爭鮮迴轉壽司 (粉嶺中心)

營業中

休息中

今日DAY OFF約埋朋友去食爭鮮迴轉壽司特登影左塊餐牌，等自己知道自己食左啲乜等左半個鐘先有位，一坐底緊係沖番杯茶先。上圖好似叫和風牛肉卷，牛肉完全唔韌偏腍身，卷物中間係生菜，多層次口感，配上沙律醬，好好味呀。下圖蒲燒靖魚，我每次都會食3碟，因為真係好好食，魚肉無骨味道唔會太咸，蒲燒醬汁加上墊底生菜絲，真係無得彈。魚生壽司都唔錯係新鮮嘅，熟食壽司亦都不過不失，不過係出碟慢！如果坐係迴轉帶後面，有排都見唔到啲靚壽司，因為俾前面嘅拎曬，所以如果坐得後，我會落單另外叫

20170411(星期三)--我與爭鮮算是識於微時，早在199x年到台灣自由行旅行時，台灣美食多不勝數，在台北街頭遊走，肚子永遠不會有空著的時候，記得有次想歇腳，又不想吃飽肚的食物，見到爭鮮迴轉壽司，一個人最好的選擇，有茶飲，愛吃多少就吃多少，當時第一次光顧，非常有新鮮感和驚訝價錢便宜得很，後來在多次旅行也有帶家人惠顧。爭鮮進駐香港，我對它並不陌生，而且還有點老朋友的感覺。初時在港鐵站的$4件壽司，也常惠顧，後來看到爭鮮也開設迴轉壽司，作為老朋友也一定要捧場。粉嶺分店開業也有一段時間，曾數次到此光顧，價錢便宜，但一分錢一分貨，味道只是貼近合格水平。是夜已接近10時多，吃譚仔又太飽，元氣又好像關了，想起了爭鮮，到達時已是十時十分，店員說十時三十分關門，我也趕快入座，因只剩下二十分鐘:自助開茶，茶是茶包形式壽司就在迴轉帶上，自行選擇有清晰指示，蓋子放在指定位置，不錯的安排海陸嚮宴，我只吃了海的芙蓉螺，沒有吃陸的香辣牛肉卷，也嚐了期間限定的帆立貝芙蓉螺--賣相不錯，螺肉不大，爽口，接近腸部份有點腥，可以不試。帆立貝--元貝大隻，不是水水的貨色，有鮮味，腍得來有嚼勁，味道不錯，推介。黃金墨魚壽

爭鮮迴轉壽司係台灣企業來港發展魚生壽司食店，有堂食有外賣，不經不覺你會發現很多地方都有他們分店，成功原因係一個字（平），$3件外賣$8碟堂食壽司都算平通街喇！款式仲好多添！最岩我啲唔煮飯又唔想下下去餐廳人士！今晚就一個人輕輕鬆鬆享受$8碟任食迴轉壽司粉嶺分店開幕到現在大概二年左右，一到晚上都要排半小時架我最喜愛左口魚壽司，好有油香，入口軟淋淋感覺好滑帆立貝壽司同海膽赤蝦壽司，唔錯！呢碟都係我必食三文魚沙律船同中華海草船赤貝壽司同粟米壽司黑色碟 $8 一件，黃色碟$8 二件，一個人食一餐迴轉壽司$100 都有找超抵食！

美食之神間中要抖抖去食下D明知麻麻但都好多人幫襯嘅食肆。平日夜晚唔洗點等位，約有8成位置有客。一入就係收銀處，侍應都即時招手安排入座。成條運輸帶有三個出貨區，下游嘅客人都食到好嘢，而且都出得密，甚少空檔。點解伏都要嚟??無他嘅，就算吃貨都要得閒食下D普通嘢，咁先更珍惜下餐嘅好味道。8蚊碟，伏咗都唔肉赤嘛

 有時候下午茶不想吃得輕盈一點，也許壽司是一個不錯的選擇，畢竟所費有限，又可以喝杯茶，慢慢挑選心水食物。爭鮮又不會在紅色假期加價，很欣賞這種均真的態度。跟囝囝兩個辦年貨，稍後又要食晚飯，來幾件壽司啱啱好。帶子壽司肉質軟熟，但size似乎偏細，而飯粒太結實，不過不失。火炙三文魚壽司經火槍炙過，油份經逼出後，香氣更盛，難怪是囝囝摯愛。甜蝦壽司每一件上邊有三隻，夠認真，蝦肉有點軟綿，但是蝦肉真的很淡。一邊吃一邊跟囝囝聊天，未嘗不是一件樂事。

老實講，兩個囝囝都係壽司店常客，差不多每個星期都要往連鎖迴轉店走一轉，雖然水準一般，但見到兩位小朋友食得開心，已經好足夠。其實自己多數是「陪太子讀書」，所吃的只是三幾碟，想不到吧 !三文魚剌身只得三片，但食材流量大，新鮮度是無須懷疑，蘸點一下醬油來提鮮啱啱好。味噌湯是店方新產品，只要注滿熱水再拌勻就可以食，而且加入了三文魚肉，有嚼口，望落值租少少，不過味道很大路。蟹柳壽司夠大條，加入沙律醬令味道不會太單調，總算肯花心思。八爪魚壽司一碟三件，原因是店方每天都有特價壽司，由兩件加至三件，吃起來有少許腥味，唯有夾少許生薑片食。每天晚上過七點後總會見到人龍，但很奇怪，之前很多日式食店都站不住腳，希望在連鎖集團下能支持多一段時間吧 !

魷魚壽司：魷魚滑身唔腥 黃金魷魚軍艦：魷魚彈牙！魚子卜卜脆！紫菜已淋！ 蒜味螺肉：螺肉比較硬！醬汁鹹香！微辣好味兩個人在午餐，40分鐘食飯時間，地方是乾淨舒適嘅，趕緊攞壽司，中午時間人多，迴轉帶上款式多，唔使叫店員幫手！款式多咗好多花款！今次特別揀啲未試過嘅！ 蟹籽沙律：青瓜絲太少，大量沙律醬蟹柳，蟹籽卜卜脆！蟹柳比較粉！無乜味！ 沙律蝦壽司：壽司熟蝦爽口，蝦肉唔腥！沙律醬甜！加蔥碎平衡味道！ 三文魚腩壽司：只有一件，三文魚厚身，有油脂肥美！ 赤貝壽司：只有一件，赤貝厚肉肥美，而且唔腥！但最好唔好落醬！好味！ 鰻魚壽司：鰻魚唔腥！我唔鍾意食鰻魚都ok! 三文魚刺身：嫩滑但唔夠肥美 大蝦：生食微腥，蝦腸未剔除，食到有沙！ 花蛤：細細隻唔腥無沙！唔錯！ 店員爽手，不過唔太醒目，朋友要多啲芥辣，知道要在迴轉帶上等，其實店員身上都有，朋友問佢攞，佢只話要在帶上攞，只比一包芥辣佢！其實帶上都係任攞，都唔知係公司規矩定係呢個店員嘅執著！不過佢嘅態度有禮！兩個人都只係$123，平靚正嘅選擇！

成日食外賣爭鮮，今次經過有門市入去食，咁就試下啦，就於全間都係迴轉壽司，雖然地方有少少迫夾，同隔離手㬹碰手㬹，但勝在平平地又食得飽，多㨂擇，仲有飲品可無供選擇，而必食文魚都唔錯，三文魚夠鮮甜，仲有沙律，好fresh同清新，我前後坐低用左30分鐘食左山咁高既食物，因為有限時，所以要留意時間啦！

粉嶺呢間分店係午市時段大多不用等位，想食下壽司就會黎呢度，八蚊一碟，雖然唔係話啲咩上等菜式，但味道，衛生等都收貨了。八爪魚軍艦，芥末魷魚軍艦，軍艦都幾新鮮做起噃，啲紫菜仲脆。腐皮船，認真抵食，大大舊又足料。三文魚壽司，一般啦。鯖魚，幾juicy，次次黎到會encore。花之戀，太多醬了。火灸三文魚，肥美好味。魚生飯，細細碗但有好多料，甜甜地嘅醬汁好味。海膽軍艦，唔算靚海膽，但至少新鮮。鰻魚壽司，無腥但唔多肥。北寄貝，鮮甜。吞拿魚？無乜味哈哈。甜品攞左紅豆卷，甜甜地個皮煙韌又幾好喎。芒果布甸，有幾粒果肉係入面，增加口感。而加減到限時四十分鐘，好彩呢間分店無人等位唔會趕客，食到超時都無事。

爭鮮迴轉出名每碟都係8蚊講真d壽司嘅質素唔算好差 啲魚生都比想像中大舊 又唔係好腥最令我眼前一亮嘅係個牛乳布甸好濃牛奶味 好滑 仲一d都唔漏 另外試左佢盒乳酸DHA飲品 好似益力多咁味 但酸d好飲d 絕對值得試下

又OT後搵食，時間好尷尬，出市區餐廳好多都收晒，留在粉嶺選擇又唔多，唸起呢度有間迴轉壽司，唔太肚餓剛好，去到門仲要排隊，好在好快有位，入到去坐低，自己招呼自己，沖好茶就即攞壽司，款式比之前其他分店多咗，又多了啲一件嘅款式（比較肥美嘅部分）我個位置會望到廚房入面，打仗咁準備食物，分別攞咗幾碟：帶子：帶子淋身唔腥！三文魚子軍艦：雖然有一半係青瓜，三文魚子卜卜脆！好味！不過紫菜已經淋咗！蟹子軍艦：好多蟹子，足料好味！不過紫菜已經淋咗！蠔：汁煮過，少許蠔豉嘅感覺，唔腥！本來想食多碟海膽，可惜一直都無出！見有客人問店員幫手攞。不過我無咁做，欣賞爭鮮在迴轉帶有個放透明蓋嘅架，不過好多客人都無用，仲係直接放在迴轉帶上！而透明蓋好多都好污糟，人手不足，雖然有禮！不過好多時都要舉牙段時間先有店員理！大家都想食平嘢，雖然限時，食物質素尚可，都要排隊！