原價: $57/$89）💖

呢排好多商場做緊特價 趁住放假 梗係要去行下街啦😁當日我就去左旺角MOKO新世紀 貪佢好多嘢行又多餐廳 行咗幾個鐘 係時候要食晚餐 我地就揀咗都幾多人等位的「燒肉LIKE」‼️ 店舖主打一人燒肉 無論係鍾意獨食嘅 I 人定係超鍾意熱鬧嘅 E 人，去燒肉 LIKE 都可以超滿足到你～另外仲因為見佢套餐都非常抵食，百幾蚊就有牛+豬既燒肉組合，而且仲有好多款肉類選擇+肉嘅質素都很好，而我最鍾意食牛隔膜，好有咬口同肉味🥰好新鮮，正❤️套餐包埋前菜同白飯 最讚就係佢嘅醬汁好好味 比起同類型餐廳 最啱我口味係呢到既醬汁 而且都有成6-7款揀 好彈性好鍾意佢呢種餐廳 乾淨同整齊 店員手腳好快手 當日仲見到好多親子活動後嘅家庭嚟食飯 佢個爐唔會好大 唔怕小朋友整親 夠晒安全👍🏻👍🏻店內仲有貼出公告第 20 間分店會喺新蒲崗 Mikiki 商場開幕，同時間有連串優惠7 月 2 日至 21 日一連三星期每星期都有一款低至$45 嘅限定皇牌套餐超值優惠- 7 月 2 日至 7 月 7 日：以$45/$65 優惠價享用「牛五花套餐」(100g/200g) （原價：$52/$86）- 7 月 8 日至 7 月 14

🏵熊妹難得放正紅日，揀係同樹熊行下街買下野🛍再食飯喇。其實熊妹都幾鐘意行旺角「MOKO」，有各大型衣服鞋店👟、零食店🍭、超級巿場🛒等等，炎炎夏日☀️真係喺大商場渡過比較好。📌買完衫同零食，又到食飯時間，就當然要揾食。「MOKO」都幾多食肆雲集，發現近期好hit的日式燒肉店《燒肉LIKE》都係度插了支旗🚩，樹熊又鐘意食燒肉，就來個快！靚！正！燒肉餐。📌晚上7點來到，都人頭湧湧🚶🏻，岩岩好有張二人枱入得！店鋪都幾大，有二人對坐的一人爐位，或者合併做兩個爐四人枱，仲有多張一人燒肉位，一家大細黎食又得，一人之境都得。📌行入啲，仲有望窗🖼的一人爐位，「我現時自己很做飯，悶極時自己可浪漫」🎵🎶，真係岩哂意境。😆📌《燒肉LIKE》主打燒牛🐮，唔食牛都有豬揀🐷，點套餐包白飯🍚、和風湯🍵、泡菜或迷你沙律🥗。白飯有大、中、細size，大size都唔洗加錢，另外，可以升級加錢💲轉LIKE牛肉飯配温泉蛋🥚或者木魚絲紫菜飯配生蛋或温泉蛋，又或者灸燒芝士咖哩飯。📌一個套餐唔夠食，仲可以加餸單點肉類，日本飲食文化勝在多元化。📌今個月原來推出左新品，「墨色&牛五花&牛板腱配喇沙醬」套餐，食日式燒肉都有海鮮食，一於要試下

今日一個人去食飯，適合一個人食飯嘅餐廳都唔會話好多，今次揀咗其中一間🤣，就係燒肉Like啦！餐廳入面有一邊Bar枱望牆嘅，另一邊就係正常2至6人嘅枱，店員會視乎客人數量而安排。-🍴牛小排 & 牛板腱🐮配日式牛肉漢堡套餐 100g 🇯🇵($149)日式牛肉漢堡係最近嘅推廣，需要放係爐上加熱2️⃣分鐘先可食用，佢亦會配有咖喱/芝士🧀/生蛋黃，而也米😍選擇咗芝士，芝士亦都要放喺爐上加熱2️⃣分鐘。牛肉漢堡使用咗100%嘅牛肉，烤到兩邊香口🤤，加埋拉絲芝士，好好食！套餐除咗肉之外，亦有沙律🥗、麵豉湯、白飯🍚。如果唔想食沙律，可以選擇泡菜。沙律🥗麻油味好香，好清新。白飯嘅份量亦都能夠選擇👍🏻，分別係100g、200g同300g。食幾多就揀幾多，唔要浪費食物！

來自日本東京嘅一人燒肉店𓊈燒肉LIKE𓊉 喺旺角新世紀廣場開咗分店，食飯時間人頭湧湧，原來最近引入咗日本本店人氣≪日式牛肉漢堡≫，叫任何套餐加$29就食到啦😍.🔥 日式牛肉漢堡 (+$29)期間限定嘅日式牛肉漢堡以100%牛肉絞製而成，肉汁豐富喺烤爐上加熱2分鐘可免費配埋生蛋黃、芝士或咖喱汁我就揀咗生蛋黃，撈埋原味BBQ醬&飯一齊食超級惹味😋.❥ 牛小排 & 牛板鍵套餐 (200g) $158◭推薦 ◮牛小排油脂多，外層烤至微焦咬一口油香滿滿，肉汁豐富牛板鍵有嚼勁，配埋飯食，簡直食唔停口.❥ LIKE 套餐 (150g) $108≪牛舌⧫ 牛五花 ⧫橫膈膜肉≫呢個價錢可以試晒三款肉，真係無敵薄切牛舌，醬汁一流牛五花肥瘦相間，肉質豐腴多汁橫膈膜肉口感豐富而有嚼勁

燒牛五花同豬肉，呢個組合真係無敵！牛五花嘅部分，肥瘦相間，燒得啱啱好嗰陣，外層微焦帶香，內裡肉質嫩滑多汁，每一啖都係滿足感爆棚。至於豬肉，選用嘅都係比較嫩滑嘅部位，烤制後外脆內軟，肉味濃郁，同牛五花嘅肉香互相輝映，真係令人停唔到口。羅宋湯就更加係冬日裏嘅暖心之選，濃郁嘅番茄湯底，加入咗大塊蔬菜同肉塊，既有營養又溫暖。湯頭酸酸甜甜，暖笠笠飲落去，仲有種家嘅味道，好適合做為開胃湯或者飯後湯飲用，同燒肉嘅搭配又好，可以中和下肉類嘅油膩感。總之，燒牛五花加豬肉，再配上一碗熱騰騰嘅羅宋湯，無論係味道定係飽足感，都絕對係頂級享受。喺寒冷嘅日子裏，嚟一頓咁嘅美食，簡直就係對自己嘅最好犒賞。

同媽咪行完花墟，順路去咗旺角 MOKO搵嘢食，🇯🇵嚟自日本東京嘅一人燒肉專門店「燒肉 LIKE」喺旺角 MOKO開咗新分店，梗係要帶媽咪試吓🤭舖頭嘅無煙烤爐採用先進除煙技術，唔怕食完成個人一陣味👍🏻✨ 套餐配白飯、和風湯及泡菜或迷你沙律，白飯個Size仲要有得揀😍🔸和牛 LIKE 套餐 有牛板腱、牛舌👅同日本產和牛肩胛肉，主角梗係和牛肩胛肉，油花分佈平均，肉質軟腍，入口即化🤤牛板腱油脂相對軟少，肉質較爽，肉味濃，牛舌爽口，唔會韌，一次過食到3種口感🔸北海道十勝豬五花腩同日本畜產物輸出促進協議會合作由日本北海道十勝直送香港🇭🇰獲優質日本豚商標，五花腩肉嫩多汁💦，用大火燒到兩邊金黃色，脂香十足，一啲都唔油膩，仲食到豬肉嘅甜味🔸三部合奏套餐由於媽咪唔食牛，所以揀咗呢個套餐俾佢，入邊有🐽豬五花腩、豬頸肉同雞腿肉，豬五花肥瘦適中，食落爽口唔會有油膩感，豬頸肉厚切，咬爽口彈牙，成個口充滿油脂香，雞腿肉嫩滑😋🔸天日鹽窩夫雪糕🛫由日本直送，每邊燒大概15秒，兩邊燒到金黃色，入面嘅雪糕仲保持住冰凍，外層窩夫脆卜卜，外脆內軟，雪糕嘅鹽味🧂好清新，唔會好咸