牛八涮涮鍋專門店 (已結業)

午市有菜又有肉 又任食蔬菜bar食物 又飲品又甜品 都係8-90太化算嘞午市套餐最適合為食但胃細嘅我套餐－碟肉 其他任食任飲半自助 －個多小時 好快就撐飽嘞 再嘆杯咖啡 實在太滿足嘞

90 分鐘lunch放題，叫左78元澳洲牛片及雞湯，出面櫃檯蔬菜汽水任飲任食幾吸引，跟住d火窩湯等1會好滾，waitress話我個火不能開700 度，我心諗是你同事開的 ,我fd 個爐㩒5到，waitress 又話我地開得太大無語。差不多還有15 分鐘，佢地擺抵細book 叫我地埋單，夠鍾喇就好心急趕我地走5 敢坐多1陣囉，其中2位女服務員態度好差

見星期五又開返夜晚食堂，咪去打下邊爐咁啦！諗住就試下呢間，反正有位，仲要第二位半價👏🏼👏🏼真心嘅，呢類嘅一人一鍋，最平收你百鬆啲，最貴先係三百幾，唔通真係畀和牛畀你食咩？！其實都預咗，個價單同食物質素成正比就算！大佬呀，你拎可以係‘佳寶’買到嘅肥牛，就拎黎同我講呢碟係「極上黑毛和牛」？以下幅圖，容許在下作少少陳述：圖片上方牛肉：係價值$278（未加1）嘅「極上黑毛和牛」；圖片下方牛肉：係價值$238（未加1）嘅「嚴選牛肉」;當然呢個時候，就梗係叫經理啦～經理：因為呢，每舊牛肉都唔同嘅！所以呢，脂肪較多就係「極上」，脂肪無咁多係「嚴選」～！在下：咁原本第一輪，我地無叫任何，就已經送到上枱嗰碟又咩黎？🧐經理：應該就係「極上」黎嘅！係咪黑色碟㗎？在下：唔係呀係灰色碟嘅！經理：咁可能隻碟色唔同啫！嗰一刻，我又真係醍醐灌頂！再一次提醒在下要食呢一人一鍋放題，就真係慳得幾蚊，得幾蚊！唔好以為畀多幾十蚊，就係零舍唔同！就算你畀幾千蚊食「和牛」，都只不過係一件「牛油」。不過，不得不稱讚個經理，態度沒有惡劣，仲好詳細及細心跟我分析牛肉的不同。多謝欣賞！

午市火鍋好抵食，可以選擇單碟肉+自助區任食，大約都係$70一位左右。湯底選擇都有幾款，我就鍾意壽喜燒湯底，配搭肉類一流仲要送隻蛋添。自選區域菜式選擇都多，有各種蔬菜同埋丸類，飲品凍熱都有任君選擇。

今日8月1號，政府派消費券，諗住早啲去食返餐好啲，去到黃大仙中心周圍搵唔知食乜好，最後揀咗去呢間唰唰鍋專門店，梗係食牛肉啦～其實牛肉唰唰鍋專門店好多好多，牛八我都係第一次食，今日諗住會好多人，12:00到，好彩唔使排隊，我哋叫咗個208午市放題，食好少少，啲牛肉到咗都幾靚仔，仲有雞同豬啦，本來想食牛脷，點知依個餐唔包牛脷！算啦試吓啲牛肉，果然唔錯好淋，有牛肉味，雞肉都算OK，自助放題bar好整齊，食過好多間呢間算係咁，跟住食個甜品～當然只得乳酪雪糕。呢間真係算唔錯，值得試吓。

冇目的，隨便搵間火鍋放題食，估唔到地好食！佢有5款牛可以揀，普通牛，澳洲特選牛，美國嚴選牛，澳洲極上黑毛牛，日本霜降和牛，當日個mood係普通隨便食，所以要左美國牛餐，加左碟和牛，一人一鍋，非常衛生，除左肉類，其他食物為自助型式，品種數量足夠，係菜類較少，得2種澳洲特選牛（冇食到，但係旁邊有人食，見到肥膏邊幾多下）美國嚴選牛：冇肥膏邊，但係唔韌，牛味都重澳洲極上黑毛牛（食左一碟，佢應該唔小心上錯品種）：牛味非常濃郁，但係肉質太硬日本霜降和牛（單點一碟）：雪花夠，但係肉味淡，食完好似食空氣yogurt雪糕，味道好淡，口感似sorbet 飲品係pepsi系列整體好食，試左3款牛，都覺得冇揀錯餐，服務友善，上肉時間算快，2人去食會搭枱 + 膠板

晚市限時放題 主攻牛 $238一開始送咗一碟黑毛和牛 係比普通嚴選牛肉質感滑咗好多所以如果你係真係好鍾意食牛我覺得係可以同值得再比多$100一位去食佢最貴嗰霜降牛 同埋一碟好多塊 好肥 不過佢地既配料好小 飲品選擇都極小 無配套 得牛 但一人一鍋衛生點

星期一至四午餐第二位半價同朋友見到好抵食於是入去試下$108/位埋單$183左右牛肉油脂分佈平均牛味算濃以呢個價錢嚟講 質素很不錯自助蔬菜區 有唔少選擇飲品有汽水、茶包、梳打水、咖啡仲有原味、士多啤梨乳酪雪糕任食

黃大仙 牛八涮涮煱 安心出行 探熱 隔板 做到足午市火煱 90分鐘任食 最平$108 長者$78做緊優惠 第2位半價 要加10%牛豬雞 自助菜檔位 任叫任食即沖咖啡 茶包 汽水機 雪糕機 經理招呼好好 侍應就個別 整體都係好冷氣足 夏天著衫打邊邊 湯底有得揀 ”壽喜燒" 多隻雞旦 但……婆婆唔鐘意太甜 所以放棄 (雞肋)多謝友人畀咗隻雞旦我平平地婆婆請之前有麻辣湯底都好正 餐牌轉咗”胡椒和牛湯底” ~ 湯底唔辣 灼牛肉 充滿牛香味 今次啲牛肉 有油花 唔嚡 好嫩滑 (有時會好瘦好嚡))))豬肉片 唔嚡 梅頭肉片 / 無雪]]]自助區 丸類 腸仔 麵條 白飯生菜 芥菜 紹菜 九菜 芽菜 薯仔 蕃茄連芋頭 蓮藕 都有……豆腐必選 好滑 好滑 :::有海鮮 要單點 另加費 冇::]]]]90分鐘 時間比較較 傾計吹水:::還好閒日唔限時 慢慢嘆咖啡::]]

午時任食放題 $108+1 / 1位 第2位半價 價錢上抵食服務唔錯 反應快 唔燥唔會扮睇唔到但係食物水平就好唔滿意 好彩我無好鐘意食牛肉食左頭轉 加叫第1碟牛 黎到瘦到煲湯豬展咁無誇張 真係咬唔郁吞唔落 睇相都睇到肉質幾咁實淨 之前食任食都未見過咁差既牛肉 所以覺得呢個價錢 係會有更好既選擇我只係叫一碟都咁既樣 想食牛都食唔到佢d配料又唔算多 丸得3-4款其他都係疏菜同埋麵 最後變食左好多菜 埋單$200有找 但應該唔會再去食瘦肉放題☹️

放假食個late lunch，2:30pm左右入座，食90分鐘。原來平日食，無時間限制，仲好👍🏽其實午市套餐，一盒牛肉，都已經好夠飽~ 一向都係夜晚去食任食形式，通常都唔會揀啲好貴嘅牛肉，今次食套餐，就食啲好啲嘅牛肉~

好抵食呀，lunch邊爐放題買一送另一個半價！所以雙數人數去食最抵～lunch仲有套餐，約$70一個人，係一碟肉再加半自助配料，配料有各種蔬菜、菇類、丸同麵，飲品選擇都唔少，仲有乳酪雪糕添！湯底有6款選擇，個人就鐘意壽喜燒湯底，甜甜地幾好味！午餐限時90分鐘，時間十分充裕～

雖然呢間係連鎖式打邊爐店，但係聽朋友講性價比都好高，所以今日lunch 就試一試佢！我揀左最平嘅放題：$108加一，有基本嘅豬牛雞，同埋出面自助夾其他配菜。湯底就揀左壽喜燒，佢會比埋隻雞蛋你！呢度嘅火鍋係一人一鍋，就算同朋友想食嘅湯底唔同都冇問題！首先，佢一定會比豬牛雞各一碟比你食先，之後想食幾多就再追加！個牛就咁烚完食好普通，但係烚完點蛋醬黎食就好滑好好食個豬反而有驚喜，好味唔會鞋口！之後出面自助配菜有好多蔬菜類，食壽喜燒當然加番d索湯嘅菜：有大蔥、洋蔥、娃娃菜、蘿白、粟米，索哂個湯底，好甜好正！另外仲有芝士腸，豆腐都好食！$100幾蚊打邊爐有咁多野食真係好抵！

第一盤同其後叫既肉，質素差好遠，牛肉煮幾耐都仲係紅色...同第一盤係實色差好遠...唔知肉質雪左幾耐...職員話D肉會點煮都好，因為死既時候唔安詳....🙄🙄🙄🙄.....我聽緊D咩😂...仲要無咩冷氣.. 邊食邊出汗...😶😶

與友人相伴於黃大仙探望共同朋友後便一同進餐，友人和我都很餓，當然就要食任食火鍋友人喜愛牛舌，而牛小排脂肪含量較少，因此我地叫了上級牛小排套餐，可以任食牛肉和牛舌呢！因為與友人相談甚歡，所以沒有影很多很漂亮的相片在牛八用餐的話，肉類需要向職員下單(第一份肉會在選定套餐後主動上菜)，而其他配料、醬料、飲品及甜品也是自助的，沒有隱藏收費的豬肉切得薄所以很快便熟，好適合用來吃火鍋。肥瘦適中，因此不會太油膩，亦不會太硬身雞肉會和豬肉一齊來(但我忘記了先拍照)，雞肉是雞脾肉，不煮過長時間的話，肉質會很嫩，好吃！上級牛小排跟預期脂肪含量較少，但不代表沒有牛味！牛舌火鍋吃牛舌是第一次，還挺驚喜 牛味會比牛肉更濃！總括而言，用餐經驗很好，食物水準不錯，同時服務好，下單上菜的速度也快。