燒邦海鮮私房菜

營業中

休息中

慶祝母親節，屋企人book左邦哥，發現好有驚喜。由前菜到甜品都好有心思，無論賣相定味道都好出色。香鱘魚子魚飯係超級鮮甜，第一舊我就咁食都已經係好甜，食落有種停唔到口咁。 食完仲會將魚骨炸左去食埋，都係一流。另一道想講嘅係龍蝦蒸蛋，龍蝦味本身就好正，特別係應該係佢個蛋應該係蛋白，令到成件事好似布甸咁幾得意。但海鮮配偏甜嘅蛋可能會對某啲人黎講未去到最啱味。最鐘意一定係雞油花雕花紅蟹配煎米粉底。本身個雞油花雕汁會比多幾碗大家配落米粉，充滿蟹膏蟹黃蟹肉，仲有陣雞油同花雕油味加埋一齊超級合拍。甜品就還好嘅西米露，冇咩特別。環境就一般，都唔係佢主打嘅嘢，但一家人食飯我又覺得還好，係咩追求。你當然唔會當佢係求婚呀個啲環境啦，但無咩大問題，唔太影響我。最後埋完單邦哥出黎打個招呼，望到佢出晒汗嘅樣講左句「多謝支持本地小店」，個下我只可以講真心有啲感觸，係feel到佢嘅真誠同佢應該係好辛苦。之後上網睇左佢嘅訪問，更加覺得有種莫名嘅感動。有心做野食嘅廚師，好難得。

從經營串燒餐廳, 變成純粹的海鮮私房菜餐廳, 主理人邦哥就是和他的助手, 處理着餐廳經營的一切, 從訂位及菜單安排, 選擇及飼養海鮮, 招呼我們, 烹調, 收銀以及清潔, 都是兩位師傅負責, 在這對飲食業相當艱難的環境來說, 他們也是盡力求生, 但在求生之中, 並沒有因此放棄對烹調的執着, 與其說是傲骨, 不如說是勇氣和堅持.當你去鯉魚門要花費接近$1000 , 吃一些不太抵食，而有烹調一般的海鮮菜式, 邦哥用同樣價錢的處理, 卻是巧有心思, 並不千篇一律之餘, 甚至帶點分子料理的意味, 像是頭盤的椰子蟹肉千層以及鱘魚魚飯, 前者用椰汁造成的啫喱, 以及後者的乾冰煙霧, 視覺效果十足, 但味道就是簡單直接的鮮味, 只要用了好, 味道就不用過於花巧, 但如此的外表又是賞心悅目.在華麗的外表之後, 就是看到其用料的用心, 不是最矜貴但卻是沒有食材的一般問題, 例如是龍蝦煎米餅的龍蝦, 起肉完全沒有難度, 除了是師傅的刀功外, 還有龍蝦的鮮不會讓其捲縮在一起, 沒有雪藏味是必然, 簡單的高湯就能顯出其鮮. 大魷魚同樣實而不華, 口感爽彈, 和同樣淥得夠爽的芽菜, 夾起來食爽上加爽.沒有什麼好

今日係老公生日，上網搵左好多類型既餐廳都未有心水。突然係YT有介紹「手工海鮮私房菜」。對我黎講好新鮮，加上老公鐘意食海鮮，於是聯絡餐廳預訂兩位食私房菜。今次每道菜式好！特！別！簡單黎講：1️⃣水墨淮山：淮山口感好細滑，係好好既頭盤，令胃口打開💯2️⃣潮式骨香鱘魚子魚飯：用乾冰放在菜式底部，驚艷地散發煙霧💨，視覺效果被震撼🤩。邦哥使用本地馬友，除了有魚油，魚香之外，配搭自家製既豉油好夾👍🏻3️⃣瑤柱老雞燉西瓜：飲完好暖胃，好舒服😌4️⃣雪花菠菜苗：用雞油煮，味道唔同左，多左一份香味！好特別🐓5️⃣冰鎮南非活鮑魚：用左十幾種材料浸，好入味！鮑魚一D都唔un,口感岩岩好🫶🏻6️⃣自雪藏金龍：呢碟係龍蝦肉配南瓜汁蒸蛋白。🦞🥚龍蝦肉爽口新鮮，蛋白蒸得岩岩好時間，配埋🎃南瓜汁，口感仲滑過豆腐花，食得好舒服again!!🫨🫨7️⃣火焰十年陳花雕酒醉熟蟹：首先，多謝邦哥搵到隻八両奄仔蟹，要搵咁大隻真係一d都唔易。🦀其次，餐廳好有心熄左餐廳燈，好似吹蠟燭咁好有氣氛🎂食物方面，勁多蟹膏，好香花雕油同好濃酒味（應該係百蘭地）。第一次食醉熟蟹，好新鮮既體驗，100分推介👍🏻👍🏻👍🏻8️⃣冰雪菓子：邦哥自己整既菓子，好靚！皮既混色做得好！真係

再次黎燒邦真心充滿期待, 因為黎得呢度食, 都係期待同欣賞認真做嘅手工菜頭盤先黎個紫薑水晶凍凍地, 用紫薑微辣加上冰凍的水晶果凍, 入口順滑, 暑意立即冇晒呢個冰鎮百香花枝非常打咭able.一黎到見到D煙已經好令人涼一涼, 整個賣相都好靚花枝真係好鮮甜, 厚身又彈牙. 食落外面爽脆入面軟滑, 火喉岩岩好.配個百香果意大利黑醋食, 酸酸地好開胃. 仲有佢個自家醃製嘅青瓜, 又酸甜又爽口, 又係暑意立即冇晒.瑤柱老雞燉西瓜呢個湯飲落真係好舒服, 入口濃郁雞湯又香甜, 充滿估唔到同西瓜配合得好好又消暑, 飲完真係有幸福嘅感覺雪花本地菠菜苗菠菜苗入口嫩滑, 食得舒服呢個黃金燕麥龍皇球真係非常打咭able, 龍蝦肉彈牙鮮甜不在話下, 仲要個燕麥炒得非常乾身好味, 唔油.真心覺得整個都做得非常好.龍蝦仲有好多膏同肉, 正呀.黃金燕麥炒茄子, 又係非常出色.乾身又惹味.龍皇淮山粥, 大家有機會真係要試, 唔係普通用米煮出黎嫁, 係用淮山加上龍蝦煮, 充滿鮮味.最後鮮忌廉楊枝甘露做一個完美總結.食手工菜, 真係好睇得出廚師同自己嘅要求同標準.呢度真係滿足到, 用心的廚藝加上有心的服務. 令人期待下次,

一開始透過「有啖好食」頻道得知哩間小店，佩服影片入面廚師對食物嘅執着，所以去試一試佢啲「手勢」。致電過去，原本以為係其他同事幫手接聽，點知原來係邦師傅親自接聽，聽落去都幾忙咁，佢有3個價錢，分別係$800-$1000/位，$1200-$1800/位同$2000起/位，最後同朋友商議完，相信一分價一分貨，選擇左中位數$1500／位。當日去到，店面比較細，淨係坐到12個人，環境乾淨，裝修就比較撲素，可以睇到廚房做緊乜野，而最令人意外就係門口嘅魚缸，估唔到一間小店都會放。菜式就有8道，味道都唔錯，睇得出邦師傅嘅用心，出面啲店員每一道菜都會介紹，又會幫手換碗碟，服務態度唔錯。•第一道菜壹品魚子蟹水晶聽店員講，出面係用上湯去熬制嘅蒟蒻，入面係手拆嘅蟹肉。出面嘅蒟蒻非常光滑，上面嘅魚子一唔小心就掉咗，食落去啖啖蟹肉，配上上湯令蟹肉嘅鮮味更加濃烈。•第二道菜潮式骨香鱘魚子魚飯哩道菜一出嚟就已經十分震撼，成張枱都被乾冰覆蓋。食落去可以食到馬友嘅鮮味，油份都相當飽滿，同出面嘅魚飯完全唔一樣，而且魚肉已經起曬出嚟，而條魚骨就炸起咗，放咗側邊做擺盤，不過食落去都幾脆口。•第三道菜瑤柱老雞燉西瓜一開始望到菜單

本身以店舖嘅人氣，環境亦相對簡陋，收$880一位8道菜嘅價錢我亦對佢有相對嘅期望，但整體而言我覺得呢餐私房菜係唔太合格嘅。首先評論翻個服務，本身都知係小店人手，冇期望過會有高檔服務，但係以海鮮omakase嚟講，侍應上菜嘅時候其實只係讀翻個菜式名出嚟，對於食材/煮法係無任何介紹。見到其他食評話會有好詳細嘅介紹，唔知道係咪今晚嘅侍應係part time，但佢哋上菜嘅介紹係令整晚嘅體驗大打折扣。第一道菜——壹品魚子蟹水晶。呢道菜我都係睇翻其他食評先知係咩嚟，雖然睇得出係心機嘢，處理蟹肉亦應該好繁複，但食落去真係唔好食，一食落口係有腥味，覺得食緊一舊好特別但係凍嘅腥腥地嘅啫喱，第一道菜嚟講比咗個好差嘅印象。第二道菜——香酥沙拉鮮蝦球。本身見到個名我幻想係炸嘅蝦球上面撈咗沙律醬。上菜嗰下真係呆咗，我覺得呢碟菜係成餐最難食嘅嘢，完全唔明個配搭係想點。第三道菜——潮式骨香鱈魚子魚飯。呢個係出色嘅，雖然我都係要睇翻其他人嘅食評先知道係咩嚟。呢度菜式的確好帶得出魚嘅鮮味，而且啲骨好似大部份都挑起左，食起上嚟好方便，配埋啲普寧豆醬食味道層次係十分之豐富。第四道菜——瑤柱老雞燉西瓜。呢個湯我會話係中規中矩

想黎燒邦好耐啦，聽聞老細邦哥好有性格，好有自己既堅係，我自己最鐘意就係去D細舖食野, 所以就預約佐一晚去試吓去之前就預定 budget 先，跟住等餐廳拍板，有乜要求敏感等等都可以商量. 不過我都係嗰日先知食乜，有 surprise 之餘又唔駛煩舖仔細細，好有屋企 feel. Service 非常親切，Alice 每一樣野食都好詳細講解邦哥背後既心思. 每樣野食都 feel 到間餐廳想做到最好，不論用料擺盤味道👏其實選擇仲有好多. 下次會試其他菜式

有一班朋友，次次都鍾意周圍搵好西食，通常我哋都唔會特別問食咩，有人話呢間好，我哋就會去試。今次朋友揀咗間私房菜，俾個budget佢，佢就會同我哋寫菜。基本上整體評價係所有菜式偏清淡，非常適合鍾意食清淡嘢嘅朋友，尤其是我哋本身有一個朋友對味精敏感，佢食完成餐都冇事，可見佢哋真係一啲味精都冇用。以基本上所有菜式都睇得出花咗好多心思，甚至有部份係手工菜。魚子醬椰香水晶蝦上枱嘅時候下面有乾冰，賣相一流。我當佢係頭盤，所以佢個椰青糕加埋烚蝦都真係幾清淡。鮮松茸瑤柱燉花膠，湯都係鮮美清淡，而我聽返店家講，鮮松茸先從容係比平時我哋食開嗰啲乾松茸貴好多倍。冰鎮南非活鮑魚口感非常特別，平時我哋食開嗰啲鮑魚，通常都係糖心煙靭，但係佢可以整到呢個鮑魚脆口，真係好得意。雪花扒豆苗我識讀菜嘅鮮甜，我本身非常之鍾意食豆苗，不過最鍾意食嘅煮法都係扒蟹肉或者瑤柱，今次扒蛋白個感覺都幾新鮮。翡翠骨香星斑球個游龍已經搶眼非常，啖啖肉煎得好香，配合其他配菜非常唔錯。然後個魚骨再攞去翻炸，非常香口。龍游桂花，係傳統粵菜嘅炒桂花翅，呢個餸菜完全睇得到大廚嘅手工，因為想出嘅時候我真係以為係有粒粒桂花。平時喺出面食啲炒桂花翅，其實

呢一間私房菜已經唔係第一次食，我幾鍾意呢間野係會幫你諗埋食咩，只要訂台時同佢講幾多錢一個人、有咩唔食，出街食嘢最難諗就係諗食咩。餐廳面積唔大，問過店員最多只可以容納12位客人。所以如果想食就要訂檯啦，我今次同朋友就預早同餐廳講左預算600蚊一位。🥛🐥鮮奶花膠燉竹絲雞冇諗過鮮奶都可以做湯雞燉到D肉咬落去好軟，花膠又有咬口。🍽冰鎮南非活鮑魚鮑魚佢配左一個淡豉油，好小食凍鮑魚，個肉質好軟嫩同爽，出到黎個鮑魚一D都唔韌。我記得我上一次黎係有D煙係底，今次就冇左D煙，視覺效果冇咁好，不過一樣好食。🐟鮮魚湯浸野生海油班球呢個魚湯好鮮味，魚湯呈奶白色，班球好大舊啖啖肉。🐚牛油清酒新鮮扇貝佢呢個係燒扇貝，有輕微既酒香，扇貝燒既程度岩岩好，肉身見到好飽滿。🦐老香港茄汁蝦兩隻大蝦下面個底用炸米粉襯托，店員同我哋講呢個茄汁蝦唔係真係普通茄汁煮，而係師傅用好多種醬煮到似茄汁，係一個古老做法，我仲後生就未食過幾前既方法。當係體驗下🦞上湯焗原隻海花龍煎米底龍蝦夠大隻加上佢個料係用番佢個龍蝦膏去煮，所以個味道好濃，米粉底煎到好脆。

連續食咗幾次燒邦，食到就黎變常客了。今日有朋友話想食海鮮，忍唔住又推介咗黎食燒邦，貪佢用料同水準高既同時，仲要喺係天后，啱晒係附近番工嘅我哋！今次都係我地早一個星期訂位，師傅發辦，帶晒驚喜～鮮雪耳牛蒡紅棗燉木瓜師傅嘅燉湯每次都好足料，今次呢款味道好清甜，又夠滋潤，啱晒我地一班女仔。骨香酥炸手打鯪魚球實不相瞞，本身我自己麻麻地鯪魚球，因為好多時都食到腥味，師傅嘅鯪魚球完全無呢個問題，同埋無加過多調味料，外脆內彈滑同時食到魚嘅鮮味。魚躍游龍一開頭睇個名淨係估到應該係龍蝦，但估唔到估煮法，原來係用咗韭菜花加雞蛋碎炒至乾身！呢個煮法令到道菜有鑊氣同好香口同時又冇用上好濃調味，保留番龍蝦嘅鮮甜，真係幾唔錯！呢款花蟹唔記得全名係咩，啲蟹腳又輕輕炸過，所以好香脆影鎖住內裏嘅鮮甜。另外師傅亦配上蛋白炒蟹肉，食落十分香滑。古法乾煎游水大花竹蝦呢款次之前都有食過，大蝦夠新鮮，鮮甜得黎爽口！仲要用埋啲膏黎煮個汁，係正嘅！魚湯浸菜呢個係我每次食完咁多海鮮後最期待嘅菜，用鮮甜嘅魚湯後浸時蔬，每次都忍唔住飲下個湯，哈！

4 of us for dinner. We all wanted to try for different reasons. I thought the seafood must be great since I walked past and saw the big tanks of live seafood in a relatively small shop; he wanted to try cos he read that the chef would get live seafood everyday; she wanted to try cos it was highly recommended by the Japanese chef of the omakase she frequented; and Alcoholic wanted to try anywhere offering free corkage. She organized in advance with the chef with a budget of $1,000 per person. Thi

其實我感覺到廚師對煮嘢食嘅熱誠，但係佢比較適合做返自己專長嘅菜式，小店人手有限，唔需要刻意做啲乜嘢擺盆，玩太多新菜式。其實我哋幫襯左兩次，兩次都係廚師發板（版？）。第一次係禁堂食嘅時候，海鮮外賣返屋企質素可能冇咁好所以想俾多次機會佢，所以前排再去多次堂食。其中有一味桂花白鱔，我覺得有啲浪費咗，可能廚師想帶出鱔嘅鮮味，所以佢冇調味，鱔嘅皮煎到好香，但係響碟上嘅桂花同埋蜜糖，同鱔嘅味道格格不入，而且條魚本身嘅肉比較實，響冇調味嘅狀態下鱔嘅肉會有少少酸味，我寧願佢做返豉椒，好似大排檔風格咁。魚湯菠菜好好味，聽講佢係魚湯好出名所以呢啲招牌嘅冇問題。跟住就嚟咗一個龍蝦，龍蝦下面係啲煎香嘅米粉餅，龍蝦好新鮮，廚師就咁煎香唔使點調味都好鮮甜，但係下面啲米粉份量太多，表面有煎香嘅地方好快就凍咗，剩返下面有啲濕嘅有少少不倫不類，龍蝦仲有一小碗湯汁，湯汁冇乜味道，作用不大，我寧願佢俾返伊麵底。頭盤係蒜蓉金菇聖子同埋扇貝，我本身好鍾意食蒜頭，覺得蒜蓉唔夠多，同埋佢冇好似出邊放D滾油，令到成碟野香口。總括嚟講成餐飯我覺得好清淡，可能廚師想帶出佢海鮮本身好新鮮唔需要太多調味，但係作為一個食慣味精嘅香港人來講，成

平時喺天后都會經過見到呢間細細間嘅燒邦海鮮私房菜，最近因為疫情關係，佢哋生意唔係咁好，今日就決定嚟支持下叫得私房菜，呢度最出名嘅就係廚師發板，由你訂金額，廚師會負責，選擇新鮮食材，當然有野唔食/特別想食都可以出聲今日就試叫左個$500/人頭餐冰鎖鮑魚好厚肉好大舊，又好有鮮味，正👍🏻👍🏻蒜蓉燒扇貝扇貝大大嚿，平時好少見，蒜蓉味好重，燒得啱啱好好味辣酒煮花螺其中一個鎮店之寶，花螺好鮮甜，辣味夠，好食魚湯浸白菜魚湯好濃好好飲，佢個魚湯係平時個魚湯泡飯，唔想食發辦既，可以考慮食下佢豉椒炒蟶子米粉底蟶子皇大大粒，豉椒揸得好好食，佢又好貼心咁驚你唔夠飽加咗米粉底俾你，撈埋聖子嘅鮮味同豉椒汁好正😍😍正體嚟講好好食，物超所值，有機會一定要你食餐好勁❗️❗️

地方小小但五臟俱全的小店。沒有拍下每道菜，因為每次上菜都搶先起筷，邦老闆的廚師發辦並非一般湊合湊合而成，而是會為客人精心設計，先後次序，配合烹調時間，務求令客人擁有一個愉快又妥當的晚饍。只要交上預算，就會物超所值。冰鎮鮑魚沒有過多的調味，沒有過多的醬料。對食材的鮮味有信心，是廚師對自己挑選食材的尊重，亦是對自己的經驗賣單，而我覺得很成功。邦老闆雖有備豉油及wasabi，但我個人認為無需要。本地花竹蝦兩煮，蝦頭酥炸，十分香口，第一次品嚐蝦頭，一大啖的蝦膏比我想像中更易入口。另外蝦身用秘制茄汁處理，加上花竹蝦本身啖啖肉，一入口便十分滿足，茄汁分量剛好，沒有過分掩蓋蝦味。玫瑰豉油雞（沒有圖）全隻雞每部分的雞肉都十分嫩滑，入口順滑，建議多人分享，送飯一流。雖本人從沒吃過雞雜，同行友人表示處理得十分好，沒有一點腥味，亦不是每位廚師都懂得處理乾淨，稍一不慎，會影響全隻雞！同場加映曾遇上的魚缸，能在小小的店內設置一大魚缸，佔地不少，但令人感受到自己在吃新鮮活海鮮，並非冰鮮。光是誠意已經加分，遇上一位可以自己養，自己處理海鮮的廚師，實在買少見少。亂世間希望老闆頂得住。

已經不是第一次食但每次嚟 菜式都無重複 粵菜嘅精粹之一 不時不食 哩度完全做到了而且花款百變 每次嚟都有驚喜 每次都會大快朵頤價錢公道 師傅用誠意處理每道菜式 將粵菜嘅精粹盡顯人前服務亦好好 當日兩個小員工態度很好 亦有心機介紹每道菜式 很誠懇