爽爽麵店

營業中

休息中

依間爽爽醉雞喺元朗都幾出名，舖頭細細座位有限，佛誕紅日同朋友兩條友下午2點去到都等左差唔多半粒鐘先有位🙈⭐️冰鮮醉雞飯💰4️⃣3️⃣可能天生就係偏向窮人口味，我比較鍾意冰鮮雞多過新鮮雞，因為覺得新鮮雞太有嚼勁咬到口都攰😂醉雞嘅酒味非常十分濃郁！個人認為有點over左….但就零藥材/香料香味，唔太係我杯茶，有點小失望😅食到底下有啲雞腎，口感爽口，雞腎可能唔夠入味所以反而覺得岩岩好🫢(Btw呢度叫醉雞可以同店員講走咩部位或者要咩部位，佢哋會盡量配合唔使額外加錢👍👍)⭐️豬扒撈粗 💰5️⃣0️⃣豬扒煎得幾香，不過偏肥所以口感唔會覺得乾/韌～店家雖然有寫明麵係鹼水麵，不過鹼水味真係太重😅 最後用辣椒油遮蓋咗先覺得好食啲🙈Overall 唔認為值得排咁耐隊，試過一次就夠😅

爽爽麵店（元朗）超入味嘅醉雞加埋醉雞汁落碗粉度食味道一流😋雞皮又薄又夾口唔會過肥選擇新鮮雞係貴啲但口感真係會好啲可惜果日去到無新鮮雞供應呢間肥豬扒都好好食架一層肥膏一層肉煎得超香又帶點夾口唔係好似用左好多梳打粉咁無哂咬口

每次都係食醉雞，先生每次都食豬扒！每次水準都得！好夠酒味嘅醉雞👍🏻重點：有冰鮮同新鮮雞揀，仲可以揀走胸，走翼嗰啲！每次走胸都有大半隻雞髀👍🏻 有誠意嘅菊花茶🍵 好飲…應該係自己煲嘅👍🏻

元朗出名既小店，一直都想黎試，店面都幾細，外賣都非常好生意，所以星期日中午黎真係要排一陣🏃🏻‍♀️☑️醉雞米 $60可以簡新鮮雞（$60）/冰鮮雞（$40），我見多數人冰鮮雞，因為40蚊都係好抵，但我對雞肉既質素要求比較高，所以簡左新鮮雞🐥因為係新鮮雞既關係，雞肉既肉質好實正，有咬口，酒味亦好香濃😌粉既湯底比較清淡，所以可以叫佢地比碗雞汁加入去，味道會即刻香勁多👍🏻☑️豬扒河 $45哩個係佢地另一個招牌，不過我就覺得豬扒肉質好鞋，亦算唔上好香😶☑️芹菜餃河 $31哩個價錢真係超抵，有4大粒芹菜餃，仲係佢地手工做既，皮薄餡靚，豬肉唔會太肥同有唔新鮮既味👍🏻👍🏻醉雞加芹菜餃甘樣雙拼叫既話只係多5蚊，但會多兩粒芹菜餃，性價比超高👍🏻總結而言，如果唔洗排隊既話，我會覺得哩個價錢哩個質素係好抵，但要排就未必會再排🙈

由舊舖講到開左新舖話要食～差廿蚊有得揀新鮮/冰鮮雞，第一次食叫左新鮮先聽倒個個都叫冰，又聽講冇咩分別，又係聽人先知有得揀雞嘅部位😂唔識叫，唔夠元朗人～個醉雞湯係出色嘅，加落啲麵嘅清湯度食會忍唔住一啖麵一啖湯！

爽爽 係元朗諗起醉雞一定會諗係呢間，醉雞同豬扒都好味😋啲汁既酒香味岩岩好，唔會太濃或太淡，跟醋同辣椒油更加好味，通常河粉好早賣晒，所以今次嗌咗米粉，分量都幾多下，好味又抵食

啲人成日話元朗多野食，上網搵既時候又唔係好多選擇，朋友推介下，就去嚟間試吓。去到附近先知已經搬咗鋪，好在都係附近，行多兩條街。鋪頭細細，我地四個人，都等左一下位。我哋當然試招牌菜，醉鷄麵、豬扒米粉。醉鷄分開上，另外可以叫佢地比碗鷄湯，好細心。麵底好爽，正。鷄好入味，肉質鮮嫩，一啲都唔鞋。豬扒有汁、有味，嫰口，真係唔錯。鋪頭細細，服務員態度和藹，食物唔錯，不過元朗就唔係常常去，不過嚟度都係值得去一試👍🏻

呢間野既位置都算偏僻,而且仲要唔多顯眼,但唔知點解出左名,而最出名既菜色就係醉雞麵,雞同麵係分開上,雞肉都算嫩滑,雞皮爽彈,而且巧妙地每份都有一片雞腎,相對之下粉麵就比較普通,而且湯底落左好多味精,食完勁口渴

元朗依間爽爽出左名好奈～以前中學成日放學想食都無得食因為佢收4點🙈好奈無去過個邊食 原來佢都調左新鋪位仲唔知有無記錯 竟然有飯配 😂不過水準依然一樣 讚🧚🏻‍♀️醉雞+豬排米粉 （冰鮮雞） $56雞都一樣好滑好嫩格硬講個分別應該係新鮮雞比較肥美豬排好夠份量 兩個人分都可以豬排評分：8/10🧚🏻‍♀️醉雞米粉 （新鮮雞） $60醉雞最重要係個雞酒味依間真係濃得黎唔會烈但可能我未係美食達人 由中學到依加 每次都堅持同朋友一人叫新鮮雞 一人叫冰鮮雞但本人（廢）仲係分唔太多分別😂會唔會佢太勁 冰鮮雞都煮到新鮮咁滑嫩評分：8.5/10希望未來日子我會識食 分得出新鮮雞同醉雞先啦😘

◦•●◉✿✿◉●•◦ 自從👵🏻👴🏻搬咗入元朗就一直努力搵美食介紹比大家😆今次介紹呢間小店絕對係👵🏻👴🏻 encore得最多次嘅小店☁️ 招牌菜就當然係醉雞&豬扒啦！ ⁡醉雞可以選擇冰鮮雞/新鮮雞😌👵🏻👴🏻兩款都試過 覺得分別不大🙊 所以都係食冰鮮雞 (價格較便宜) 🐔醉雞好入味，重點係入味得嚟唔會有酒嘅苦味～ 而且雞肉好滑☺️ ⁡🐷豬扒煎得好香，又淋又入味，有少少肥膏一齊食好滋味☺️ ⁡👵🏻鐘意配米粉，👴🏻鐘意配飯 (有鼓油&蔥送飯) ⁡P.S. 如果2樣都想試哂可以叫雙併，夾埋都唔洗$80，真係物超所值🤎大家去開元朗嘅話呢間小店絕對值得一試😚⁡😋: 𝟠/𝟙𝟘⁡◦•●◉✿✿◉●•◦

每次到元朗 爽爽總會是我的首選今次發現搬了鋪位裝修比之前企理 坐得舒適兩人同行最為合適 一坐低立即叫 豬扒幼麵 醉雞幼麵 再配一支自製菊花茶 豬扒可選瘦豬或肥豬 醉雞可選冰鮮或新鮮枝裝菊花茶 店員會跟兩個紙杯 方便飲用若可以裝到四小杯 炎炎夏日必點 透心涼 菊花味香 不會過甜今次豬扒沒有特別要求肥或瘦豬扒普遍會煎至焦糖化位多 是精華所在調味恰到好處 豬油部分十分香配上多蔥的鹼水幼麵 絕配！隨即到來的是冰鮮醉雞幼麵對面的在我拍照前已立即加入大量辣椒油如果不能吃辣 千萬不要下太多呀😵‍💫醉雞部分 非常入味 不會過濃向來重口味的我 會先𢳂一匙羹花鵰酒醃料 再加入幼麵 如果你跟我一樣是重口味 都可以試一試 真正「爽爽」的食法🤤枱面上調味料 除了有辣椒油外 還有胡椒粉、醋、豉油以下餐牌 可供參考😌

認識元朗的爽爽，係好幾年前我仲喺有線做嘢時，有個特輯叫 #通脹來了，每星期去不同區格價制定「#有線通脹指數」，其中一區係元朗，每次到訪都係幫襯爽爽。之後特輯完結，我都好耐無入元朗幫襯了。早排元朗國朋友帶路美食團，爽爽係目標之一，原來間舖已經由傳說中的 #鳳攸北街 搬咗去 #鳳攸南街，店面差唔多大，都係咁迫。二話不說叫咗新醉雞豬扒撈 ($80)，要咗價錢貴啲嘅新鮮醉雞，佢俾咗雞髀我，斬件上都起碼有六、七件，花雕酒味好香，但唔會苦，雞肉好滑，仍然保持水準！豬扒有得揀肥瘦，我無揀，結果就少少乾身，但醃得好味，又係切開有六件，份量真係幾足，就咁睇價錢少少貴，但計埋份量，其實幾抵食。味道：8/10賣相：6/10價錢：7/10環境：5/10📍元朗鳳攸南街3號好順景大廈地下7號舖#hkrestaurant #hkfoodie #hkfoodblogger #hkfoodlover #hkfoodblog #foodie #foodiehk #香港美食 #美食 #foodphotography #foodstagram #foodreview #鐵食評 #食評 #爽爽麵食 #爽爽 #爽爽醉雞 #元朗

元朗一間醉雞專賣店。應該係一間新鋪。好耐冇食過。今日去嘗試下。有進步好多，醉雞做冰凍正常。竟然可以做到醉雞冇酒味。真係好難得。最特別。豬扒都做埋冰凍豬扒。👍👍。米粉清湯夠晒健康。真係好清，最正都係嗰幾條蔥😍😍。人哋就識條鐵，我就識條蔥。$76元食條蒽。物超所值。大家鍾意食醉雞冇雞味冇酒味一定要試吓。冰凍豬扒。應該而家唔係好小地方食得到。真係要恭喜下佢細舖搬大鋪，日日生意興隆可以早啲搬走。早日上岸退休，🙏。

今日約咗朋友係元朗，經過鳳攸街，見到爽爽麵店門口好多人，原來係等位同等外賣，我心諗可能好好食，於是我哋都等埋一份。我哋等咗大約15分鐘就有位。 舖頭細細間大約有20個座位左右，等外賣的人比等位的人多。價錢唔平，一隻新鮮醉鷄$430，冰鮮醉雞$220我哋叫咗新鮮醉雞伊麵$65，豬扒河粉$45，一枝自制菊花茶$16菊花味道淡新鮮醉雞伊面分開兩碗上，首先我見到碗伊面嘅賣相已經知道唔會好食，湯底好清，無味，伊面唔夠爽滑。醉雞份量不多，唔夠酒香味，好像加了很多水，酒浸得唔夠耐，啲酒滲透唔到雞肉裡面。豬扒河粉，湯底一樣淡而無味，河粉唔夠滑，豬扒唔夠味唔夠淋。總結：這間小店主角係醉雞同豬扒，應該要做得出色才是，但我覺得又貴又唔好食，唔明點解咁多人叫外賣，門口寫明外賣要等45 分鐘，我由等位到食完，佢哋做咗接近20 份外賣。真係唔明，可能大家要求同口味唔同，我唔覺得好食，我下次路過都唔會再幫襯。

十年人事幾番新，假期突然想起好耐無食嘅醉雞米，去到舊址發現爽爽消失了，上網上社交平台搵都唔見有搬鋪或結業嘅資訊⋯最後一上Openrice search就知搬咗鋪去另一邊啊！本來仲以為以後都無得食爽爽啊～最後搵新址拎到飛後都要等10張飛左右，真係好墟冚，特別係假期期間啊！等咗半個鐘左右就可以入座，照舊叫返我地最愛冰鮮醉雞米啦！米粉個湯底比較清淡但我慣咗會倒啲醉雞汁落去，味道就會重啲再帶輕輕花雕味，加上醉雞汁凍凍地溝落去米粉湯就會無咁熱。夏天食都唔怕會食到大汗疊細汗啦！醉雞份量都好多，我呢碗就有雞翼、雞胸部分，整體都偏滑嘅，唔會太柴。而最鍾意就係底下藏有嘅醉雞腎，爽口質感又好入味真係超正！永遠唔會食厭嘅醉雞米，冰鮮醉雞米依家都係$40，價錢雖然比之前貴咗啲，但都合理啊！間唔時食下過下口癮都唔錯！