爭鮮外帶壽司 (頌安商場)

營業中

休息中

【馬鞍山•爭鮮外帶壽司 】————————————————————————lunch開心吓食sushi最鍾意食花之戀 唔知大家鍾意食咩呢其實價錢合理 簡簡單單食一餐 最後食到勁飽 啱啱好4個人食哂。服務質素：😊😊😊😊😊食物味道：👅👅👅👅👅性價比：💰💰💰💰消費 HKD321。✨✨✨✨✨✨✨✨✨✨✨✨✨#nkiki日本菜 #nkiki馬鞍山 🏠 爭鮮外帶壽司 📮 馬鞍山西沙路632號頌安邨頌安商場地下17A號舖

臨近九點肚仔餓附近有爭鮮 一去到其實有好多選擇唯獨我最喜愛嘅挪威三文魚餐盒剩返最後一盒而且嗰盒個賣相好似放左好耐好霉咁🥲個職員見我猶豫緊買唔買就同我講 可以整一盒新嘅比我🧡等左五分鐘 即刻有盒新鮮嘅三文魚餐盒驚唔夠飽嘅我 仲另外加咗加州卷———挪威三文魚餐盒 $30加州卷 $26———

想平平哋食壽司，又想拎返屋企食，爭鮮三蚊一件幫到你，絕對係窮人恩物，便宜之選， 有好多款選擇， 不過佢嘅飯就真係有啲硬，但係3蚊嘅質素嚟講真係算係咁啦， 當然佢有堂食啦，堂食就會比佢新鮮少少啦

平時去開嘅爭鮮外賣都好少有得自選..上次喺呢度無意中發現佢有一個即叫即做嘅Menu雖然款式唔多但係係平時佢出邊雪櫃show冇既款..所以今次就決定去試吓。可以響呢個Menu上自己寫要幾多件跟住廚房就會即刻幫你做...見到佢海膽都係$20一件仲有三文魚籽三文魚腩等等..同平時佢出邊一盒盒嗰啲完全唔同特別推介呢兩款呢個叫做焦糖三文魚腩壽司..三文魚腩上面有燒溶咗嘅焦糖...食落去做到入口即溶嘅感覺有驚喜另外推介海膽軍艦$20一件真係好抵仲要佢好鮮甜...性價比好高呢個價錢食到呢種海膽..唔講真係以為響出邊壽司舖既野但係好似暫時只係見到呢一間有呢一個服務..希望佢其他爭鮮外送都會增添呢一種啦..

午餐時間，去到「爭鮮」買一個 蒲燒鯖魚丼 返屋企食。我雖然一介女流，但個人比較胃口大，分分鐘大食過地盤工人，就咁食壽司都唔知要買幾多件先至夠飽，咁就索性買一盒飯返屋企食仲好過。而且其實爭鮮嘅丼飯都幾多元化，有刺身的又有熟嘅海鮮食。蒲燒鯖魚丼 $34， 大大碗丼飯，睇上去好吸引 , 除了鯖魚外仲有中華海草，鯖魚應該是魚腩位，肉質軟嫩又冇骨，味道肥美，仲有白飯其實都好好食，煙煙韌韌又有飯香，配合味道甜甜香香的蒲燒汁，食得飽肚又開心 。