爭鮮外帶壽司 (利基大廈)

營業中

休息中

每次去買都要人用其他方式支付，每次用Ailpay都扣唔到錢，都唔知係你地部機唔得定係收銀唔得，一次兩次就算啦，次次都係甘，第二間又可以用到，用唔到早講啊嘛，每次打開掃完又話唔的😢😢每次都問可唔可以八達通或者現金，如果唔係驚阻左後面d人，我都想睇下究竟係乜唔得扣唔到錢😰😰部機有問題就早d整，唔係就培訓你地d員工，都唔知佢地點㩒😰😰*已經唔係一次兩次，今次真係惱🤬🤬

早排大風大雨，阿仔話要食壽司外賣，但元氣要等一小時，膽粗粗試下爭鮮，之前重未食過。雜錦壽司有十款壽司，多選擇，個人覺得飯略嫌多了點醋，酸左少少，但整體味道不錯，特別是飛魚子壽司，用料多。加洲卷味道不過不失，如果多加沙律醬會更好。三文魚壽司尚算新鮮，不錯。饅魚壽司有點驚喜，醬汁和饅魚恰度好處，味道不錯。

早幾日之前喺度買咗個外賣刺身一早訂定提早咗去拎點知佢話要等幾個字幾個字之後返去見到佢就咁成袋嘢擺喺度都冇喺雪櫃拎出嚟有少少失望正常刺身味道爭鮮嚟講算係係咁嘅質素食完唔會話特別新鮮亦都唔會特別新鮮第二朝起身有少少想嘔嘅感覺

我一向都係喺呢間到買壽司食，向來都好好冇事，點知近呢幾個月佢嘅玉子魚籽脆卷差到不得了！！！根本唔係人食，今日買完仲衰，真係好難唔嬲，一年比一年愈過份，以後寧願去遠啲買第二間好過！

諗唔到食咩嘅時候，又唔想食太貴，通常都會揀爭鮮。每次都係三文魚，太平價嘅關係，其實都唔可以有咩要求。肉質普通，無咩三文魚味。今次試左新嘢，燒三文魚。無預期中嘅炙燒香味。可能唔係即燒，下次未必再嗌

平平地又想外賣壽司返屋企食，除左爭鮮我都諗唔到其他。今次叫左全三文魚宴有啲人話爭鮮用淡水紅鱒魚扮三文魚，食左會生蟲，不過我唔係日日食，所以一於少理~三文魚鬆小卷唔係我杯茶，下次我會揀返蟹柳/玉子蛋小卷，三文魚壽司就一如以往咁好食，而且分理分明，好味

今日在淘大附近做野，小休時經過爭鮮，便買了一盒三文魚刺身和三文魚杯盛。一盒三文魚刺身有9片，切割均勻，唔會一片大塊，一片細塊，三文魚很新鮮，但欠缺魚鮮味，魚的脂肪遍佈均勻，但也沒有魚脂的香味。見到有新品上架，賣相確實有些少吸引，所以我才會買來試試。4片三文魚卷成花，上面放了三粒魚子。第一層甜蛋，甜甜地有少少蛋香味。第二層壽司飯，有少少醋味，飯有少少硬。第三層是蠶豆粒，都有7-8粒。最底層係蟹籽飯，蟹籽飯都有少少醋味，啲飯亦有少少硬，蟹籽有少少腥味。整個三文魚杯盛除了最上層三文魚刺身，其他我就並不欣賞。下次都係唔好亂甘試新品。