牛奶冰室 (Park Circle)

營業中

休息中

特登加錢加3隻流心蛋 ，收到嘅係三隻全熟蛋蔥油豬扒飯有豬扒冇蔥油，唔知點解幫我自動走埋汁收工夜麻麻屋苑其實都冇乜好選擇叫咗簡單一個飯另加杯熱飲買外賣都要等十幾分鐘

買回家的外賣並非我落單這些，第一和第二次因太夜算喇，唔啱食都算啦！今日再次出錯，我取回外賣往牛奶冰室處理，員工態度極差，咁多外賣總有出錯㗎啦，整番畀你囉！態度好串，是否牛奶冰室容許員工這樣對客？？？牛奶冰室外賣出錯，我要番自己落單的食物，竟然遭服務員惡意對待，請牛奶冰室好好檢討員工態度！

位於Park Yoho內Park Circke嘅牛奶冰室，環境優美，可面向一大片綠油油嘅樹林，遙望屯馬線列車定時駛過，未食嘢已經覺得非常舒適。今次去點嘅係勁蔥油雞扒飯，再加一杯茶走。雞扒非常大件，香脆可口；勁多嘅蔥非常香、爽、脆，唯獨豉油就鹹咗啲啲，早知應該另上，想食幾多就自己加幾多。枱面及櫃桶雖然冇提供餐巾紙，如有需要可以向店員要求。如果想食健康啲，可以用18文加碟菜，份量十足非常抵食。埋單可以揾店員攪或者以自助方式喺出入口部機攬掂，但部機嘅屏幕接觸並不靈敏，須要重復按先至有反應

自從惠顧牛奶冰室後，便愛上了，是日和朋友們又再到訪，歎番個靚靚下午茶焗豬扒飯五香肉丁蔥油撈麵香茅豬扒煎蛋飯叉燒炒滑蛋多士配薯條整體食物質素中規中矩，豬扒厚身，撈麵微辣惹味，炒蛋香滑，薯條香脆

新年落樓下食牛奶冰室人多之餘，又要排隊一般茶餐廳水平，炒蛋係好食嘅，食咗兩三次，今次係一般水平。尤其是沙嗲公仔麵仲係硬身的。應該唔會有下次了。服務水平一般，如果唔係方便喺樓下度唔會食

今日休閑嘅星期六嚟食過午餐今次試吓咖哩牛腩飯咖哩味幾好，不過食物溫度係爭啲已經堂食，好快就凍了。如果係溫度上可以再改善下就會好好多而且其中一個餐要三吹四請都係無嚟。所以屋企人都係餓住走。呢個位就要好好改善。

放假🏖️喺屋企樓下食個午餐屋企人好想試紅豆冰同芙蓉蛋飯，我就食蔥油豬扒飯。紅豆冰，味道正常，不過冰多。紅豆有咬口。芙蓉蛋飯，正常茶記水準。不過同平時出面嘅茶餐廳比較，佢嘅餸係麻麻地，一般水準。蔥油豬扒飯，蔥油味係好，不過豬扒肉質就拿到好林。所以都係一般水準。而性價比就一般或以下。最後，就係屋企人因為杯紅豆冰而肚痛，應該杯紅豆冰唔乾淨。之後亦在網上見到不少鄰居話食完佢嘅嘢就肚痛。因為我哋下次都唔會叫了。

牛奶冰室開左好多分店，質素間間都差唔多架喇。而呢間牛奶冰室開左之後，方便咗好多踩單車既人係到休息食飯。 講吓呢度嘅上餐時間係比較慢，但係食物質素唔差呀。 做到落單即叫即整， 食物新鮮整起熱騰騰， 多士脆口，焗芝士菠蘿麵包外皮夠脆口內裏夠晒流心。 推介生滾薑絲牛肉湯通粉全日餐 同雞翼撈公仔麵配黑糖涼粉冰（兩個餐都係大概～$60）。如果下午茶時間黎到， 可以試埋個芝士菠蘿麵包， 但係有d 膩， 要兩個人share 先食到總括黎講。 一間質素唔差既茶就， 但係預左多人時間上餐會比較慢。

其實食過3-4次，個炒蛋同熱奶茶係好味嘅（但記得檸類產品佢地係出檸汁無得篤檸檬的）。樓面姐姐都大致上有禮，不過好多時都唔係好幫到手。戲肉係星期六早上想食個快茶記早餐，又想飲奶茶，等位都等咗一陣，唔叫耐，之後自助落單，都無事。。。等等等等等，15分鐘嚟咗個多士加蛋先，水吧應該有啲冧檔，再多10分鐘有野飲，但等足30分鐘碗麵都未到，而我又食咗佢嘅蛋同飲咗2啖野，走又唔係，但見住佢無。停。過。出熊貓個啲單，個人就有啲嬲，即係啲車手會鬧你地你地就出單先，我呢啲坐咗係你舖頭就可以唔理住？行埋去出餐位講，啲阿姐開始唔好語氣同廚房講「人地話等咗半個鐘呀你出餐啦」之後我隔離檯遲我20分鐘到嘅麥皮都到咗之後我就收咗碗浸咗30秒嘅福麵，加雞碎粒嘅雞件其實三四十蚊唔會預食咩好味到飛天嘅野，但係阿廚房要發爛渣唔係咁樣呀？我不如行多2步去第2啲茶記食啦。當然一個post唔代表啲咩，但個日我見唔係得我一個等咁耐而大家都好奇怪發生咩事

自從二月份知道呢間連鎖店嚟ParkYoho插旗，起初不敢抱有太大期望，因為見到其他分店食評只係好壞參半！！我自從四月份喺呢度喝了第一杯「熱奶茶」，發現中招了，現在每周都希望可以再飲到一次或兩次。。。香濃的紅茶味道和濃郁的牛奶，兩種液體交織在一起，創造出滋味深厚的3D層次美感。黑白奶那嫩滑的程度，真係難以形容，加上水吧調控出完美無瑕的比例，相比其他茶記真係不能找到的味道，再加埋茶葉的濃度恰到好處，不會苦也不會澀，喝起來順口順滑，那微熱的溫度和茶香口感，令整杯奶茶層次更加豐富，真真正正是日常生活中必不可少的。

根本唔係一次好嘅體驗。 我哋喺嗰度坐咗15分钟，冇人嚟接我哋嘅訂單或畀我哋帶水。 另一個家庭咗嚟，並立即得到了服務。 工作人員係可怜嘅，需要給予適當嘅培訓。 我推薦旁邊嘅越南餐廳，因為佢哋嘅服務同食物要好得多。 我中意呢間餐廳嘅咖喱魚，但唔會只為咗道菜翻嚟。 我想喺呢間餐廳，如果你唔係本地人，咁佢哋唔會為你服務。Yoho Mall仲有另一家分店，如果你真的想體驗他們的食物。 佢哋嘅服務要好得多。 如果唔改善呢項服務，我認為呢間餐廳唔會喺呢度持續好長時間。

嘢食中規中矩，一般茶記水準幾欣賞佢個蒜油多，底脆牛油味濃蒜味夠同埋好多野食都可以自己客製化要求例如雙蛋可以係全熟、流心、半焗、太陽蒜油多士都可以轉白包凍檸茶可以揀濃淡/多少檸檬汁服務都唔錯落單係用手機scan qrcode落單啱曬社恐人士😙不過唔知係咪多人 坐埋去張枱都有啲多士碎未抹乾淨 但冇乜大影響 價錢方面淨雪米$32 加多$8就可以有雙蛋同多士仲有免費跟餐熱飲以屋苑餐廳嚟講呢個價錢性價比好高🤝🏻Ps:多士應該係有2塊 但食咗塊先記得影

行過聽到餅櫃店員講有出爐蛋撻，所以興致勃勃走入新店去搵咗一個座位，叫咗杯熱奶茶加一件蛋撻，期待享受美味佳點。點知原來蛋漿味道怪怪地，估計應該係二次出爐問題？！蛋漿vs蛋皮已經嚴重離層及出現下陷，外觀已扣了20分，入口後更加失望，再扣80分。店員友善的聲音蒙騙左我的思維，其翻焗行為偽稱為剛剛出爐，相信對其餅房的烘培廚師之高超巧手製作技術，嚴重徹底地摧毁了，對食客也極度失望，也支持者大家的期望。記得小時候喺深井區住，有一位具有半世紀經驗的烘培廚師講過，所有西餅及麵包由出爐開始，都各有不同落架時間，限時後必須丟棄到垃圾桶，不應該再作陳列或出售，否則會影響其質素及商譽。然而，依希記得蛋撻黃金入口時間為兩小時之內。Anyway希望貴餐廳可加強控制食物質責，尤其員工方面，期待下次有更佳的體驗！

<📍元朗> 荒島中的美食今日試左屋企附近新開既牛奶冰室，牛奶冰室我聽就聽得多，一向都有唔少好評，今次我就第一次黎試。⭐️酸菜魚米線我自己本身好鍾意食酸菜魚，我第一時間見到有酸菜魚，就即刻叫左😍。本來都無乜太大期望，始終都不能夠同出面專門食酸菜魚既比較，但最後結果卻令我喜出望外。估唔到冰室既酸菜魚都咁好食，條魚好新鮮，魚質夠滑身，湯底呈奶白色，好鮮味，唔太辣又唔太酸，酸菜同辣椒既配合度，亦恰到好處，個湯又好飲，撈飯一定仲更加美味。酸菜魚既份量亦都唔少，入面仲有配料包括：酸菜、芽菜、萵筍、本菇。好味指數：⭐️⭐️⭐️⭐️⭐️ (5/5)⭐️黑糖牛乳涼粉冰我驟眼睇平均每枱都點左一杯哩款飲品，我就即刻點黎試下，果然非常之好飲😋 我叫左少冰少甜，所以唔會好甜。濃濃的黑糖混合牛奶既味道，感覺非常濃郁，但不會太甜膩，加埋涼粉，口感非常清爽又解渴，真係最適合炎炎既夏日必飲之選。好味指數：⭐️⭐️⭐️⭐️⭐️ (5/5)整體而言，第一次去茶記點酸菜魚，仲要咁好食，真係一個非常好既體驗，餐廳仲有好多其他款既野食可以叫，一路食既過程中，聽到隔離有唔少食客一邊食一邊話好好食，下次一定會再去，要試晒佢地其他菜式❤️推介指

朱扒飯要點樣配搭，先叫做好味呢？這裡搵到答案。朱扒不是大件先好味，其實每件要有少量骨連繫上肉塊，才能帶得出肉的香味，若單單是肉而沒有骨，只有感覺似吃瘦肉或肥豬肉。然而，半生半熟雞蛋必須選擇中國或日本產的，才能自然地帶出飯香。呢間店相信刻意去挑選朱扒的位置，兩塊大大肉質鮮嫩朱扒，配上兩隻不平凡的雞蛋，焗到半生半熟，直至上枱仍有流心效果，蛋的香味令整體味道加上了分數，建議大家不用加豉油，要求改為少少蔥油味道更佳！