爭鮮外帶壽司

營業中

休息中

平時想買壽司外賣都會買爭鮮。選擇多，有壽司、刺身、壽司丼飯、卷物等。通常會買6件花之戀，$54/盒，每件$9，抵食過堂食。仲有款花見花開特盛都唔錯，有2件甜蝦，2件魚籽，2件帶子，味錯都唔錯，可以一試。

如果講全香港最平嘅壽司，依間認第二都冇人敢認第一，每次經過見到個價錢都一定去執幾款壽司嚟食，一細盒$30就已經夠食一餐，雖然口味只係普通，但整體嚟講都算乾淨同屬於似樣嘅壽司

因疫情禁堂食，而爭鮮壽司價格一向親民，因此買外賣的人特別多。今次想推介這呢兩款特盛，已經唔係第一次食，每次食都能保持質素，水準穩定，大大件刺身壽司，好此物者可以考慮試試。高級海鮮特盛 - 三文魚、帶子、赤貝、北寄貝、刺身蝦，各款壽司兩件，10件$48，各款都很鮮味，特別推薦北寄貝。北海道帶子特盛 - 5件帶子壽司，$42， 帶子大大隻，又夠厚身，仲有少少鮮甜。壽司飯雪得有一丁點硬，亦有少少鬆散，但刺身質素以這個價錢來說，算係超值。

今日晏晝唔係好肚餓，於是去咗爭先鮮買啲外帶壽司。買左10件先30蚊，依家要30蚊食個午餐都難！當然…佢啲壽司你唔會有好高要求，但3蚊一件都算係咁，有咁多選擇！不過今日一揀既時候，發現比之前細舊左，都幾明顯，變相加左價！不過都係果句，3蚊算係咁啦！芝士蟹子係我必要嘅壽司，我覺得口感好好，仲有好濃嘅芝士味！其他其實都係唔係好差嘅，因為有唔同嘅醬料係上面，所以食落去又未去到唔好食。反而啲飯就真係好散，點完豉油啲飯已經跌晒落個碟度。

工作地區附近本來有一間爭鮮，但關閉之後都沒有另覓一間舖位重開，結果那就只有taste或是元氣可以吃到壽司😨。跟住有日忍唔住，在住所附近買了一盒爭鮮，然後第二日帶回公司當作午餐吃🕺🏽。一個細的雜錦丼飯，只有三文魚以及油甘魚碎粒，配以少許蟹子、蛋絲、中華沙律，可能雪得比較久，因此飯顯得比較硬身，而且比較乾，需要加點豉油及芥辣才能夠令它軟化。三文魚以及油甘魚都只是碎碎的細粒，因此沒有吃到什麼特別味道。🤦🏾‍♀️其他散件就有芥辣八爪魚，這應該是爭鮮最得意之作。雖然紫菜可能放得太耐軟化，但較細團的壽司飯不會雪得過硬，芥辣八爪魚味道又足夠，味道顯得較濃香。另外買了一個蒜味螺肉回家加餸，螺肉有些很大粒，有些如碎屑一般，味道充足，亦都不算太過誇張，因為有時太多汁，吃完又會磨牙。之前感覺爭鮮比起魚尙好像質素較佳，但相隔了這麼久再吃爭鮮，味道相當普通，不見得特別出色。就連午餐吃一頓爭鮮都已經是世界難事，像是小確幸，真難過。

今日下午茶時間，行行下肚仔餓，見到前面有爭鮮，怎麼可以放過呢？今次買了鰻魚細卷，$14，這個做下午茶其實一流，一盒十二件，一個人食也能飽肚，而且$14實在是太親民了！每件細卷大約5cm左右，一口細卷，入面只有一片小鰻魚，鰻魚是沒有任何鰻魚汁的，所以味道普通，鰻魚片似是就咁弄熟了，沒有煎過，$14就不要想蒲燒啦有點美中不足，就是鰻魚中是有骨的，食用時要小心，骨不算大骨，只是1，2條細骨，還可以吧！食到飽了，口渴可以買埋爭鮮飲品，好像只是$8。

一向都覺得爭鮮魚生飯係窮人恩物！三十幾蚊就可以食到魚生飯好抵！種種配料都好好食！三文魚份量又多！最鐘意係紅色個種配料！甜甜地好特別！螺肉同中華沙律好食！仲有八蚊包栗子！入面勁多栗子！好食！

今日路過廣福道，諗住買飯番屋企一路煲劇一路食，一早就想試下爭鮮既丼飯，果楊好吸引，但係之前未有機會，今日終於有機會啦，簡左一份30蚊既京都丼飯。有三四舊薄薄的鰻魚，兩個貝利帆，仲有三個配菜。貝利帆ok，，但好似唔係特別新鮮，調味後就有d食唔出到底係咪新鮮；鰻魚既好味，不過很薄，唔多餸，配菜都唔少，撈飯幾岩，但下面飯真係太多了，一個正常女生係冇可能食得曬既，我食完d餸仲淨低一半飯，我估男仔可能要豉油撈飯了，記得叫店員比多包豉油。

今日我去既果間爭鮮外帶壽司係廣福道上，火車轉巴士路過兩間壽司店，一件係大埔墟站對面既魚尚，一間就係尼一件爭鮮，岩岩係魚尚買了一盒牛肉肉絲，不是很滿足，於是路過爭鮮既時候又入去行下，質素明顯同我岩岩睇完既魚尚壽司唔一樣，同埋尼一間爭鮮細盒壽司丼飯種類比大埔中心果間多，仲有很多種小菜，下次我要拋棄大埔中心果間喇，因為尼一間多好多選擇。因為我已經買左壽司，所以就諗住簡一盒小菜，於是簡左熱量唔高既青口，12蚊，有12隻，即係1蚊1隻。保質期得一日，今日一定食洗，雖然有小小多，但係返去一試，即刻食洗，青口本身淋上甜辣醬，所以買單姨姨冇比豉油，青口幾新鮮（其實我都唔識分，但係味道唔錯且冇任何怪味）估唔到青口同甜酸醬好夾，唔錯唔錯！下次一定會再買，對於嫌煮海鮮太麻煩既我黎講真係好正。唯一唔好就係我拎返去既時候可能係咁晃，返去發現青口入邊d汁漏出黎下次我要再去，好鍾意尼一間爭鮮，特別係對比魚尚之後

今日六點幾去到爭鮮外帶壽司，好耐無食壽司突然間很想食，三蚊一件都幾抵食架，出面日本料理兩件壽司分分鐘15蚊，尼度兩件6蚊，價錢唔錯簡左7件21蚊，都係唔錯既，雖然紫菜好淋，但壽司飯上既餸夠味，可以忽略紫菜😄我簡既7件基本都係乜乜沙律，一睇就知高熱量，應該係50幾kcal一件，味道唔錯，辣裙帶壽司都唔係好辣，岩岩好，但係個人就覺得芝士蟹子壽司芥末味太重下次再去吃！見到有果d一盒盒賣既壽司都唔錯，但因為我係自己一個食太多，所以未買，下次肚餓時諗住買三文魚既飯盒，38蚊，睇樣唔錯，日本餐廳食分分鐘60蚊，好像快d試下分析下有d咩區別PS：如果有8點之後discount就好啦！！🙈🙈🙈🙈可惜無⋯⋯⋯

行經大埔，係廣福人頭湧湧，原來外帶店週年慶優惠每件壽司2元！唔怪得咁多人啦。買有10件三文魚同10其他壽司，都係$40蚊，係香港已經少之有少三文魚好新鮮，食完都仲有陣魚香味，要提既係鰻魚壽司塊鰻魚好細，同鰻魚無想象中好味，但個人係理解$2蚊，想點既道理，所以無怪責之意。

這天經過爭鮮,很想食壽司,便挑了幾件作晚餐首先挑了筋子帶子壽司(6件/$45)再額外挑了火焰三文魚腩,吞拿魚,和玻璃蝦壽司.(@$3)我先食了帶子壽司,味道不過不失,沒有特別的鮮甜,但也沒有那不新鮮的味道,算是不錯食而筋子壽司,則比平時的三文魚籽更鹹,而且沒有那麼柆柆分明之後有驚喜的是吞拿魚,$3一件的貨色,但也貌似魚腩部份,肥脂分配均匀,整體看來花白花白的,好吸引!而一咬下去,魚生雖然有筋,但也不失魚油香,覺得好扺食!之後的是普普通通,玻璃蝦是平日水準,但也推介(因好少見)枝豆($20)是我的大愛,我一下子就吃光了,真是好吃,我有一些是吃涷,一些吃熱的,都是很滋味!

今日經過見到就想試下同堂食店有咩分別，可能因為舖頭系外圍，要同其他客人逼，太細都買左8件左右:三文魚完全唔得 好腥 而且比平時硬，煙熏三文魚難食到想吐番出黎！生蝦還可以玉子好淡我覺得堂食都系貴$2一碟左右 但系水準真系相差好多！以後都唔會食：（

呢間爭鮮果然無荃灣果間咁迫人,所以買左不少壽司同家人分享呢!今次真係掃左唔少呢!! total: $111~ 腐皮壽司 $18/8件本身腐皮甜甜的,唔駛加任何醬料也很滋味是次買下不少散裝壽司玉子x2芝士龍蝦沙律三文魚沙律煙燻三文魚x2代鮑魚x3芥辣蟹子花枝片 - 食落去唔知點解有陣怪味 .....花卷什錦餐盒:::芥辣八爪魚x2櫻花尤魚x2太卷x2粟米沙律x2蟹子x2大部份壽司的口感很不錯,飯粒唔會鬆散~壽司用料頗新鮮的!值得一試!有好多學生年紀的職員工作..但佢地的工作態度不太好...收銀次序有d亂....

唔知係咪上面有堂食部關係....呢到外賣部明顯無咁多人亦都無荃灣葵芳兩間咁人頭洶湧....插針都插唔入...再平都唔想買喇所以間野無改錯名...叫"爭鮮"......"先爭".....才有得買...哈開左差唔多半年...一個月都幫襯兩三次...雖然係3蚊件...但我好小買散件除非有希0魚(唔會太酸)...櫻花蝦(夠甜夠脆)....海膽蝦(唔梅)如果唔係一般我都會買一盒三文魚壽c同埋腐皮盒(但呢個買晒就無)點解要賣一大盒三文魚都唔買散件...因為你會見到一盒個啲係肥美啲而散件係比較瘦....仲無咩白紋....一盒十件都係$30...同買散件價錢一樣點解唔買盒肥美啲既呢?? (散件岩晒食兩三件既人...我同老公咁大食...一盒就差唔多)仲有呢個腐皮盒都係我既推介...個名叫"花漾餐盒"....只係$20....需然好多人都唔食腐皮但呢6舊野比起平時壽c會偏大件同厚身啲.....上面好足料我見過都係粟米...8爪魚仔...中華沙律....魚乾仔呢4款料...隨機配3款...所以唔會盒盒一樣岩晒啲唔食生野既人...8爪魚仔同中華沙律好多人鐘意買黎做前菜食所以又想食前菜...又想食壽c...呢盒