燕萍越南餐廳 (已結業)

都有一年無黎食哪都唔知佢地搬左舖同合併左到佢新舖即係點左期待已久既--牛油雞翼, 我點生牛肉湯檬, 朋友點燒牛肉撈檬.落單果位小姐連廣東話都未識聽! 點三樣野叫左三次仲要一個呀叔黎confirm ! (有無搞錯)先黎生牛肉檬粉湯底一般水準似乎差左再黎撈檬粉魚露醋過甜完全唔酸同小小辣都無當我地食地檬粉既時候牛油雞翼終於都到左牛油雞翼完全無牛油味用黎炸既油似乎係萬年油水準根本唔可以同前清亭比!!依家呢間清亭燕萍只係得個名,食物質素完全唔係以前果回事再食不如去新X黎好過!仲有我今日只係食左呢間野既食物依家肚all 緊唔知關唔關佢事一定無下次

重生之越南菜燕萍清亭早前有人話我知, 原來燕萍舊鋪已經搬左, 並收到風響番隔離街冇遠的二樓,開左新鋪叫燕萍清亭越南菜館.於是上星期五, 我就趁唔駛攪混戰, 叫我太座由新鋪買, 我地指定四樣野食外賣返屋企食.咖哩牛腩飯香辣牛油雞翼蒜茸飽蒸粉卷味道依然係咁正, 聽太座講新鋪好似好多人, 由出地鐵站已經聽到有同路人話去呢度食野. 有冇咁誇張呀!********************************************電話：2832 2863銅鑼灣謝斐道482號信諾環球保險中心2字樓

燕萍越南餐廳三四鋪位內有另一間兄弟鋪, 兩間其實差唔多, 不過兩間鋪一定瘋狂搶客的, 唔駛奇怪.我本人就只去呢一間, 如果去另一間發覺唔太好食, 唔關我事.我同我太座個零月就去一次, 次次都係食以下既野.特別介紹咖喱牛/羊腩飯蒜茸飽蒸粉包(香辣)/牛油雞翼我就覺得冇得頂了. 仲會再去添.***************************************************地址: 銅鑼灣景隆街24號地下電話: 2832-9038

Came here for food with a few friends last night. We got there at 10:30pm and the place was still fully packed! Seating was fast, however, and food came pretty fast too. We ordered mostly appetizers, including chicken wings, rolls, prawn cakes etc.Food was ok, though if you're trying to stay healthy this might not be the place you want to go as their food has quite a bit of fat (apparent fat).

平時幫親開燕萍, 因為感覺上食物水準同環境比清亭的好. 新鋪二合為一, 放棄我的最愛紅牛肉粒飯, 反樸歸真, 試一試扎肉河粉:1. 湯底過於清淡無味2. 份量夠, 價錢合理3. 新鋪已經成個美食廣場今, 依然大排長龍, 因此落單上菜時間較長整體OK

燕萍同清亭合拼左後第二次黎食, 今次早左七點幾都幾多人. 依家地方寬闊左好多, 但今次食物質數就令我有d失望. 叫左生牛肉粉, 豬肉串燒, 蔗蝦同牛油雞翼. 除左牛肉粉比較好之外, 其他都嘛嘛地.生牛肉粉: 牛肉幾滑, 細碗其實都幾大碗豬肉串燒: 我上次黎都可以雙拼, 依家唔俾就揀左豬肉. 但d豬肉就比較乾同都食唔出豬肉味. 上次夜d黎整得好d, 起碼有肉汁同較香.蔗蝦: 都好大枝, 食蝦肉都飽飽地, 但d蝦肉就唔係幾香同d蔗好乾. 俾我揀下次會揀番炸蝦餅, 好食好多.牛油雞翼: d大細真係好飄忽. 有時好大隻, 但今次就好細隻同冇咁香, 水準真係要keep得好d.

燕萍搬左上樓. 同老朋友聚舊. 所以吳mind 行多步. 生熟牛肉湯河ok 啦. 其實幫趁左燕萍4, 5年. 第一次有受騙感覺. 叫左6件蒜蓉牛油雞翼. 雞翼到左時先發現, 6件雞翼變左3件雞翼+ 3件雞翼槌!? 問經理發生o羊事? o巨話bababa 合併之後, 所有牛油雞翼都系變左3件雞翼+ 3件雞翼槌. 太可惡!!! 如果真系gum, 點解收埋d雞翼槌系底驚死比人見到? aei.... 多年老顧客受騙.....失望... 下次0黎呢頭想食越南0野, 應該吳會再0黎

上星期, 跟友人二人同行去了這家好幾位朋友跟我推薦過的越南菜館, 而其中一名朋友更說這裡的牛油雞翼是絕對要ORDER不可!是夜ORDER:- 雞絲金邊粉- 去到那家越南菜館我都是點這個作為主食的! 這裡的也很好吃! 非常穩陣的一道! 牛油雞翼- 朋友推介的一道, 可能我期望太高, 雖然不至失望, 但總覺得不是特別出色, 我覺得可能paperrice會比較好少少... 不過也是好吃的! 一下桌已經蒜香四溢! 我個人很喜歡吃蒜味的東西所以也很喜歡, 但完全不覺有牛油味啊... 可能全被蒜蓉的味道遮蓋了... 而且這絕對是一道又油又熱氣的菜色, 如果自問不喜歡這方面的菜的話, 還是不要點了, 無謂吃完又要彈啦! 炒金邊粉- 友人點的, 他分了少許給我, 很夠味! 而且用料也算多, 不過我還是喜歡放湯的金邊粉多些最後一碟是友人突然說想試所以點的, 名字我不知道, 總之是蝦片上有肉末炸蒜頭和蔥, 最好食的, 是蝦片..... 整體來說我覺得不好吃! 絕對不要order... 店員說會搬, 此post出街時應該已經搬了!

好耐無食越南0野, 今日同朋友dinnertime 經過呢頭就0黎試0下, order 0左個(大)生熟牛肉湯河, 沙爹豬頸肉飯, 蒜蓉包同一客4 隻蒜蓉牛油雞翼.生熟牛肉湯河d 湯底有少少令人失望, 清係幾清, 但明顯係廣東口味啦, 好似0係屋企煮通心粉0個d 湯咁-_-生牛肉好滑好香, 熟牛肉就係薄片清湯腩, 不過味幾鮮, 唔錯.蒜蓉包賣相好靚, 聞落蒜蓉味好香, 雖然食落唔算好strong 不過好好味, 而且食落仲有幾強烈0既牛油香, 唔錯!蒜蓉牛油雞翼... as expected 好油, 蒜蓉味完全蓋過牛油味, 炸得一般脆, 而且肉有d 0鞋, 整體味道ok 不過有少少失望.朋友個沙爹豬頸肉飯好多料, d 豬頸肉食極都仲有XD 我無試到, 朋友就話一般.環境up dup, 不過算幾乾淨; service 亦唔係茶餐廳quality, ok 啦.下次0黎呢頭想食越南0野, 應該會再0黎... 不過佢5 月好似會搬去謝斐道, 仲同隔0黎0個間合併(?), 希望到時水準依舊/提高啦.

先排去維園行年宵, 順路行去呢頭食飯. 原先想去清亭試下d野食, 不過同行有人入錯咗呢間...當時唔洗排隊就直入咗去, 但入面滿曬人, 迫住坐係廁所出面間房仔...好迫好窄..仲好污糟咁...侍應阿姑又粗聲粗氣,方死唔憂做咁款. 算la,照叫野食. 叫咗個"牛肉卷?"@$??, "燕萍湯檬?"@$3x, "生牛肉湯河(大)"$32 同一個"唔知乜荷葉飯"@$?? (今次d名同價錢唔多記得..)最先黎係個牛肉卷(共3條), 入面有青瓜, 生菜, 好薄好薄ge牛肉片(似牛展?) with 酸甜汁. 基本上成舊野感覺清新, 因為除咗青瓜同生菜之外, 真係食唔到牛肉味..(格硬拎塊野出黎食真d 塊"牛"都係冇乜味..). 而d酸汁最強之處莫過於..都係冇乜味...!!再黎係湯檬, 上面有蝦3隻, 紮肉幾片, 豬紅3舊..(好似差唔多la). 但料都唔係重點, 湯河最重要係湯, 但個湯根本只係得好淡ge菜寶味..清湯河? 豬紅完全冇味. 不過蝦都算爽口, 紮肉就一般la. 呢碗野成30蚊..殺咗我把la..到咗最大期望ge生牛肉湯河. 洋蔥唔係多, 牛肉份量ok, 但芫茜得兩粒..冇青檬..冇香

豬頸肉撈檬，檬蠻幼，幾好味，無乜特別。蒸粉卷，有四件，凍左無咁好味，餡太少，唔夠喉。午油雞翼，有四隻，全翼，好大隻！炸既，唔覺得好好味，食左兩件，好滯~牛柳粒炒飯，送和飯是分開的，幾好味。腐乳炒通菜，幾好味but越食越辣。三個人每人$6x，唔難食但又唔係特別好食囉，cwb咁多食肆，應該無機會黎第二次。迫得黎都坐得舒服既，but 旁邊四個gay男人....

雖然我認同牛油雞翼除左大件都冇特別，而且仲幾油膩，但係呢度的服務真係很一流！個個都好樂意serve你，仲會行過都問你滿唔滿意。我覺得好食的餐館唔會缺乏，但係咁好的服務都幾難搵到。

一個人晚食飯,想食清清地點了烤牛肉撈檬烤牛肉ok,香口得來不乾檬粉正常好敗筆是那瓶伴撈檬/春卷的調味汁勁甜!!!一般那調味汁有魚露,辣椒,胡蘿蔔,糖做成有些店舖會加少少醋或檸汁所以會食到鹹/辣/酸的味道無理由係勁甜!!雖然俾喊臉,但想試出名的牛油雞翼暫時不會black list佢

3個人食叫左炒飯, 撈檬, 炒通菜, 小食拼盤, 咸柑桔雪碧當然有雞亦啦所有野都ok ge.. 不過主打牛油雞翼都普普通通啦件頭就有啦但冇牛油味超多蒜蓉.. 唔係我杯茶其他野都不過不失我覺得最好ge 係咸柑桔雪碧, 好夠味

上素春卷和魚檬粉都很清，不過像清亭好吃一點。