爭鮮迴轉壽司 (恆生荃灣大廈)

營業中

休息中

今日嚟到一間隱世爭鮮分店，事關你需要行一條長長嘅樓梯，先會到達店內，感覺好似冒險一樣由於帶同小朋友，所以對Zaza而言，一間心水嘅壽司舖 必須要多啲熟嘅壽司俾小朋友選擇。 我小朋友就最鍾意食呢度嘅玉子壽司，兩塊厚厚的玉子，包裹住醋飯，好食又飽肚大人就可以試吓爭鮮嘅新款壽司，又食吓呢度嘅前菜最終一大一細，夾埋食咗好多壽司落肚，好飽好滿足咁離開

今天在荃灣逛街，經過爭先壽司店，想起太久沒有食壽司。雖然已經食了午餐，還有一點飽，但真是很想食壽司，於是入了店內再食多餐平時我可以食10碟以上，今次我只拿了四碟壽司，有芥辣八爪魚壽司、大海蝦壽司、赤貝壽司同焦糖玉子。原本想食多幾碟，但焦糖玉子大大嚿，食到好飽啊！粉紅色同黃色碟都係$8一碟，黑色碟就$12一碟，白色碟就$16一碟。而家有加一服務費，但我記得以前冇🤔

作為一個學生/窮鬼，呢種價錢嘅迴轉壽司對我哋來講相當吸引。最平嘅價錢$9或者10幾蚊都有一碟。品質來講呢個價錢唔好要求太高，整體肉質方面都算新鮮。個葡萄果醋唔好飲，除非你想胃酸倒流，因為真係有啲酸，不過飲開酸野/接受到醋味嘅朋友可以一試。

帶入座慢，冇嘢食，壽司選擇少，等多過食，仲要多次出現長長一段迴轉帶上冇食物。明白一分錢，一分貨，但同路德圍嗰間比，真係差好多好多。希望爭鮮管理層明白，對於一些家庭，特別喺小朋友，去你間壽司店食壽司，係假期節目之一。好多小朋友等咗整個星期，滿心歡喜去你舖頭，點知冇嘢好食........結賬時同經理講咗佢間舖做得好差，希望爭鮮d管理層留意吓。

今日自己一個人出咗嚟荃灣行街，突然之間好想食壽司，於是就唸起<爭鮮>啦， 原本仲諗會唔會好尷尬，但原來上到去好多人都係自己一個人嚟食，呢間既位置好方便係路德圍，如果係地鐵站經過南豐中心落返地面就到其實只係$8/碟，真係好抵食，當然唔會要求係d好高質素或者好特別既款式啦，通常只係一D大路款式既壽司，但係感覺都好新鮮，唔會將價就貨， 想平平哋要求唔係太高嘅，呢到都係一個唔錯嘅選擇

 超過80款盤盤精彩的壽司與小菜，透過迴轉台一一呈現在顧客眼前，實現顧客與美食零距離 ，迴轉壽司碟碟8元，價格親民。最好味嘅係青口，2件都係8蚊，同超市價錢相近，部分新開門市更有限時優惠，6蚊2件#好吃的壽司在爭鮮Sushi Lover must try 

之前睇左個YouTuber係台灣爭鮮食壽司🍣好好味！依家又去唔到旅行，咁唯有去香港間爭鮮頂住癮先啦！荃灣這間係地庫下面比較靜少少，疫情關係探完熱即時俾個杯同茶包你同你講用餐時間只有40分鐘😞！全場只開迴轉壽司位，長枱就冇開！其實爭鮮壽司大家都知咩質素，食左過下口癮就算！單件$8款又真係肉會多少少（長過舊飯）肉真係嫩d,不過不失啦！但另我火火地😡係30分鐘走黎問我仲有冇需要（雖然有禮貌）之後截我單寫碟數？你比個用餐時間已經少啦，仲要減我兩個字！如果到40分鐘我未走先係我錯，但依家唔係咁嘛！ 好似俾人剝削囉！

有時候想食平價壽司就會爭鮮荃灣呢間新裝修冇幾耐 店面設計開揚 座位都比較乾淨 期間限定極上之選 - 灸燒蟹膏赤蝦 蟹膏好香 蝦肉彈牙 成個感覺好鮮味 灸燒芝士三文魚 一塊Camembert cheese 🧀 係三文魚腩上面 芝士愛好者表示大愛！！！吞拿魚茸散壽司 - 吞拿魚調味太多 魚茸太散 三文魚壽司 三文魚夠大塊夠厚 正常水準 另外仲食左三文魚刺身 感覺都新鮮小柱沙律壽司 小柱即係帶子粒 驚喜地好鮮甜 配沙律醬甜甜地 好夾！玻璃蝦刺身 蝦肉爽口彈牙 最後仲有腐皮壽司 腐皮甜甜地 不過不失啦

依家己經無酸薑食。加上服務員居然叫客人自己拎綠茶包真係火都嚟！請問點解要收加一服務費？坐我對面男女要埋單個女店員懶到叫個客攞張單比佢計！不如我出埋你份糧好嗎？仲有我地都未夠鐘(半個鐘都冇)就趕我地走！周圍都冇乜人！哎，我唔會再幫襯！d新移民做野態度超差！！！

是甘的，今日收工嘅時候有啲肚餓， 但由於夜晚約咗朋友食飯， 所以呢我就去咗爭鮮食咗少少要打定個底先。一個人去食爭鮮真係好鬼正， 一個人一直碟都係9蚊起。 三文魚，芝士蛋糕，都係我最愛。 收單都係50數幾蚊。 正

中午又到他家吃壽司，便宜好吃，人不是好多，就挑個容易拿野吃～食物不用轉幾圈～凍了口感不好（同事吃慣了連座位也做了攻略），好像多了好多新品種還是最愛玻璃蝦刺身，服務員一弄好就給我們來四碟，夠凍口感非常好，又鮮～甜～又有嚼勁三文魚腩肥甘香，齒頰留香，但不能吃太多鰻魚壽司，我吃鰻魚，同事吃飯糰，不浪費又環保又節省荷包忘了叫啥名，服務員説好多人喜歡😍我就來一碟，口感非常好，推薦的不錯😊新品，賣相不錯，同事吃，我拍照，是日共消費了124，超值劃算！

本身好鍾意食壽司，但真係好少食爭鮮。。今日俾個frd叫咗過嚟食，因為佢話有新嘢。等咗一陣，終於發現目標－牛油果三文魚刺身飯。好可惜，牛油果好生，咬落去好硬。三文魚ok，但同牛油果融合唔到。如果個牛油果熟少少就好啦。。

今晚同我女朋友去荃灣行街，原先想食西餐，但睇落又唔算好抵食，所以最後都係放棄，行到荃灣恆生中心，見到有間爭鮮堂食店，據我記憶印象中，佢之前好似唔係咁既，應該是新開的，廢話少講啦，見到佢10周年紀念，食夠10碟減一碟，感覺抵食，2話不說入去，無需等位，個場都好大，好快就攞野食，其中三文魚質素幾好，$8碟，除左壽司之外 ，仲有刺身食，三文魚肥味，仲有個帶子壽司我都好想介紹，非常鮮甜，但$8只有1粒壽司，今次優惠好抵，真是值得推介。

平時去開食壽司，最麻煩就是每碟都唔同價錢，每碟都要自己計，又怕食貴左，所以迴轉壽司當中我會選擇爭鮮，因為超平，抵食，每碟都係8蚊，唔會分唔同價錢，每碟都一個價，基本唔洗睇，就可以選擇自己想食邊款壽司，十分方便，但就要收加1服務費我經開荃灣就去食，係地庫黎，所以要行樓梯落去，地方乾淨而且大，可以見到壽司師傅製作過程，每碟壽司都有膠盒蓋保護，食落放心三文魚壽司肥美鮮嫩而且有光澤蜆鮮甜而且冇沙蠔壽司沒有腥味肉質飽滿肥實

聽朋友講爭鮮香港9月有新搞作，所以同佢一齊去試下。除左食返每次必食既三文魚刺身同仿鮑片小菜外，仲點左油甘魚壽司、帶子壽司及期間限定的雙鮮貝之丼。.油甘魚壽司（$8)油甘魚紅色好吸晴，入口魚味重，肉質嫩滑，吾講吾知，原來油甘魚係日本有"出人頭地"意思，我都要出人頭地呀！帶子壽司（$16)而帶子係日本就有"順風滿帆"意思，想食個好意頭，食佢就最岩。爭鮮帶子壽司啲帶子真係好厚肉，入口新鮮，夠涷，有種冰陣感覺，超有口感，encore 左2碟，哈哈。.雙鮮貝之丼（$16)堂食先有架，上面鋪滿加拿大北寄貝同日本海灣貝，一次過食到2種貝類滋味先$16，超滿足！