影片
港鐵黃埔站 B 出口, 步行約5分鐘
繼續閱讀
電話號碼
35967963
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
見老友嚟呢度食煎魚飯，雖然見 OpenRice 劣評如潮，今日我頂着大太陽行嚟食，全身冒汗，見到門口有煎魚飯寫住喺度，坐低咗都見到牆壁餐牌第二項係煎魚飯包括烏頭同埋鱸魚，但係我叫嘅時候佢話唔做，叫我食蒸，我望住個餐牌話淨係想食煎魚，佢話廚師唔做，太忙唔肯做！ 當時只不過係上晝 11:29，三成入座率。 咁我唯有離開。唔係激氣，係覺得好好笑，佢要自殺我都冇辦法，我唯一嘅做法就係奉勸身邊嘅人包括同區嘅街坊老友唔好嚟幫襯，當然包括我自己啦！ 我使睇你面色？ 我使睇你心情？ 又或者等佢長期只有一成入座率我先至嚟食啦，咁應該唔會太忙可以煎比我食喇掛。（我個老友話佢一次平日一次星期六都係午餐時段嚟食煎魚）
繼續閱讀
買咗晚市薑蔥雞同蒸鱸魚飯雞得4，5件頭頭尾尾，血水都算，咬落去係柴皮咁又凍。蒸鱸魚得3分1條都算，過分係無洗乾淨，入邊綠色，條魚又梅又有怪味。食咗一舊雞，幾啖魚同飯之後真係頂唔順了。拎返落去同佢講，叫佢退錢，話食過唔可以退錢，企硬一定要等佢再蒸過，餓到死仲迫客等佢，無其他選擇，個店員態度差到飛起，不斷重複無問題㗎你咪投訴囉，亦唔認啲食物有問題。其實幫襯過幾次，都係想佢地接受意見，估唔到街坊生意都係咁，疫情前唔係呢個名，入面啲姐姐好好人，仲試過送雞翼俾我，又會叫我坐低等唔使咁辛苦。而家，唔會再幫襯。呢餐$128，最後當捐錢，當投訴過程對其他食客做成不便補償返。
繼續閱讀
見呢間餐廳送菜款式多樣化，於是開始幫襯試下，第一次食鹽煎雞扒飯，個雞扒非常有水準，又嫩滑又香，第二次食同一個餐，個雞扒煎到燶晒，好難食，第三次再食同一個餐，個雞扒直頭係臭嘅，後來先知原來廚房有一個大總廚，有一個垃圾廚師，每一次煮嘅嘢都係睇彩數，有時好好食，有時好難食，有時啲餸菜鹹到黐線，只有蒸魚係最正常，其他餸菜啲水準都好飄忽，價錢雖然唔算貴，但係要好睇彩數，食到大廚煮嘅就好好味，食到垃圾廚煮嘅就好垃圾好難食，大家睇路睇彩數！
繼續閱讀
剛剛買左一個肥牛飯,(58蚊+外買2蚊),味道簡直超级差,所謂肥牛,根本就是一片片瘦嘅牛肉乾,真糸未食過甘差嘅肥牛飯,甘嘅質素收58蚊這個價錢,真糸吾值.我連外買纸都立即撕左,保證自已無下次
繼續閱讀
食咗個外賣雞飯 食陣時覺得雞唔係好新鮮 同埋好咸 以為無乜野 只係唔好食食完痾咗我三日都應該唔只係唔新鮮咁簡單懷疑食物中毒然後上嚟望下，先睇到有其他食評話佢啲嘢好污糟！平時幾難食嘅嘢我都無寫食評但食物安全有關 我覺得有必要提大家
繼續閱讀