影片
開飯介紹
台式任飲任食火鍋，按所選肉類來收費，另有多款台灣直送的火鍋配料、蔬菜及飮品等可於自助食品區自取。
繼續閱讀
營業時間
今日營業
12:00 - 22:30
星期一至四
12:00 - 22:30
星期五至日
12:00 - 23:00
公眾假期
12:00 - 22:30
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
優惠
(我地平時食飯, 無咩新意, 唔同餐廳都係叫番食開嘅選項就算) 本身打算照舊, 叫番我地嘅例牌湯底…但睇 menu 時, 發覺個 蟲草花白玉藏珍鍋 好靚, 打卡able 嘅同時養生感十足, 嘿嘿… 安排!銅鑼灣店 格局開揚 企理整潔除咗手機落order嘅, 自助區 同樣極多選擇~好豐富 好豐富 好豐富呀!自從牛品有無限時, 我哋每次都係由晚市開始食到晚市完結… 唔好意思啊, 我哋真係食好多嘢…我真係好鍾意呢個無限時套餐, 唔使急 唔使chur, 慢慢傾夠 影夠 食夠, 唔使怕唔夠喉! 我欣賞!每每傾開食經, 就會叫身邊嘅朋友聚餐時記得要黎… 豆花同埋刨冰必食, 但我食得最多嘅係黑糖布丁 我相簿入邊見到自己食咗五個, 但係 有啲可能掛住食冇影相… 呢個黑糖布丁真係好味喎!我今次咁心急嚟銅鑼灣店, 其實 就係為咗呢個布丁… 平時睇得太多大家嘅分享了, 成日見到個布甸 “動L”… 攪到我 好想放題勁食勁飲嘅同時, 食埋呢個出鏡率極高嘅q彈布甸~我哋黎咁多次, 揀嘅都係牛澱品吃到飽套餐~牛牛嘅種類多得黎, 質量都好呀!除咗日本宮崎A5和牛必食, 我哋勁鍾意手切美國頂級封門柳! 軟腍腍肉味濃, 而且油脂感微, 食多幾碟都冇心理負擔~ 除咗各種牛牛牛之外, 水準穩定嘅海鮮都係好選擇呀~ 台灣墨魚仔、日本廣島蠔 同埋蜆 都係我哋每次必叫幾轉嘅~鮮活鮑魚就係跟餐送的, 鮮甜彈牙~1664 Blanc 生啤任飲, 梗係要啤啤佢!易入口嘅“鬼佬涼茶” 係我飛佛, 我飲得好開心~除咗平時食開嘅 麻辣鴨血、台灣香腸、椒鹽粟米 同埋炸午餐肉之外, 今次我哋又開心大發現: 黑糖糍粑!!!呢個 熱辣辣 軟糯糯, 好味啊~ 響牛品每次都有新發現不愧係我哋最鍾意嘅台式吃到飽!
繼續閱讀
佢哋喺銅鑼灣開咗新分店, 而家九龍、港島區都食到啦！座位闊落舒適, 卡位座位靠窗邊, 感覺更開揚～無限時晚市火鍋放題🍲, 有多款台式特色湯底俾你揀, 例如：元氣養生雞湯鍋、牛品麻辣鍋、酸菜白肉鍋、沙茶海鮮鍋等等, 更有各款高質肉類🥩、海鮮、台式小食無限追加, 絕對滿足到食肉獸🔥 新推出兩款春日特飲：西瓜烏龍🍉、芒果益力多🥭, 夏日消暑必飲！個人推介西瓜烏龍, 西瓜汁融合烏龍茶, 甜中帶茶韻, 同時喝到果香與茶香, 回甘不膩🍲「牛殿品」✔️新鮮活鮑魚/每人一隻✔️1664生啤無限量暢飲🍻 我揀咗元氣養生鍋🍲, 用上鮮雞做高湯底, 加上人蔘、紅棗、杞子等養生食材, 湯底好清甜, 非常滋補❣🥩日本宮崎縣A5和牛油花分布均勻細緻, 肉質柔軟多汁, 入口即化！🥩澳洲M9和牛食落有香濃肉味, 肉質鮮嫩, 充滿油脂香氣同肉汁！🥩牛脷心托薄切牛脷心托一客有4片, 肉質緊緻又柔軟任食自助區有丸類、蔬菜等等火鍋配料, 特別推介香芋包心上貢, 芋頭貢丸口感彈牙, 芋泥內餡好綿滑！另提供多款台式夜市特色小食, 有鹽酥雞、麻辣鴨血、墨魚仔🦑、台灣腸、椒鹽蝦🦐、宜蘭蔥餡餅等等。打完邊爐一定要食甜品！除咗有Häagen-Dazs雪糕之外🍦, 仲有綿花冰、豆腐花、新鮮水果🍉🥝 🍍, 非常滿足！
繼續閱讀
今日發掘左一間超正火鍋放題🤩係我哋生平第一次食放題食到100%飽都仲想繼續食🥹任叫日本宮崎縣A5和牛同澳洲M9牛肩胛肉已經夠晒吸引，仲要送每人一隻鮑魚，加埋任飲1664生啤，兼且冇限時，嘆左成晚，飽到差啲行唔到🤣我哋揀咗元氣養生鍋，蔘味恰到好處，甘香得嚟唔會蓋過牛味宮崎縣A5和牛同澳洲M9牛肩胛肉超超超級好食，油脂豐富，而且分布均勻，簡直入口即溶，而火鍋正好減低油膩感，我地起碼encore 左5、6次🥹牛舌心好爽口彈牙，就連其他牛肉、羊肉都好高質😋海鮮一啲都唔馬虎，除咗有廣島蠔，仲有青口，海蝦、蜆、墨魚仔等等，蝦嘅肉質好結實，好鮮甜。平時出街食蝦最怕無味或者霉嘅蝦，今次我哋試完一round要encore😆蔬菜同丸類都好多選擇，仲有好多台式小食，花枝丸同蝦滑都很不錯，但係我哋為咗留返啲quota俾A5和牛，其他丸類就冇乜試到🤣雖然平時我唔係好熱衷於甜品，但係呢度竟是有自助芋圓同綿綿冰，配料種類好多，好想全部試勻晒😩最後仲叫埋每人一杯春陽茶事飲品，完全係捧住個肚返屋企🫠
繼續閱讀
牛品無限時午市火鍋無限時午市火鍋的概念令人感到非常實惠，尤其適合牛肉愛好者😋😋😋隨心所欲咁享受高品質肉類同新鮮配料😆😆😆澳洲M9和牛澳洲M9和牛肉質極為鮮嫩，油花分布均勻🐂🐂🐂烹煮後既風味令人驚艷，入口即化，無論係涮煮定直接享用，都感受到其獨特風味🥳🥳🥳新鮮海鮮新鮮海鮮，肉質鮮美，搭配火鍋湯底，令每一口都充滿海洋鮮味🐙🦑🐟 其中魷魚仔同沙白都十分美味，提升左整體火鍋既層次感😛😛😛炸物炸物酥脆口感更加為火鍋增添唔同既風味，外皮金黃酥脆，內部鮮嫩🤩🤩🤩其中炸午餐內作為小食非常受歡迎，令人一試成主顧🥰🥰🥰手工芋圓、仙草、椰果手工芋圓、仙草和椰果等多款台式甜品搭配更為火鍋餐後增添甜蜜感🤓🤓🤓口感Q彈，清新風味更令人感到愉悅✌🏻✌🏻✌🏻哈根達斯哈根達斯濃郁雪糕為用餐體驗增添實在既奢華感，並提供2種口味🍨🥧👏🏻非常滿足甜品愛好者需求😚😚😚自家制刨冰自家制刨冰清爽口感令人倍感消暑🤩🤩🤩非常適合係火鍋後享用，整體用餐體驗更加完美😍
繼續閱讀
夜晚嚟咗呢間牛品食火鍋放題，1830前入座就可以有早鳥優惠。我哋揀咗中間價位嘅牛御品吃到飽套餐，早鳥價每位$319已經可以食到澳洲M9和牛同USA Prime Beef放題，食足120分鐘。湯底有10款選擇，我哋就揀咗黑蒜黃金鍋，湯入面除咗有原粒黑蒜，仲有蜆。先講自助吧，分為4大區域，除咗有蔬菜、丸類等嘅自助火鍋配料區，仲有台式小食熟食區、甜品區同飲品區，無限量供應超過100款嘢食飲品。肉類嘅質素唔錯，重點當然係澳洲M9和牛肩胛肉，油花分佈平均，入口肉質非常之腍嫩。美國特級牛小排同美國頂級牛肩胛肉都唔錯，腍得嚟肉味香濃。其他仲有好似加拿大頂級牛板腱、美國牛胸腹、西班牙栗飼豬、新西蘭羊卷肉、花雕醉雞件等都係任食。除咗肉類，好似青口、蜆、海蝦、黑魚片呢d海鮮亦都可以任叫。我哋食嘅牛御品吃到飽套餐，仲有送鮮活鮑魚同春陽茶事手調茶飲一杯，我哋就叫咗桂花蜜烏龍同鳳梨蜜烏龍。送嘅鮑魚都幾大隻，夠新鮮，口感爽彈。呢到嘅甜品區有齊布甸、雪糕、豆腐花、芋圓等嘅甜品，仲有唔同嘅自助配料好似珍珠、西米、啫喱、寒天、桃膠等可以diy炮製自己想要嘅配搭。餐廳依家用App join會員就會有85折，食其中幾款放題仲可以玩夾公仔機一次，有機會夾到公仔、Häagen-Dazs雪糕券、現金券、和牛卷等豐富獎品。。。牛品台式火鍋 (銅鑼灣)銅鑼灣登龍街1-29號金朝陽中心二期 - Midtown 1樓。。
繼續閱讀