爭鮮迴轉壽司

營業中

休息中

去爭鮮食壽司真係幾好玩，尤其係鐘意壽司嘅朋友。呢度用旋轉壽司方式，方便你隨時攞自己鍾意嘅嘢食。壽司質素壽司整體質素唔錯，飯嘅口感啱啱好，魚生都幾新鮮。選擇好多，由傳統嘅三文魚同吞拿魚，到啲創新壽司卷都有。環境同服務環境乾淨企理，坐喺旋轉台旁邊，睇到啲菜好方便。服務員都幾好人，反應快，能夠即時應付客人要求。價錢價錢合理，適合同朋友一齊去或者快快脆食餐。碟嘅顏色代表唔同價錢，令到消費者好容易知道消費金額。總括嚟講，爭鮮係一個值得試嘅地方，尤其係對於嗰啲想食多啲唔同類型壽司嘅人。

今日旺角中心地牢食午飯，旺角中心都有好幾間餐廳選擇，今日自己一個人，揀咗去爭鮮食壽司。而家爭鮮有三個唔同價錢選擇，有$8 ， $12 ， $16。.🍚海膽壽司海膽有一大塊，唔臭，唔算難食，不過絕對講唔上鮮甜。. 🍚魷魚仔魷魚仔有四到五隻，上邊配左泰式辣汁，非常惹味，呢一碟可以食。.🍚芝士飛魚子壽司一向非常鍾意食呢個芝士飛魚子壽司，不過今次就失左手，佢哋撈得非常之甜，成件事唔同晒。.🍚芝士蟹棒壽司計時經過火燒之後更加香口，巨型蟹棒一疏疏，啖啖肉，好食。.🍚蟹膏蟹肉壽司呢款壽司之前冇見過，食落都幾好食，蟹膏味道都算濃郁。.總括然而，作為平價迴轉壽司，一分錢一分貨，可以接受嘅。

電話需要維修，正正碰上客戶日，不用付檢查費，卻要等上數個小時，趁等候的空檔到隔鄰商場找吃的，見平日大排長龍的迴轉壽司可以直入，一個人就不用多想，就吃壽司吧。店內清晰指示各種不同顏色碟代表什麼價錢，如何處理保鮮蓋...等資訊，茶水調料自助，酸薑也是自助從迴轉帶上取用，然後放回。各式壽司、飲料、甜點不斷從眼前出現，花多眼亂，終於挑了至愛的大赤貝。赤貝鮮甜爽脆，美味！下面這個魚也很不錯的。吞拿魚蓉紫菜包有特色，口感味道也對口味，不錯。枝豆是正常水平的說。至於鴛鴦腐皮壽司是可以的，沒有驚喜也沒有失望。整體來說，價錢平，質素可以，有些更有驚喜，可以讓客人數十元就吃到鮑魚、海膽等食材，實在是不錯，唯一遺憾是當天海膽賣完，吃不上啊......

實在係排唔到壽司郎，唯有退而求其次，食爭鮮嘅迴轉壽司啦，好彩人又唔算好多，好快就有得食。呢一款帶子上面有啲蒜蓉，味道都唔差。呢個就得一件，係帶子刺身，帶子都算甜。呢個芒果布丁偏硬身，下面有啲椰果，味道又唔錯喎！呢款螺片，都唔算差，係正常味道。呢款係有燒過嘅蝦，正正常常。三文魚都okay，比較薄，唔係好有油香。呢個泡芙幾好食，入面嘅cream幾香。呢個係燒八爪魚，味道正常。呢個就係魷魚壽司，味道比較腥。呢款朱古力慕絲蛋糕，好甜，下面個朱古力脆皮唔多搭。

大概夜晚七點左右到咗排曬長龍 仲俾一個撲街插隊🤬侍應似乎得兩個 理解人手唔夠好忙 但係速度有待提高 因為我一個大肚婆等佢哋執台都等咗好耐😓用餐時間比其他分店少10分鐘 得30分鐘 菜品又少上菜又慢 所以全程都食得好急 好似要同人爭食咁🙄點解話無下次呢 係因為我平時食開筲箕灣果間 今日突然有事過黎呢邊順便幫襯下其他分店首先食材新鮮度對比起黎就非常明顯 猴擒食咗五六碟個胃就已經開始唔舒服🤢其次啲碟同豉油樽都係癡淋淋 個位又大風又凍 啲壽司分類亂七八糟 完全唔敢睇電話 驚佢哋唔知擺去邊就錯過咗🤦🏻‍♂️可樂係常溫（常溫可樂真係好難飲）因為唔可以食生嘢 所以全部都係食熟嘅 我比較鍾意食七味三文魚 但係呢度整得就係半生不熟 筲箕灣果間完全熟曬真係唔知吞落去頂係唔好繼續食 真心影響胃口🤢下次都係去返筲箕灣食 位夠闊 燈夠光 重點食得無咁累

長假期的第一日，今日亦是中秋佳節🌕，就出去旺角行下街買下野💍👜👗👒，行到肚餓都要搵下食既，見到專營平價壽司🍣的爭鮮迴轉壽司，呢間係堂食店，一於走入去思一思鄉先店員帶路下進入，呢度環境幾好呀，又唔會太迫，空間感足夠都是一般迴轉壽司一樣，自行在運輸帶上拎自己喜愛的壽司🍣，不過個人感覺不是太多款式🤔好似轉黎轉去都係果幾款咁😂呢度綠茶係用茶包的，所有野都一應俱全放曬係檯面佢我總共食左7碟野🙈oh no應該食少碟/食多碟，太大意🙈。我食左三文魚🍣、刺身蝦壽司、蒲燒鰻魚壽司、赤貝壽司、螺肉軍艦同埋蟹肉蟹膏軍艦，而當中我覺得蟹肉蟹膏軍艦係最出色既我仲食左2碟添😂😂不過每碟都係$8，又唔可以要求太多既😊每檯限食40分鐘，我總共食左$62（有加一）

咁話說呢 今日呢就同男朋友去食爭鮮，然後呢一坐低嘅時候已經覺得環境唔係太好，正當我啱啱洗完筷子同杯嘅時候，突然間有隻六腳生物從我眼前走過，本來見到一隻都算啦，點知一家大細係齊度。真心好核突，冇咩事真係唔好去呢間食，搞到我即刻冇晒食欲🤢大佬依家都流感高峰期啦！開食肆既就應該要衛生啲⋯⋯唔係話你喺門口噴消毒藥水就ok，本身個食嘢環境都好重要，係曱甴丫XXXX你試下食食下野既時候有隻係你前面行黎行去你又有咩感受丫😃你D員工又唔郁唔通我黎幫你捉咩，搞笑丫？

同以前比較，食物質素下降，三文魚甜蝦不夠新鮮。食物種類不多，不停重複迴旋相同的食物。帶子裙邊最美味，encore三次蜆也好味，不過兩小時內只見過一次，也沒再出了，有點兒失望

昨天中午到了旺角逛街，走了三小時，雙腿都軟了，不知不覺走到這間爭鮮門前。不用排隊，直接入座。我一共取了6碟(三文魚刺身2碟丶玉子壽司1碟丶花之戀1碟丶帶子群邊1碟、甜蝦壽司1碟）三文魚和甜蝦都很鮮甜。我還嘆了兩杯熱茶才離開，滿足!最後結賬才53元！

每次嚟爭鮮食壽司都幾滿足嘅，我最鍾意三文魚同埋三文魚壽司啦，佢每一碟都係大約八元左右啦，噉我大概食7-8碟左右已經飽喇。埋單每次都係70元左右，噉其實性價比嚟講都幾高啊。

平時吃爭鮮大多都是外賣，這次特地和友人來試試迴轉！抱著喝茶打大佬的心情挑戰一下！在門外等了大約20分鐘，見到店外有牌寫著每人只限40分鐘吃飯～入到店內，等了一會，見到迴轉的款式大多都是同款的幾件幾件出來。每碟也是8蚊雞，所以不用太擔心荷包君的安全。三文魚刺身是3片的，味道也不錯。帆立貝壽司略微有點腥，不夠鮮甜。加洲卷不及外賣的好吃。魷魚還可以，入口感覺很腍。熟食也有不少選擇呢～最後不得不提這盒日式沖泡式味噌湯！在迴轉位有盒裝食物很突出！把材料倒到碗後就可以加入熱水沖泡混和～完成後就會有一碗熱騰騰的味噌湯，內裡有不少三文魚肉，味道正正常常。有興趣可以放膽DIY一下。整體來說，款式不夠多，味道普普，比較適合作為便宜下午茶小休一下～

昨晚原本諗住吃元氣的， 可是大排長龍等了又等， 終於等到越嚟越肚餓 ， 但係壽司引發作，一定要食壽司， 上網睇下邊度有爭鮮啦， 旺角中心樓下就已經有一間，立即跑過去。 大約等了十分鐘非常快的時間，已經可以入座。 入在起計大約一個鐘頭限時食飯時間， 以我咁肚餓嘅情況底下一個鐘頭乜都夠， 一次過鯨吞了十幾碟壽司， 爭鮮價錢非常抵， 食物質素中規中矩， 但昨晚食咗咁多碟都只是用咗$158。咁多碟壽司當中最令我印象深刻就是蠔壽司， 肥美新鮮的蠔非常好吃。 帶子壽司的帶子反而有點硬， 鰻魚壽司雖然好大件但咬口比較韌， 還有其他軍艦或壽司都是味道都唔差， 爭鮮真是平民恩物啊！

食迴轉壽司可以帶到比我掃街嘅幸福🥰當我自己一個諗唔到食咩通常都會去爭鮮迴轉頹食而且逐碟攞可以自己控制份量，係keep fit好好嘅選擇！⭕️蛋白質因為刺身未經烹調唔洗擔心餐廳會落太多調味料/油而吸收多咗熱量⭕️碳水壽司飯通常會雪凍咗先，令到飯入面嘅抗性澱粉質多咗。熱量攝取可以減低一點點，一件壽司飯我會預30-35kcal!-📌My go-to combo:1. 枝豆一碟有齊Fibre, Protein, Carbs!!2. 蛋白質1份溏心蛋、烚蜆、三文魚刺身、吞拿魚刺身、蝦肉刺身....3. 壽司5-7件 視乎我有幾肚餓😂📝Higher in calories- 有醬料/經烹調e.g.燒饅魚、粟米沙律、味付螺肉、肉鬆、炸物、玉子燒......- 高脂嘅海鮮/部位e.g 腩位、海膽、三文魚、油甘魚......- 炙燒通常會落沙律醬/本身油脂含量比較高📝Lower in calories- 低脂高蛋白嘅刺身- 未經烹調e.g. 帶子、帆立貝、北寄貝、蝦s、蟹、墨魚、魷魚-但其實我每次都會嗌海膽軍艦同燒鰻魚😋最緊要食得開心～make informed choices就好😚

其實每次想食壽司都會諗起爭鮮因為地點就腳又平平地旺角呢間其實真心一般將貨就價到以前都會係咁出帶子同油甘魚但呢將次去都係不斷三文魚🍣同其他一般的軍艦有點失望😞

話說我本身好鍾意食日本野,有時想平平地食下,好多時會叫多一兩個fd,去爭鮮坐下迴轉帶,大家望住條運輸帶,留心看準,捕獲獵物,唔洗講野,幾好～以前食得最多既係燒三文魚皮壽司,同埋佢既鯖魚,每次黎都各食3碟無走雞,但唔知係咪太耐無黎,感覺呢間爭鮮既質素好似無以前咁好食,三文魚皮薄左無咬口,同埋好似淡味左,無食完又想食既感覺,仲有,鯖魚供應既次數少左好多,坐左40分鐘,得一碟轉出黎,仲有想試既新刺身,要計2碟既值,會唔會唔合乎爭鮮一向既大眾化價錢呢?失望