牛奶冰室 (形點 II)

營業中

休息中

真係好難食，太油，河粉碎到冇得再碎，至於”牛肉”, 有一兩塊超級細瑰又太燶，其他牛肉碎像極廚餘。不可一，不可再。環境我個位算座得舒服，有大空間放袋，但眼見其他2人枱真係好細。

早餐，下午茶都食過，中規中矩，價錢稍貴，味道唔差，今次就試埋個晚餐。8:30到，但都未能即時入座，等咗5分鐘左右啦就入到去啦，睇餐牌發現原來佢都有晚市小菜套餐，一個餸跟杯嘢飲，沒有湯，可能因為太夜，好多菜式都售罄，最後叫咗家鄉蓮藕馬蹄煎肉餅，圖片只供參考，真實模樣似一個炸土魷肉餅，好少馬蹄同蓮藕，沒有馬蹄蓮藕嘅爽脆質感，亦都冇馬蹄嘅清甜，但有炸肉餅嘅香脆，味道都好味。另一個餸就叫咗梅菜蒸鯇魚，切片上，肉身厚滑，但多骨，要小心進食。白飯好食肥肥軟軟，似日本米。

好中意佢個菠蘿包，有2種芝士夾喺入面，有鹹香流心嘅車打芝士，仲有拉絲嘅mozzarella 芝士😍😍😍個包熱熱地，加上鬆脆嘅糖酥皮真係好正！！平時經過就咁叫佢焗熱買嚟做早餐或者high tea都正啊！！雖然22蚊個唔算平，但偶爾獎勵下自己都應該嘅

唔只一次，晚市用qr code 落單，飲品到但飯唔到，等完又等，問完侍應問左幾次（每隔10分鐘問一問，最後30分鐘個飯仲係唔來），跟著屋企人都食飽，碟飯都仲未到，谷鬼氣唔食取消。 今次係第二次了，唔該真係正視一下呢個問題，長期咁落去真係會無番頭客。另外同時段其他客人都等左好耐無飯到，又係得飲品到，到我離開個陣佢地都仲係無飯既。

今日到元朗形點II附近工作，午餐時間便到形點II 牛奶冰室用膳，打開餐牌，發覺選擇很多，我點了酸菜魚湯套餐，套餐可選飯或米線。我選了米線，餐飲點了冰咖啡，套餐來了，先喝了一口湯，湯味濃郁帶品麻辣，即引起食慾，再試魚肉，口感嫩滑，米線亦見彈牙。餐飲冰咖啡，咖啡味濃。全餐都是71元，物有所值。

能夠令我寫負評，其實都非常困難，不過食物質素真係一次比一次差，今次以為食緊『Party到會』，仲要係平價果種，食物唔熱不止，煎蛋凍冰冰，雞翼又係凍既，飯終於有暖既感覺，不過硬到好難食，食平價Party到會，就係呢種感覺，終於死心，唔會再食。再睇下其他分店，又係負評多多，態度又差，真心依家咁既服務同食物質素，難怪咁多香港人話北上消費食嘢，連基本都唔做好，自已搞死香港自已，唔好怨人，自已攞黎衰，無得救。

嘢难食,服務极差,等候時間超长,似乎不乐意做一人生意,拿一人位的筹几耐都不叫,今天中午去,明明有一人位,都要等到有兩人來才叫,我如果是一个人的不建議去.卫生环境也超差,

形點無什麼食店可以選擇，打算近近地食完可以坐車走，本身行李多，要求要個旁旁位可以唔洗阻人，或者整到其他食客，店員係都帶去幾張枱中間，我解釋左行李多驚整到人，可唔可以比旁邊位呢？店員：無喎，係甘架啦。（眼見有一張二人枱，一張四人枱係最邊）呢間野連幫襯都唔想，即走。

去過幾次，有1次2個人去，帶位帶去坐張4人枱，坐底然後另一個又話係4人枱，要我地坐第二度要上梯級既位，我媽腳痛唔想轉，冇耐又另一個服務員埋黎叫我地轉枱，我發火話點可將客人當波踢來踢去架，心情差之後食野都變冇味，之後都有再去，但最近一次又發生將客當波踢，我直接走人決定以後唔幫襯

牛奶冰室於Yoho Mall開咗得，最近比較幫襯得多，所以都想同元朗街坊分享一下最近的體驗。晚飯時間於荃灣放工，預先於外賣平台落定order稍後自取，而當時系統顯示為30分鐘後 (即8:00pm) 可以取。8:05pm到達餐廳時，職員話未出，後來追問幾次，最終於8:31pm攞到外賣，即係遲咗足足半小時。遲到都算，仲要個中式牛柳搞到燶晒。今日下午放假，同家人於5點坐低食下午茶，5:05pm用QR code入完機後，份三文治餐10分鐘就到，不過家人點的炸雞髀餐要5:37pm先到，即係要超過半小時出份雞髀。勸喻大家如果趕時間，堂食及外賣都考慮其他餐廳。

#港女覓食到元朗呢間餐廳屬於靚仔嘅茶餐廳，燈火通明，座位夠闊落，岩曬一家大細幫襯架。餐牌都有分早餐、午餐、下午茶&晚餐。佢地嘅早餐好抵食又大份，而且都有多款選擇，實有一款岩你😁我地個日去食午市揀左✨豉汁涼瓜牛肉飯 $62涼瓜爽口帶點苦澀味，如果煮淋D入更入味和更軟。牛肉夠嫩滑。✨星州炒米 $64咖喱粉夠惹味，米粉爽口彈牙，碟粉好夠火候，熱辣辣，配料入面嘅蝦都多。✨牛糖牛乳涼粉冰 跟餐補+$9即使叫左少甜都仲好甜😂而且奶味也不夠濃，下次都係飲返茶記有嘅奶茶/檸水啦😝佢地人手略嫌不足，要叫幾次先有人彩我😂 點餐用QR code 下單，餐牌放係枱底下位置。✨總結人均消費💸：$73/1人味道：🌕🌕🌕🌑🌑份量：🌕🌕🌕🌗🌑服務：🌕🌕🌗🌑 🌑質素：🌕🌕🌕🌑🌑🍴 牛奶冰室 (形點 II) (元朗)📍元朗朗日路8號形點 II L1樓A101號舖::::::::୨୧::::::::୨୧::::::::୨୧:::::::::୨୧:::::::::#hkfoodie#eat#gathering #food #foodphotography #foodblogger #foodstagram #instafoo

趕時間千萬千萬唔好食 如果想食我會建議你叫外賣 因為叫外賣就算遲叫都會快過堂食 堂食係會等到燥！ 要等超過三十五分鐘或者四十五分鐘先會上菜 但外賣就等15分鐘就有！因為一味淨係出外賣！你越催就越慢 你急佢唔急！又或者你等到等無可等，你催佢先會去跟！但都係繼續等！一個字，亂！兩個字，好亂！好慢！（如果你退休又唔介意等、你可以食！即將退休都可以食，不過可能等到退休）服務質素亦唔好！唔會再幫襯！等多過食！如果幫襯就真係祝君好運！

平時都唔會寫食評，今日就幫下手寫一單收工返到屋企附近醫肚，見到一堆人喺門口等位，即時轉叫外賣，叫完先去supermarkets，諗住下陣返黎有得拎。買埋野20分鐘後返黎問下外賣有未？換黎黑衫頭箍姐姐一句外賣係要等，心諗「ok你哋忙，我等下先」。企喺門口等多左10分鐘覺得唔對路，再問下收銀姐姐，佢話幫我跟跟，再等一路等就一路聽到越嚟越多人問外賣，原來門口企一大堆人係等緊外賣，有最少5張單係等一個鐘以上嘅🥶原來我都未夠資格去問到我未，但重點係堂食嘅人都食飽埋單都無外賣出… 到最後我有安慰自己都係等左55分鐘，未夠一個鐘… 要食嘅就唔好考慮外賣喇BTW，唔好諗住一早用app 叫定就得，得一個鐘以上嘅有一半都係叫定先🫢

呢間野只係掛住點樣入多D傻仔入去，冇諗過要點俾服務個客。坐低，又吾俾QR Code個客。落完單，將個客既食野放足4分鐘。仲要個客三吹買四請送餐。等呢間野執啦！呢個集團旗下餐廳可以吾食。

服務差，外賣跟他講龍啲多檸檬汁服務員就只係打咗龍啲，多檸檬汁都冇打：乾炒牛河要多薑粒，直頭冇打，感覺我有我講，佢有佢打，完全唔聽客人嘅要求，咁就唔好比選號客人啦，而且我係直接講出要求包佢都打唔到，都已經唔係第一次㗎啦，其實真係有啲差可服務，希望可以改善啦