爭鮮迴轉壽司

營業中

休息中

放工返到馬鞍山已經九點😭好多餐廳都已經預備收檔，都唔知食咩好。經過爭先門口見到仲有好多刺身飯同一盤盤壽司賣，我揀咗好耐最後揀咗三文魚帶子刺身飯，俾錢嗰時仲要有八折好抵。三文魚刺身數量都好多，好過就咁買一盤三文魚刺身食，而且仲係好新鮮，肉質唔差，但係飯就比較硬，都要淋好多豉油先會林少少。我覺得呢個刺身飯CP值都好高。

三點先去所以好多位雖然唔限時但係都食得好快！因為我哋唔係太肚餓而且選擇太少唔係太吸引到！呢度大致上都分為$00一碟， $12一碟，或者$16一碟！我哋一開始唔知仲亂拎咗幾碟🤣🤣之後諗諗吓冇理由海膽都係$00一疊，先留意到原來係$16一碟！質素不過不失，正常平嘢最後就買咗一盒外賣走但係真係唔抵！味道唔算太新鮮，份量唔多好似元氣仲性價比高啲添！堂食來講甜蝦質素不過不失！三文魚都係香口的其他都冇特別深刻覺得好味嘅嘢🤣🤣🤣只係求其入間唔使排隊，又可以坐下嘅舖頭

同小朋友一起去食日本野，最能令他們開心的，就是去食迴轉壽司啦。食物送到面前，只拿自己喜歡的，看見仔女滿足的表情，自己也開心起來。以經濟實惠為主，再加上近近地，我們都會選擇來《爭鮮》開心一下。要去的話，我一放工，就會去排定隊，準備我們的爭鮮賽。所謂的爭鮮賽，就是要鬥快在輸送帶上把自己想要的食品取下來。另一個爭鮮賽，也許，就是鬥食得多，大家比一比檯上的"碟山" 多高。先拿了一碟鰻魚壽司。雖然不算是厚肉的鰻魚，但肉質阿嫩，醬味也濃郁，魚肉大過壽司飯，大人小朋友看見都很開心。八爪魚仔是我最喜歡的小食之一。不過，我覺得這個八爪魚仔我醬落得太多了，味道太濃。花之卷，就是模仿某店名物的一種特色壽司。在《爭鮮》我不介意去吃他們的刺身類食品，因為我個人覺得，他們的海產絕對是新鮮衛生。單是吃上這一客花之卷，已經能吃得出三文魚鮮甜香滑的一面。甜蝦刺身壽司，是兩隻甜蝦加一小片三文魚而成的壽司。甜蝦香滑香甜，不點醬油也美味。太太最喜歡這一個卷蛋壽司。因為卷蛋的份量絕對是超多，又是一個配料大舊過壽司飯的出品。因為吃了甜蝦刺身壽司，大家都覺得甜蝦刺身超好食。所以我們再下一城，拿一整碟甜蝦來吃。果真，味道是鮮甜香滑，

今日有幸我的最愛嚟到馬鞍山，去咗呢度食壽司，因為唔係好熟路，我淨係見到呢間壽司店，所以就排隊食啦。呢間比較奇怪，完全行古老政策，唔會派籌叫號，直接叫你喺門口排隊，排到好長，大概要排一個鐘先可以入到去，真係誇張過壽司x ⋯好無奈⋯入到去食嘢，九成九壽司都係粉紅色碟，種類算多，不過黑色碟比較少選擇今次最驚喜係佢嘅海膽壽司，計兩隻碟，其實都係$16姐，今次嘅海膽超級鮮甜，冇諗過可以喺度食到咁新鮮嘅海膽！之前食嘅都係好苦好難食，今次好高質素，好震驚！

又係窮人恩物之一嘅爭鮮壽司店8蚊一碟有兩件 ,真係大件夾抵食，係香港壽司界中嘅平價之選， 不過唔好expect佢嘅質素非常高級， 算係可以入口嘅質素， 畢竟佢嘅價錢真係非常之平喺香港嚟講

臨近四月尾，好多Deadline一次過湧過嚟😭，決定逃離一下🏃🏻‍♀️，食完午餐再做過。見好耐冇食過壽司🍣，諗住可以去爭鮮快快地食過lunch。點知去到發現好多人😱。差唔多同也米媽👩🏻等咗一個鐘先可以入去🥲。試咗佢哋初春限定花見物語🌸三款壽司！-🍴春之三色刺身盛🌸($16) - 係一碟入面，有曬甜蝦、北寄貝同帶子刺身。咁嘅價錢可以食到三款刺身，而且唔會話唔新鮮，反而有啲鮮甜🤣。甜蝦有驚喜🤩，而帶子正常水平，北寄貝一般。-🍴松葉蟹三味🦀 ($16) - 有一隻蟹鉗，加一件充滿蟹肉嘅壽司。蟹鉗肉同壽司上面嘅蟹肉碎都食到蟹肉嘅鮮甜，好新鮮嘅味道😍，超滿足！原來壽司上面仲會有啲蟹膏，加強左蟹肉碎同壽司之間嘅關係💛。可能怕蟹肉會腥，喺壽司下面會有一塊紫蘇葉。-🍴鮮乳酪烤三文魚腩🐟($8) - 上面嘅醬有淡淡嘅乳酪味，而三文魚腩表層有烤過，所以一入口就食到三文魚魚油香味😆。不過由於魚油味好濃，加上芥末豉油嘅味道，當一齊食嘅時候，係食唔到乳酪味🤭。

性價比極高，八蚊一碟 ，唔係要求非常高質素嘅絕對可以去爭鮮醫肚， 而家酸薑就會服務員一碟碟派畀你，咁樣就會比較衛生， 壽司質素一如既往唔會太差又唔會話非常好啦，平平地都食得過嘅。

小朋友很喜歡來吃迴轉壽司啊！眼看一碟一碟不同的壽司在眼前來來回回的流轉, 自取喜歡的,食得特別開懷, 不知幾開心呢！全部$8一碟, 價錢實惠, 這更成了吃壽司不二之選的地方了. 這裡的選擇較多, 如一小黑碗的燒雞肉咖喱飯和三文魚燒汁飯, 份量如兩個壽司般, 小朋友很喜歡吃啊！來得多了, 爭鮮推介的新品當然要試啦！ 明太子炙帶子：明太子跟蟹膏混合成醬, 配以雪白軟腍的帶子, 以火炙帶出香燒味, 味道清淡而醬鮮, 很匹配呢！芝士炙三文魚： 微炙三文魚表面, 魚油輕泛, 配上一小角的芝士, 一口吃着三文魚的鮮, 混着芝士的奶綿, 很愜意啊！蟹膏炙赤蝦： 這蟹膏味比較濃, 帶出了蝦的鮮味, 真的是絕配呀！加上藍莓芝士蛋糕作甜品, 軟綿綿的, 更似在吃雪糕呀！用餐時間只有40分鐘, 真的要睇住時間去食.而家訂送外賣（滿$100）还有85折, 重抵食！

男朋友住馬鞍山，所以成日都黎呢度食野。自己屋企樓下都有，不過同馬鞍山分店比，呢度更勝一籌。首先因為呢間係新店，所有野都好新淨。呢度壽司既款色比起出面多，黑色碟同雙層碟成日都有尤其係呢隻大鰻魚，唔係好多地方有，暫時係見馬鞍山分店有咋。同埋隻燒三文魚，好多地方都無左。仲有爭鮮既朱古力蛋糕真係好好食（但馬鞍山分店有時個蛋糕會偏溶）但係喺度食野最開心既係，員工都好好，好nice，有一個男經理（估計係台灣人）好親切又好周到，未講之前佢都知道我地個位大風，佢主動話去較細個風比我地，然後見到佢對其他老人家都好好。呢間平時都唔會話好多人，所以如果想食平價壽司可以黎呢間食呀。

小孩今日好想食壽司🍣，結果去咗爭鮮迴轉壽司店，本來諗住差不多下午茶時間應該不用等，1：30去到門口已經見到長長人龍。呀⋯⋯門口排隊眼見店員非常不足，很多空位但沒有人收拾清潔🧽。終於到我兩母子入座，店員語氣甚差，呼叫小孩唔好隔位坐，我立即表示請你態度好啲！進食期間觀察到大部份店員都是不太有禮。服務質素極需要改善！巨型鰻魚壽司：鰻魚厚身大件，計雙碟價錢＄16，多些鰻魚汁更好。北寄貝壽司：味道鮮甜、算是大件。小孩至愛😍碗蒸蛋：新品推介，$8好抵食，熱辣辣雞蛋好滑，有一片日本魚蛋、元貝、菇菌等配料。

今日去爭鮮食迴轉壽司都幾抵食，因為每碟只8蚊， 其實之前都試過。知道佢地每兩個月左右就有新promotion， 大概會有三至五款新壽司推出不過係限時，若幾個月後再黎就一定其他新款。 佢哋堂食嘅壽司款式絕對比外賣款式多，而且如果有特別想食嘅，可以另外叫店員同廚房講整畀你，例如我哋今次就想食焦糖鮑片壽司，5-10分鐘後店員就攞俾我哋。 同埋佢哋甜品都好食，有芒果布甸,朱古力慕絲蛋糕,泡芙,同藍莓芝士蛋糕。好味!8蚊碟一個正常大人100蚊內會食得飽，但記得有啲比較矜貴嘅壽司例如厚切鰻魚,海膽就會計商店雙碟，即係16蚊啦。 同埋有限時40分鐘，大家若想約朋友敘舊吹水食飯，依度就未必啱啦!

馬鞍山原本之前成日給人感覺係沙漠，因為這裡沒有店舖食肆，但而家這個講法不可能了。這個商場進註了很多餐廳食肆，今次到爭鮮迴轉壽司店都在此落腳。平時吃得多是鐵路站外賣壽司店的，而迴轉都是第一次吃，原來是限吃四十分鐘真的好趕喎。為有快速吃啦！北海道炙燒帶子塔，帶子新鮮只是微微火炙過，外面煎香內裡鮮嫰。日本香蒜牛油鮑魚，在壽司店都可以吃鮑魚幾特別。味道清甜吃下時有牛油香，鮑魚爽甜新鮮。沙律蟹棒壽司，蟹棒加沙律醬是絕配。熟蝦壽司，雖然薄薄的但都爽脆鮮甜。炸蝦壽司，炸粉少少厚但蝦身都爽夠彈牙。腐皮壽司，一般平時吃一樣啦！熟帶子壽司，醬汁比加豉油出色。芒果布甸，內裡有椰果肉很好味。

壽司師傅用同一對膠手套處理壽司和蓋著壽司的膠蓋, 用手套完成壽司後他們隨即將膠蓋蓋上壽司.每一個顧客都需要用手去接觸壽司的碟的膠蓋, 但他們公司沒有清潔膠蓋即將壽司膠蓋蓋在壽司上。 本人曾向公司投訴但沒有改善， 曾多次在鋪外目睹壽司師傅用統一對手套做兩樣的工作， 食用該舖的壽司後沒有發病真是幸運， 衛生情況令人嘔心， 當你食用壽司時其實是食用所有顧客手上的細菌!

爭鮮迴轉壽司($8/2件)美食沙漠之稱既馬鞍山爭鮮迴轉壽司做緊限時優惠，食到9碟就免一碟價錢。平時8蚊2件壽司都已經夠平價，今次個優惠仲唔比我食返10幾碟先走。一坐到埋位，職員會比張纸，最後埋單既時候就計返食左幾多碟同收返加一服務費。晚市既迴轉軸不停出不同種類既壽司，拎左幾件熟蛋、栗米、蟹柳壽司，就食到停不到口。但爭鮮既生壽司，我就中左伏啦，食左個三文魚壽司，個味有d奇怪，似壞左既三文魚，好彩食左一啖同左職員講左後，佢都話唔計個碟錢。但總括而言，月尾想食壽司放題都可以考慮爭鮮，唔洗60蚊就食得飽，但強烈建議食熟食壽司就好啦。

近幾年食壽司一係放題又或者外賣帶回家，真係好耐冇食過旋轉壽司。 今日路經好奇望入去，見到都有好多客，問下原來只是8元一碟。 既然咁耐冇試，反正又冇最低消費，好食就繼續食唔好就快走人。 不過就算好食也不一定可以慢慢食，冇最低消費但有時間限制。剛有新款推出免費茶冇茶味 褔岡明太子玉子燒， 都幾大件都有幾香蛋味。見到旁邊有人柯打炸蝦壽司，跟著即做送上。 我見可以即做，我又跟著柯打，送上來一食隻炸蝦係凍又唔脆，好失望。海膽一碟一件，味好腥，不過海膽份量也多