影片
營業時間
今日營業
11:30 - 16:00
17:00 - 23:00
星期一至日
11:30 - 16:00
17:00 - 23:00
公眾假期
11:30 - 16:00
17:00 - 23:00
公眾假期前夕
11:30 - 16:00
17:00 - 23:00
*午市最後落單時間: 15:30
晚市最後落單時間: 22:30
以上資料只供參考, 請與餐廳確認詳情
有關獎賞計劃
相關文章
一年四季都好鍾意打邊爐，原因係因為可以食唔同嘅嘢，而且熱辣辣。將軍澳呢間分店環境乾淨，而且座位都好闊落，坐得十分舒服。湯底亦都定期有新出嘅湯底，適合唔同人嘅口味，今日依然選擇麻辣湯底🥳日本黑毛和牛A4+吃到飽(每位$488)海鮮拼盤拼盤種類非常多，包括有生蠔🦪、鮑魚、蟶子、帶子，每一款都係頂級食材，而且大大隻非常新鮮🤤🤤🤤澳洲和牛牛丸個套餐會送咗每人兩粒和牛牛丸，真係特別唔同，牛味十足，而且好有肉汁喺入邊🙈🙈🙈🙈日本黑毛和牛A4+最吸引莫過於呢個牛肉可以任食，一上枱見到個和牛就知道一定好好食🥳睇得出油花分布得好好，淥咗一淥就食得了，果然入口即溶，肉味非常濃郁，牛香味散發出嚟🥩伊比利亞黑毛豬梅肉即管試一試呢個豬肉片，豬肉片相當唔錯，切得都算薄，唔需要淥太耐，食落去唔會好硬，相反味道濃郁亦都好嫩滑👍🏼👍🏼👍🏼自助區喺出邊有一個自助區，各式各樣嘅蔬菜，丸🍡，飲品，麵食都可以攞到，甚至仲有自助雪糕可以食，滿足唔同人嘅願望😻QR code食物提供咗好多唔同嘅台灣美食，當日仲有熟食鮑魚，試咗古法醉鮑，醃製得非常惹味😍仲有炸魚皮、章魚滑、雞軟骨，各式各樣嘅嘢食，樣樣都十分吸引牛大人台灣火鍋吃到飽 (將軍澳中心) (將軍澳)將軍澳唐德街9號將軍澳中心2樓PopFood 3號舖
繼續閱讀
天氣凍咗最適合就係打邊爐，早前嚟到有好多間分店嘅人氣火鍋店「牛大人」🍲！基本上八點左右已經滿座！建議食牛大人真係必須要book位！今次我地試黑毛和牛A4+ 套餐 （$488+10%service charge/位）🐮最鍾意呢間火鍋店，因為佢有超多湯底可以選擇，每款都好特別，而我哋今次揀咗限時湯底胡椒豬肚湯🐷，非常香濃嘅湯底，胡椒豬肚湯煲到奶白色，入邊嘅豬肚雞都非常足料😛叫呢個套餐一入座每位贈送M9和牛牛丸，同海鮮拼盤😝牛丸爽口爆汁非常Juicy ，海鮮拼盤包括扇貝、生蠔、巨型聖子同埋鮑魚！每一樣都非常新鮮😋😋日本黑毛和牛A+🐮黑毛和牛非常鮮嫩，油脂分布平均，牛肉有入口即溶嘅感覺，非常出色，絕對對得住呢個價錢！另外我都特別推薦墨汁魚滑 ，佢好似蝦膠咁非常爽口，食落有濃濃嘅墨魚汁味！無論自助區同埋手機落單嘅食物，都一如以往嘅新鮮同埋多多種類選擇！不枉我每次食火鍋都首選牛大人🙈🙈🙈📍 牛大人台灣火鍋吃到飽 (將軍澳中心) (將軍澳)將軍澳唐德街9號將軍澳中心2樓PopFood 3號
繼續閱讀
天氣凍都係打邊爐最正😎 想食正牛牛當然首選牛大人🐮❤️ 今次黎到將軍澳分店，再食佢哋一級棒嘅日本黑毛和牛餐🥰 黑毛和牛大大盤勁吸引😚 片片超大塊勁厚切，肥瘦恰到好處👍 食落軟嫩又鮮美，啖啖牛香，柔滑可口🤤 真係食極都唔夠🤣 除咗最頂級嘅和牛，佢哋嘅牛板腱都好唔錯架🥰 厚薄恰到好處，口感緊緻又不會太韌，啱曬鐘意食瘦d 嘅朋友仔😚跟和牛餐仲有大大個海鮮拼盤送架🤤 內有鮑魚、帶子、蟶子同埋青口🤩 全部都好新鮮勁飽滿😘 非常高質❤️ 記得叫埋佢餐廳誠意料理嘅三款熟鮑魚🤤 隻隻彈牙又入味🤗 唔食走寶🥴 餐廳仲有多款海鮮漿類、丸類、海鮮、蔬菜等火鍋配料無限提供😍 真係勁豐富大滿足🤤 跟餐送嘅和牛丸絕對係誠意之作😚 必食😆 餐廳同Kitkat 雪條有聯乘合作，可以無限任食兩款新出雪條😍 另外仲有Dreyer’s 同埋Movenpick 任拎唔嬲☺️ 真係勁開心超滿意✅
繼續閱讀
過年去到將軍澳拜年對呢一區唔係太熟但係見天氣咁凍就緊係搵間打邊爐烚吓烚吓因為過年想食豪啲就嗌個最高級嘅餐嘆吓呢120分鐘入面個口同手真係冇停過咁不斷郁緊😆講返呢個餐嘅價錢先19:30前離座 $44821:00-23:00 $468正價時段 $488 小童價錢 $348呢個餐除咗主打日本黑毛和牛A4+同埋各款鮑魚放題！有炭燒又有燒汁仲有醉鮑另外呢個餐係有送海鮮拼盤所以湯底就冇揀麻辣揀咗剝皮辣椒雞湯呢個湯唔係辣反而係清清地嘅味而且今次食咁高水準嘅和牛個人覺得都係適合揀返比較mild嘅湯底個黑毛和牛出色就唔洗多講都要強調返個油脂平均而且塊牛唔透唔薄食咗兩輪已經覺得超級大滿足😌伊比利亞黑毛豬梅肉都同平時嘅唔同冇咗陣豬味之餘食落亦冇乜負擔本身牛大人嘅配料今次都冇乜點食因為食肉已經已經食飽咗😆
繼續閱讀
湯底有10款可以選擇，除咗麻辣湯底仲有養生湯底，岩曬想打邊爐但又唔想食得太濃味嘅朋友aka我朋友😂今次揀咗和牛set!!!!A4和牛嘅脂肪分佈令到肉質更加嫩滑同多汁。套餐送嘅和牛牛丸，多汁之餘仲好重牛味☺️海鮮拼盤有生蠔、鮑魚、扇貝同蟶子，全部都好新鮮😝除咗肉類、海鮮同蔬菜仲有好多台式小食可以試，台灣腸同甜不辣真係我必嗌！📍 牛大人台灣火鍋吃到飽將軍澳唐德街9號將軍澳中心2樓PopFood 3號舖
繼續閱讀