牛たん大輔 (已結業)

聽朋友說這家店好像只能維持一段不長的時間之後會轉成Oyster Bar可惜了因為在下不愛食蠣所以也襯今天下課了去食一餐時間大概是晚上9:00街上行人不多附近酒吧也沒幾隻貓仔是太早還是太晚了？店內這一刻在下包場了感覺還滿寬敞的同事廚房應有有3，4位侍應3個大概25座位放那麼多人也就是說平常應該也是很忙的在下有幸包場今天要好好享受餐點即叫即做所以需幾分鐘等待等待中看到店子裡頭一塊特大的旗印上了牛脷大輔從天花到地面氣勢十足點了一份華味雞定食仄分秋葵和燒茄子🍆實不相瞞眼觀是很失望的雞雞好像燒得有點焦了雞肉沒了彈性（理所當然那是雪藏的）豆腐上的和風芝麻醬有點太濃呃的確是有點失望但食下去其實沒那麼差啊對在下而言是不過不失（在下要求高）最驚喜的是味噌湯裡也有牛一喝下去就是重重的牛味還有三兩件肉在內愛牛的人必要來另外燒茄子🍆也是原條剩燒沒任何汁醬添加上碟時只有木魚花和䓤粒喜歡清淡的我很喜歡

[ 港版利久 | 其實我是個牛脷控👅]••我諗好多人去日本都應該有食過利久🇯🇵其實香港都有類似既餐廳，佢新開既時候我去過一次，但個次一路食一路同男朋友嗌交🐒(我鬧佢)影響哂食飯心情🤷🏻‍♀️-🔹極上熟成燒牛脷定食($168)⭐️8.5/10牛脷用炭火燒得好香，熟度剛剛好🤤爽口有少少嚼口，真係好好食‼️有三種建議口味食法，我就覺得特製粗鹽幾好🤔不過比我揀，我會原汁原味乜都唔點😋💕▫️第一次食$128有十塊牛脷👅依家$168得六塊，加價都加得幾狠喎😕💸-🔹紅汁炆牛脷定食($98)⭐️8.5/10呢款係另一種滋味~~🤤牛脷有5大舊，炆得非常稔，一咬落去爆汁💦個紅汁整得好好味，牛脷食哂仲淨返半碗飯🍚我用啲汁撈飯，最後食哂😼真心兩款牛脷都好好食💓-

早個幾月前食的。 汁燒牛脷飯有牛脷湯 同 配菜 汁燒牛脷， 正。 有日本feel, 一片片上，厚度剛好， 口感一流。 期望中既咬口。 跟埋大蔥， 好好送飯。 牛脷湯 入面既係牛脷粒， 口感係腍身既。 都Ok 呀。 食左幾錢 唔太記得， 好似百拎蚊個set， 加左支梳打水,同叫左杯梅酒，價錢都唔記得，冇印象既黎講就應該唔太貴掛，自制梅酒梳打， 哈哈。 呢間專做牛脷既店，我鍾意濃味同照燒汁。 會返食。 P.s. 其實之後 先後有兩次晚上10點幾特登返去想再食， 但開門時間應該改左? 但明明第一次食果陣已經11點。 希望下次經開再去有得食。

開左一段時間都好想試 同同事早幾日食lunch就話不如試下呢間啦！一行三人 其中一個人個餐等左九個字都仲未到，我自己個餐都食完啦，再問個侍應佢先話漏左落單（三個人一齊落單 都可以漏單 間鋪唔係好大 當日客人亦都唔係好多😑）個牛舌偏乾 味道ok 不過味道始終同日本無得比 鋪頭入面有日本人做侍應開頭我仲有點期待😔然後侍應主動：「唔好意思阿漏單我地送返個小食比你丫」咁我地揀左吉列炸牛脷 然後碟野一黎到 我同同事對望忍笑有無人可以話比我聽呢幾舊咩黎！？完全無用filter 實物真係咁黑 仲要好硬 我地一人食左一舊就食唔到落去....... 唉 如果無心整既不如你唔好整算啦。最後每人around 90蚊，咁既質素好唔抵，已經好耐無打食評☹️食完呢間真係忍唔住😂一試難忘😎

未入門口已經在猶豫要不要改變主意，因為一個客人都沒有....就算係平日晚上6:30也不至於吧...但因為好想食牛舌所以還是進去了叫了照燒牛舌飯，$138。牛舌即叫即燒，飯上有生蔥，太辣吃不到，牛舌十分軟腍，可是沒有牛肉味，不說還不知道自己在吃牛，基本上係靠照燒汁撈飯。牛舌湯味道略濃，湯內也是有生蔥，生蔥味蓋過了湯味。2款前菜漬物，一款是醋青紅椒，味道是不錯的，奈何不喜歡青紅椒的味道，另一款是醃旺菜，酸酸咸咸的味道，不太喜歡。總的來說是失望的，放題的牛舌的牛味也比這間重。P.S. 吃完飯7點，只多了一枱客人。

念念不望日本既牛脷炭火燒店牛舌，香港終於有唯一一間專門賣牛脷炭火燒的食市-牛脷大輔。店舖位於尖沙咀赫德道一角落，有小店feel°食物有主打仙台牛脷，炭火即燒好有肉既質感。另套餐配仙台有名麥米飯及牛湯，飯是仙台名物，圓圓QQ, 比白米更多纖維。湯以牛骨煲8小時以上，含美肌骨膠元，飲完好有力量又美顏。至愛紅酒牛脷，牛脷超腍，紅酒汁送飯一流。價錢也不貴，超牌燒牛脷餐不過$128。紅酒牛脷$48。以這價錢有日本食7質素是超值的。唔食牛脷既話佢亦有炭燒鳥(雞)可選擇。

牛舌專門店, 一入去就好香燒烤味。牛舌即燒即食，邊邊燒得好香，肉質好嫩好爽，加上啲葱花和紫菜絲，好好味。奶白色嘅牛尾湯，好甜，香濃，唔會太鹹。飯係麥米飯，有咬口。 有碟白菜漬，好清爽，食完好滿足。特製照燒汁牛脷定食 .🍽Dinner set: 138+10%

呢間餐廳主打牛舌 係一間牛舌專門店身為一個牛舌愛好者當然唔可以錯過一到去好好彩等左10分鐘就有位仲要坐係吧枱雖然有啲熱但係可以望住師傅嘅製作過程叫左一個招牌牛舌飯同特製醬汁山芋蓉飯由製作過程開始睇真係感覺上好味啲牛舌入口即溶 高質如果點上鹽 在更加能夠帶出牛舌嘅鮮味亦都唔會燒得太熟 如果唔係就會開始韌牛尾湯同埋米飯都好好食比較上 雖然山芋蓉飯特別但燒牛舌始終比較香和有口感整體來講餐廳環境唔算寬敞但係有日本餐廳嘅味道服務員服務仔細食物有水準可考慮下次再來嘗試唔同嘅口味

牛舌一向係我最鍾意食既牛既部位，平時食居酒屋、放題，點都會嗌鹽燒牛舌。所以一知道尖沙咀有間新開既牛舌料理聲稱好正宗，由日本人主理，就搵個星期六去食Lunch！費事夜晚放工黎要排隊🤷🏻‍♀️12:30黎到岩岩好full house。座位好窄好窄，滿室油煙，地板油膩到坐低後對腳會跣黎跣去，第一印象已經好差😟食完件衫好大陣油煙味🤥等左20分鐘左右先有得食。落單時講得好清楚要一個熟成招牌燒牛脷定食、一個山芋蓉飯定食，咁都可以落錯單，無語了。熟成招牌變左照燒汁牛脷，其實唔想食照燒汁但係費事再呆等20分鐘😪特製照燒汁牛脷定食 $138 - 附有汁煮牛脷、南蠻味噌、牛尾湯、煮野菜。牛脷大概0.5cm厚，頗彈牙，可惜牛味不足，有啲趙橡筋既感覺。照燒汁亦只係普通貨色，冇期待中咁好食，就咁點粗鹽更好。牛尾湯內有一塊牛脷，牛尾既油脂令湯熬成乳白色，但味道普通，飲左幾啖就放棄。反而珍珠米內混有麥米令佢更有咬口，米飯幾香，係全個set最滿意既地方。特製醬汁牛脷配山芋蓉飯定食 $118 - 一樣附有牛尾湯、煮野菜，飯中間仲有隻生蛋黃。喺熊生度偷左一件牛脷🙊 雖然都係牛脷，但依款炆到質感好似牛腩，唔會乾/韌，入口亦冇

好好火氣既牛舌一個餐可以試到唔同烹調方式嘅牛舌前菜:牛尾湯好少機會飲到牛尾湯，日本菜煮湯主要係味噌湯。奶白色既湯，因為煲左湯，牛尾肉巳經無太大既牛味，但個湯都好夠味。招牌熟成牛舌餐 半生熟好爽口，用生牛舌燒，每一啖都好有牛味，而且軟滑唔會鞋口。單點一個咖哩牛舌，當然係日式咖喱味，牛舌好淋身，如果比較喜歡食爽口牛舌，依家就唔太適合。欣賞只用一種食材烹調唔同味道嘅菜式。唯一需要改善嘅可能係餐廳裏面抽風系統，係半開放式廚房嘅設計下令到顧客感受到煙霧離漫，我食到一半嘅時候對眼已經覺得好乾。

衝着少見的牛舌專門店名號去探一探，中午的人不多。吧檯位可以見到師傅如何燒牛舌。服務員服務到位，會主動遞水和教你食。要了個招牌熟成牛舌定食試下，未食過山芋蓉，故追加了一份撈飯。山芋蓉有香氣和山芋的細膩，撈落飯度，飯滑，可見能促進腸胃蠕動牛尾湯奶白色好飲。拌菜有經過處理，清爽。小菜個人未食得出特別之處。牛脷厚度和火候掌握可以，不會太韌和太老，剛剛好。可惜香氣不足，送上來已經開始冷。總體一百五不到，性價比可以～

🍍熟成招牌燒牛脷定食 $138👅牛舌份量唔少，唔係薄切，微燒香，入口軟綿，有油份有口感，店員介紹可根據個人喜好沾3款醬汁：特製鹽、wasabi豉油、鮮檸檬汁加鹽。菠蘿仔建議💁🏼‍♂️點鮮檸檬汁加鹽以減低油膩感。特製照燒汁牛脷飯定食 $138🤤呢款比熟成招牌牛脷更厚切，燒得更香口，配埋特製燒汁，配飯一流！順帶一提，佢地喺飯入面加咗仙台嘅麥米飯，食落更有口感！最後，飲埋個特製香濃牛尾湯🐮，濃香厚身富膠質，感覺好真材實料補充一下，定食除咗以上，仲有前菜(都係牛脷)、白菜漬，另收加一

去日本旅行，我一定會預一餐食烤牛舌。香港雖然都有一兩間烤牛舌店，但係香港人眼中，始終唔係大眾化日本菜，所以都難成氣候。難得仲有人夠膽開牛舌店，牛舌粉絲當然要去。「牛たん大輔」位於尖沙咀赫德道，人流比較少，都唔駛等位。甫入店，一大陣油煙味撲鼻而來，抽風系統比較差，同埋冷氣亦不足，要有心理準備。主要供應幾款牛舌定食，分別在於口味，包括招牌（即係原味）、照燒、紅汁炆、咖喱等，日本唔會有咁多花款，但始終要遷就香港人多心特質，要整多幾款都難免。我當然食招牌燒牛脷定食（$138），大致上跟足日本咁，付上牛尾湯、白菜漬、麥米飯同埋小碟的煮牛脷粒。呢度係用比較嫩的牛脷芯部位，烤至剛剛熟，所以裡面仍會有少少好似未熟透的粉紅色。可能切得比日本薄，再加上係偏腍的口感，所以冇左係日本食到的爽脆滋味。鹽的調味亦明顯唔夠，味道偏淡，不過大家大可以跟住店方的建議食法幫牛脷增味，可以點d日本粗鹽、wasabi醬油或者檸檬汁。日本的牛尾湯係清香得來帶微辛，但大輔的係偏濃，感覺有點似味精湯，還好飲完唔會太口渴。白菜漬分量幾多，味道清爽，冇咩酸味，當作食一般蔬菜解膩還可以。煮牛脷粒都算腍，味道一般。雖然老闆係日本人，佢又專

每次去日本旅行都一定食利久牛舌在香港不奢望食番100% 的質素，不過都想食到接近日本的牛舌定食同麥飯點了半份牛舌，有5件，一口咬去都算霖，沒有碴，味道都有8成接近日本的利久。如果真係要講同日本的分別係邊，就係日本的牛舌更重牛脂香味同多汁。不過平心而論，香港來說這質素已經相當不錯。牛舌可以點特製鹽，檸汁，wasabi. 3 種口味都好食。值得一讚是佢wasabi 應該是新鮮即磨而不是超市一支牙膏那種，因為wasabi 香得來不會有攻鼻的感覺。麥飯是日本珍珠米加麥粒，好正宗，而且溫度夠熱！飯桶既我只食麥飯都可以（笑）牛尾湯很美的白色濃湯，飲第一啖出奇無味，不是無牛味而是無鹽味，懷疑師傅忘記加鹽？之後自己加點牛舌既鹽落湯，成個湯即時好好飲！ 飲完個口有點黏，證明佢真係膠骨原豐富！ 最後要講埋D配菜，菜灑上少少芝麻，好香好食！總結整體來說無論是牛舌，麥飯，湯，都相當有水準！ 去唔到日本時來食下都可以滿足一下～ 希望佢保持到！ 加油！

有什麼是開心過收工去食好西呢?準備空腹數小時為了一餐! 大誇張了吧....不過去這間 牛たん大輔 叫上一個定食, 實情是會吃得過飽, 建議女生的話可以 share 或單點, 不叫定食。我就選了 特製照燒汁牛脷飯定食, 賣相極之吸引, 牛脷佈滿飯的表面, 少甜的照燒汁加上牛脷爽滑的口感, 不膩, 一口咬落去很正! 配菜是略帶酸味, 應該是有開胃的作用, 只可惜雜菜是生的, 未必個個接受到草青味。友人選了 特製醬汁牛脷 配 山芋蓉飯定食, 這款牛脷的口感, 我覺得似牛腩 (笑), 而且很厚切!! 有很多塊, 友人都吃不完呢。還有叫了 燒茄子, 木魚碎一點都不吝嗇, 每件茄子都有一大執, 茄子味道比較淡, 適合我不好食太咸的人士。整體來說, 食物質素不錯, 份量也對得起個價錢!! 唯一一個缺點就是餐廳內長期煙霧瀰漫, 抽氣系統應要改進, 變相用餐後衣服手袋都滿滿的牛味, 久而不散。