爽爽麵店 (已搬遷) 新店位置

元朗美食團其中一站是去爽爽麵店吃馳名的醉雞！醉雞也有分新鮮和冰鮮的價錢！大家視乎自己的喜好和銀包的承擔量作決定和選擇就可以！HAHA！ 一場到來，我當然要吃新鮮的！ 一個醉雞米粉啊！！有點驚喜是原來雞是另上！ 打開盒子，酒味很重！當然，因為這是醉雞~~新鮮和冰鮮有何分別我則還未知道，但這新鮮的肉質很滑，也很韌，雖然質素不差，但很難咬！有一點浪費的感覺。 如果可以熟少少則比較好。 米粉有點流...當然我清楚醉雞才是重點，但也未免太流！HAHAHA！就咁已經計算到店主的食水有多深...所以一點喜感也沒有！唯一有驚喜是這個雞腎。=.=.....(係因為我估唔到有所以才驚喜) 我覺得可以一試，但再試第二次...我應該不會了~~

曾經睇過雜誌推介呢間以醉雞而聞名既小店，趁假日專程去試。未到中午去到已經要等位，不過可能時間尚早，都好快可以入座，店內得十數個位，還有告示話就黎搬去同一大廈既另一個位，到時只做外賣，不設堂食，即時慶幸趕得切黎試點左(白碗)冰鮮豬扒+醉雞河粉及(綠碗)新鮮醉雞米粉各一碗。當然新鮮雞同豬都會貴d啦，清湯底淡。豬扒好普通。花雕酒既味道香濃，少少咸，酒既味道未算太重。冰鮮雞皮薄，肉質厚實，而主打既新鮮雞皮爽滑肉質算嫩但有d韌，各有好壞。整體味道算ok la, 但未至於要非食不可囉!

每次到元朗朋友家我都會路經此店，每次都會有很多人在店外等位，但就一直沒有光顧過，今日去探朋友，就特地預早時間來吃一碗人人都話是元朗最出名的醉雞粉麵。就算我一日入座，都要等了一會兒才有位，店子地方細小，所以每枱都要搭枱的，但搭枱更顯地道風味！這裡的醉雞有分新鮮及冰鮮兩種，新鮮的比冰鮮的當然貴一點，但山長水又遠一場來到，貴一點吃新鮮雞也沒所謂，可惜當天我與新鮮醉雞無緣，只剩冰鮮醉雞，唯有照叫一碗冰鮮醉雞米粉，及一杯菊花茶。落單後，店員很快就端上我點了的東西，醉雞看似小小碟，但份量很足，是次更是醉雞脾，肉質很嫩滑，而且非常之入味。醉雞底會有幾片腎，好爽口，吃過包你會想另點一碟。每碟醉雞都會附上很多醉汁，醉汁偏鹹，但我就喜歡以沾麵方式吃這碗醉雞米粉。杯菊花茶實在很好飲，沒加太多糖，所以不甜之餘可能有少少苦澀味(偷聽到鄰座的女客人嫌有苦味)，哈，我就是喜愛這菊花茶無糖，夠健康、夠原味，結帳時我另外買多一樽邊行邊飲！餐牌:

入黎元朗food hunt，尾站點都要食佢個醉雞😍原來佢呢度有幾間房仔，就咁觀察坐會舒服d，但就用外賣碗上。份量其實都幾多下，可能食左半個包啦。豬扒實在太家庭式，無任何鬆肉粉或者拿過塊扒，稍為醃過就煎香佢，其實唔值得跨臨區入黎食。而新鮮醉雞酒味幾濃下，配米粉食會岩岩好，而且雞夠滑同埋有雞味(好廢...)，令人有衝動買半隻番去加餸，再加上有幾件腎係底比人食，仲要爽口😊而個辣椒醬食到多幾啖就有d嗆鼻，太多磨碎左既粉粒(辣椒呀，蒜蓉)令到個感覺唔多舒服，淺嘗一口既話不失一個唔錯既辣椒醬。

前幾日見到FACEBOOK有食評係推介醉雞，呢間又近我番工個度，即刻仆去試試我地一行二人各自各嗌左個醉雞(冰鮮)豬扒河，因為友人已經係第二次食佢話之前揀左新鮮雞，同冰鮮係冇分別，所以我地都嗌冰鮮醉雞(冰鮮)豬扒河($4X)點評：呢個係店家話推薦好食既，咁既然一場黎到就嗌呢個，賣相係唔差既先講豬扒，係好味既，好香口，唔會UN！！不過應該要分碟上囉，因為食得麵黎D豬扒都淋哂！！醉雞就.....得個樣，呀廚房呀姐斬左舊胸俾我，又「鞋」又咸，面個D都還OK，之後就越食越咸，食到後面就已經放棄，因為實在太咸總結黎講我覺得呢間係名過其實，同埋提醒各位食家避免LUNCH TIME去，排勁耐，而且嗌雞既時候係可以指明要脾(免費,隔離個呀叔係咁嗌,幾醒)，冇特別指名咩部分既話分分鐘中伏！！

山長水遠嚟試食，下晝兩點三嚟到諗著應該唔多人掛。都好，等3個umber就入座。佢呢度有新鮮雞同冰鮮雞揀，咁一場嚟到新鮮啦，都冇指明要咩部份佢一嚟斬雙雞髀比我，底下有d雞腎墊著。雞腎好爽口，清脆既聲音。再試埋d雞，一食就久違既味道。新鮮雞個質感都唔知幾耐冇試過，雞好滑，相當入味。稍稍覺得醉雞汁咸左d,但配埋米線嚟食平衡番晒。眼見在場有唔少一支公叫例牌雞再散叫碗米線，咁的確係停唔到口，我得幾舊雞有少少意猶未盡。下次再咁樣叫先，我諗如果食冰鮮都應該唔差，下次試下先。

奉家姐之命照顧家中三隻貓大人，小人得到元朗一趟，便順道試試聞名的醉雞，見店舖細小，便叫外賣冰鮮醉雞河，盛惠33 (外賣加一元)，差不多等了十五分鐘才拿到，期間人流絡繹不絕，生意興旺，讓我滿懷期待。安頓後，打開外賣已有好印象，河粉和醉雞分開盛，另附辣椒油，避免醉雞受河粉熱力影響，雖然很不環保……河粉滑口，湯味也不錯，來到醉雞，酒味剛剛好，不會刺鼻亦帶出雞味，雞肉質嫰滑，可惜是份量少，但以33元而言，屬合理的份量，而附贈的辣椒油確實香口，吃下去的第一口已感受其麻香。以這價位配上高質素，也難怪生意如此興旺。期待下次有機會試試鮮醉雞~

爽爽不嬲都係元朗名店，系佢未出名之前我都經常去食。小弟因為係好雞之人，又想食雞，自自然然會去爽爽，佢啲雞清爽得嚟唔會太肥，小弟非常推介呢。好耐之前爽爽只有新鮮雞，但宜家也有冰鮮雞，只要以前食新鮮雞的價錢只能食到冰鮮雞呢。而爽爽除左醉雞外，豬扒也非常出名，提提大家記得要叫豬扒，好食好多架，試過你就知。今次質質依舊，雞很滑有酒香，而豬扒係新鮮嘅，有豬味得嚟也很厚身。整體評分8/10 會再嚟食

幫襯了爽爽好幾年，不是常客，也不是特別喜愛，祇是久不久來吃一次！假日永遠都多人等位，特別午餐時間，今天一個人就好想吃醉雞，便過去吃午餐！可能今天有雨人不多，同時我祗得一個人好快就有位！唉，這舖太細，人多，因此坐得較迫，今次坐門囗位，不停有人出出入入，真覺得很不舒服，為了吃也要忍耐！叫了新鮮醉雞加朱扒米，不用多久便上抬，醉雞因是新鮮雞，所以肉很嫩，酒味亦不會太濃蓋過雞味，朱扒㕌切和煎得剛好，肉夠嫩，非常好味！

今日有老友約我入元朗，所以今期由一個人的午餐，變成兩個人的午餐。哈哈！老友介紹，說呢度係食新鮮雞嘅！今有食神。嘻嘻！舖仔細細，冇位坐，咁有人帶我地去隔離....巷仔嘅地舖，拉埋道門外面見唔到入面，應該係偷雞嘅呢邊。唔埋啦，好味咪得囉！餐牌有分新鮮雞和冰鮮雞，唔使唸緊係食新鮮雞啦！叫左醉雞湯米$47和醉雞湯伊$50，加一件新鮮豬扒$25和一支自家制菊花茶$15。兩個人$137，每人六十幾，食新鮮雞，新鮮豬扒，一D都唔貴。不過太心急唔記得呢度可以自選部位，結果來了一份雞脾，一份雞胸。雞胸雖然啖啖肉，但有得比我揀當然會揀雞脾啦！更何況雞脾搭多D珍肝。睇到呢~幾多珍肝！鮮雞果然唔同D，有雞味又彈牙！醉雞汁濃度剛剛好，唔會搶左D雞味！一流！件新鮮豬扒貴就貴左D，但係好香蒜蓉味，煎得；剛剛熟，唔會煎燶D蒜蓉，又 juice ！湯米同湯伊應該都唔使點形容，係雞湯底，冇味精。緊係啦！佢一日煮咁多雞，D雞湯仲使落味精咩！我倒一半酸雞D汁落個湯度仲正！至於呢杯自家制菊花茶，睇D色水就知幾足料啦！整體都好有水準，有野好“彈”，一個字“正”！值得推介！

工作上有要事趕過元朗、完成後終於可以食午餐了、忽然想起很久也沒有來這裡了、就算要行很多個街口、為食的原動力也是停止不了的。😁其實時間已差不多三點了、但人流還是不少、等了大約十五分鐘才有位、真係好生意。原本想食新鮮醉雞加豬扒河粉、但因河粉已無貨、無奈下只有轉做粗麵、另加一支凍的自製菊花茶。 新鮮醉雞 ～ 紹興酒濃度剛好、雞肉新鮮嫩滑、一個人食都唔多夠㗋；雖然價錢比冰鮮雞貴、但識食、一定係食新鮮雞。 豬扒粗麵 ～ 豬扒新鮮有肉味、值得一試；可惜粗麵鹼水味偏重、下次或者要伊麵會好少少。自製菊花茶 ～ 唔會太甜、菊花味清爽、解喝又好味。

今日諗住帶屋企人去大棠睇紅葉，所以順便帶佢哋去元朗食嘢！我每個月都會入元朗兩三次食晚飯，鐘意呢區比較多非連鎖集團食店可以揀嘛！每次經過爽爽一係好多人晌門外等 （餓到無耐性哈 ），一係收左舖，所以趁放假都帶埋屋企人嚟試新野！今日唔例外， 下午2點幾要攞籌不但止，都有D客人係買外賣自取。齋睇價錢未見食物， 尚算合理。醉雞可選冰鮮/新鮮，但我諗酒味應該可以蓋晒D味，所以揀了冰鮮~既然係馳名醉雞及豬扒，三人分別要一份醉雞(冰鮮雞)配米粉, 一份豬扒配米粉及一份豬扒拼魚片。一坐低兩分鐘內已上菜啦。豬扒: 好普通， 係好家常味嘅煎豬扒，好薄的一塊(只有一塊)...除左揼得比較鬆之外無咩難度可言。醉雞: 只可說價錢同份量係成正比, 酒味夠濃米粉: 好細碗，大食D果位兩啖就清晒豬扒拼魚片: 魚片只得薄薄三片  (餓得滯無影到)好快就食晒。由於見佢份量如此，屋企人都費事再加單了。總括來說: 唔洗排隊或者只係嘴饞可以考慮試下爽爽

元朗出哂名既醉雞，星期日兩點幾去到都要排半個鐘左右，果然巴閉。 醉雞豬扒米 ($45)醉雞預先用酒浸好以盒上。雖然細細盒，但件數好足。雞有得揀新鮮同冰鮮，冰鮮肉質都好爽滑，雞味就當然無咁濃，不過酒味都唔錯，亦醃得亦夠入味。豬扒用左梅頭肉，好鬆軟唔硬實，肉味亦都幾濃。

這是一個奇妙的經歷.要知道, 這家以醉雞出名的餐店, 營業時間短得可憐, 平日6時多便關門. 想我平日多早下班, 亦只能跟它緣慳一「麵」, 星期六, 日嗎, 門外通常都聚集了為數不少的食客, 不慣久候的我, 總是望門興嘆.終於, 在晴朗的那天, 終得有幸獨闖這家麵家.  一坐下, 二話不說, 即時點了個醉雞(冰鮮)雲吞麵加菊花茶, 很快麵便端上了. 立即夾起一件雞胸肉咬下去, 那已經浸透了醉雞汁的雞汁滲出陣陣花雕香, 夠味之餘不會死鹹.   儘管只是冰鮮的雞件, 卻不太吃到雪藏味.  而且, 整份醉雞的每件雞件都帶著適度的醉雞汁, 不論是厚身的雞胸肉, 薄身的雞脊肉或是肥美的雞髀, 酒香, 鹹香配合得剛好, 門外站著長長的人龍自是有其原因. 吃到雞背部位, 忍不住要把收在骨子裡的醉雞汁都吮出來, 才知道, 醉雞的精髓不在肉, 而在汁.至於菊花茶, 也是不錯, 能嚐到是自家熬製的風味.  喝起來, 有菊花的香味, 亦是在甜度與香度之間配合得宜的成果.雲吞算是不過不失, 只是珠玉在前, 難免顯得略為平庸一點.第一回, 到此為止. 相信遲些時候, 我們還得再戰一場.

剛搬到元朗時光顧過爽爽麵店，美味的醉雞留下深刻印象。之後經不同的媒體報導過後，門外長期圍著光顧的人龍，令沒耐性的我們卻步。星期六醉雞癮起，於是提早吃午餐，十二點前到達，幸好不用等位，十分鐘之後已經要取號碼輪候了。小店雖小得五，六張檯，裝潢如普通的麵店，而且是家族經營，看不出是隱藏美食的地方。除了醉雞和豬扒，還有水餃，雲吞和魚蛋等，不過始終鎮店之寶最受歡迎！豬扒米粉 $34估不到豬扒也可選擇肥或瘦！怕肥的我們選擇了瘦豬扒，份量很多，應該有整塊豬扒，而且剪了一條條上，方便進食呢！豬扒醃得很入味，煎至金黃色，面頭更附有些蒜粒更加香口，雖然是瘦豬扒，不過肉質鬆軟而且juicy，好味！別看碗子小小，內裡的米粉份量都很多，吃罷非常飽。醉雞麵 $32小店的醉雞有新鮮雞和冰鮮雞供選擇，當然，選擇吃新鮮雞的，價錢上也要多付出$15。我們的味蕾未至於細緻到能分辨出新鮮和冰鮮的分別，於是選擇了後者。醉雞充滿香濃紹興酒味，光聞已經垂涎，雞皮很入味很滑，一向不吃雞皮的的我也忍不住吃了兩塊。雞肉未至於非常滑溜，但肉質都很嫩滑，縱然是冰鮮雞。紹興酒雖香，食落卻沒有完全淹蓋過雞肉的味道，好味！醉雞是另上的，小碟內盡是