台式火鍋放題店「牛大人」一向人氣高企，適逢邊爐癮起，嚟打邊爐就最好了👀佢哋火鍋放題有兩個鐘，我同朋友揀咗澳洲極上和牛套餐❤包括有澳洲和牛M5牛肩卷、手切封門柳澳洲和牛M5牛肩卷、安格斯特選牛板腱、美國PRIME極級肩里肌、安格斯一口牛肉粒、牛五花、豬梅肉片、羊卷肉、花彫雞酒件等等，特別推介澳洲和牛M5牛肩卷，油脂甘香，喺湯底拖幾吓就入得口💁安格斯特選牛板腱同樣牛味十足，甚為吸引～要喺度食到回本真係輕而易舉！ 入座時更會奉送每人兩粒———爆汁夠彈牙嘅澳洲M9和牛牛丸，非常抵食🙌
食火鍋，除咗肉類要新鮮，一個高質嘅湯底能為食材錦上添花，絕對係靈魂所在！我哋叫咗鴛鴦鍋，分別係「🍅醍醐蕃茄酸辣鍋🌶️」及「三椒酸菜鮮魚鍋🐟」
睇睇枱上嘅宣傳menu，原來牛大人仲同雞蛋界之皇嘅夢王做緊合作，惠顧澳洲極尚和牛吃到飽套餐，就會送夢王生雞蛋或醬油溏心夢王蛋，我同朋友都揀咗醬油溏心夢王蛋🥚果然夢王蛋嘅蛋味香濃好多，蛋黃更香濃甘香，配合醬油味十分滋味，食完超滿足👍是次合作屬限定期間，另外仲有夢王布丁珍珠奶茶 (LIKE 社交平台就有得送)、夢王布丁、三色鮮蔬夢王脆蛋可供選擇☺想試就要快手啲了！
火鍋配料一部份喺出面自助任夾，而部份就需要於QR code落單～火鍋配料種類有好多✔例如海鮮類有大蝦、沙白、脆肉鯇魚腩等；手打海鮮漿例如澎湖花枝漿、干貝鮮魚漿、章魚珍珠漿等；特別啲嘅仲有麻吉燒、花蓮扁食、蛋餃、各式水餃、燕餃、蝦餃、豬血糕、大黑輪、美人花膠、鬼馬老油條... 小食方面有梅甘鬆脆薯、糖醋甜不辣、魚香皮蛋豆腐、士林鹽酥雞... 篇幅有限真係寫唔曬了🤚
1️⃣晚市叫『極上和牛套餐』，每位可選『夢王生雞蛋』/『醬油溏心夢王蛋』一隻
2️⃣小食『三色鮮蔬夢王脆蛋』任叫任食
3️⃣有得揀『 夢王布丁🍮』做甜品
食到辣嘅可以試下佢哋新推出嘅「醍醐蕃茄酸辣鍋」、「三椒酸菜鮮魚鍋」。至於完全食唔到辣嘅我哋就揀咗「眷村白玉酸菜鍋」🤣。濃濃嘅發酵酸菜味，有多五花腩片但整體口味都係偏向清爽。
最好食嘅牛肉係👑SRF美國黑牛後腿肉。我哋試咗「手切封門柳」、「澳洲和牛M5牛肩卷」都覺得比較韌。海鮮滑類就一貫水準，隻隻都好食。食過好多間任食冇一間夠呢度正🫢。👩🏻覺得最鮮甜係蟹籽墨汁漿。
影片
