燒鵝大皇

營業中

休息中

我見到呢間食店既食評一般, 某日經過聞到好香, 覺得應該吾係一般既程度, 所以躍躍一試, 入面環境迫, 裝修求其, 大家都為求快食快走快埋單, 但坦白講句, 入得呢D燒味店就吾好唸住有乜野還境,我只求試下佢個燒鵝飯! 38蚊燒鵝飯一到, 好香, 點解, 因為食燒味一定要食熱辣辣既飯,只有熱辣辣既飯先可以將D肉香帶上黎, 燒鵝肉好入味, 皮不是太脆, 但好夠汁好入味(我估應該係用汁燒既方法)燒鵝汁好老練, 油同燒鵝油撈飯簡直一絕!另外我欣賞佢俾肉都足料,真係有成十舊燒鵝肉, 飯亦好大碟!我覺得呢個價錢呢個質素係十分之滿意, 有機會都會買番屋企加料!

今日同行人和自己太肚餓, 同行人想食這間燒鵝飯,我也覺不錯。各叫一碗燒鵝飯, 要44蚊, 稍貴的,見之前的食評, 一碟才38蚊, 加了很多,同行人講以前比較少, 現在反而多了份量,還好不是加價全是幫他交租金來時, 大碗的, 燒鵝又啖啖肉,食完很飽, 亦很好味。還是燒鵝比燒鴨多肉得多。

見間餐廳成日都咁多人，嗰日同朋友就一齊去試下。餐廳非常超級多人，座位都幾密下，背脊對背脊咁坐，人手唔知係唔係唔足夠或者係咩問題，冇人理我地落單，過左好耐之後先有人清理張檯同落單。雖然進入餐廳到落單嘅經驗唔係咁好，但係啲燒鵝又真係幾好食咖喎。燒鵝肉好肥厚，多肉汁，肉嫩，啖啖肉，大約八至十件，但係就唔係話件件都咁多肉同大舊啦，分量但係都唔小嘅。都係有水準既，成碟飯先係＄38，飯有成兩碗幾飯咁多，最後都係食唔灑。

放工同同事飲酒有時都會去燒鵝大王度啤啤佢無他~ 因為貪佢有金威啤酒 (13蚊支) 同 美味燒鵝食最近偶然有一次放工老婆冇煮飯 又冇同事陪飲酒勇敢去試一次其店內的其他食物!第一次食佢既 切雞瀨雞 - 好難食..冰鮮味太重,而且見到雞毛都唔開胃湯 - 水溝雞粉及雞油,老抽... 仲要溝得好少...難聽d講句: 有色既水!瀨粉 - 湯都冇味既...瀨粉都唔會好食得去邊!!食左3份1碗就投降....多謝36蚊其實呢間野都未算最差...同同事飲酒都有d食物可以介紹下:燒鵝: 對比深井陳x燒鵝黎講 呢間d燒鵝冇咁甜...              如果叫例牌燒鵝 即係4份1隻 佢會將成隻鵝頭1開4放在碟上        有點兒騙錢既感覺 !鵝肉大約十件左右 (100蚊)              如果叫半隻燒鵝 真係半隻...半個頭1開2放在碟上        所有部位都齊哂 (160蚊) 叉燒 : 叫做稔身啦~ 但對比隔離街叉燒大王差好遠 蒸餸 : 有魚 有排骨 ,口感唔錯,缺點係唔熱...(28蚊) 糯米飯 : 落得太多水,色水仲唔平均....一般般!!中肯d黎講~ 呢間野其實唔太得!! 老闆

我的評價標準（5分最高）：模式 》 街坊燒臘店環境/裝修 》 2.5環境/感覺 》 1味道 》 4對比同行特色 》 1服務 》 2.5性價比 》 4簡評： 大口吃燒臘，這裏好爽爽N年前來黃金買電腦就開始在這裏吃燒鵝飯了，這裏大大碟燒臘飯，好底吃.燒鵝不是最好的，但皮小松脆，咬落鵝油好味，肉有點汁，趙落唔癡牙，大大塊，不欺場。叉燒，部位好，沒柴皮，大大塊too，軟軟，有汁，重想點？飯是松松的，大大粒，也是吃得很過癮。呢度唔系要求吃精品，所以呢個水平已經收嗮貨，那大口大口吃燒臘，味道又好的感覺，實在太享受了。

話說近幾年，每逢到深水埗，都會被這燒鵝吸引著，總要叫個燒鵝例牌過吓燒鵝癮。大概一年前，買過一次外賣半隻燒鵝，回家一打開：「點解咁少嘅，點睇都唔似半隻。」雖然氣憤，但由於已斬件，就當他將骨頭和尾斬掉，算數。一年過去，又再一次想買回家和家人一齊食。經過上次外賣教訓，今次諗住醒目，買半隻，叫他只開二不斬件，應該無得呃掛，點知....回家一打開：「嘩，唔係馬，咁離譜，咁樣叫半隻鵝！」簡直離哂大譜，上下都無骨，2/5隻都無！如果以堂食例牌100蚊嘅價錢，呢半隻頂多得130蚊嘅份量，但外賣半隻係$170！食味：肉身比較嫩，缺乏鵝肉應有口感。脾位部份唔熟，骨肉相連，骨髓全鮮紅色

這店最有名的就是如店名一樣「燒鵝」，就東西是必試的。燒鵝肶一出，真的令人眼前一亮，燒鵝顏色光亮，沒有半點皮是燶的，可想言知，師父下了不是心機去燒燒鵝吧！ 燒鵝入口，更令人滿足，皮脆得很，肉身鬆嫩，鵝汁還不繼流出，不用加任何醬汁也非常美味，讚！

時興慨歎香港貧富懸殊, 小弟不單同意,而且其嚴重程度, 已達朱門酒肉臭, 路有凍死骨的境況. 沒有跨張 - 深水埗此一出了名的貧民窟, 一碟燒鵝飯竟會有舖頭開價卅八大圓. 請注意, 半年前,中環的壇島一盒燒鵝飯,也不過卅元; 太興的燒鵝腿飯,也只是貴這家寶號四五元 (有錯請指正).但不要緊,自由市場,明買明賣,貴寶號也明碼實價. 小弟路經此店, 看到價錢牌, 沒有罵娘,反而佩服老闆開此等價錢的膽色(吃後推斷這位老闆姓李, 因為我心裏只不斷重覆三個字: 李老闆) . 你敢收這個錢,我也不怕試一試.是的, 自由市場,明買明賣. 而地產代理大王施永青也說過, 看錯市的人,是會被市場懲罰的.小弟正是看錯市的那位.碟頭飯端了來, 其貌不揚, 表面沒有異樣. 我也沒有期望是裕記的質素 (就算李老闆開價一百元, afterall 也是深水埗), 心還在想: 可能好吃呢?反起鵝件, 怒已從心上起: 這碟東西究竟是燒鵝飯,還是燒鵝皮飯? 九件著了七八件,都是頭頭尾尾來的!"頭頭尾尾都好,可能味道不錯呢?" 我懷著半絲希望,安慰著自己道.我還是過份樂觀了一點.那些頭頭尾尾, 不是鹹得要命(因為那只是一些包

小弟本身對燒鵝特別有偏愛, 一見到掛係廚窗的燒鵝燒得黑實及大隻就引不著去醫肚 !話說這天來到深水埗買野, 行過又見到呢間野, 當時不是繁忙時間, 差不多已三點了, 好就入去食個燒鵝飯啦 大概等了二分鐘就到, 因為人不多而且得一個阿姐清潔及侍應工作, 所以坐得很寬鬆, 仲幾好招呼　放碟飯係枱上一看, 正喎！今日燒鵝肶比我, 外觀未食都流口水　。。。不過咬落去確是真正燒鵝, 因為肉是偏紅色的, 而且一般情況都是偏咸, 原因是鵝係本身有點蘇, 所以內骨一定是落重醃料, 呢個就係真正原因了。（我都好專業架）好講番Ｄ燒鵝, 係就係鵝但皮不夠脆（真係比灣仔再記輸條街）, 肉是多同厚, 口感較好, 所以個飯都要成$38, 其他燒味就$35, 不過燒鵝雙併都係$38, 呢個都$值既, 因為一來很少地方有真正鵝, 而鵝一般都貴鴨是正常的, 。整體上我覺得中規中矩啦, 奶茶都ＯＫ無咩特別好與壞甘啦！因為有茶供應, 所以飯貴少少但係飲品省番錢最後我發現有一樣好抵食的貴價飯, 就係雙肶飯, 價錢係 $58 咋 (雞鵝肶)

琴日我同媽咪行完商場之後...見肚餓!經過一間野~媽話呢間野係老字號...甘咪試下囉點知~~原來比我想像中好食~所以我決定下次再去我地吖左2碗燒鵝瀨~d燒鵝真係好正...d皮真係好脆! 我媽咪仲另外打包左隻返屋企一個人大約$30... 唔錯唔錯

本來都唔係來呢到食但食lunch 時間好多人，又唔想等就來左呢間食la叫左燒鵝瀨粉 同 叉鵝飯燒鵝瀨粉份量好夠燒鵝多汁，肉都ok 瀨粉就一般la 都叫做好食叉鵝飯叉燒真係唔得，太熟， 肉好"en"鸳鸯,味道剛剛好, 正!燒鵝大王，真係叫燒鵝食好la

由於要多買一個外置硬碟，在農曆假後便到「黃金」一趟，事前當然會想想有甚麼美食。可惜目標食店仍然在放農曆年假，唯有再作打算。在腦中突然想起上一次到此地，發現一間燒鵝店，心想不如一試，便馬上動身前往。這店名為「燒鵝大王」，名字十分有氣勢的燒鵝專門店。店內有不少食客，感覺上大多是上了年紀的鄰近街坊，自己的年紀應該是最年輕的一個。坐下後看看掛在牆上的餐牌，收費不算便宜，基本上也要二十五元以上才有一碗燒臘飯，最後點了一碗燒鵝飯($26.00)。送上來時，原來是燒鵝與白飯分開上，感覺馬上貴氣了一點，期待感更強。燒鵝不是即燒，故不會預期有皮脆的口感。馬上吃了一口，味道方面是沒有，一點鵝味也沒有，只吃到碟底滿滿的豉油味。賣二十六元一碗實在不值。基本上其質數與一些十多元一盒的燒臘飯盒沒有分別，枉其有膽自稱為燒鵝大王，可能「厚顏大王」更加適合。

過年其間,我同我老婆到深水步搵食,開門營業既店舖唔多,眼見燒鵝大王仲有開就入去幫襯下D間老店,環境衛生我唔多講,因為係D間老店既缺點,反正我只在乎食物味道,又唔係乜高級餐廳所以我都唔太計較佢地環境,服務,坐低後我兩人點左一油菜,一例湯,一叉鵝飯, 叉鵝飯味道冇變,燒鵝唔油又香口,剛好叉燒半肥瘦合我心水,例湯都唔錯,係唔夠熱....可能天氣凍,因過年關係,樣樣都要收新年附加費,不過唔緊要,好食就滿足囉!

中午走去"黃金"順道食個LUNCH.但見"劉X記"門口有10多個人等位.好肚餓唔等啦,就望過對面見到"燒鵝大王"4個大字.雖然入面都好FULL不過好快有位. 本想叫個"例水"飲下,但見到人地碗湯好多油..唔叫啦ORDER左個"差燒鵝飯".差燒還可以3分肥7分瘦.食落唔差喎.一食到燒鵝.唔得啦.好鞋,有SO味,咁都叫做"燒鵝大王" 好心啦. 甜酸醬問佢攞先有仲黑口黑出面拎黎. 直得一提地下好唔乾淨,好多骨.要小心天地滑.

今日交易完左去深水埗買野, 來到兩點先搵野食先行過呢間見到呢間鋪頭掛住的燒鵝令立立, 好吸引, 燒鵝癮起, 於是就入左去叫個燒鵝飯食啦. 牒燒鵝好快就上到黎, 一望份量都幾多而且仲有脾添, 就好開心啦, 一食落下燒鵝係凍既, 需然飯係熱但係咁既天時都不足令係牒面既燒鵝熱. 另外, 鵝片係巢晒啦, 鵝肉好實, 肉味淡, 應該是冰鮮貨, $28一大牒係平, 但係質素郤令人失望, 只是街市貨色, 早知都係食對面雲吞啦